18

വാ​ഷിം​ഗ്ട​ൺ ഡി​സി: ​യൂ​റോ​പ്പി​ൽ വി​ന്യ​സി​ച്ചി​രി​ക്കു​ന്ന അ​മേ​രി​ക്ക​ൻ സൈ​നി​ക​രി​ൽ കു​റ​ച്ചു​പേ​രെ പി​ൻ​വ​ലി​ക്കാ​ൻ പ്ര​സി​ഡ​ന്‍റ് ഡോ​ണ​ൾ​ഡ് ട്രം​പ് ആ​ലോ​ചി​ക്കു​ന്ന​താ​യി റി​പ്പോ​ർ​ട്ട്.

ഇ​റാ​ൻ യു​ദ്ധ​ത്തി​ൽ സ​ഹാ​യി​ക്കാ​ത്ത നാ​റ്റോ​യി​ൽ​നി​ന്ന് അ​മേ​രി​ക്ക പി​ൻ​വാ​ങ്ങു​മെ​ന്ന് ട്രം​പ് ഭീ​ഷ​ണി മു​ഴ​ക്കി​യ​തി​നു പി​ന്നാ​ലെ​യാ​ണ് ഈ ​നീ​ക്കം.

നാ​റ്റോ സൈ​നി​കസ​ഖ്യ​ത്തി​ന്‍റെ ഭാ​ഗ​മാ​യി 80,000 അ​മേ​രി​ക്ക​ൻ സൈ​നി​ക​രാ​ണ് യൂ​റോ​പ്പി​ലെ വി​വി​ധ രാ​ജ്യ​ങ്ങ​ളി​ലു​ള്ള​ത്. ഇ​തി​ൽ 30,000ത്തിനു ​മു​ക​ളി​ൽ സൈ​നി​ക​ർ ജ​ർ​മ​നി​യി​ലാ​ണ്.

ഇ​റാ​ൻ അ​ട​ച്ച ഹോ​ർ​മു​സ് ക​ട​ലി​ടു​ക്ക് തു​റ​ക്കാ​ൻ നാ​റ്റോ സ​ഹാ​യി​ക്കാ​തി​രു​ന്ന​താ​ണ് ട്രം​പി​നെ ചൊ​ടി​പ്പി​ച്ച​ത്. ഇ​തി​നു പു​റ​മേ, ഗ്രീ​ൻ​ലാ​ൻ​ഡ് സ്വ​ന്ത​മാ​ക്കാ​നു​ള്ള അ​മേ​രി​ക്ക​ൻ മോ​ഹ​ത്തെ നാ​റ്റോ എ​തി​ർ​ത്ത​തും ട്രം​പി​നു സു​ഖി​ച്ചി​ല്ല.

യൂ​റോ​പ്പി​ൽ​നി​ന്നു സൈ​നി​ക​രെ പി​ൻ​വ​ലി​ക്കു​ന്ന കാ​ര്യം ഉ​പ​ദേ​ഷ്ടാ​ക്ക​ളു​മാ​യി ട്രം​പ് ച​ർ​ച്ച ചെ​യ്തു​വെ​ന്നാ​ണ് റി​പ്പോ​ർ​ട്ട്. എ​ന്നാ​ൽ, ഇ​ക്കാ​ര്യ​ത്തി​ൽ തീ​രു​മാ​നം എ​ടു​ത്തി​ട്ടി​ല്ല. എ​ന്നി​രു​ന്നാ​ലും നാ​റ്റോ-​അ​മേ​രി​ക്ക ബ​ന്ധ​ത്തി​ലു​ണ്ടാ​യ വി​ള്ള​ൽ വ​ർ​ധി​ച്ചു​വെ​ന്നാ​ണ് ഇ​തു സൂ​ചി​പ്പി​ക്കു​ന്ന​ത്.

നാ​റ്റോ സെ​ക്ര​ട്ട​റി ജ​ന​റ​ൽ മാ​ർ​ക്ക് റു​ട്ടെ ക​ഴി​ഞ്ഞ​ദി​വ​സം വൈ​റ്റ്ഹൗ​സി​ലെ​ത്തി ട്രം​പു​മാ​യി നേ​രി​ട്ടു ന​ട​ത്തി​യ ച​ർ​ച്ച​യി​ലും കാ​ര്യ​മാ​യ പ്ര​യോ​ജ​നം ഉ​ണ്ടാ​യി​ല്ലെ​ന്നാ​ണ് റി​പ്പോ​ർ​ട്ട്.

വാ​ഷിം​ഗ്ട​ൺ: നാ​റ്റോ​യെ ക‌​ട​ന്നാ​ക്ര​മി​ച്ച് യു​എ​സ് പ്ര​സി​ഡ​ന്‍റ് ഡോ​ണ​ൾ​ഡ് ട്രം​പ്. അ​മേ​രി​ക്ക​യി​ല്ലെ​ങ്കി​ൽ നാ​റ്റോ ക​ട​ലാ​സ് പു​ലി​യാ​ണെ​ന്ന് ഡ്രം​പ് ത​ന്‍റെ സോ​ഷ്യ​ൽ മീ​ഡി​യ പ്ലാ​റ്റ്ഫോ​മാ​യ ട്രൂ​ത്ത് സോ​ഷ്യ​ലി​ൽ പ​ങ്കു​വ​ച്ച കു​റി​പ്പി​ൽ പ​റ​യു​ന്നു.

