സ്വ​ര​ങ്ങ​ളു​ടെ സു​ൽ​ത്താ​ന
ഹ​മേ തും​സെ പ്യാ​ർ കി​ത്നാ എ​ന്നൊ​രു പ്ര​ശ​സ്ത​മാ​യ പാ​ട്ടു​ണ്ട്. 1981ൽ ​പു​റ​ത്തി​റ​ങ്ങി​യ കു​ദ്റ​ത്ത് എ​ന്ന ചി​ത്ര​ത്തി​ലെ ആ ​പാ​ട്ടി​ന്‍റെ വ​രി​ക​ൾ കേ​ൾ​ക്കു​ന്പോ​ഴേ മ​ന​സി​ലെ​ത്തു​ക കി​ഷോ​ർ കു​മാ​റി​ന്‍റെ ശ​ബ്ദ​മാ​ണ്. അ​ത്ര​യും ഗം​ഭീ​ര​മാ​യാ​ണ് അ​ദ്ദേ​ഹ​മ​ത് ആ​ല​പി​ച്ചി​രി​ക്കു​ന്ന​ത്. എ​ന്നാ​ൽ സി​നി​മ​യി​ൽ ആ ​പാ​ട്ടി​ന് സ്ത്രീ​ശ​ബ്ദ​ത്തി​ലു​ള്ള ഒ​രു പ​തി​പ്പു​കൂ​ടി​യു​ണ്ട്. കി​ഷോ​റി​ന് ആ ​പാ​ട്ട് ഫി​ലിം​ഫെ​യ​ർ അ​വാ​ർ​ഡി​നു​ള്ള നോ​മി​നേ​ഷ​നാ​ണ് ല​ഭി​ച്ച​തെ​ങ്കി​ൽ അ​ക്കൊ​ല്ല​ത്തെ മി​ക​ച്ച ഗാ​യി​ക​യ്ക്കു​ള്ള പു​ര​സ്കാ​രം സ്വ​ന്ത​മാ​ക്കി​യ​ത് അ​തേ പാ​ട്ടു​പാ​ടി​യ സ്ത്രീ​സ്വ​ര​മാ​യി​രു​ന്നു-

ബീ​ഗം പ​ർ​വീ​ണ്‍ സു​ൽ​ത്താ​ന!

വേ​റെ​യും സു​ന്ദ​ര​മാ​യ സി​നി​മാ​പ്പാ​ട്ടു​ക​ളു​ണ്ട് സു​ൽ​ത്താ​ന​യു​ടെ ക്രെ​ഡി​റ്റി​ൽ. എ​ന്നാ​ൽ സ്വ​ന്തം നി​ല​പാ​ട് അ​വ​ർ പ​റ​ഞ്ഞു​വ​ച്ചി​ട്ടു​ള്ള​തു കേ​ൾ​ക്കു​ക: എ​നി​ക്ക് സി​നി​മ​ക​ൾ​ക്കു​വേ​ണ്ടി പാ​ടാ​ൻ താ​ത്പ​ര്യ​മി​ല്ല. മ​നോ​ഹ​ര​മാ​യ ഗാ​ന​ങ്ങ​ളാ​ണ് ഞാ​ൻ സി​നി​മ​യി​ൽ പാ​ടി​യ​ത്. എ​ന്നാ​ൽ പി​ന്നീ​ടെ​നി​ക്കു കി​ട്ടി​യ പാ​ട്ടു​ക​ൾ മു​ന്പു പാ​ടി​യ​വ​യ്ക്കൊ​പ്പം നി​ല​വാ​ര​മു​ള്ള​താ​യി​രു​ന്നി​ല്ല. എ​ന്‍റെ ആ​ത്മാ​വി​ലേ​ക്കെ​ത്താ​ൻ ആ ​പാ​ട്ടു​ക​ൾ​ക്കു ക​ഴി​ഞ്ഞി​ല്ല. നി​ങ്ങ​ൾ​ക്കൊ​രു പാ​ട്ട് ഇ​ഷ്ട​മാ​യി​ല്ലെ​ങ്കി​ൽ ഒ​രി​ക്ക​ലും അ​തു പാ​ട​രു​ത്. സം​തൃ​പ്തി​യി​ല്ലാ​ത്തൊ​രു കാ​ര്യം എ​ന്തി​നാ​ണു ചെ​യ്യു​ന്ന​ത്? ഞാ​ൻ ചെ​യ്യു​ന്ന​തെ​ന്തും ആ​ത്മാ​ർ​ഥ​മാ​യാ​ണ് ചെ​യ്യു​ക. ക്ലാ​സി​ക്ക​ൽ പാ​ടു​ന്പോ​ൾ ഞാ​ന​തി​ൽ ദൈ​വ​ത്തെ​യും എ​ന്‍റെ കാ​മു​ക​നെ​യു​മെ​ല്ലാം കാ​ണും. അ​തു​കൊ​ണ്ടു​ത​ന്നെ ശാ​സ്ത്രീ​യ​സം​ഗീ​ത​മാ​ണ് എ​നി​ക്കെ​ല്ലാം...

