സോ​ഫ്റ്റാ​യ ഹാ​ർ​ഡ്‌വെയ​ർ ഷോ​പ്പു​ട​മ
അ​തൊ​രു ചെ​റി​യ കു​ടും​ബ​മ​ല്ല. അ​പ്പ​നും അ​മ്മ​യും ആ​റ് മ​ക്ക​ളും അ​ട​ങ്ങു​ന്ന വ​ലി​യൊ​രു കു​ടും​ബ​മാ​ണ്. കു​ടും​ബ​നാ​ഥ​ൻ സെ​ബാ​സ്റ്റ്യ​ൻ. അ​യാ​ളു​ടെ ഭാ​ര്യ ലീ​ന. സെ​ബാ​സ്റ്റ്യ​ന് ടൗ​ണി​ൽ ഹാ​ർ​ഡ്‌വെയ​ർ ബി​സി​ന​സാ​ണ്. അ​യാ​ളു​ടേ​ത് ആ ​ടൗ​ണി​ലെ ഏ​റ്റ​വും തി​ര​ക്കു​ള്ള ഹാ​ർ​ഡ്‌വെയ​ർ ഷോ​പ്പാ​ണ്. ബി​സി​ന​സ് ന​ന്നാ​യി പോ​കു​ന്ന​ത് ന​ല്ല സാ​ധ​ന​ങ്ങ​ൾ അ​വി​ടെ വി​ൽ​ക്കു​ന്ന​തു​കൊ​ണ്ട് മാ​ത്ര​മ​ല്ല സെ​ബാ​സ്റ്റ്യ​ന്‍റെ ന​ല്ല പെ​രു​മാ​റ്റ​വും അ​തി​ന് കാ​ര​ണ​മാ​കു​ന്നു​ണ്ട്.

അ​യാ​ൾ വീ​ട്ടി​ലും നാ​ട്ടി​ലും ത​ന്‍റെ ക​ട​യി​ൽ സാ​ധ​ന​ങ്ങ​ൾ വാ​ങ്ങാ​ൻ എ​ത്തു​ന്ന​വ​ർ​ക്ക് മു​ന്നി​ലു​മൊ​ക്കെ സ്വീ​കാ​ര്യ​നാ​ണ്. സെ​ബാ​സ്റ്റ്യ​ന്‍റെ സ​ൽ​സ്വ​ഭാ​വ​ത്തെ​യും ആ​ക​ർ​ഷ​ക​മാ​യ പെ​രു​മാ​റ്റ​ത്തെ​യും സം​ബ​ന്ധി​ച്ച് സം​സാ​രി​ക്കു​ന്പോ​ൾ അ​യാ​ളു​ടെ ഭാ​ര്യ ലീ​ന​യ്ക്ക് ആ​യി​രം നാ​വാ​ണ്. മ​ക്ക​ൾ​ക്കും സെ​ബാ​സ്റ്റ്യ​ന്‍റെ മാ​താ​പി​താ​ക്ക​ൾ​ക്കും അ​യാ​ളു​ടെ അ​മ്മാ​യി​യ​പ്പ​നും അ​മ്മാ​യി​യ​മ്മ​യ്ക്കു​മൊ​ക്കെ അ​യാ​ളെ​ക്കു​റി​ച്ച് ന​ല്ല​ത് മാ​ത്ര​മേ പ​റ​യാ​നു​ള്ളൂ. ന​ല്ല​ത് പ​റ​യാ​നും ന​ല്ല രീ​തി​യി​ൽ പെ​രു​മാ​റാ​നു​മേ താ​ൻ പ​രി​ശീ​ലി​ച്ചി​ട്ടു​ള്ളു​വെ​ന്നും അ​തി​നേ ത​നി​ക്ക് ക​ഴി​യൂ എ​ന്നും പ​റ​യു​ന്ന സെ​ബാ​സ്റ്റ്യ​ൻ അ​തി​നെ​ല്ലാം ന​ന്ദി പ​റ​യു​ന്ന​ത് സ്വ​ന്തം മാ​താ​പി​താ​ക്ക​ൾ​ക്കും ത​ന്‍റെ മു​തി​ർ​ന്ന സ​ഹോ​ദ​ര​ങ്ങ​ൾ​ക്കു​മാ​ണ്.