ഹോ​ർ​മു​സ് ക​ട​ലി​ടു​ക്കി​ലെ ക​പ്പ​ൽ ഗ​താ​ഗ​തം നി​യ​ന്ത്രി​ക്കാ​നും ഇ​റാ​നെ​തി​രാ​യ സൈ​നി​ക നീ​ക്ക​ങ്ങ​ളി​ൽ സ​ഹാ​യി​ക്കാ​നും നാ​റ്റോ രാ​ജ്യ​ങ്ങ​ളോ​ട് അ​ദ്ദേ​ഹം ആ​വ​ശ്യ​പ്പെ​ട്ടി​രു​ന്നു. എ​ന്നാ​ൽ അ​വ​ർ ഈ ​ആ​വ​ശ്യം നി​രാ​ക​രി​ച്ച​താ​ണ് ട്രം​പി​നെ ചൊ​ടി​പ്പി​ച്ച​ത്.

നാ​റ്റോ ഭീ​രു​ക്ക​ളു​ടെ കൂ​ട്ടാ​യ്മ​യാ​ണ്. ഇ​ത് ഞ​ങ്ങ​ൾ ഓ​ർ​ത്തു​വ​യ്ക്കും. ആ​ണ​വ​ശ​ക്തി​യു​ള്ള ഇ​റാ​നെ ത​ട​യാ​നു​ള്ള പോ​രാ​ട്ട​ത്തി​ൽ ചേ​രാ​ൻ അ​വ​ർ ത​യാ​റാ​യി​ല്ല. ഇ​പ്പോ​ൾ ആ ​പോ​രാ​ട്ടം സൈ​നി​ക​മാ​യി ജ​യി​ച്ചു ക​ഴി​ഞ്ഞു. അ​വ​ർ​ക്ക് വ​ലി​യ അ​പ​ക​ട​മൊ​ന്നു​മി​ല്ലാ​ത്ത അ​വ​സ്‌​ഥ​യാ​യി.

എ​ന്നി​ട്ടി​പ്പോ​ൾ ത​ങ്ങ​ൾ ന​ൽ​കേ​ണ്ടി വ​രു​ന്ന ഉ​യ​ർ​ന്ന എ​ണ്ണ​വി​ല​യെ​ക്കു​റി​ച്ച് അ​വ​ർ പ​രാ​തി​പ്പെ​ടു​ന്നു. എ​ന്നാ​ൽ ഉ​യ​ർ​ന്ന എ​ണ്ണ​വി​ല​യു​ടെ ഏ​ക കാ​ര​ണ​മാ​യ ഹോ​ർ​മു​സ് ക​ട​ലി​ടു​ക്ക് തു​റ​ക്കാ​ൻ സ​ഹാ​യി​ക്കാ​ൻ അ​വ​ർ​ക്ക് താ​ൽ​പ​ര്യ​വു​മി​ല്ല.

വ​ള​രെ കു​റ​ഞ്ഞ അ​പ​ക​ട​സാ​ധ്യ​ത​യി​ൽ ല​ളി​ത​മാ​യ ഒ​രു സൈ​നി​ക നീ​ക്ക​ത്തി​ലൂ​ടെ നാ​റ്റോ​യു​ടെ നേ​തൃ​ത്വ​ത്തി​ൽ ഹോ​ർ​മു​സ് പി​ടി​ച്ചെ​ടു​ക്കാ​മെ​ന്നും ട്രം​പി​ന്‍റെ കു​റി​പ്പി​ൽ വ്യ​ക്ത​മാ​ക്കു​ന്നു. ഇ​റാ​ൻ യു​ദ്ധം ഇ​രു​പ​താം ദി​വ​സ​ത്തി​ലേ​ക്ക് ക​ട​ക്കു​മ്പോ​ഴും ഹോ​ർ​മു​സ് ക​ട​ലി​ടു​ക്ക് അ​ട​ഞ്ഞു​കി​ട​ക്കു​ക​യാ​ണ്.

ഗ​ൾ​ഫ് മേ​ഖ​ല​യി​ൽ ഇ​റാ​ൻ ന​ട​ത്തി​യ പ്ര​ത്യാ​ക്ര​മ​ണ​ങ്ങ​ളി​ൽ 10 ടാ​ങ്ക​റു​ക​ൾ ഉ​ൾ​പ്പെ​ടെ 23 വാ​ണി​ജ്യ ക​പ്പ​ലു​ക​ൾ​ക്ക് നേ​രെ ആ​ക്ര​മ​ണ​മു​ണ്ടാ​യ​താ​യാ​ണ് റി​പ്പോ​ർ​ട്ട്. അ​തേ​സ​മ​യം ഹോ​ർ​മു​സ് ക​ട​ലി​ടു​ക്കി​ലൂ​ടെ​യു​ള്ള ക​പ്പ​ൽ ഗ​താ​ഗ​തം സു​ര​ക്ഷി​ത​മാ​ക്കാ​ൻ ഉ​ചി​ത​മാ​യ ന​ട​പ​ടി​ക​ൾ സ്വീ​ക​രി​ക്കു​മെ​ന്ന് പ്ര​മു​ഖ യൂ​റോ​പ്യ​ൻ രാ​ജ്യ​ങ്ങ​ളും ജ​പ്പാ​നും സം​യു​ക്‌​ത പ്ര​സ്‌​താ​വ​ന​യി​ൽ അ​റി​യി​ച്ചു.