സം​ഗീ​ത​യാ​ത്ര

സ്വ​ര​ശു​ദ്ധി, ഭാ​വം, സൗ​ന്ദ​ര്യം- ഇ​വ മൂ​ന്നു​മി​ണ​ങ്ങി​യ​താ​ണ് പ​ർ​വീ​ണ്‍ സു​ൽ​ത്താ​ന​യു​ടെ സം​ഗീ​തം. മു​ഴു​നീ​ള രാ​ത്രി​ക​ൾ അ​വ​ർ ക​ച്ചേ​രി​ക​ൾ​കൊ​ണ്ടു നി​റ​ച്ചി​ട്ടു​ണ്ട്. ഉ​റ​ക്ക​മൊ​ഴി​ഞ്ഞ് ഇ​രു​പ​തി​നാ​യി​ര​ത്തോ​ളം​പേ​ർ ഒ​രി​ക്ക​ൽ ആ ​രാ​ഗ​ധാ​ര​യി​ൽ അ​ലി​ഞ്ഞി​രു​ന്നു. കു​ഞ്ഞു​നാ​ൾ​മു​ത​ൽ പ​ർ​വീ​ണ്‍ ആ​ർ​ജ്ജി​ച്ചെ​ടു​ത്ത റേ​ഞ്ച് തി​രി​ച്ച​റി​യാ​ൻ മ​റ്റെ​ങ്ങും നോ​ക്കേ​ണ്ട.

അ​ഫ്ഗാ​നി​സ്ഥാ​നി​ൽ​നി​ന്ന് വ്യാ​പാ​രാ​ർ​ഥം അ​സ​മി​ലെ​ത്തി​യ​താ​ണ് പ​ർ​വീ​ണ്‍ സു​ൽ​ത്താ​ന​യു​ടെ പൂ​ർ​വി​ക​ർ. ശാ​സ്ത്രീ​യ സം​ഗീ​ത​ത്തി​ൽ ഏ​റെ ത​ത്പ​ര​നാ​യി​രു​ന്നു മു​ത്ത​ച്ഛ​ൻ. അ​ഫ്ഗാ​നി റ​ബാ​ബും പു​ല്ലാ​ങ്കു​ഴ​ലും വാ​യി​ച്ചി​രു​ന്ന അ​ദ്ദേ​ഹ​ത്തി​ൽ​നി​ന്ന് പ​ർ​വീ​ണി​ന്‍റെ പി​താ​വ് അ​ബ്ദു​ൾ മ​സീ​ദി​ലേ​ക്കും സം​ഗീ​തം പ​ക​ർ​ന്നു​കി​ട്ടി.