സെ​ബാ​സ്റ്റ്യ​ന്‍റെ അ​പ്പ​ൻ ന​ല്ല ഒ​രു ക​ർ​ഷ​ക​നാ​യി​രു​ന്നു. സെ​ബാ​സ്റ്റ്യ​നെ​പ്പോ​ലെ​ത​ന്നെ നാ​ട്ടി​ലെ​ല്ലാ​വ​ർ​ക്കും സ്വീ​കാ​ര്യ​നാ​യി​രു​ന്ന ജോ​ർ​ജെ​ന്ന അ​യാ​ൾ ത​ന്‍റെ മ​ക്ക​ളെ​യും ന​ല്ല രീ​തി​യി​ലാ​ണ് വ​ള​ർ​ത്തി​യ​ത്. സെ​ബാ​സ്റ്റ്യ​നെ കൂ​ടാ​തെ ഏ​ഴ് മ​ക്ക​ൾ​കൂ​ടി ഉ​ണ്ടാ​യി​രു​ന്നു ആ ​കു​ടും​ബ​നാ​ഥ​ന്. അ​പ്പ​നെ​യും അ​മ്മ​യെ​യും​പോ​ലെ​ത​ന്നെ ഇ​ളേ​ത്തു​ങ്ങ​ൾ​ക്ക് ശി​ക്ഷ​ണ​വും ന​ല്ല മാ​തൃ​ക​യും ന​ൽ​കാ​ൻ ആ ​കു​ടും​ബ​ത്തി​ലെ മൂ​ത്ത മ​ക്ക​ളും ശ്ര​ദ്ധി​ച്ചി​രു​ന്നു. ത​ന്‍റെ മൂ​ത്ത ചേ​ച്ചി​മാ​രെ അ​മ്മ​യ്ക്ക് തു​ല്യ​വും ജ്യേ​ഷ്ഠന്മാ​രെ അ​പ്പ​നു തു​ല്യ​വും ക​ണ്ട് ആ​ദ​രി​ക്കാ​നും പ​രി​ഗ​ണി​ക്കാ​നും സെ​ബാ​സ്റ്റ്യ​ൻ ഏ​പ്പോ​ഴും ശ്ര​ദ്ധി​ച്ചി​രു​ന്നു.

സെ​ബാ​സ്റ്റ്യ​ന്‍റെ ഭാ​ര്യ ലീ​ന​യെ​യും ത​ന്‍റെ ഭ​ർ​ത്താ​വി​ന്‍റെ മാ​തൃ​ക സ്വാ​ധീ​നി​ച്ചു. ത​ന്‍റെ മാ​താ​പി​താ​ക്ക​ൾ​ക്കും മു​തി​ർ​ന്ന സ​ഹോ​ദ​ര​ങ്ങ​ൾ​ക്കും സെ​ബാ​സ്റ്റ്യ​നെ​പ്പോ​ലെ​യൊ​ന്നും ആ​ദ​ര​വും പ​രി​ഗ​ണ​ന​യും ന​ൽ​കാ​ൻ ത​ന്‍റെ ജീ​വി​ത​ത്തി​ന്‍റെ ആ​രം​ഭ​ത്തി​ലൊ​ന്നും ലീ​നയ്ക്ക് ക​ഴി​ഞ്ഞി​രു​ന്നി​ല്ലെ​ങ്കി​ലും വി​വാ​ഹ​ശേ​ഷം ത​ന്‍റെ ഭ​ർ​ത്താ​വി​ന്‍റെ മാ​തൃ​ക സ്വീ​ക​രി​ച്ചു​കൊ​ണ്ട് ലീ​ന​യും ത​ന്‍റെ മാ​താ​പി​താ​ക്ക​ളോ​ടും കു​ടും​ബാം​ഗ​ങ്ങ​ളോ​ടും ഭ​ർ​ത്താ​വി​ന്‍റെ മാ​താ​പി​താ​ക്ക​ളോ​ടും ഭ​ർ​ത്താ​വി​ന്‍റെ മു​തി​ർ​ന്ന സ​ഹോ​ദ​ര​ങ്ങ​ളോ​ടും ഒ​ക്കെ ആ​ദ​ര​വും സ്നേ​ഹ​വും കാ​ട്ടിത്തുട​ങ്ങി. ഭ​ർ​ത്താ​ക്കന്മാ​രാ​ണെ​ങ്കി​ൽ ഇ​ങ്ങ​നെ വേ​ണം എ​ന്നാ​ണ് ലീ​ന ത​ന്‍റെ ഭ​ർ​ത്താ​വാ​യ സെ​ബാ​സ്റ്റ്യ​നെ ചു​ണ്ടി​ക്കാ​ട്ടി സ​ന്തോ​ഷ​ത്തോ​ടെ ത​ന്നോ​ട് അ​ടു​പ്പ​മു​ള്ള​വ​രോ​ടൊ​ക്കെ പ​റ​യു​ന്ന​ത്.