ദു​ബാ​യ്: തു​ര്‍ക്കി​യി​ലേ​ക്ക് ഇ​റാ​ന്‍ തൊ​ടു​ത്ത ബാ​ലി​സ്റ്റി​ക് മി​സൈ​ല്‍ നാ​റ്റോ എ​യ​ര്‍ ഡി​ഫ​ന്‍സ​സ് ത​ക​ര്‍ത്തു.

ആ​ള​പാ​യ​മോ മ​റ്റു നാ​ശ​ന​ഷ്ട​ങ്ങ​ളോ ഉ​ണ്ടാ​യി​ല്ല. ഇ​റാ​ക്കി​ന്‍റെ​യും സി​റി​യ​യു​ടെ​യും വ്യോ​മ​മേ​ഖ​ല പി​ന്നി​ട്ടാ​ണു മി​സൈ​ല്‍ തു​ര്‍ക്കി​യു​ടെ വ്യോ​മ​മേ​ഖ​ല​യി​ലെ​ത്തി​യ​ത്. നാ​റ്റോ അം​ഗ​മാ​ണു തു​ര്‍ക്കി

വാഷിംഗ്ടണ്‍: ഡെന്മാര്‍ക്കിന്‍റെ സ്വയംഭരണ പ്രദേശമായ ഗ്രീന്‍ലാന്‍ഡിനെ അമേരിക്കയുടെ ഭാഗമായി ചിത്രീകരിക്കുന്ന ഭൂപടം പങ്കുവെച്ച് യുഎസ് പ്രസിഡന്‍റ് ഡൊണാള്‍ഡ് ട്രംപ് വീണ്ടും വിവാദത്തിൽ. നാറ്റോ സഖ്യകക്ഷികളെ പരിഹസിക്കുന്ന രീതിയില്‍ ഗ്രീന്‍ലാന്‍ഡ് ഉള്‍പ്പെടുത്തിയ യുഎസ് ഭൂപടം ട്രൂത്ത് സോഷ്യല്‍ പ്ലാറ്റ്ഫോമിലൂടെയാണ് അദ്ദേഹം പങ്കുവെച്ചത്.

യുഎസ് ഭൂപടത്തിന്‍റെ വടക്കുഭാഗത്ത് ഗ്രീന്‍ലാന്‍ഡിനെ കൂടി ചേര്‍ത്തുകൊണ്ടുള്ള എഡിറ്റ് ചെയ്ത ചിത്രമാണ് ട്രംപ് പോസ്റ്റ് ചെയ്തത്. ഗ്രീന്‍ലാന്‍ഡ് അമേരിക്കയുടെ ഭാഗമാണെന്ന തന്‍റെ നിലപാട് അദ്ദേഹം ഇതിലൂടെ ഒരിക്കല്‍ കൂടി ആവര്‍ത്തിച്ചു.

ട്രംപിന്‍റെ ഈ നടപടി നാറ്റോ സഖ്യകക്ഷികള്‍ക്കിടയില്‍ വലിയ പ്രതിഷേധത്തിന് കാരണമായിട്ടുണ്ട്. എന്നാൽ, ഇതിനോട് യൂറോപ്യന്‍ യൂണിയന്‍ കടുത്ത രീതിയില്‍ പ്രതികരിക്കില്ലെന്നാണ് റിപ്പോര്‍ട്ടുകള്‍ സൂചിപ്പിക്കുന്നത്. ട്രംപിന്‍റെ പ്രസ്താവനകളെ വെറും പരിഹാസമായോ പ്രകോപനമായോ മാത്രം കാണാനാണ് യൂറോപ്യന്‍ രാജ്യങ്ങള്‍ താത്പര്യപ്പെടുന്നത്.

2026 ജൂണ്‍ ഒന്നിനകം ഗ്രീന്‍ലാന്‍ഡ് അമേരിക്കയ്ക്ക് വിട്ടുനല്‍കണമെന്ന രീതിയിലുള്ള പരാമര്‍ശങ്ങള്‍ ട്രംപ് നേരത്തെ നടത്തിയിരുന്നു. അല്ലാത്തപക്ഷം ഡെന്മാര്‍ക്കിന് മേല്‍ കടുത്ത നികുതികള്‍ ഏര്‍പ്പെടുത്തുമെന്നും അദ്ദേഹം ഭീഷണിപ്പെടുത്തിയിട്ടുണ്ട്.
അമേരിക്കയുടെ ദേശീയ സുരക്ഷയ്ക്കും പ്രതിരോധത്തിനും ഗ്രീന്‍ലാന്‍ഡ് അത്യന്താപേക്ഷിതമാണെന്നാണ് ട്രംപിന്‍റെ വാദം. റഷ്യയും ചൈനയും ഈ മേഖലയില്‍ സ്വാധീനം ഉറപ്പിക്കുന്നത് തടയാന്‍ അമേരിക്ക ഗ്രീന്‍ലാന്‍ഡ് ഏറ്റെടുക്കണമെന്നും അദ്ദേഹം വിശ്വസിക്കുന്നു.