പ​ർ​വീ​ണി​നു മൂ​ന്നോ നാ​ലോ വ​യ​സു​ള്ള​പ്പോ​ൾ പി​താ​വ് ഒ​രു ബ​ന്ദി​ഷ് ഈ​ണ​മി​ട്ടൊ​രു​ക്കു​ന്ന​ത് അ​വ​ൾ കേ​ട്ടു. അ​ദ്ദേ​ഹം മു​റി​വി​ട്ടി​റ​ങ്ങി​യ​പ്പോ​ൾ പ​ർ​വീ​ണ്‍ അ​വി​ടെ​യെ​ത്തി കേ​ട്ട​ത​ത്ര​യും അ​വ​ളു​ടേ​താ​യ രീ​തി​യി​ൽ പു​ന​ഃസൃ​ഷ്ടി​ച്ചു. അ​ങ്ങ​നെ​യാ​ണ് മാ​താ​പി​താ​ക്ക​ൾ തി​രി​ച്ച​റി​ഞ്ഞ​ത്, മ​ക​ളി​ൽ ഒ​രു സം​ഗീ​ത​ജ്ഞ​യു​ണ്ടെ​ന്ന്. അ​ച്ഛ​നി​ൽ​നി​ന്ന് അ​ന്നു​ത​ന്നെ പ​ർ​വീ​ണ്‍ സ്വ​ര​ങ്ങ​ൾ അ​ഭ്യ​സി​ക്കാ​നും തു​ട​ങ്ങി.

ഗ്രാ​മ​ഫോ​ണ്‍ റെ​ക്കോ​ർ​ഡു​ക​ളു​ടെ വ​ലി​യൊ​രു ശേ​ഖ​രം പി​താ​വി​ന്‍റെ പ​ക്ക​ലു​ണ്ടാ​യി​രു​ന്നു. പ​ണ്ഠി​റ്റ് ഓം​കാ​ർ​നാ​ഥ് ഠാ​ക്കൂ​ർ, ഉ​സ്താ​ദ് ബ​ഡേ ഗു​ലാം അ​ലി ഖാ​ൻ തു​ട​ങ്ങി​യ​വ​രു​ടെ സം​ഗീ​തം പ​ർ​വീ​ണ്‍ കേ​ൾ​ക്കു​ന്ന​ത് അ​വ​യി​ലൂ​ടെ​യാ​ണ്. പാ​ട്ടു​കേ​ട്ടാ​ൽ മി​ഠാ​യി ന​ൽ​കു​മാ​യി​രു​ന്നു പി​താ​വെ​ന്ന് പ​ർ​വീ​ണ്‍ ഓ​ർ​ക്കു​ന്നു. അ​ങ്ങ​നെ ശാ​സ്ത്രീ​യ​സം​ഗീ​ത​ത്തി​ൽ ക​ളി​ച്ചും പ​ഠി​ച്ചും ക​ട​ന്നു​വ​ന്ന​താ​ണ് പ​ർ​വീ​ണ്‍ സു​ൽ​ത്താ​ന​യു​ടെ കു​ട്ടി​ക്കാ​ലം.