നാ​ളു​ക​ൾ​ക്കു മു​ന്പ് മാ​ത്ര​മ​ല്ല, ഇ​ന്നും ലീ​ന​യെ​പ്പോ​ലു​ള്ള ഭാ​ര്യ​മാ​ർ​ക്ക് മാ​തൃ​കാ പു​രു​ഷ​രാ​യി ചൂ​ണ്ടി​ക്കാ​ട്ടാ​ൻ പ​റ്റു​ന്ന ഉ​ത്ത​മ​രാ​യ ഭ​ർ​ത്താ​ക്കന്മാ​ർ ഏ​റെ ഉ​ണ്ട് എ​ന്ന​ത് വ​സ്തു​ത​യാ​ണ്. എ​ന്നാ​ൽ ഒ​ട്ടേ​റെ ഭാ​ര്യ​മാ​ർ​ക്ക് പ​ഴി​ക്കാ​ൻ ഇ​ട​യാ​കും​വി​ധം വി​പ​രീ​ത ദി​ശ​യി​ലൂ​ടെ ച​രി​ക്കു​ന്ന ഭ​ർ​ത്താ​ക്കന്മാ​രും ഉ​ണ്ട് എ​ന്ന​തും സ​ത്യ​മാ​ണ.് ത​ന്‍റെ ഭ​ർ​ത്താ​വി​നെ നേ​രെ​യാ​ക്കു​ന്ന കാ​ര്യ​ത്തി​ൽ നി​ര​ന്ത​രം ശ്ര​ദ്ധി​ക്കു​ന്ന​തി​നി​ട​യി​ൽ മ​ക്ക​ളു​ടെ രൂ​പീ​ക​ര​ണ​ത്തി​ൽ ശ്ര​ദ്ധി​ക്കാ​ൻ ക​ഴി​യാ​തെ പോ​കു​ന്ന ചി​ല കു​ടും​ബ​നാ​ഥ​ക​ളും ന​മ്മു​ടെ ഇ​ട​യി​ൽ ഉ​ണ്ട്. ത​ങ്ങ​ളെ​ത്ത​ന്നെ പ​ഴി​ച്ച് നി​രാ​ശ​രാ​യി ജീ​വി​ക്കു​ന്ന​വ​രാ​ണ് ഇ​ക്കൂ​ട്ട​രി​ൽ ഏ​റെ​യും.

സ്വ​ന്തം മാ​താ​പി​താ​ക്ക​ളെ​യും മു​തി​ർ​ന്ന ത​ന്‍റെ സ​ഹോ​ദ​ര​രെ​യും ബ​ഹു​മാ​നി​ക്കാ​നും പ​രി​ഗ​ണി​ക്കാ​നും ഭ​ർ​ത്താ​ക്കന്മാ​രാ​യ കു​ടും​ബ​നാ​ഥന്മാ​ർ​ക്ക് ക​ഴി​യാ​തെ പോ​കു​ന്പോ​ൾ അ​തു​വ​ഴി അ​വ​ർ ത​ങ്ങ​ളു​ടെ മ​ക്ക​ൾ​ക്കും അ​വ​രി​ലൂ​ടെ ജന്മം ​കൊ​ള്ളു​ന്ന വ​രും​ത​ല​മു​റ​ക​ൾ​ക്കു​മാ​ണ് ദു​ർ​മാ​തൃ​ക​യു​ടെ പാ​ഠം കൈ​മാ​റു​ന്ന​ത്.

