ബാ​ലു ഇ​ന്ന് ഏ​റെ സ​ന്തോ​ഷ​ത്തി​ലാ​ണ്. ഒ​രാ​ളെ അ​ല്ല ദു​രി​ത​ക്ക​യ​ത്തി​ൽ നി​ന്നും ഒ​രു​പി​ടി ആ​ളു​ക​ളെ ജീ​വി​ത​ത്തി​ലേ​ക്കു കൂ​ട്ടിക്കൊ​ണ്ടു വ​രാ​ൻ സാ​ധി​ച്ചി​രി​ക്കു​ന്നു. ഉ​ണ്ടാ​യി​രു​ന്ന ഒ​രു ഏ​ക്ക​ർ 25 സെ​ന്‍റ് ഭൂ​മി ഉ​രു​ൾ​പൊ​ട്ട​ലി​ലും പ്ര​കൃ​തി​ക്ഷോ​ഭ​ത്തി​ലും വീ​ടു ന​ഷ്ട​പ്പെ​ട്ട​വ​ർ​ക്കു വീ​ടു​വ​യ്ക്കാ​ൻ വി​ട്ടു​കൊ​ടു​ക്കു​ന്നു. പു​തി​യ കേ​ര​ള​ത്തി​നു വേ​ണ്ടി ത​ന്‍റെ വ​ക ചെ​റി​യ സ​മ്മാ​നം. സ​മ്മ​ത​പ​ത്രം സ​ർ​ക്കാ​രി​നു കൈ​മാ​റു​ന്പോ​ൾ ഒ​ന്നേ​കാ​ൽ ഏ​ക്ക​ർ ഭൂ​മി​യി​ൽ വി​ള​ഞ്ഞു​നി​ൽ​ക്കു​ന്ന കു​രു​മു​ള​കു​ചെ​ടി​ക​ളും കാ​പ്പി​യും മ​ന​സി​ലേ​ക്കു വ​ന്നി​ല്ല. കോ​ടി​ക​ൾ വി​ല​മ​തി​ക്കു​ന്ന ഭൂ​മി​യു​ടെ വി​ല​യെക്കുറി​ച്ചു ചി​ന്തി​ച്ചി​ല്ല. ഉ​ള്ള സ​ന്പ​ത്ത് വി​ട്ടുക​ള​ഞ്ഞാ​ൽ മ​ക്ക​ൾ​ക്ക് എ​ന്ത് കൊ​ടു​ക്കു​മെ​ന്ന് ഓ​ർ​ത്തി​ല്ല. ചി​ന്തി​ച്ച​തും പ്രാ​ർ​ഥി​ച്ച​തും ഒ​ന്നു മാ​ത്രം ആ​രു​മി​ല്ലാ​ത്ത​വ​രെ കാ​ത്തു​കൊ​ള്ള​ണ​മേ.

ഇ​ടു​ക്കി ജി​ല്ല​യി​ലെ പീ​രു​മേ​ട് പാ​ന്പ​നാ​ർ എ​ൽ​എം എ​സ് പു​തു​വേ​ലി​ൽ പാ​ർ​വ​തി​ഭ​വ​നി​ലെ ബാ​ലു സാ​ധാ​ര​ണ​ക്കാ​ര​നാ​ണ്. പാ​ൽ​രാ​ജ് എ​ന്നും സു​ഹൃ​ത്തു​ക്ക​ൾ വി​ളി​ക്കു​ന്ന ശാ​ന്ത​സ്വ​ഭാ​വ​ക്കാ​ര​നാ​യ യു​വാ​വ്. ചെ​റു​കി​ട കെ​ട്ടി​ട നി​ർ​മാ​ണ ക​രാ​ർ ജോ​ലി ചെ​യ്തു ജീ​വി​ക്കു​ന്നു. മൂ​ന്നു നാ​ലു മാ​സ​മാ​യി കാ​ര്യ​മാ​യ ഒ​രു പ​ണി​യു​മി​ല്ല. മ​ക്ക​ളാ​ണെ​ങ്കി​ൽ പ​ഠി​ക്കു​ന്നു.

