ന്യൂജേഴ്സി: സോമർസെറ്റ് സെൻറ് തോമസ് സീറോ മലബാർ കാത്തലിക് ഫൊറോന ദേവാലയത്തിൽ വലിയ നോന്പിനൊരുക്കമായുള്ള ഈ വർഷത്തെ ധ്യാനം ഏപ്രിൽ 4, 5, 6, 7 തീയതികളിൽ നടത്തപ്പെടുന്നു.
പ്രമുഖ ദൈവ വചനപ്രഘോഷകനും ധ്യാനഗുരുവുമായ റവ. ഫാ. മാത്യു ആശാരിപറന്പിൽ വചന ശുസ്രൂഷകൾക്കു നേതൃത്വം നൽകും. തലശേരി അതിരൂപതയുടെ പരിയാരത്തുള്ള ’മദർഹോം’ ധ്യാനകേന്ദ്രം ഡയറക്ടറാണ് ഫാ. മാത്യു ആശാരിപറന്പിൽ.
ആത്മാഭിഷേകത്തിനും, ആന്തരീക സൗഖ്യത്തിനും, രോഗശാന്തിയ്ക്കും ഈ നോന്പുകാലത്തിൽ ദൈവം നമുക്കായി നൽകുന്ന കാരുണ്യം അനുഭവിച്ചറിയുവാനുള്ള ഈ ധ്യാനം ഏപ്രിൽ 4,5 ദിവസങ്ങളിൽ (വ്യാഴം, വെള്ളി) വൈകുന്നേരം 6 മുതൽ രാത്രി 9 വരേയും, ശനി, ഞായർ ദിവസങ്ങളിൽ രാവിലെ 9 മുതൽ വൈകുന്നേരം 5 മണി വരേയുമാണ്.
ഈ ദിവസങ്ങളിൽ വി. കുർബാന, ആരാധന, കുന്പസാരം, ഭക്തിസാന്ദ്രമായ ഗാനശുശ്രൂഷ എന്നിവയും കുട്ടികൾക്കായി പ്രത്യേക ധ്യാനവും ഉണ്ടായിരിക്കും.
വലിയ നോന്പിന് ഒരുക്കമായി നടത്തപ്പെടുന്ന ആന്തരീക സൗഖ്യ ധ്യാനത്തിൽ ഇടവകയിലെ മുഴുവൻ കുടുംബാംഗങ്ങളും പങ്കെടുത്ത് വിശ്വാസത്തിന്റെ ആഴങ്ങളിൽ വളരുവാനും, ആത്മീയ ഉണർവ്വ് നേടുവാനും എല്ലാ കുടുംബാംഗങ്ങളെയും സ്നേഹപൂർവം സ്വാഗതം ചെയ്യുന്നതായി വികാരി റവ. ഫാ. ലിഗോറി ഫിലിപ്സ് കട്ടിയാകാരൻ അറിയിച്ചു.
കൂടുതൽ വിവരങ്ങൾക്ക് താഴെപ്പറയുന്നവരുമായി ബന്ധപ്പെടുക:
ജസ്റ്റിൻ ജോസഫ് (ട്രസ്റ്റി) (732)7626744, സെബാസ്റ്റ്യൻ ആന്റണി (ട്രസ്റ്റി) 7326903934), ടോണി മാങ്ങൻ (ട്രസ്റ്റി) (347) 7218076, മനോജ് പാട്ടത്തിൽ (ട്രസ്റ്റി) (908 )4002492.
വെബ്: https://stthomassyronj.org
റിപ്പോർട്ട്: ജോയിച്ചൻ പുതുക്കുളം