ഹൂസ്റ്റണ്‍: കേരളാ റൈറ്റേഴ്സ് ഫോറം മുൻ പ്രസിഡന്‍റ്, മലയാളി അസോസിയേഷൻ മുൻ പ്രസിഡന്‍റ്, പ്രമുഖനായ ബിസിനസ് കണ്‍സൽട്ടൻറ്, എഴുത്തുകാരൻ എന്നീ നിലകളിൽ പ്രശസ്തനായ മാത്യു കുരവക്കലിന് (ബാബു) കേരളാ റൈറ്റേഴ്സ് ഫോറം ഉക്ഷ്മളമായ യാത്രയയപ്പു നൽകി. വിശ്രമ ജീവിതത്തിനായി മക്കൾക്കൊപ്പം ടെക്സസിലേക്കു പോവുകയാണ് മാത്യു.
സ്റ്റാഫോർഡിലെ കേരളാ കിച്ചൻ റസ്റ്ററന്‍റിൽ കൂടിയ സമ്മേളനത്തിൽ ഫോറം പ്രസിഡന്‍റ് ഡോ. മാത്യു വൈരമണ് അധ്യക്ഷനായിരുന്നു. ഹൂസ്റ്റണിലെ പത്രപ്രവർത്തകരിൽ മുൻനിരക്കാരനായിരുന്ന കോശി തോമസ്, കേരളാ റൈറ്റേഴ്സ് ഫോറം സെക്രട്ടറിയായിരുന്ന ഈശോ ജേക്കബ് എന്നിവരുടെ നിര്യാണത്തിൽ അനുശോചനം രേഖപ്പെടുത്തിക്കൊണ്ട് കേരളാ റൈറ്റേഴ്സ് ഫോറം മുൻ പ്രസിഡന്‍റും പ്രശസ്ത എഴുത്തുകാരനുമായ മാത്യു നെല്ലിക്കുന്ന് അനുശോചനപ്രമേയം അവതരിപ്പിച്ചു.
തുടർന്ന് സാമൂഹ്യ സാംസ്കാരിക രംഗങ്ങളിൽ മുൻ നിരയിൽ പ്രവർത്തിച്ചിരുന്ന മാത്യു കുരവക്കലിന് ആശംസകൾ ചൊരിഞ്ഞു കൊണ്ട് റൈറ്റേഴ്സ് ഫോറം മുൻ പ്രസിഡന്‍റുമാരായ ജോണ് മാത്യു, അനിൽ ആറ·ുള, സണ്ണി എഴുമറ്റൂർ, മാത്യു മത്തായി, ട്രഷറർ ജോസഫ് പൊന്നോലി, എ.സി. ജോർജ്, ജോണ് തൊമ്മൻ, ജോസഫ് തച്ചാറ, മലയാളി അസോസിയേഷൻ മുൻ പ്രസിഡന്‍റുമാരായ ചെറിയാൻ മഠത്തിലേത്ത്, പൊന്നു പിള്ള, ശശിധരൻ നായർ വ്യവസായി ആയ നളിൻ പിള്ള എന്നിവർ സംസാരിച്ചു. കുരവക്കലിന്‍റെ കഥകൾ സാധാരണക്കാരന്‍റെ ഹൃദയ സ്പന്ദനങ്ങൾ ഏറ്റുവാങ്ങിയവയാണെന്ന് പ്രമുഖ വ്യവസായിയും ഒരുനല്ല ആസ്വാദകൻ കൂടിയായ പി.റ്റി. ഫിലിപ്പ് വിലയിരുത്തി.
മാത്യു കുരവക്കലിനെ പ്രസിഡന്‍റ് മാത്യു വൈരമണ് പൊന്നാട അണിയിച്ചു ആദരിച്ചു. മേരി കുരവക്കലിനെ ഗ്രേസി നെല്ലിക്കുന്നും ബോബി മാത്യുവും ചേർന്ന് പൊന്നാട അണിയിച്ചു.
തനിക്കു നൽകിയ സ്നേഹോഷ്മളമായാ ആദരങ്ങൾക്കു മാത്യു കുരവക്കൽ നന്ദി രേഖപ്പെടുത്തി. യോഗത്തിൽ പങ്കെടുത്തവർക്ക് സെക്രട്ടറി മാത്യു മത്തായി കൃതജ്ഞത രേഖപ്പെടുത്തി.
അനിൽ ആറന്മുള