ഭാ​ര്യ​ക്കും ജോ​ലി​യി​ല്ല. സ​മൂ​ഹ​ത്തി​ൽ പ​റ​യ​ത്ത​ക്ക ഒ​രു ഗ്ലാ​മ​റു​മി​ല്ല. സ​ത്യ​ത്തി​ൽ ജീ​പ്പോ​ടി​ച്ചു ജീ​വി​ക്കു​ന്നു. അ​തി​ന് ഓ​ട്ടം കി​ട്ടി​യാ​ൽ മാ​ത്രമെ ര​ക്ഷ​യു​ള്ളൂ. എ​ന്നാ​ൽ ഈ ​മ​ന​സി​ന്‍റെ പ്ര​കാ​ശം ഏ​ത് ഇ​രു​ട്ടി​നെ​യും അ​ക​റ്റു​മെ​ന്നു സ​മൂ​ഹം തി​രി​ച്ച​റി​യു​ന്നു. ഇ​നി ബാ​ലു​വി​ന്‍റെ കു​ടും​ബ​ത്തി​നു സ്വ​ന്ത​മാ​യു​ള്ള​തു വീ​ട് സ്ഥി​തിചെ​യ്യു​ന്ന മൂ​ന്നു സെ​ന്‍റ് ഭൂ​മി മാ​ത്രം. മു​ന്നോ​ട്ട് ജീ​വി​ക്കാ​ൻ ഇ​നി വെ​റും മൂ​ന്ന് സെ​ന്‍റ്ഭൂ​മി മ​തി​യോ. മ​തി​യെ​ന്നു ബാ​ലു.

തീരു​മാ​ന​ത്തി​നു പി​ന്നി​ൽ

ജീ​വി​ത​ത്തി​ൽ ഇ​ന്നു​വ​രെ അ​ഭി​മു​ഖീക​രി​ക്കാ​ത്ത പ്ര​കൃ​തി​ദു​ര​ന്തം ക​ണ്‍​മു​ന്നി​ലൂ​ടെ ക​ട​ന്നുപോ​യ​പ്പോ​ൾ മ​ന​സ് തേ​ങ്ങി. അ​ടി​മാ​ലി​യി​ൽ ഒ​രു കു​ടും​ബം ഉ​രു​ൾ​പൊ​ട്ട​ലി​ൽ മ​ണ്ണി​ന​ടി​യി​ലാ​യ സം​ഭ​വ​ത്തി​ലൂ​ടെ​യാ​ണ് പ്ര​കൃ​തി​ദു​ര​ന്ത​ത്തി​നു തു​ട​ക്ക​മെ​ന്ന് ഓ​ർ​ക്കു​ന്നു. കു​ഞ്ഞി​നെ ര​ക്ഷി​ക്കാ​നു​ള്ള ശ്ര​മ​ത്തി​ൽ ഫ​യ​ർ​മാ​ൻ മാ​റോ​ടു ചേ​ർ​ത്ത് ഓ​ടു​ന്ന ചി​ത്രം ഹൃ​ദ​യ​ത്തെ കീ​റി​മു​റി​ച്ചു. തു​ട​ർ​ന്നു കാ​ല​വ​ർ​ഷ​ക്കെ​ടു​തി​യി​ൽ ഉ​യ​രു​ന്ന നി​ല​വി​ളി​ക​ൾ. വീ​ടു​ക​ൾ ത​ക​ർ​ന്നു വീ​ഴു​ന്ന കാ​ഴ്ച​ക​ൾ. എ​ന്തു​ണ്ടാ​യി​ട്ടും ഒ​ന്നു​മി​ല്ലാ​തെ മാ​റു​ന്ന പാ​വം മ​നു​ഷ്യ​ർ.

