ന്യൂ​ഡ​ൽ​ഹി: ഇ​ന്ത്യ​ന്‍ പ്രീ​മി​യ​ര്‍ ലീ​ഗി​ല്‍ കോ​ൽ​ക്ക​ത്ത നൈ​റ്റ് റൈ​ഡേ​ഴ്സി​നെ​തി​രെ വ​ൻ വി​ജ​യ​വു​മാ​യി സ​ൺ​റൈ​സേ​ഴ്സ് ഹൈ​ദ​രാ​ബാ​ദ്. കെ​കെ​ആ​റി​നെ 110 റ​ൺ​സി​ന് ത​ക​ർ​ത്താ​ണ് പാ​റ്റ് ക​മ്മി​ൻ​സും സം​ഘ​വും ഈ ​സീ​സ​ണോ​ട് വി​ട​പ​റ​യു​ന്ന​ത്.

സ്കോ​ർ: ഹൈ​ദ​രാ​ബാ​ദ് 278/3 കോ​ൽ​ക്ക​ത്ത 168 (18.4). ഹൈ​ദ​രാ​ബാ​ദ് ഉ​യ​ർ​ത്തി​യ 279 റ​ൺ​സ് വി​ജ​യ​ല​ക്ഷ്യം പി​ന്തു​ട​ര്‍​ന്ന കൊ​ൽ​ക്ക​ത്ത 168 റ​ൺ​സ് നേ​ടി​യ​പ്പോ​ഴേ​യ്ക്ക് എ​ല്ലാ​വ​രും പു​റ​ത്താ​യി. 37 റ​ൺ​സ് നേ​ടി​യ മ​നീ​ഷ് പാ​ണ്ഡെ​യാ​ണ് ടോ​പ് സ്കോ​റ​ര്‍.

ടോ​സ് നേ​ടി ആ​ദ്യം ബാ​റ്റ് ചെ​യ്ത സ​ൺ​റൈ​സേ​ഴ്സ് ഹെ​ന്‍റി​ച്ച് ക്ലാ​സ​ന്‍റെ വെ​ടി​ക്കെ​ട്ട് സെ​ഞ്ചു​റി​യുടെയും (39 പ​ന്തി​ൽ 105) ട്രാ​വി​സ് ഹെ​ഡി​ന്‍റെ അ​ർ​ധ സെ​ഞ്ചു​റി​യു​ടെ​യും (76) ക​രു​ത്തി​ലാ​ണ് 278/3 എ​ന്ന പ​ടു​കൂ​റ്റ​ൻ സ്കോ​ർ ഉ​യ​ർ​ത്തി​യ​ത്.

മ​റു​പ​ടി ബാ​റ്റിം​ഗി​ന് ഇ​റ​ങ്ങി​യ കെ​കെ​ആ​റി​നാ​യി ഓ​പ്പ​ണ​ര്‍​മാ​രാ​യ സു​നി​ൽ ന​രെ​യ്ൻ - ക്വി​ന്‍റ​ൺ ഡി ​കോ​ക്ക് സ​ഖ്യം 3.3 ഓ​വ​റി​ൽ 37 റ​ൺ​സ് കൂ​ട്ടി​ച്ചേ​ര്‍​ത്ത ശേ​ഷ​മാ​ണ് പി​രി​ഞ്ഞ​ത്. 17 പ​ന്തി​ൽ 31 റ​ൺ​സ് നേ​ടി​യ ന​രെ​യ്നെ ജ​യ​ദേ​വ് ഉ​ന​ദ്ക​ട്ട് ക്ലീ​ൻ ബൗ​ൾ​ഡാ​ക്കി.

മൂ​ന്നാ​മ​നാ​യി ക്രീ​സി​ലെ​ത്തി​യ നാ​യ​ക​ൻ അ​ജി​ങ്ക്യ ര​ഹാ​നെ​യ്ക്ക് പി​ടി​ച്ചു​നി​ൽ​ക്കാ​നാ​യി​ല്ല. 15 റ​ൺ​സ് നേ​ടി​യ ര​ഹാ​നെ​യെ​യും ഉ​ന​ദ്ക​ട്ട് മ​ട​ക്കി​യ​യ​ച്ചു. ഒ​മ്പ​തു റ​ൺ​സു​മാ​യി ഡി ​കോ​ക്കും പു​റ​ത്താ​യ​തോ​ടെ പി​ന്നീ​ട് വ​ന്ന​വ​രെ​ല്ലാം നി​ല​യു​റ​പ്പി​ക്കാ​നാ​കാ​തെ മ​ട​ങ്ങു​ന്ന കാ​ഴ്ച​യാ​ണ് കാ​ണാ​നാ​യ​ത്.

എ​ട്ടാം വി​ക്ക​റ്റി​ൽ മ​നീ​ഷ് പാ​ണ്ഡെ - നി​തീ​ഷ് റാ​ണ സ​ഖ്യം 21 പ​ന്തി​ൽ 50 റ​ൺ​സി​ന്‍റെ കൂ​ട്ടു​കെ​ട്ട് കോ​ൽ​ക്ക​ത്ത​യു​ടെ തോ​ൽ​വി ഭാ​രം കു​റ​ച്ചു. സ​ൺ​റൈ​സേ​ഴ്സ് ഹൈ​ദ​രാ​ബാ​ദി​നാ​യി ജ​യ​ദേ​വ് ഉ​ന​ദ്ക​ട്ടും ഇ​ഷാ​ൻ മാ​ലിം​ഗ​യും ഹ​ർ​ഷ് ദു​ബെ​യും മൂ​ന്നു​വി​ക്ക​റ്റു​ക​ൾ വീ​തം വീ​ഴ്ത്തി. ഹെ​ന്‍റി​ച്ച് ക്ലാ​സ​നെ ക​ളി​യി​ലെ താ​ര​മാ​യി തെ​ര​ഞ്ഞെ​ടു​ത്തു.