തി​രു​വ​ന​ന്ത​പു​രം: ശ​ക്ത​മാ​യ മ​ഴ​യി​ലും കാ​റ്റി​ലും സം​സ്ഥാ​ന​ത്തു​ട​നീ​ളം വ്യാ​പ​ക നാ​ശ​ന​ഷ്ട​ങ്ങ​ള്‍. ശ​നി​യാ​ഴ്ച രാ​ത്രി​യോ​ടെ താ​മ​ര​ശേ​രി ചു​ര​ത്തി​ല്‍ മ​രം റോ​ഡി​ലേ​ക്ക് വീ​ണ് ഗ​താ​ഗ​ത ത​ട​സ​മു​ണ്ടാ​യി. മ​ണി​ക്കൂ​റു​ക​ളോ​ളം വാ​ഹ​ന​ങ്ങ​ള്‍ കു​ടു​ങ്ങി​ക്കി​ടു​ന്നു.

കോ​ഴി​ക്കോ​ട്- മ​ല​പ്പു​റം ജി​ല്ലാ അ​തി​ര്‍​ത്തി​യാ​യ വാ​ലി​ല്ലാ​പു​ഴ​യി​ല്‍ വീ​ടി​നു മു​ക​ളി​ല്‍ അ​ടു​ത്ത വീ​ടി​ന്‍റെ സം​ര​ക്ഷ​ണ ഭി​ത്തി ത​ക​ര്‍​ന്നു​വീ​ണു ഒ​ന്ന​ര മാ​സം പ്രാ​യ​മാ​യ കൈ​കു​ഞ്ഞി​നു പ​രി​ക്കേ​റ്റു. ഒ​ളി​പാ​റ​മ്മ​ല്‍ അ​ജി​യു​ടെ​യും അ​ലീ​ന​യു​ടെ​യും മ​ക​ള്‍ അ​ന്‍​ഹ (ഒ​ന്ന​ര മാ​സം ) ക്കാ​ണ് പ​രി​ക്ക്. ഇ​ന്ന് പു​ല​ര്‍​ച്ചെ​യാ​ണ്അ​പ​ക​ടം. കു​ഞ്ഞി​നെ മെ​ഡി​ക്ക​ല്‍ കോ​ള​ജ് ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു.

തൊ​ട്ടി​ൽ​പ്പാ​ല​ത്ത് കു​റ്റ്യാ​ടി പു​ഴ​യു​ടെ കൈ​വ​ഴി​യാ​യ ക​രി​ങ്ങാ​ട് തോ​ടി​ന്‍റെ തീ​രം ഇ​ടി​ഞ്ഞു. രാ​ത്രി ഉ​ണ്ടാ​യ ശ​ക്ത​മാ​യ മ​ഴ​യെ തു​ട​ർ​ന്ന് തോ​ട്ടി​ൽ ജ​ല​മൊ​ഴു​ക്ക് വ​ർ​ധി​ച്ച​താ​ണ് തീ​രം ഇ​ടി​യു​ന്ന​തി​ന് കാ​ര​ണ​മാ​യ​ത്. ഇ​തോ​ടെ തീ​ര​ത്തെ ക്വാ​ർ​ട്ടേ​ഴ്സി​ലെ താ​മ​സ​ക്കാ​രാ​യ നാ​ലു കു​ടും​ബ​ത്തി​ലെ 14 പേ​രെ മാ​റ്റി താ​മ​സി​പ്പി​ച്ചു.

മ​ല​പ്പു​റം മു​സ്‌​ലി​യാ​ര​ങ്ങാ​ടി​യി​ല്‍ സം​സ്ഥാ​ന പാ​ത​യി​ല്‍ മ​ഴ​യി​ലും, കാ​റ്റി​ലും കാ​റി​ന് മു​ക​ളി​ല്‍ മ​രം വീ​ണ് ഗ​താ​ഗ​തം ത​ട​സ​പ്പെ​ട്ടു. റോ​ഡി​ലേ​ക്ക് ചാ​ഞ്ഞു​നി​ന്നി​രു​ന്ന ബ​ദാം മ​ര​മാ​ണ് വീ​ണ​ത്. ആ​ര്‍​ക്കും പ​രി​ക്കി​ല്ല.