ആ​രെ​യെ​ങ്കി​ലും സ​ഹാ​യി​ക്ക​ണ​മെ​ന്നു മ​ന​സ് പ​റ​ഞ്ഞു. അ​തി​നാ​യി പീ​രു​മേ​ട്, ഇ​ടു​ക്കി മേ​ഖ​ല​യി​ലെ ദു​രി​താ​ശ്വാ​സ​ക്യാ​ന്പു​ക​ളി​ലൂ​ടെ യാ​ത്ര ചെ​യ്തു. മ​റ്റു​സു​ഹൃ​ത്തു​ക്ക​ളൊ​ടൊ​പ്പം അ​വ​രെ സ​ഹാ​യി​ക്കാ​നു​ള്ള ശ്ര​മ​മാ​യി​രു​ന്നു. വീ​ടും സ്വ​ത്തും ബ​ന്ധു​ക്ക​ളെ​യും ന​ഷ്ട​പ്പെ​ട്ട​വ​രു​ടെ സ​ങ്ക​ടം വീ​ണ്ടും മു​റി​വി​ന്‍റെ ആ​ഴം കൂ​ട്ടി. വീ​ട്ടി​ൽ വ​ന്നു. ര​ണ്ടു​മൂ​ന്നു ദി​വ​സ​ത്തേ​ക്കു ടി​വി പോ​ലും പ്ര​വ​ർ​ത്തി​പ്പി​ച്ചി​ല്ല. ആ​കെ​യു​ള്ള​ത് ഈ ​വീ​ടും കു​റ​ച്ചു ഭൂ​മി​യു​മാ​ണ്. പി​ന്നെ​യു​ള്ള സ്ഥ​ലം ഉ​പ്പു​ത​റ പൊ​രി​ക​ണ്ണി​യി​ലാ​ണ്. ഒ​ന്നേ​കാ​ൽ ഏ​ക്ക​ർ ഭൂ​മി​യു​ണ്ട്. ജീ​വി​ത​ത്തി​നുള്ള ആ​കെ​യു​ള്ള വ​രു​മാ​നം ഇ​തി​ൽ നി​ന്നാ​ണ്.

ഇ​തു കൊ​ടു​ത്താ​ലോ? ഭാ​ര്യ​യും മ​ക്ക​ളും എ​ന്തു വി​ചാ​രി​ക്കും. ജീ​വി​ക്കാ​ൻ വേ​റേ മാ​ർ​ഗ​വു​മി​ല്ല. ഇ​പ്പോ​ൾ പ​ണി​യു​മി​ല്ല. ഭാ​ര്യ ഷീ​ബ​യോ​ടു ചോ​ദി​ച്ചു. ഒ​ന്നേ​കാ​ൽ ഏ​ക്ക​ർ ഭൂ​മി വീ​ടി​ല്ലാ​ത്ത​വ​ർ​ക്കു വീ​ട് വ​യ്ക്കാ​ൻ കൊ​ടു​ത്താ​ലോ? ഉ​ത്ത​രം​കേ​ട്ടു ബാ​ലു ഞെ​ട്ടി​പ്പോ​യി. ഞാ​നി​തു ചേ​ട്ട​നോ​ടു പ​റ​യാ​നി​രി​ക്കു​ക​യാ​യി​രു​ന്നു. ന​മു​ക്ക് എ​ന്തെ​ങ്കി​ലും ചെ​യ്യ​ണം. ഭാ​ര്യ​യും സ​മ്മ​തി​ച്ച​പ്പോ​ൾ മ​ക്ക​ളാ​യ ഗോ​പി​നാ​ഥനോ​ടും ഗോ​കു​ൽ​നാ​ഥി​നോ​ടും ചോ​ദി​ച്ചു. വ​ണ്ടി​പ്പെ​രി​യാ​ർ ട്രി​നി​റ്റി ഗാ​ർ​ഡ​ൻ സ്കൂ​ളി​ൽ പ​ഠി​ക്കു​ന്ന ഗോ​കു​ൽ​നാ​ഥി​നാ​ണ് ആ​ദ്യം പ​റ​ഞ്ഞ​തു കൊ​ടു​ക്കാം പ​പ്പാ.