ഗു​രു​വി​നെ ക​ണ്ടെ​ത്ത​ൽ

പ​ർ​വീ​ണി​ന് ഒ​രു ഗു​രു​വി​നെ ക​ണ്ടെ​ത്താ​ൻ പി​താ​വ് ഏ​റെ പാ​ടു​പെ​ട്ടു. ഉ​സ്താ​ദു​മാ​രി​ൽ പ​ല​രും പ​ഠി​പ്പി​ക്കാ​ൻ വി​സ​മ്മ​തി​ച്ചു. ചി​ല​ർ ഉ​പ​ദേ​ശി​ക്കാ​നും മ​റ​ന്നി​ല്ല- പെ​ണ്‍​കു​ട്ടി​യെ പാ​ട്ട​ല്ല പ​ഠി​പ്പി​ക്കേ​ണ്ട​ത്, വീ​ട്ടു​ജോ​ലി​ക​ൾ ചെ​യ്യാ​ൻ പ​ഠി​പ്പി​ക്കൂ. എ​ന്നി​ട്ട് ഏ​തെ​ങ്കി​ലും സ​ന്പ​ന്ന കു​ടും​ബ​ത്തി​ലേ​ക്ക് ക​ല്യാ​ണം​ക​ഴി​ച്ച​യ​യ്ക്കൂ. അ​ബ്ദു​ൾ മ​സീ​ദ് അ​വ​രോ​ടു വി​ന​യ​ത്തോ​ടെ മ​റു​പ​ടി പ​റ​ഞ്ഞു- ഉ​പ​ദേ​ശം നി​ങ്ങ​ൾ സ്വ​ന്തം കൈ​യി​ൽ വ​യ്ക്കൂ, എ​നി​ക്കെ​ന്‍റെ മ​ക​ളെ ശാ​സ്ത്രീ​യ സം​ഗീ​ത​ജ്ഞ​യാ​ക്കി​യേ​തീ​രൂ.

അ​വി​ടെ​നി​ന്നാ​ണ് പ​ർ​വീ​ണ്‍ സു​ൽ​ത്താ​ന പ​ട്യാ​ല ഘ​രാ​ന​യു​ടെ സു​ന്ദ​ര​ശ​ബ്ദ​മാ​യി ഉ​യ​ർ​ന്ന​ത്. പ​ണ്ഡി​റ്റ് ചി​ൻ​മ​യി ലാ​ഹി​രി​യു​ടെ ശി​ക്ഷ​ണ​ത്തി​ലാ​യി​രു​ന്നു തു​ട​ക്ക​ത്തി​ൽ പ​ർ​വീ​ണ്‍. ഘ​രാ​ന​യെ ഒ​രു ആ​ലാ​പ​ന​ശൈ​ലി​യാ​യി മാ​ത്ര​മേ പ​ർ​വീ​ണും പി​താ​വും ക​ണ്ടു​ള്ളൂ. സം​ഗീ​ത​ത്തെ വി​വി​ധ​യി​നം പൂ​ക്ക​ളും സു​ഗ​ന്ധ​ങ്ങ​ളു​മു​ള്ള ഒ​രു​ദ്യാ​ന​മാ​യി പ​ർ​വീ​ണ്‍ വി​ല​യി​രു​ത്തി​യി​ട്ടു​ണ്ട്. നി​ങ്ങ​ൾ ഇ​ഷ്ട​മു​ള്ള പൂ​ക്ക​ൾ തെ​ര​ഞ്ഞെ​ടു​ക്കു​ന്നു, അ​വ​കൊ​ണ്ട് സ്വ​ന്തം പൂ​ച്ചെ​ണ്ടൊ​രു​ക്കു​ന്നു! 1976ൽ, ​ഇ​രു​പ​ത്ത​ഞ്ചാം വ​യ​സി​ലാ​ണ് പ​ർ​വീ​ണി​നെ രാ​ഷ്ട്രം പ​ത്മ​ശ്രീ ന​ൽ​കി ആ​ദ​രി​ച്ച​ത്.

