കാർ ഡിവൈഡറിലിടിച്ച് മറിഞ്ഞ് ഒരാൾ മരിച്ചു; നാലു പേർക്ക് പരിക്ക് : Deepika.com Kerala News |

Click here for detailed news of all items

കാർ ഡിവൈഡറിലിടിച്ച് മറിഞ്ഞ് ഒരാൾ മരിച്ചു; നാലു പേർക്ക് പരിക്ക്

Sunday, March 17, 2019 12:48 AM IST

ചാലക്കുടി: ദേശീയപാതയിൽ ക്രസന്‍റ് സ്കൂളിനു സമീപം നിയന്ത്രണംവിട്ട കാർ ഡിവൈഡറിൽ ഇടിച്ച് മറിഞ്ഞ് കാറിൽ സഞ്ചരിച്ചിരുന്ന ഒരാൾ മരിച്ചു. നാലുപേർക്കു പരിക്കേറ്റു. ഈരാറ്റുപേട്ട പൂഞ്ഞാർ മൂശാ രിപറമ്പിൽ മാത്യുവിന്‍റെ മകൻ തോമസ് മാത്യു (തോമാച്ചൻ-33) വാണ് മരിച്ചത്.

പരിക്കേറ്റ പൂഞ്ഞാർ കല്ലൂർ വീട്ടിൽ ബെന്നി ജോർജ് (35), ഭാര്യ നിമ്മി (30), തീക്കോയി മേയ്ക്കാട്ട് അനീഷ് മാത്യു (36), ഭാര്യ റാണി (34) എന്നിവരെ പരിക്കുകളോടെ സെന്‍റ് ജയിംസ് ആശുപത്രിയിൽ പ്രവേശിപ്പിച്ചു. ഇന്നലെ രാത്രി ഏഴോടെയായിരുന്നു അപകടം.

തൃശൂരിൽ ഐഇഎൽടിഎസ് പരീക്ഷ എഴുതാൻ പോയി മടങ്ങുകയായിരുന്നു കാറിലുണ്ടായിരുന്നവർ. പരിക്കേറ്റവരെ ഉടനെ സെന്‍റ് ജയിംസ് ആശുപത്രിയിൽ എത്തിച്ചുവെങ്കിലും തോമസ് മാത്യുവിന്‍റെ ജീവൻ രക്ഷിക്കനാ യില്ല.

ആശുപത്രിയിലുള്ളവരുടെ പരിക്കുകൾ ഗുരുതരമല്ല. കാറിലുണ്ടായിരുന്ന ഒരാൾ പരിക്കൊന്നും കൂടാതെ രക്ഷപ്പെട്ടു. തൃശൂരിൽനിന്നു കോട്ടയത്തേക്കു പോകുമ്പോഴായിരുന്നു അപകടം.

തോമസ് മാത്യുവിന്‍റെ ഭാര്യ ഷാലു. മകൾ: ആൻഡ്രിയ. അമ്മ: ടെസി. സഹോദരങ്ങൾ: നിർമ്മൽ, ടിന്‍റു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.