ര​ണ്ടാ​മ​തു മ​ധു​ര​യി​ൽ സ്പോ​ർ​ട്സ് സ്കൂ​ളി​ൽ പ​ഠി​ക്കു​ന്ന ഗോ​പി​നാ​ഥി​നോ​ടും ചോ​ദി​ച്ചു. എ​തി​ർ​പ്പു​ണ്ടോ? പ​പ്പാ ഈ ​ഭൂ​മി പാ​വ​പ്പെ​ട്ട​വ​ർ​ക്കു കൊ​ടു​ക്കാ​ൻ പോ​കു​ക​യാ​ണ്. അ​വ​ൻ പ​റ​ഞ്ഞു സ​മ്മ​തം. അ​പ്പോ​ൾ സ​മ​യം രാ​ത്രി 10.30. ഇ​നി എ​ന്തു ചെ​യ്യ​ണ​മെ​ന്ന് അ​റി​യാ​ൻ സു​ഹൃ​ത്തി​നെ വി​ളി​ച്ചു. പി​റ്റെ​ന്ന് രാ​വി​ലെ മ​ന്ത്രി എം.​എം.​മ​ണി വ​രു​ന്നു​ണ്ട്. നേ​രി​ട്ടു പ​റ​യാ​മെ​ന്നാ​യി. അ​ങ്ങ​നെ രാ​വി​ലെ മ​ന്ത്രി മ​ണി​യെ ക​ണ്ടു നേ​രി​ട്ട് എ​ഴു​തി ന​ൽ​കി.

കാ​ശു കൊ​ടു​ത്തു​വാ​ങ്ങി​യ ഭൂ​മി

15 വ​ർ​ഷ​മാ​യി ഈ ​ഭൂ​മി വാ​ങ്ങി​യി​ട്ട്. ഭാ​ര്യാ​പി​താ​വ് മു​ത്തു​രാ​ജി​ന്‍റെ സ്ഥ​ല​മാ​യി​രു​ന്നു. ഉ​പ്പു​ത​റ പൊ​രി​ക​ണ്ണി എ​ന്ന സ്ഥ​ല​ത്ത് ഒ​രു ഏ​ക്ക​ർ 25 സെ​ന്‍റ് ഭൂ​മി​യാ​ണ്. ഇ​വി​ടെ കാ​പ്പി​യും കു​രു​മു​ള​കും ന​ന്നാ​യി വ​ള​രു​ന്നു​ണ്ട്. പെ​രി​യാ​റി​നു സ​മീ​പ​ത്തു​ള്ള ഫ​ല​ഭൂ​യി​ഷ്ഠ​മാ​യ ഭൂ​മി. ച​പ്പാ​ത്തി​ലു​ള്ള ഷാ​ജി എ​ന്ന വ്യ​ക്തി​യാ​ണ് വാ​ങ്ങി​യ​ത്. കു​ടും​ബ​സ്വ​ത്ത് കൈ​വി​ട്ടുപോ​കു​ന്ന​തി​ൽ ഷീ​ബ​യ്്്ക്കു സ​ങ്ക​ട​മു​ണ്ടാ​യി​രു​ന്നു.

കൂ​ടു​ത​ൽ തു​ക കൊ​ടു​ത്താ​ണ് ഈ ​ഭൂ​മി തി​രി​കെ വാ​ങ്ങി​യ​ത്. അ​ന്ന് ആ​വ​ശ്യ​ത്തി​നു പ​ണി​യും കൈ​നി​റ​യെ പ​ണ​വു​മു​ണ്ടാ​യി​രു​ന്നു. ആ​റോ​ളം വ​ണ്ടി​ക​ളു​ണ്ടാ​യി​രു​ന്നു. റി​സോ​ർ​ട്ടു​ക​ളും ഫാ​ക്ട​റി​ക​ളും നി​ർ​മി​ച്ചി​ട്ടു​ണ്ട്.​ അ​തി​നു മു​ന്പു പെ​യി​ന്‍റ് പ​ണി ചെ​യ്തി​ട്ടു​ണ്ട്. ഇ​ന്നു ന​ഷ്ട​ക്ക​ച്ച​വ​ട​ത്തി​ന്‍റെ ക​ഥ​ക​ൾ മാ​ത്ര​മേ​യു​ള്ളൂ. പ​ല ച​തി​ക​ളും ജീ​വി​ത​ത്തി​ലു​ണ്ടാ​യി. ഇ​ന്നു ര​ണ്ട് വ​ണ്ടി​യു​ണ്ട്. അ​തി​ൽ ഓ​ട്ടം പോ​കും. ഒ​രാ​ൾ​ക്കെ​ങ്കി​ലും ജോ​ലി കൊ​ടു​ക്ക​ണ​മെ​ന്ന് ആ​ഗ്ര​ഹി​ക്കു​ന്ന ആ​ളാ​ണ് ഞാ​ൻ. പ​ക്ഷേ, ഇ​പ്പോ​ഴ​ത്തെ സാ​ഹ​ച​ര്യ​ത്തി​ൽ ഒ​രു ഓ​ട്ടം​കി​ട്ടി​യാ​ൽ ഞാ​നാ​ണ് പോ​കു​ന്ന​ത്. അ​ത്രമാ​ത്രം സാ​ന്പ​ത്തി​ക വി​ഷ​മം നേ​രി​ടു​ന്നു​ണ്ട്. ഇ​തൊ​ന്നും എ​ന്‍റെ​യും കു​ടും​ബ​ത്തി​ന്‍റെ​യും തീ​രു​മാ​ന​ത്തി​നു ത​ട​സ​മ​ല്ല. ന​മു​ക്കു​ള്ള​തു മ​റ്റു​ള്ള​വ​ർ​ക്കു കൂ​ടി പ​ങ്കു​വ​യ്ക്കു​ക എ​ന്ന കാ​ര്യം ചെ​യ്യു​ന്നു​വെ​ന്നു​മാ​ത്രം. ഒ​രു പ്ലോട്ടാ​യി​ട്ടാ​ണ് സ്ഥ​ലം കി​ട​ക്കു​ന്ന​ത്. സ​ർ​ക്കാ​രി​ന്‍റെ വാ​ട്ട​ർ​ടാ​ങ്കു​ള്ള​തുകൊ​ണ്ടു വെ​ള്ള​ത്തി​നു ക്ഷാ​മ​മി​ല്ല.

