ഗോ​പി​നാ​ഥ് മു​തു​കാ​ടി​ന് സൗ​ത്ത്‌ ഓ​സ്ട്രേ​ലി​യ​ൻ പാ​ർ​ല​മെ​ന്‍റി​ൽ ആ​ദ​രം
Thursday, May 1, 2025 2:57 PM IST
തോ​മ​സ് ടി. ​ഓ​ണാ​ട്ട്
അ​ഡ​ലെ​യ്ഡ്: പ്ര​ശ​സ്ത മ​ജീ​ഷ്യ​നും മോ​ട്ടി​വേ​ഷ​ണ​ൽ സ്പീ​ക്ക​റും സാ​മൂ​ഹി​ക പ്ര​വ​ർ​ത്ത​ക​നു​മാ​യ പ​ത്മ​ശ്രീ ഗോ​പി​നാ​ഥ് മു​തു​കാ​ടി​നെ സൗ​ത്ത് ഓ​സ്ട്രേ​ലി​യ​ൻ പാ​ർ​ല​മെ​ന്‍റി​ൽ ആ​ദ​രി​ച്ചു. അ​ഡ​ലെ​യ്ഡ് പാ​ർ​ല​മെ​ന്‍റ് ഹൗ​സി​ൽ ന​ട​ന്ന ച​ട​ങ്ങി​ൽ സൗ​ത്ത് ഓ​സ്ട്രേ​ലി​യ​ന്‍ ലെ​ജി​സ്‌​ലേ​റ്റീ​വ് കൗ​ണ്‍​സി​ല്‍ അം​ഗ​വും മു​ന്‍ സ്‌​റ്റേ​റ്റ് അ​സി​സ്റ്റ​ന്‍റ് പ്രീ​മി​യ​റു​മാ​യ ജിം​ഗ് ലീ ​പ്ര​ശ​സ്തി പ​ത്രം ന​ല്‍​കി.

ഇ​ന്ത്യ​ൻ രീ​തി​യി​ൽ പൊ​ന്നാ​ട​യ​ണി​യി​ച്ചാ​ണ് മു​തു​കാ​ടി​നെ ആ​ദ​രി​ച്ച​ത്. ലോ​ക​മെ​മ്പാ​ടു​മു​ള്ള ഭി​ന്ന ശേ​ഷി​ക്കാ​രാ​യ കു​ട്ടി​ക​ൾ​ക്കു വേ​ണ്ടി​യു​ള്ള പ്ര​വ​ർ​ത്ത​ന​ത്തെ ജിം​ഗ് ലീ ​പ്ര​ത്യേ​കം അ​ഭി​ന​ന്ദി​ച്ചു. മാ​ജി​ക്കി​ലൂ​ടെ വ്യ​ക്തി​ക​ളെ​യും സ​മൂ​ഹ​ത്തെ​യും പ്ര​ചോ​ദി​പ്പി​ക്കു​ന്ന മു​തു​കാ​ടി​ന്‍റെ അ​തു​ല്യ പ്ര​വ​ര്‍​ത്ത​ന​ത്തി​ന് യൂ​ണി​സെ​ഫി​ന്‍റെ അ​വാ​ർ​ഡ് ‌ലഭി​ച്ച​ത് അ​വ​ർ ചു​ണ്ടി​ക്കാ​ട്ടി.

തി​രു​വ​ന​ന്ത​പു​രം കേ​ന്ദ്ര​മാ​ക്കി മു​തു​കാ​ടി​ന്‍റെ നേ​തൃ​ത്വ​ത്തി​ൽ ന​ട​ത്തു​ന്ന ഡി​ഫ​റ​ന്‍റ് ആ​ർ​ട്സ് സെ​ന്‍റ​റി​ലെ കു​ട്ടി​ക​ളെ​യും ഓ​സ്ട്രേ​ലി​യ​യി​ലെ മാ​ന​സി​ക വൈ​ക​ല്യ​മു​ള്ള കു​ട്ടി​ക​ളെ​യും ഒ​രു​മി​പ്പി​ച്ചു കൊ​ണ്ടു​ള്ള പ​രി​പാ​ടി ഓ​സ്ട്ര​ലി​യി​ൽ സം​ഘ​ടി​പ്പി​ക്കാ​ൻ ഗ​വ​ൺ​മെ​ന്‍റ് ത​ല​ത്തി​ൽ ന​ട​പ​ടി​ക​ൾ സ്വീ​ക​രി​ക്കു​മെ​ന്ന് മു​ൻ ഡെ​പ്യൂ​ട്ടി പ്രീ​മി​യ​ർ കൂ​ടി​യാ​യ ജിം​ഗ് ലീ ​പ​റ​ഞ്ഞു.