വ​യ​നാ​ട്ടി​ൽ ക​ന​ത്ത മ​ഴ​യ്ക്കൊ​പ്പ​മെ​ത്തി​യ ശ​ക്ത​മാ​യ കാ​റ്റി​ൽ മ​ര​ക്കൊ​മ്പ് പൊ​ട്ടി​വീ​ണ് വി​ദ്യാ​ർ​ഥി​നി​ക്ക് പ​രു​ക്കേ​റ്റു. കേ​ണി​ച്ചി​റ പു​ര​മ​ട​ത്തി​ൽ സു​രേ​ഷി​ന്‍റെ മ​ക​ൾ ന​മി​ത​ക്കാ​ണ് പ​രി​ക്കേ​റ്റ​ത്. ഇ​ന്ന് രാ​വി​ലെ 11 മ​ണി​യോ​ടെ സു​ൽ​ത്താ​ൻ​ബ​ത്തേ​രി എ​ട​ത്ത​റ ഓ​ഡി​റ്റോ​റി​യ​ത്തി​ന് സ​മീ​പ​ത്താ​ണ് അ​പ​ക​ട​മു​ണ്ടാ​യ​ത്. വാ​ഹ​ന​മി​റ​ങ്ങി ന​ട​ന്നു​പോ​കു​ന്ന​തി​നി​ടെ പാ​ത​യോ​ര​ത്ത് നി​ന്നി​രു​ന്ന പൂ​മ​ര​ത്തി​ന്‍റെ ശി​ഖ​രം പൊ​ട്ടി​വീ​ഴു​ക​യാ​യി​രു​ന്നു. കാ​ലി​ന് പ​രി​ക്കേ​റ്റ ന​മി​ത​യെ സു​ൽ​ത്താ​ൻ ബ​ത്തേ​രി​യി​ലെ സ്വ​കാ​ര്യ ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു.

പാ​ല​ക്കാ​ട് പ​ത്തി​രി​പ്പാ​ല​യി​ല്‍ ബ​സി​ന് മു​ക​ളി​ല്‍ മ​രം ക​ട​പു​ഴ​കി വീ​ണു. ആ​ര്‍​ക്കും പ​രി​ക്കി​ല്ല. നെ​ല്ലി​യാ​മ്പ​തി​യി​ല്‍ തു​ത്ത​ന്‍​പാ​റ​യി​ലേ​ക്കു​ള്ള വ​ഴി​യി​ല്‍ മ​രം വീ​ണ് വി​നോ​ദ സ​ഞ്ചാ​രി​ക​ള്‍ കു​ടു​ങ്ങി. വ​നം വ​കു​പ്പ് ഇ​വ​രെ സു​ര​ക്ഷി​ത കേ​ന്ദ്ര​ത്തി​ലേ​ക്ക് മാ​റ്റി.

പ​ത്ത​നം​തി​ട്ട ജി​ല്ല​യി​ൽ ക​ന​ത്ത മ​ഴ​യി​ലും ശ​ക്ത​മാ​യ കാ​റ്റി​ലും പ​മ്പ ചാ​ല​ക്ക​യം റോ​ഡി​ലും വ​ട​ശേ​രി​ക്ക​ര ചി​റ്റാ​ർ റോ‍​ഡി​ലും മ​ര​ങ്ങ​ൾ വീ​ണ് ഗ​താ​ഗ​തം ത​ട​സ​പ്പെ​ട്ടു. പ്ലാ​പ്പ​ള്ളി ആ​ങ്ങ​മൂ​ഴി റോ​ഡി​ൽ മ​രം കാ​റി​നു മു​ക​ളി​ൽ വീ​ണു. യാ​ത്ര​ക്കാ​ർ അ​ത്ഭു​ത​ക​ര​മാ​യി ര​ക്ഷ​പ്പെ​ട്ടു. മ​ല​യോ​ര മേ​ഖ​ല​യി​ലേ​ക്ക് രാ​ത്രി യാ​ത്ര​യ്ക്ക് നി​രോ​ധ​ന​മു​ണ്ട്. ശ​ബ​രി​മ​ല പാ​ത​യി​ല്‍ ശ​ക്ത​മാ​യ കാ​റ്റി​ല്‍ മ​രം വീ​ണ് ഗ​താ​ഗ​തം ത​ട​സ​പ്പെ​ട്ടു. ക​ണ​മ​ല മു​ത​ല്‍ ഇ​ല​വു​ങ്ക​ല്‍ വ​രെ​യാ​ണ് മ​ര​ങ്ങ​ള്‍ വീ​ണ​ത്.