അതേസമയം 'ഗ്രീന്‍ലാന്‍ഡ് വില്‍പ്പനയ്ക്കുള്ളതല്ല' എന്ന നിലപാടില്‍ ഡെന്മാര്‍ക്കും ഗ്രീന്‍ലാന്‍ഡ് സര്‍ക്കാരും ഉറച്ചുനില്‍ക്കുകയാണ്. ഒരു നാറ്റോ സഖ്യകക്ഷിയോട് അമേരിക്ക സ്വീകരിക്കുന്ന ഈ സമീപനം നാറ്റോയുടെ നിലനില്‍പ്പിന് തന്നെ ഭീഷണിയാണെന്ന് പല രാഷ്ട്രീയ നിരീക്ഷകരും വിലയിരുത്തുന്നു. ആര്‍ട്ടിക് മേഖലയിലെ പ്രകൃതിവിഭവങ്ങളും തന്ത്രപരമായ സ്ഥാനവും ലക്ഷ്യമിട്ടാണ് ട്രംപ് ഈ നീക്കം നടത്തുന്നതെന്നാണ് റിപ്പോര്‍ട്ട്. എന്നാല്‍ ഇത് രാജ്യാന്തര തലത്തില്‍ വലിയ നയതന്ത്ര പ്രതിസന്ധിക്ക് കാരണമായിരിക്കുകയാണ്.

വാ​ഷിം​ഗ്ട​ൺ: യു​എ​സി​നു ഗ്രീ​ൻ​ലാ​ൻ​ഡ് വേ​ണ​മെ​ന്ന് ആ​വ​ർ​ത്തി​ച്ച് അ​മേ​രി​ക്ക​ൻ പ്ര​സി​ഡ​ന്‍റ് ഡോ​ണ​ൾ​ഡ് ട്രം​പ്. ഭാ​വി​യി​ൽ ചൈ​ന​യും റ​ഷ്യ​യും ഗ്രീ​ൻ​ലാ​ൻ​ഡ് സ്വ​ന്ത​മാ​ക്കു​ന്ന​തി​നു മു​ന്പ് യു​എ​സി​ന് സ്വ​ന്ത​മാ​ക്ക​ണ​മെ​ന്നാ​ണ് ആ​ഗ്ര​ഹ​മെ​ന്നും അ​ദ്ദേ​ഹം പ​റ​ഞ്ഞു.

ന​മ്മ​ൾ ഗ്രീ​ൻ​ലാ​ൻ​ഡ് പി​ടി​ച്ചെ​ടു​ക്കാ​ൻ ആ​ഗ്ര​ഹി​ക്കു​ന്നു​ണ്ട്, അ​വ​ർ​ക്ക് അ​ത് ഇ​ഷ്ട​പ്പെ​ട്ടാ​ലും ഇ​ല്ലെ​ങ്കി​ലും. ന​മ്മ​ൾ അ​തു ചെ​യ്തി​ല്ലെ​ങ്കി​ൽ ചൈ​ന​യോ റ​ഷ്യ​യോ ഗ്രീ​ൻ​ലാ​ൻ​ഡ് പി​ടി​ച്ചെ​ടു​ക്കും. അ​വ​ർ ന​മ്മു​ടെ അ​യ​ൽ​ക്കാ​രാ​കാ​ൻ പാ​ടി​ല്ല - ട്രം​പ് ഒ​രു മാ​ധ്യ​മ​ത്തി​നു ന​ൽ​കി​യ അ​ഭി​മു​ഖ​ത്തി​ൽ അ​മേ​രി​ക്ക​ൻ പ്ര​സി​ഡ​ന്‍റ് പ​റ​ഞ്ഞു.

1951ലെ ​ക​രാ​ർ​പ്ര​കാ​രം യു​എ​സി​ന്‍റെ സൈ​നി​ക സാ​ന്നി​ധ്യം ഗ്രീ​ൻ​ലാ​ൻ​ഡി​ൽ ഉ​ണ്ടെ​ങ്കി​ലും ഗ്രീ​ൻ​ലാ​ൻ​ഡി​ന്‍റെ സം​ര​ക്ഷ​ണ​ത്തി​ന് അ​ത്ത​രം ക​രാ​റു​ക​ൾ പോ​രാ. അ​തി​ന് അ​മേ​രി​ക്ക ആ ​ദ്വീ​പ് സ്വ​ന്ത​മാ​ക്ക​ണം. ഡെ​ൻ​മാ​ർ​ക്ക് രാ​ജ്യ​ഭ​ര​ണ​ത്തി​നു കീ​ഴി​ൽ അ​ൻ​പ​ത്തി​യേ​ഴാ​യി​ര​ത്തോ​ളം ജ​ന​സം​ഖ്യ​യു​ള്ള സ്വ​യം​ഭ​ര​ണാ​ധി​കാ​ര​മു​ള്ള ദ്വീ​പാ​ണ് ഗ്രീ​ൻ​ലാ​ൻ​ഡ്. ഗ്രീ​ൻ​ലാ​ൻ​ഡി​നെ സം​ര​ക്ഷി​ക്ക​ണം. ന​മ്മ​ൾ അ​തു ചെ​യ്യു​ന്നി​ല്ലെ​ങ്കി​ൽ, ചൈ​ന​യോ റ​ഷ്യ​യോ ചെ​യ്യും.

