തിരുവല്ല: ഫെഡറേഷൻ ഓഫ് മലയാളി അസോസിയേഷൻസ് ഓഫ് അമേരിക്കാസ്, ഫോമയുടെ കേരളാ കണ്‍വൻഷൻ കേരള മുഖ്യമന്ത്രി പിണറായി വിജയൻ ജൂണ്‍ രണ്ടിന് തിരുവല്ലയിൽ ഉദ്ഘാടനം ചെയ്യും. ഫോമ കേരളത്തിൽ പ്രളയത്തിൽ അകപ്പെട്ട നിർധനരായ കുടുംബങ്ങൾക്ക് നിർമ്മിച്ചു നൽകുന്ന വീടുകളുടെ (ഫോമാ വില്ലേജ് )താക്കോൽ ദാനവും അദ്ദേഹം നിർവഹിക്കും.
ഫോമയുടെ ഏറ്റവും പുതിയ ചാരിറ്റി പ്രവർത്തനമായ ഫോമാ വില്ലേജ് നിർമ്മിക്കപ്പെടുന്ന തിരുവല്ലയ്ക്ക് സമീപമുള്ള കടപ്രയിലാണ് ആഘോഷമായ ഉദ്ഘാടന ചടങ്ങുകൾ സംഘടിപ്പിക്കുന്നത്. കേരളത്തിലെ മറ്റു മന്ത്രിമാർ, എംപിമാർ, എംഎൽഎമാർ, സമൂഹത്തിന്‍റെ വിവിധ മേഖലകളിൽ പ്രവർത്തിക്കുന്ന സാമൂഹ്യ പ്രവർത്തകരുടെയും സാന്നിധ്യ സഹകരണത്തോടെയാണ് ചടങ്ങുകൾ നടക്കുക .
ഓഗസ്റ്റിലുണ്ടായ അതി ദാരുണമായ വെള്ളപ്പൊക്ക സമയത്ത് ഫോമാ പ്രസിഡന്‍റ് ഫിലിപ്പ് ചാമത്തിലിന്‍റെ നേതൃത്വത്തിൽ പ്രളയ ദുരിതാധ്വാസ പ്രവർത്തനങ്ങൾ നടന്ന സ്ഥലങ്ങളിൽ ഒന്നാണ് കടപ്ര. ജനങ്ങളുടെ ദുരിതങ്ങൾ നേരിട്ട് കണ്ട അദ്ദേഹം അമേരിക്കയിലെത്തി നാഷണൽ കമ്മിറ്റി കൂടിയ സമയത്താണ് പ്രളയത്തിൽ അകപ്പെട്ട കുടുംബങ്ങൾക്ക് വീടുകൾ നിർമ്മിച്ചു നൽകണമെന്ന ആശയം കമ്മിറ്റിയിൽ അവതരിപ്പിച്ചത്. എല്ലാവരും ഒരേ മനസോടെ അദ്ദേഹത്തിന്‍റെ ഒപ്പം നിന്നതിന്‍റെയും ഫോമാ ജനറൽ സെക്രട്ടറി ജോസ് എബ്രഹാം, ട്രഷറർ ഷിനു ജോസഫ് ജോസഫ്, വൈസ് പ്രസിഡന്‍റ് വിൻസന്‍റ് ബോസ്, ജോ. സെക്രട്ടറി സജു ജോസഫ്, ജോ. ട്രഷറർ ജെയിൻ കണ്ണച്ചാൻ പറന്പിൽ എന്നിവർ ഉൾപ്പെട്ട കമ്മിറ്റിയും ജനറൽബോഡിയും, അനിയൻ ജോർജ്, ജോസഫ് ഒൗസോ, നോയൽ മാത്യു, ബിജു തോണിക്കടവിൽ, തോമസ് കുയിലാടൻ, ഉണ്ണികൃഷ്ണൻ തുടങ്ങിയവരുടെ പ്രയത്നവും കൂടിയായപ്പോൾ മനോഹരമായ ഫോമാ വില്ലേജ് എന്ന പദ്ധതി പൂർണതയിലേക്ക് എത്തുകയായിരുന്നു. ന്ധതണൽന്ധ എന്ന സംഘടന വില്ലേജിന്‍റെ നിർമ്മാണഘട്ടം കൂടി ഏറ്റെടുത്തതോടെ വളരെ പെട്ടന്ന് തന്നെ വീടുകളുടെ പണി മൂന്നാം ഘട്ടത്തിലേക്ക് കടക്കുന്നു.
മുഖ്യമന്ത്രി പിണറായി വിജയൻ അമേരിക്കയിൽ വന്നപ്പോൾ വിളിച്ചു കൂട്ടിയ പ്രവാസി സുഹൃത്തുക്കളുടെ സമ്മേളനത്തിൽ അദ്ദേഹത്തിന് ഫോമാ ഒരു വാക്കു നൽകിയിരുന്നു .കേരളത്തിന്‍റെ പ്രളയക്കെടുതിയിൽ അകപ്പെട്ട കുടുംബങ്ങൾക്കയി തണലൊരുക്കുമെന്ന്. ആ വാക്കാണ് ഫോമാ ജൂണ്‍ രണ്ടിനു പാലിക്കുന്നത് .
നിരവധി വ്യക്തികളുടെ കൂട്ടായ പ്രവർത്തനത്തിന്‍റെ ഫലമാണ് ഫോമാ വില്ലേജ് പ്രോജക്ട്. ഫോമയുടെ വളർച്ചയ്ക്ക് തുടക്കം മുതൽ പ്രവർത്തിച്ച അംഗ സംഘടനകൾ ,പ്രതിസന്ധികളിൽ ഒപ്പം നിന്ന സംഘടനാ നേതാക്കൾ, ഇപ്പോഴും സഹായവുമായി ഓടിയെത്തുന്ന ഫോമാ സ്നേഹികളായ സുഹൃത്തുക്കൾ, അങ്ങനെ നിരവധി ആളുകളുടെ പരിപൂർണ സഹായം കൊണ്ടാണ് ഫോമാ വില്ലേജ് പ്രോജക്ട് പൂർത്തിയാക്കുന്നത്.
ഈ മഹനീയ പദ്ധതി കേരളത്തിന് സമർപ്പിക്കുന്ന മുഹൂർത്തത്തിന് സാക്ഷിയാകുവാൻ എല്ലാ സുഹൃത്തുക്കളെയും ജൂണ്‍ രണ്ടിന് കടപ്രയിലെ ഫോമാ വില്ലേജിലേക്ക് ഹൃദയപുരസരം ക്ഷണിക്കുന്നതായി ഫോമാ പ്രസിഡന്‍റ് ഫിലിപ്പ് ചാമത്തിൽ സെക്രട്ടറി ജോസ് ഏബ്രഹാം, ട്രഷറർ ഷിനു ജോസഫ്, വൈസ് പ്രസിഡന്‍റ് വിൻസെന്‍റ് ബോസ് മാത്യു, ജോ: സെക്രട്ടറി സജു ജോസഫ്, ജോ: ട്രഷറർ ജയിൻ കണ്ണച്ചാൻ പറന്പിൽ കേരളാ കണ്‍വൻഷൻ ചെയർമാൻ സജി എബ്രഹാം എന്നിവർ അറിയിച്ചു.
റിപ്പോർട്ട്: ജോസ് ഏബ്രഹാം