എറിന് ലിസ്ബത്ത് ഷിബു കെഎല്‍എം ആക്‌സിവ ഫിനാന്‍സ് വൈസ് പ്രസിഡന്‍റ്
Tuesday, April 29, 2025 1:13 AM IST
കൊച്ചി: കെഎല്‍എം ആക്‌സിവ ഫിന്‍വെസ്റ്റിന്‍റെ മാനേജ്‌മെന്‍റ് തലപ്പത്തേക്ക് എറിന് ലിസ്ബത്ത് ഷിബു എത്തുന്നു. വൈസ് പ്രസിഡന്‍റ് (ഫിനാന്‍സ്) ആയാണു നിയമനം.
ലണ്ടന്‍ ആസ്ഥാനമായ പ്രമുഖ മള്‍ട്ടിനാഷണല്‍ ബാങ്ക് ബാര്‍ക്ലേസിലെ അനുഭവസമ്പത്തുമായാണ് എറിന് കെഎല്‍എം ആക്‌സിവയുടെ സുപ്രധാന ചുമതലയിലേക്ക് എത്തുന്നത്.
കെഎല്‍എം ഫൗണ്ടറും എക്‌സിക്യൂട്ടിവ് ഡയറക്ടറുമായ ഷിബു തെക്കുംപുറത്തിന്‍റെയും ഡയറക്ടര്‍ ബിജി ഷിബുവിന്‍റെയും മകളാണ് കൊമേഴ്‌സില്‍ ബിരുദാനന്തര ബിരുദധാരിയായ എറിന്.
മാനേജ്‌മെന്‍റില്‍ യുവാക്കള്‍ക്കു പ്രാതിനിധ്യം നല്‍കി പുതിയ കാലഘട്ടത്തിനു യോജിക്കുംവിധം കമ്പനിയെ വളര്‍ത്തിയെടുക്കാനുള്ള സമീപനത്തിന്‍റെ ഭാഗമാണു പുതിയ നിയമനമെന്ന് ചെയര്‍മാന്‍ ടി.പി. ശ്രീനിവാസന്‍ പറഞ്ഞു.
ഐപിഒയ്ക്ക് തയാറെടുക്കുന്ന കെഎല്‍എം ആക്‌സിവയില്‍ ഫിനാന്‍സ് വിഭാഗത്തില്‍ നിര്‍ണായക റോളായിരിക്കും എറിന് ഉണ്ടാകുക.