ഗ്രീ​ൻ​ലാ​ൻ​ഡി​നെ അ​മേ​രി​ക്ക​യു​ടെ നി​യ​ന്ത്ര​ണ​ത്തി​ലാ​ക്കാ​ൻ സൈ​നി​ക ന​ട​പ​ടി​യ​ട​ക്കം പ​രി​ഗ​ണ​ന​യി​ലാ​ണെ​ന്നു നേ​ര​ത്തെ സൂ​ച​ന​ക​ൾ പു​റ​ത്തു​വ​ന്നി​രു​ന്നു. ഡെ​ൻ​മാ​ർ​ക്കി​ൽ​നി​ന്നു പി​രി​ഞ്ഞ് അ​മേ​രി​ക്ക​യു​ടെ ഭാ​ഗ​മാ​കാ​ൻ ഗ്രീ​ൻ​ലാ​ൻ​ഡു​കാ​രെ പ്രേ​രി​പ്പി​ക്കാ​ൻ വ​ൻ​തു​ക​ക​ൾ ന​ൽ​കു​ന്ന​ത് ഉ​ൾ​പ്പെ​ടെ​യു​ള്ള വി​വി​ധ പ​ദ്ധ​തി​ക​ളെ​ക്കു​റി​ച്ചു ട്രം​പും വൈ​റ്റ്ഹൗ​സ് ഉ​ദ്യോ​ഗ​സ്ഥ​രും ച​ർ​ച്ച ന​ട​ത്തി​വ​രി​ക​യാ​ണ്.

ഗ്രീ​ൻ​ലാ​ൻ​ഡി​ൽ ത​ങ്ങ​ൾ​ക്ക് അ​വ​കാ​ശ​മു​ണ്ടെ​ന്നു​ള്ള ട്രം​പി​ന്‍റെ​യും വൈ​റ്റ്ഹൗ​സ് ഉ​ദ്യോ​ഗ​സ്ഥ​രു​ടെ​യും പ്ര​സ്താ​വ​ന​ക​ൾ​ക്കെ​തി​രേ യൂ​റോ​പ്പി​ലും പൊ​തു​വേ​യും ഡെ​ൻ​മാ​ർ​ക്കി​ലും ക​ടു​ത്ത പ്ര​തി​ഷേ​ധം ഉ​യ​ർ​ന്നി​രു​ന്നു. നാ​റ്റോ അം​ഗ​ങ്ങ​ളാ​ണ് യു​എ​സും ഡെ​ൻ​മാ​ർ​ക്കും. ഇ​രു രാ​ജ്യ​ങ്ങ​ളും ത​മ്മി​ലു​ള്ള പോ​ര് നാ​റ്റോ​യു​ടെ നി​ല​നി​ൽ​പ്പി​നെ ത​ന്നെ ബാ​ധി​ക്കു​മെ​ന്നാ​ണ് ക​രു​ത​പ്പെ​ടു​ന്ന​ത്.

ഗ്രീ​ൻ​ലാ​ൻ​ഡി​ന്‍റെ കാ​ര്യ​ത്തി​ൽ തീ​രു​മാ​ന​മെ​ടു​ക്കാ​നു​ള്ള അ​വ​കാ​ശം ഗ്രീ​ൻ​ലാ​ൻ​ഡി​നും ഡെ​ൻ​മാ​ർ​ക്കി​നു​മാ​ണെ​ന്ന് ഫ്രാ​ൻ​സ്, ജ​ർ​മ​നി, ഇ​റ്റ​ലി, പോ​ള​ണ്ട്, സ്പെ​യി​ൻ, ബ്രി​ട്ട​ൻ, ഡെ​ൻ​മാ​ർ​ക്ക് എ​ന്നീ രാ​ജ്യ​ങ്ങ​ൾ സം​യു​ക്ത പ്ര​സ്താ​വ​ന പു​റ​പ്പെ​ടു​വി​ച്ചി​രു​ന്നു.

വാഷിംഗ്ടൺ: തന്ത്രപ്രധാനമായ ആര്‍ട്ടിക് ദ്വീപ് ഗ്രീന്‍ലാന്‍ഡ് സ്വന്തമാക്കാനുള്ള നീക്കങ്ങളില്‍ വിട്ടുവീഴ്ചയില്ലെന്ന് വ്യക്തമാക്കി യുഎസ് പ്രസിഡന്‍റ് ഡൊണാള്‍ഡ് ട്രംപ്. ഗ്രീന്‍ലാന്‍ഡ് വിഷയത്തില്‍ അമേരിക്ക എന്തെങ്കിലും ചെയ്‌തേ മതിയാകൂ എന്നും, അത് 'നല്ല രീതിയിലോ' അല്ലെങ്കില്‍ കഠിനമായ രീതിയിലോ ആയിരിക്കുമെന്നും ട്രംപ് മുന്നറിയിപ്പ് നല്‍കി. വൈറ്റ് ഹൗസില്‍ എണ്ണക്കമ്പനി മേധാവികളുമായി നടത്തിയ കൂടിക്കാഴ്ചയ്ക്കിടെയാണ് ട്രംപ് തന്‍റെ നിലപാട് ആവര്‍ത്തിച്ചത്.

അമേരിക്ക ഗ്രീന്‍ലാന്‍ഡ് ഏറ്റെടുത്തില്ലെങ്കില്‍ റഷ്യയോ ചൈനയോ ആ പ്രദേശം കൈക്കലാക്കുമെന്നും, അത് അമേരിക്കയ്ക്ക് വലിയ സുരക്ഷാ ഭീഷണിയാകുമെന്നും ട്രംപ് അവകാശപ്പെട്ടു. ഗ്രീന്‍ലാന്‍ഡ് ഡെന്മാര്‍ക്കിന്‍റെ ഭാഗമാണെന്ന വാദത്തെ ട്രംപ് തള്ളിക്കളഞ്ഞു. '500 വര്‍ഷം മുമ്പ് അവിടെ ഒരു ബോട്ട് ചെന്നു നിന്നു എന്നത് കൊണ്ട് മാത്രം ആ പ്രദേശം അവരുടേതാകില്ല' എന്നായിരുന്നു ട്രംപിന്‍റെ പരിഹാസം.