തൃ​ശൂ​ര്‍ മു​ന​ക്ക​ല്‍ ബീ​ച്ചി​ല്‍ ശ​ക്ത​മാ​യ കാ​റ്റി​ല്‍ വ്യാ​പാ​ര സ്ഥാ​പ​ന​ങ്ങ​ള്‍​ക്ക് നാ​ശം. കാ​റ്റി​ല്‍ വ്യാ​പാ​ര സ്ഥാ​പ​ന​ങ്ങ​ളു​ടെ ഓ​ടു​ക​ള്‍ പ​റ​ന്നു​പോ​യി. ചെ​റു​തു​രു​ത്തി​യി​ൽ ഓ​ടി​ക്കൊ​ണ്ടി​രു​ന്ന ട്രെ​യി​നി​നു മു​ക​ളി​ൽ മ​രം ഒ​ടി​ഞ്ഞു​വീ​ണു. ചെ​റു​തു​രു​ത്തി ക​ലാ​മ​ണ്ഡ​ല​ത്തി​ന് സ​മീ​പ​മു​ള്ള റെ​യി​ല്‍​വേ പാ​ല​ത്തി​ലാ​ണ് അ​പ​ക​ട​മു​ണ്ടാ​യ​ത്. ജാം​ന​ഗ​റി​ൽ നി​ന്ന് തി​രു​നെ​ൽ​വേ​ലി​യി​ലേ​ക്ക് പോ​കു​ന്ന ജാം ​ടെ​ൻ എ​ക്സ്പ്ര​സി​ന്‍റെ സെ​ക്ക​ൻ​ഡ് ക്ലാ​സ് ബോ​ഗി​ക​ളു​ടെ മു​ക​ളി​ലേ​ക്കാ​ണ് മ​രം വീ​ണ​ത്.

മ​രം വീ​ഴു​ന്ന​ത് ക​ണ്ട ലോ​ക്കോ പൈ​ല​റ്റ് ട്രെ​യി​നി​ന്‍റെ വേ​ഗം കു​റ​ച്ച​തി​നാ​ല്‍ വ​ൻ അ​പ​ക​ടം ഒ​ഴി​വാ​യി. തു​ട​ര്‍​ന്ന് മ​ണി​ക്കൂ​റു​ക​ളോ​ളം ട്രെ​യി​ന്‍ നി​ര്‍​ത്തി​യി​ട്ടു. മ​രം പൂ​ര്‍​ണ​മാ​യി മു​റി​ച്ചു മാ​റ്റി​യ​തി​ന് ശേ​ഷ​മാ​ണ് ഗ​താ​ഗ​തം പു​ന​രാ​രം​ഭി​ച്ച​ത്. യാ​ത്ര​ക്കാ​ർ​ക്ക് ആ​ർ​ക്കും പ​രി​ക്കി​ല്ല.

ഫോ​ര്‍​ട്ട് കൊ​ച്ചി​യി​ല്‍ ക​ന​ത്ത മ​ഴ​യി​ല്‍ മ​തി​ല്‍ ഇ​ടി​ഞ്ഞ് മൂ​ന്നു​പേ​ര്‍​ക്ക് പ​രി​ക്കേ​റ്റു. മു​ന​മ്പം ഹാ​ര്‍​ബ​റി​ന​ക​ത്ത് മ​രം വീ​ണ് അ​ഞ്ചോ​ളം വാ​ഹ​ന​ങ്ങ​ള്‍ ത​ക​ര്‍​ന്നു.

ഇ​ടു​ക്കി രാ​ജ​കു​മാ​രി​യി​ൽ വീ​ടി​ന് മു​ക​ളി​ലേ​ക്ക് മ​രം വീ​ണു. രാ​ജ​കു​മാ​രി പ​ഞ്ചാ​യ​ത്ത്‌ ഓ​ഫി​സി​ന് സ​മീ​പം താ​മ​സി​ക്കു​ന്ന പാ​റ​യ്ക്ക​ൽ മേ​രി​യു​ടെ വീ​ടി​ന് മു​ക​ളി​ലേ​യ്ക്കാ​ണ് മ​രം വീ​ണ​ത്. വീ​ട്ടു​കാ​ർ പ​രി​ക്കേ​ൽ​ക്കാ​തെ ര​ക്ഷ​പ്പെ​ട്ടു.

പാ​മ്പാ​ടും​പാ​റ​യി​ൽ മ​രം വീ​ണ് പ​രി​ക്കേ​റ്റ തൊ​ഴി​ലാ​ളി സ്ത്രീ ​മ​രി​ച്ചു. മ​ധ്യ​പ്ര​ദേ​ശ് സ്വ​ദേ​ശി മാ​ല​തി (21) ആ​ണ് മ​രി​ച്ച​ത്. മാ​ല​തി​യും ഭ​ർ​ത്താ​വും ഏ​ല​തോ​ട്ട​ത്തി​ൽ നി​ന്നും വി​റ​ക് ശേ​ഖ​രി​യ്ക്കു​ന്ന​തി​നി​ടെ മ​രം ഒ​ടി​ഞ്ഞു വീ​ഴു​ക​യാ​യി​രു​ന്നു. മു​റി​ഞ്ഞ​പു​ഴ​യ്ക്ക് സ​മീ​പം ദേ​ശീ​യ പാ​ത​യി​ല്‍ മ​ണ്ണി​ടി​ഞ്ഞ് ഗ​താ​ഗ​ത ത​ട​സ​മു​ണ്ടാ​യി.