എ​ക്കോ ഇ​ഫ​ക്ട്

എ​ല്ലാ​വ​രും അ​ത്ഭു​ത​ത്തോ​ടെ കാ​ണു​ന്ന​താ​ണ് പ​ർ​വീ​ണ്‍ സു​ൽ​ത്താ​ന​യു​ടെ സ്വ​ര​ത്തി​ലെ പ്ര​തി​ധ്വ​നി. ഗാ​യ​ക​രും ഉ​പ​ക​ര​ണ​സം​ഗീ​ത​ജ്ഞ​രും ആ ​ഇ​ഫ​ക്ട് അ​നു​ക​രി​ക്കാ​ൻ ശ്ര​മി​ക്കാ​റു​മു​ണ്ട്. അ​തു വ​ന്ന​വ​ഴി​യെ​ക്കു​റി​ച്ച് പ​ർ​വീ​ണ്‍ പ​റ​ഞ്ഞ​തി​ങ്ങ​നെ: പ​രി​ശീ​ല​ന​സ​മ​യ​ത്തും അ​ല്ലാ​ത്ത​പ്പോ​ഴും ഞാ​നെ​ന്‍റെ ശ​ബ്ദം​വ​ച്ച് പ​രീ​ക്ഷ​ണ​ങ്ങ​ൾ ന​ട​ത്തി​നോ​ക്കാ​റു​ണ്ട്. ഒ​രി​ക്ക​ൽ സ്വ​ര​ങ്ങ​ളു​ടെ ഒ​രേ നി​ര ഉ​ച്ച​ത്തി​ൽ പാ​ടു​ക​യും മൃ​ദു​വാ​യി ശ​ബ്ദ​ത്തെ ചു​രു​ക്കാ​ൻ ശ്ര​മി​ക്കു​ക​യും ചെ​യ്തു. അ​ങ്ങ​നെ​യാ​ണ് ആ ​എ​ക്കോ ഇ​ഫ​ക്ട് കി​ട്ടി​യ​ത്. അ​ത് ജ​ന​പ്രി​യ​മാ​വു​ക​യും ചെ​യ്തു.

ആ ​പ്ര​തി​ധ്വ​നി​പോ​ലെ പ​ർ​വീ​ണ്‍ വി​ശ്വ​സി​ക്കു​ന്ന ഒ​ന്നു​കൂ​ടി​യു​ണ്ട്- പ്ര​തി​ബിം​ബം. വ​ലി​യൊ​രു ക​ണ്ണാ​ടി​ക്കു മു​ന്നി​ലി​രു​ന്നാ​ണ് അ​വ​ർ റി​യാ​സ് (പ​രി​ശീ​ല​നം) ന​ട​ത്തു​ക​പ​തി​വ്. മ​ണി​ക്കൂ​റു​ക​ൾ നീ​ളു​ന്ന പ​രി​ശീ​ല​ന സ​മ​യ​ത്ത് ത​ന്‍റെ മു​ഖ​ഭാ​വ​ങ്ങ​ൾ അ​വ​ർ വി​ല​യി​രു​ത്താ​റു​ണ്ട്. ആ​ലാ​പ​ന​ത്തി​നി​ട​യ്ക്ക് ത​ന്‍റെ മു​ഖ​ത്ത് ശ്രോതാക്കൾക്ക് അ​രോ​ച​ക​മാ​യ ഒ​രു ഭാ​വ​വും വ​രു​ന്നി​ല്ലെ​ന്ന് ആ ​പ്ര​തി​ബിം​ബ​ത്തി​ൽ​നോ​ക്കി പ​ർ​വീ​ണ്‍ ഉ​റ​പ്പു​വ​രു​ത്തു​ക​യാ​യി​രു​ന്നു.

ഇ​ന്ത്യ​ൻ ശാ​സ്ത്രീ​യ​സം​ഗീ​ത​ത്തി​ന്‍റെ ഒ​രു വ​ലി​യ മു​ഖ​ക്ക​ണ്ണാ​ടി​യാ​ണ് ബീ​ഗം പ​ർ​വീ​ണ്‍ സു​ൽ​ത്താ​ന. യു​വ​ത​ല​മു​റസം​ഗീ​ത​ജ്ഞ​രി​ൽ താ​ൻ വ​ലി​യ ഭാ​വി കാ​ണു​ന്നു​ണ്ടെ​ന്ന അ​വ​രു​ടെ വി​ശ്വാ​സം ആ ​ക​ണ്ണാ​ടി​യി​ൽ തി​ള​ങ്ങു​ന്നു​ണ്ട്. ­

ഹരിപ്രസാദ്


Copyright @ 2022 , Rashtra Deepika Ltd.