തന്ത്രപ്രധാനമായ സ്ഥാനത്തിന് പുറമെ, ഗ്രീന്‍ലാന്‍ഡിലെ അപൂര്‍വ്വ ധാതു സമ്പത്തും പ്രകൃതിവാതക നിക്ഷേപവുമാണ് അമേരിക്ക ലക്ഷ്യമിടുന്നത്. ട്രംപിന്‍റെ ഈ നീക്കം നാറ്റോ സഖ്യരാഷ്ട്രങ്ങള്‍ക്കിടയില്‍ വലിയ പ്രതിഷേധത്തിന് കാരണമായിട്ടുണ്ട്. ഗ്രീന്‍ലാന്‍ഡ് വിട്ടുനല്‍കില്ലെന്ന് ഡെന്മാര്‍ക്ക് ആവര്‍ത്തിച്ച് വ്യക്തമാക്കിയിട്ടുണ്ട്.

വെനസ്വേലയില്‍ സൈനിക നടപടിയിലൂടെ നിക്കോളാസ് മഡുറോയെ പിടികൂടിയതിന് പിന്നാലെ ട്രംപ് ഭരണകൂടം ഗ്രീന്‍ലാന്‍ഡ് വിഷയത്തില്‍ നിലപാട് കടുപ്പിക്കുന്നത് ആഗോള തലത്തില്‍ വലിയ ചര്‍ച്ചകള്‍ക്ക് വഴിമാറിയിരിക്കുകയാണ്. ഗ്രീന്‍ലാന്‍ഡ് നിവാസികള്‍ക്ക് പണം നല്‍കി സ്വാധീനിക്കാനുള്ള 'മണി പ്ലാനും' വൈറ്റ് ഹൗസിന്‍റെ പരിഗണനയിലുണ്ടെന്നാണ് റിപ്പോര്‍ട്ടുകള്‍ സൂചിപ്പിക്കുന്നത്.

കോപ്പന്‍ഹേഗന്‍: യുഎസ് പ്രസിഡന്‍റ് ഡൊണാള്‍ഡ് ട്രംപിന്‍റെ ഗ്രീന്‍ലാന്‍ഡ് കീഴടക്കല്‍ ഭീഷണിക്കു മറുപടിയായി ഡെന്മാര്‍ക്ക്. ഗ്രീന്‍ലാന്‍ഡ് ആക്രമിക്കുകയാണെങ്കില്‍ ഡാനിഷ് സൈനികര്‍ 'ആദ്യം വെടിവയ്ക്കുകയും പിന്നീട് ചോദ്യങ്ങള്‍ ചോദിക്കുകയും' ചെയ്യുമെന്ന് ഡെന്മാര്‍ക്ക് പ്രതിരോധ മന്ത്രാലയം മുന്നറിയിപ്പ് നല്‍കി. ഇത് 1952ലെ ശീതയുദ്ധ കാലം മുതല്‍ നിയമപ്രകാരമുള്ള നിര്‍ദേശമാണെന്നും അത് ഇപ്പോഴും പ്രാബല്യത്തിലുണ്ടെന്നും മന്ത്രാലയം വ്യക്തമാക്കി.

ഗ്രീന്‍ലാന്‍ഡ് ഡെന്മാര്‍ക്കിന്‍റെ സ്വയംഭരണാധികാരമുള്ള പ്രദേശമാണ്. തന്ത്രപരമായ പ്രാധാന്യമുള്ള ഈ ആര്‍ട്ടിക് ദ്വീപിനെ യുഎസ് ഏറ്റെടുക്കണമെന്ന് ട്രംപ് വീണ്ടും ആവശ്യപ്പെട്ടതോടെയാണ് പ്രതിസന്ധി രൂക്ഷമായത്. ദേശീയ സുരക്ഷയ്ക്ക് അനിവാര്യമാണെന്നു ചൂണ്ടിക്കാട്ടി ട്രംപ്, സൈനിക നടപടി ഉള്‍പ്പെടെയുള്ള എല്ലാ സാധ്യതകളും ഇതിനായി പരിഗണിക്കുന്നുണ്ടെന്ന് വൈറ്റ് ഹൗസ് വക്താവ് പറഞ്ഞിരുന്നു. റഷ്യയുടെയും ചൈനയുടെയും കപ്പലുകള്‍ ഗ്രീന്‍ലാന്‍ഡിനു ചുറ്റും സജീവമാണെന്നും ട്രംപ് ആരോപിച്ചിരുന്നു.