ഒ​രു നേ​ര​ത്തെ ആ​ഹാ​ര​മെ​ങ്കി​ലും

പീ​രു​മേ​ട്ടി​ലെ തോ​ട്ടംതൊ​ഴി​ലാ​ളി​ക​ളാ​യി​രു​ന്ന വേ​ലു​വി​ന്‍റെ​യും പാ​ർ​വ​തി​യു​ടെ​യും മ​ക​നാ​യ ബാ​ലു​വി​ന്‍റെ ബാ​ല്യം ക​ഷ്ട​പ്പാ​ടി​ലൂ​ടെ ത​ന്നെ​യാ​ണ് ക​ട​ന്നു പോ​യ​ത്. സാ​ധാ​ര​ണ ഒ​രു എ​സ്റ്റേ​റ്റ് പ​ണി​ക്കാ​ര​ന്‍റെ മ​ക​നു ല​ഭി​ക്കാ​നുള്ള സാ​ധ്യ​ത​യെ​ല്ലാം എ​ല്ലാ​വ​ർ​ക്കും അ​റി​യാം. അ​ത്ര​യേ​റെ ബു​ദ്ധി​മു​ട്ടു​ക​ൾ ജീ​വി​ത​ത്തി​ൽ ഉ​ണ്ടാ​യി​ട്ടു​ണ്ട്. കു​ടും​ബ​ത്തി​ന്‍റെ സാ​ന്പ​ത്തി​ക സ്ഥി​തി മോ​ശ​മാ​യി​രു​ന്ന​തി​നാ​ൽ പ​ഠി​ക്കാ​നു​ള്ള ആ​ഗ്ര​ഹം പാ​തി​വ​ഴി​യി​ൽ ഉ​പേക്ഷി​ക്കേ​ണ്ടി വ​ന്നു. അ​പ്പോ​ഴും ഒ​രു ദി​വ​സം ഒ​രു നന്മയെങ്കി​ലും ചെ​യ്യു​ക എ​ന്ന ചി​ന്ത​യു​ണ്ടാ​യ​തും ഈ ​ജീ​വി​തം ന​ല്കി​യ പാ​ഠ​മാ​ണ്.