ആ​ക​ർ​ഷ​ക​മാ​യ പെ​രു​മാ​റ്റം ഇ​ന്ന് ആ​രും ആ​രി​ൽ​നി​ന്ന് ആ​ഗ്ര​ഹി​ക്കു​ന്ന​താ​ണ്. കു​ടും​ബബ​ന്ധ​ങ്ങ​ളി​ൽ മാ​ത്ര​മ​ല്ല കു​ടു​ംബേ​ത​ര ബ​ന്ധ​ങ്ങ​ളി​ലും ഇ​ക്കാ​ര്യം പ്ര​സ​ക്ത​മാ​ണ്. ന​ല്ല സം​സാ​ര​വും ഓ​രോ​രു​ത്ത​രു​ടെ​യും അ​വ​സ്ഥ മ​ന​സി​ലാ​ക്കി പെ​രു​മാ​റാ​നു​ള്ള പാ​ട​വ​വും ന​ല്ല ബ​ന്ധ​ങ്ങ​ൾ സ്ഥാ​പി​ക്കു​ന്ന​തി​ൽ പ്രാ​ധാ​ന്യം അ​ർ​ഹി​ക്കു​ന്ന​താ​ണ്. ഈ​യൊ​രു കാ​ര്യ​ത്തി​ന് അ​ടി​സ്ഥാ​ന​മാ​യി​ട്ടു​ള്ള​ത് ഓ​രോ​രു​ത്ത​രെ​യും ആ​ദ​രി​ക്കാ​നു​ള്ള മ​നോ​ഭാ​വ​മാ​ണ്. ഓ​രോ വ്യ​ക്തി​യെ​യും അ​വ​രോരോ​രു​ത്ത​രു​ടെ​യും സ്ഥാ​ന​ത്തി​ന​നു​സ​രി​ച്ച് ആ​ദ​രി​ക്കു​ക എ​ന്ന​തു​പോ​ലെ​ത​ന്നെ പ്ര​ധാ​ന​പ്പെ​ട്ട​താ​ണ് എ​ല്ലാ മ​നു​ഷ്യ​രെ​യും മ​നു​ഷ്യ​ത്വ​ത്തി​ന്‍റെ പേ​രി​ൽ ത​രം​തി​രി​വി​ല്ലാ​തെ ബ​ഹു​മാ​നി​ക്കു​ക എ​ന്ന​തും.
അ​ന്യോ​ന്യം കേ​ൾ​ക്കാ​നു​ള​ള സ​ന്ന​ദ്ധ​ത ഇ​ന്ന് പ​ല​ർ​ക്കും ഇ​ല്ലാ​തെ​പോ​കു​ന്നു എ​ന്ന​ത് ബ​ന്ധ​ങ്ങ​ൾ ത​ള​രു​ന്ന​തി​നും ത​ക​രു​ന്ന​തി​നും കാ​ര​ണ​മാ​കു​ന്നു​ണ്ട് എ​ന്ന​ത് യാ​ഥാ​ർ​ഥ്യ​മാ​ണ്. മ​റ്റു​ള്ള​വ​രെ ശ്ര​വി​ക്കാ​നും മ​ന​സി​ലാ​ക്കാ​നും ന​മു​ക്ക് സ​ന്ന​ദ്ധ​ത ഉ​ണ്ടാ​കു​ക എ​ന്ന​ത് അ​വ​ർ​ക്ക് ന​മ്മോ​ട് മ​തി​പ്പു​ണ്ടാ​കു​ന്ന​തി​ന് പ​ര​മപ്ര​ധാ​ന​മാ​യ കാ​ര്യ​മാ​ണ്. ഇ​ക്കാ​ര്യം കു​ടും​ബ​ജീ​വി​ത​ത്തി​ൽ മാ​ത്ര​മ​ല്ല ഔ​ദ്യോ​ഗി​ക ജീ​വി​ത​ത്തി​ലും സാ​മൂ​ഹ്യ​ജീ​വി​ത​ത്തി​ന്‍റെ എ​ല്ലാ ത​ല​ങ്ങ​ളി​ലും പ്ര​ധാ​ന​പ്പെ​ട്ട​താ​ണ്.

കു​ട്ടി​ക​ളു​ടെ ശി​ക്ഷ​ണ ഘ​ട്ട​ങ്ങ​ളി​ൽ മാ​താ​പി​താ​ക്ക​ൾ ഇ​ക്കാ​ര്യ​ങ്ങ​ൾ അ​വ​രു​ടെ ശ്ര​ദ്ധ​യി​ൽ​ക്കൊ​ണ്ടു​വ​രിക എ​ന്ന​തും വ​ള​രെ പ്രാ​ധാ​ന്യം അ​ർ​ഹി​ക്കു​ന്ന​താ​ണ്. ഇ​ളം​ത​ല​മു​റ ഇ​ക്കാ​ര്യ​ത്തി​ന് വേ​ണ്ട​ത്ര പ്രാ​ധാ​ന്യം കൊ​ടു​ക്കാ​തെ പോ​കു​ന്ന​ത് അ​വ​രു​ടെ വ്യ​ക്തി​ത്വം അ​നാ​ക​ർ​ഷ​ക​മാ​യിത്തീരാ​ൻ ഇ​ന്നു കാ​ര​ണ​മാ​കു​ന്നു​ണ്ട് എ​ന്ന​തും വ​സ്തു​ത​യാ​ണ്.

സി​റി​യ​ക് കോ​ട്ട​യി​ൽ


Copyright @ 2022 , Rashtra Deepika Ltd.