എന്നാല്‍, ട്രംപിന്‍റെ ഭീഷണി നിര്‍ത്തണമെന്നും യുഎസ് ആക്രമിച്ചാല്‍ അതു നാറ്റോയുടെ അന്ത്യമായിരിക്കുമെന്നുമാണ് ഡെന്മാര്‍ക്ക് പ്രധാനമന്ത്രി മെറ്റെ ഫ്രെഡറിക്‌സണ്‍ നല്‍കിയ മുന്നറിയിപ്പ്. നിലവിലെ സാഹചര്യങ്ങളില്‍ യൂറോപ്പിലെ നാറ്റോയുടെ മറ്റ് സഖ്യകക്ഷികള്‍ ആശങ്കയിലാണ്. യുഎസും ഡെൻമാർക്കും നാറ്റോ അംഗങ്ങളാണ്. അതിനാൽ ഗ്രീന്‍ ലാന്‍ഡിനെതിരെ യുഎസ് ആക്രമണമുണ്ടായാൽ അതു നാറ്റോയ്ക്കു വലിയ വെല്ലുവിളിയാകുമെന്നും വിദഗ്ധര്‍ ചൂണ്ടിക്കാട്ടുന്നു.

കോ​പ്പ​ൻ​ഗേ​ഹ​ൻ: ഗ്രീ​ൻ​ലാ​ൻ​ഡി​നെ തൊ​ട്ടു​ക​ളി​ച്ചാ​ൽ നാ​റ്റോ​യു​ടെ പ​ണി തീ​രു​മെ​ന്ന മു​ന്ന​റി​യി​പ്പു​മാ​യി ഡാ​നി​ഷ് പ്ര​ധാ​ന​മ​ന്ത്രി രം​ഗ​ത്ത്. ഡെ​ൻ​മാ​ർ​ക്കി​ന്‍റെ സ്വാ​ധീ​ന​മേ​ഖ​ല​യാ​യ ഗ്രീ​ൻ​ലാ​ൻ​ഡ് ത​ങ്ങ​ൾ​ക്കു വേ​ണ​മെ​ന്ന് അ​മേ​രി​ക്ക​ൻ പ്ര​സി​ഡ​ന്‍റ് ഡോ​ണ​ൾ​ഡ് ട്രം​പ് പ​റ​ഞ്ഞ​തി​നോ​ടു പ്ര​തി​ക​രി​ക്കു​ക​യാ​യി​രു​ന്നു അവർ. ഒ​ട്ടും ഉ​ൾ​ക്കൊ​ള്ളാ​നാ​വാ​ത്ത പ്ര​സ്താ​വ​ന​യാ​ണ് ഗ്രീ​ൻ ലാ​ൻ​ഡി​നെ​ക്കു​റി​ച്ച് ട്രം​പ് ന​ട​ത്തി​ക്കൊ​ണ്ടി​രി​ക്കു​ന്ന​തെ​ന്ന് ഡാ​നി​ഷ് പ്ര​ധാ​ന​മ​ന്ത്രി മെ​റ്റെ ഫ്രെ​ഡ​റി​ക്സ​ൺ രൂ​ക്ഷ​മാ​യി വി​മ​ർ​ശി​ച്ചു. സ്വ​യം​ഭ​ര​ണാ​ധി​കാ​ര​മു​ള്ള ഗ്രീ​ൻ​ലാ​ൻ​ഡി​നു മേൽ ന​ട​ത്തു​ന്ന ഇ​ത്ത​രം പ്ര​സ്താ​വ​ന​ക​ൾ അം​ഗീ​ക​രി​ക്കാ​നാ​വി​ല്ല. 
ഗ്രീ​ൻ​ലാ​ൻ​ഡ് യു​എ​സി​ന്‍റെ ഭാ​ഗ​മാ​ക​ണ​മെ​ന്ന ആ​വ​ശ്യ​ത്തെ ഡെ​ന്മാ​ർ​ക്കും ഗ്രീ​ൻ​ലാ​ൻ​ഡും പ​ല​ത​വ​ണ ത​ള്ളി​ക്ക​ള​ഞ്ഞ​താ​ണ്. യു​എ​സും ഡെ​ൻ​മാ​ർ​ക്കും നാ​റ്റോ​യു​ടെ ഭാ​ഗ​മാ​ണ്. യു​എ​സ് മ​റ്റൊ​രു നാ​റ്റോ രാ​ജ്യ​ത്തെ ആ​ക്ര​മി​ച്ചാ​ൽ, അ​തോ​ടെ നാ​റ്റോ​യു​ടെ അ​ന്ത്യ​മായിരി​ക്കു​മെ​ന്നാ​ണ് ഫ്രെ​ഡ​റി​ക്സ​ൺ പ​റ​ഞ്ഞ​ത്. അ​മേ​രി​ക്ക​യു​ടെ നീ​ക്ക​ങ്ങ​ളെ​ക്കു​റി​ച്ച് ത​നി​ക്ക് ഉ​റ​പ്പ് ന​ൽ​കാ​നാ​വി​ല്ലെ​ങ്കി​ലും അ​തി​ർ​ത്തി​ക​ൾ ബ​ഹു​മാ​നി​ക്ക​പ്പെ​ട​ണ​മെ​ന്ന കാ​ര്യ​ത്തി​ൽ യൂ​റോ​പ്പി​ന്‍റെ പൂ​ർ​ണ​പി​ന്തു​ണ​യു​ണ്ടെ​ന്നും അ​വ​ർ കൂ​ട്ടി​ച്ചേ​ർ​ത്തു.
ക​ഴി​ഞ്ഞ ഞാ​യ​റാ​ഴ്ച ഒ​രു പ​ത്ര​ത്തി​നു  ന​ൽ​കി​യ  അ​ഭി​മു​ഖ​ത്തി​ലാ​ണ്, ഗ്രീ​ൻ​ലാ​ൻ​ഡ് അ​മേ​രി​ക്ക​യ്ക്ക് തീ​ർ​ച്ച​യാ​യും ആ​വ​ശ്യ​മാ​ണെ​ന്ന് ട്രം​പ് വീ​ണ്ടും പ​റ​ഞ്ഞ​ത്. വെ​നി​സ്വേ​ല​യി​ൽ യു​എ​സ് ന​ട​ത്തി​യ ആ​ക്ര​മ​ണ​ത്തി​നു പി​ന്നാ​ലെ വ​ന്ന ഈ ​പ്ര​സ്താ​വ​ന വ്യാ​പ​ക​മാ​യി ച​ർ​ച്ച ചെ​യ്യ​പ്പെ​ട്ടി​രു​ന്നു. ഇ​തി​നു മ​റു​പ​ടി​യാ​യി, ഗ്രീ​ൻ​ലാ​ൻ​ഡി​നെ കൂ​ട്ടി​ച്ചേ​ർ​ക്കാ​ൻ അ​മേ​രി​ക്ക​യ്ക്ക് അ​വ​കാ​ശ​മി​ല്ലെ​ന്നു ഫ്രെ​ഡ​റി​ക്സ​ൺ ഞാ​യ​റാ​ഴ്ച പ​റ​ഞ്ഞി​രു​ന്നു. ഗ്രീ​ൻ​ലാ​ൻ​ഡ് ജ​ന​ത​യ്ക്കെ​തി​രെ ഭീ​ഷ​ണി മു​ഴ​ക്കു​ന്ന​ത് അ​വ​സാ​നി​പ്പി​ക്കാ​ൻ അ​വ​ർ വാ​ഷിം​ഗ്ട​ണി​നോ​ട് ആ​വ​ശ്യ​പ്പെ​ടു​ക​യും ചെ​യ്തു.