ഒ​രാ​ൾ​ക്ക് ഒ​രു നേ​ര​ത്ത ആ​ഹാ​ര​മെ​ങ്കി​ലും കൊ​ടു​ക്കാ​നു​ള്ള മ​ന​സ് രൂ​പ​പ്പെ​ടു​ത്തു​ക​യാ​യി​രു​ന്നു. ഈ ​നന്മ എ​ന്‍റെ മ​ക്ക​ൾ​ക്കു പ​ക​ർ​ന്നുന​ല്കാ​ൻ സാ​ധി​ച്ചി​ട്ടു​ണ്ട്. നാ​ഗ​ർ​കോ​വി​ലിൽ നി​ന്നും പ്ല​സ് ടു ​പ​ഠി​ച്ചു വ​രു​ന്പോ​ൾ പെ​യി​ന്‍റിം​ഗ് പ​ണി തു​ട​ങ്ങി. കൂ​ടെ പ​ത്തോ​ളം ജീ​വ​ന​ക്കാ​രെ കൂ​ട്ടി. ജോ​ലി കി​ട്ടു​ന്പോ​ൾ ഉ​ണ്ടാ​കു​ന്ന സ​ന്തോ​ഷം അ​വ​രു​ടെ മു​ഖ​ത്തു നി​ന്നും വാ​യി​ച്ചെ​ടു​ക്കാ​ൻ സാ​ധി​ച്ചു. അ​തി​നു​ശേ​ഷ​മാ​ണ് കെ​ട്ടി​ടനി​ർ​മാ​ണ​മേ​ഖ​ല​യി​ലേ​ക്കു ക​ട​ക്കു​ന്ന​ത്. കൂ​ടു​ത​ൽ പ​ണി​ക്കാ​രെ വ​ച്ചു ജോ​ലി​ക​ൾ ന​ട​ത്തി.

റി​സോ​ർ​ട്ടു​ക​ളും ഫാ​ക്ട​റി​ക​ളും പ​ണി​യാ​ൻ സാ​ധി​ച്ചു. അ​ന്നും കി​ട്ടു​ന്ന ഒ​രു വി​ഹി​തം മ​റ്റു​ള്ള​വ​ർ​ക്കു​വേ​ണ്ടി മാ​റ്റിവ​യ്ക്കു​മാ​യി​രു​ന്നു. വി​വാ​ഹ​ത്തി​നും മ​റ്റ് ആ​വ​ശ്യ​ത്തി​നും എ​ന്‍റെ കൈ​യി​ലു​ള്ള സ​ന്പാ​ദ്യ​ത്തി​ൽ നി​ന്ന് മ​റ്റു​ള്ള​വ​ർ​ക്ക് കൊ​ടു​ക്കു​ന്ന​തി​ൽ ഞ​ങ്ങ​ൾ​ക്ക് ഒ​രു മ​ടി​യു​മി​ല്ലാ​യി​രു​ന്നു. ഇ​തൊ​ന്നും ആ​രോ​ടും വി​ളി​ച്ചു പ​റ​യാ​ൻ ആ​ഗ്ര​ഹി​ച്ചി​ട്ടി​ല്ല. ഈ ​സം​ഭ​വം പോ​ലും മാ​ധ്യ​മ​ങ്ങ​ളി​ൽ വാ​ർ​ത്ത വ​ന്ന​പ്പോ​ഴാ​ണ് അ​റി​യു​ന്ന​ത്. ഞ​ങ്ങ​ൾ ആ​രെ​യും സ​ഹാ​യി​ക്കും. ഒ​ന്നു​മി​ല്ലാ​ത്ത ഞ​ങ്ങ​ൾ​ക്ക് എ​ല്ലാം വ​ലി​യ കാ​ര്യ​ങ്ങ​ളാ​യ​തു കൊ​ണ്ട് ഒ​ന്നി​ച്ചൊ​രു തീ​രു​മാ​ന​മെ​ടു​ക്കും. ഇ​താ​ണ് എ​ന്‍റെ കു​ടും​ബ​ത്തി​ന്‍റെ വി​ജ​യം. മൂ​ത്ത​മ​ക​ൻ ഗോ​പി​നാ​ഥ് ഫു​ട്ബോ​ൾ താ​ര​മാ​ണ്. മ​ധു​ര​യി​ലെ സ്പോ​ർ​ട്സ് ഹോ​സ്റ്റ​ലി​ൽ നി​ന്നാ​ണ് പ​ഠി​ക്കു​ന്ന​ത്. ഇ​ള​യ​മ​ക​ൻ ഗോ​കു​ൽ​നാ​ഥ് അ​ഞ്ചാം ക്ലാ​സി​ൽ പ​ഠി​ക്കു​ന്നു.

ജോ​ണ്‍​സ​ണ്‍ വേ​ങ്ങ​ത്ത​ടം