ഡി​ഫ​റ​ന്‍റ് ആ​ർ​ട്ട്സ് സെ​ന്‍റ​റി​ന്‍റെ നേ​തൃ​ത്വ​ത്തി​ൽ ഓ​സ്ട്രേ​ലി​യ​യി​ൽ ന​ട​ക്കു​ന്ന എം ​ക്യൂ​ബ് മെ​ഗാ ഷോ ​യു​മാ​യി ഓ​സ്ട്രേ​ലി​യ​യി​ൽ എ​ത്തി​യ​താ​യി​രു​ന്നു മു​തു​കാ​ട്. പ്ര​ത്യേ​ക ക്ഷ​ണി​താ​വാ​യി എ​ത്തി​യ മു​തു​കാ​ടി​നെ പാ​ര്‍​ല​മെ​ന്‍റ് ഹൗ​സി​ലേ​ക്ക്‌ സ്വീ​ക​രി​ച്ചാ​ന​യി​ച്ചു.

തു​ട​ർ​ന്ന് പാ​ര്‍​ല​മെ​ന്‍റി​ന്‍റെ ന​ട​പ​ടി ക്ര​മ​ങ്ങ​ളെ​പ്പ​റ്റി​യും ആ​ചാ​ര​ങ്ങ​ളെ​പ്പ​റ്റി​യും ജിം​ഗ് ലീ ​വി​ശ​ദീ​ക​രി​ച്ചു. ത​ന്‍റെ ജീ​വി​ത​ത്തി​ലെ ഏ​റ്റ​വും വി​സ്മ​യ​ക​ര​മാ​യ നേ​ട്ട​മാ​ണ് ഈ ​ബ​ഹു​മ​തി​യെ​ന്ന് മ​റു​പ​ടി പ്ര​സം​ഗ​ത്തി​ൽ മു​തു​കാ​ട് പ​റ​ഞ്ഞു.

ഗാ​യ​ക​രാ​യ അ​തു​ല്‍ ന​റു​ക​ര, ശ്വേ​ത അ​ശോ​ക്, വി​ഷ്ണു അ​ശോ​ക്, എ​ന്നി​വ​ര്‍​ക്കൊ​പ്പം ഭ​ര​ത​രാ​ജ​ന്‍, നാ​സ​ര്‍, പ്രീ​തി, ജെ​യിം​സ് കാ​ഞ്ഞി​ര​ത്തി​ങ്ക​ൽ, പോ​ളി പാ​റ​ക്കാ​ട​ൻ, റോ​യി കാ​ഞ്ഞി​ര​ത്താ​നം എ​ന്നി​വ​ർ ച​ട​ങ്ങി​ൽ പ​ങ്കെ​ടു​ത്തു.

ആ​റ് ഓ​സ്ട്രേ​ലി​യ​ൻ ന​ഗ​ര​ങ്ങ​ളി​ൽ ഗോ​പി​നാ​ഥ് മു​തു​കാ​ടി​ന് സ്വീ​ക​ര​ണ​വും സ്റ്റേ​ജ്ഷോ​യും സ​ഘ​ടി​പ്പി​ച്ചി​ട്ടു​ണ്ടെ​ന്നു സം​ഘാ​ട​ക​രാ​യ റോ​യി കാ​ഞ്ഞി​ര​ത്താ​നം, പോ​ളി പാ​റ​ക്കാ​ട​ൻ എ​ന്നി​വ​ർ പ​റ​ഞ്ഞു.