കർഷക ഭാരതി 2024 അവാർഡിന് അപേക്ഷ ക്ഷണിച്ചു : Deepika.com Kerala News |

Click here for detailed news of all items

കർഷക ഭാരതി 2024 അവാർഡിന് അപേക്ഷ ക്ഷണിച്ചു

Wednesday, July 23, 2025 3:02 AM IST

തിരുവനന്തപുരം: സംസ്ഥാന കാർഷിക വികസന കർഷക ക്ഷേമ വകുപ്പ് മാധ്യമരംഗത്തെ മികവിനെ പ്രോത്സാഹിപ്പിക്കുന്നതിന് നൽകിവരുന്ന കർഷക ഭാരതി 2024 അവാർഡിലേക്ക് നോമിനേഷനുകൾ ക്ഷണിച്ചു.

മലയാള ഭാഷയിലൂടെ കാർഷിക മേഖലയ്ക്ക് വിലപ്പെട്ട സംഭാവനകൾ നൽകുന്ന മാധ്യമ പ്രവർത്തനം നടത്തിയ മികച്ച ഫാം ജേർണലിസ്റ്റിനാണ് അവാർഡ് നൽകുന്നത്. അതാത് വ്യക്തികളുടെ നാമനിർദേശം മാത്രമേ പരിഗണിക്കുകയുള്ളൂ.

ഗവേഷണ പ്രസിദ്ധീകരണങ്ങൾ പരിഗണിക്കുകയില്ല. അച്ചടി മാധ്യമം, ദൃശ്യ മാധ്യമം, നവ മാധ്യമം, ശ്രവ്യ മാധ്യമം എന്നിങ്ങനെ നാല് വിഭാഗങ്ങളിലായിട്ടാണ് കർഷക ഭാരതി അവാർഡ് നൽകുന്നത്. 50,000 രൂപയുടെ കാഷ് അവാർഡും, ഫലകവും സർട്ടിഫിക്കറ്റുമാണ് നൽകുന്നത്.

കർഷക ഭാരതി അവാർഡ് നോട്ടിഫിക്കേഷൻ തീയതി മുതൽ പുറകോട്ട് ഒരു വർഷത്തെ പ്രസ്തുത മേഖലയിലെ സംഭാവനകളാണ് പ്രധാനമായും പരിഗണിക്കുന്നത്. വിശദാംശങ്ങൾ www.keralaagriculture.gov.in, www.fibkerala.gov.in എന്നീ വെബ്സൈറ്റിൽ ലഭ്യമാണ്.

അപേക്ഷ ലഭിക്കേണ്ട അവസാന തീയതി ജൂലൈ 28. അപേക്ഷകൾ പ്രിൻസിപ്പൽ ഇൻഫർമേഷൻ ഓഫീസർ, ഫാം ഇൻഫർമേഷൻ ബ്യൂറോ, കവടിയാർ, തിരുവനന്തപുരം-3 എന്ന വിലാസത്തിൽ അയയ്ക്കണം.

നോമിനേഷനുകൾ അയയ്ക്കുന്ന കവറിന് പുറത്ത് ‘കർഷക ഭാരതി അവാർഡ് 2024 ഏതു വിഭാഗം’ എന്നത് പ്രത്യേകം രേഖപ്പെടുത്തണം.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.