ബെ​ര്‍​ലി​ന്‍: പാ​ശ്ചാ​ത്യ സൈ​നി​ക കൂ​ട്ടാ​യ്മ​യാ​യ നാ​റ്റോ​യി​ല്‍ ചേ​രാ​നു​ള്ള ആ​ഗ്ര​ഹം യു​ക്രെ​യ്ന്‍ ഉ​പേ​ക്ഷി​ച്ച​താ​യി പ്ര​സി​ഡ​ന്‍റ് സെ​ല​ന്‍​സ്കി പ്ര​ഖ്യാ​പി​ച്ചു. റ​ഷ്യ​യു​മാ​യു​ള്ള യു​ദ്ധം അ​വ​സാ​നി​പ്പി​ക്കാ​നാ​യി യു​ക്രെ​യ്ന്‍ വി​ട്ടു​വീ​ഴ്ച ചെ​യ്യു​ക​യാ​ണ്.

പ​ക​ര​മാ​യി പാ​ശ്ചാ​ത്യ ശ​ക്തി​ക​ള്‍ യു​ക്രെ​യ്ന് സു​ര​ക്ഷാ ഉ​റ​പ്പു​ക​ള്‍ ന​ല്കും. അ​മേ​രി​ക്ക​ന്‍ പ്ര​തി​നി​ധി​ക​ളു​മാ​യി ച​ര്‍​ച്ച ന​ട​ത്താ​ന്‍ ജ​ര്‍​മ​ന്‍ ത​ല​സ്ഥാ​ന​മാ​യ ബെ​ര്‍​ലി​നി​ല്‍ എ​ത്തി​യ സെ​ല​ന്‍​സ്കി പ​റ​ഞ്ഞു.​ ഞാ​യ​റാ​ഴ്ച​യാ​ണ് യു​ക്രെ​യ്ൻ ഉ​ച്ച​കോ​ടി ബെ​ർ​ലി​നി​ൽ ആ​രം​ഭി​ച്ച​ത്.

ത​ന്‍റെ രാ​ജ്യ​ത്തി​ന്‍റെ അ​ധി​നി​വേ​ശം അ​വ​സാ​നി​പ്പി​ക്കു​ന്ന​തി​നെ​ക്കു​റി​ച്ചു​ള്ള ഏ​റ്റ​വും പു​തി​യ ച​ർ​ച്ച​ക​ൾ​ക്കാ​യി പ്ര​സി​ഡ​ന്‍റ് ജ​ർമ​നി​യി​ലെ​ത്തി​യ സെ​ലെ​ൻ​സ്‌​കി ബെ​ർ​ലി​നി​ൽ യു​എ​സ്, യൂ​റോ​പ്യ​ൻ ഉ​ദ്യോ​ഗ​സ്ഥ​രു​മാ​യി കൂ​ടി​ക്കാ​ഴ്ച ന​ട​ത്തി.

യു​എ​സ് പ്ര​ത്യേ​ക പ്ര​തി​നി​ധി വി​റ്റ്‌​കോ​ഫ് ച​ർ​ച്ച​ക​ളി​ൽ പ​ങ്കു​ചേ​ർ​ന്നു. പ​ക്ഷേ റ​ഷ്യ​യെ പ്ര​തി​നി​ധീ​ക​രി​ക്കാ​ൻ ആ​രും എ​ത്തി​യി​ലു​ള്ള ജ​ർമൻ സ​ർ​ക്കാ​ർ വൃ​ത്ത​ങ്ങ​ൾ പ​റ​യു​ന്ന​ത​നു​സ​രി​ച്ച് യു​ക്രെ​യ്നി​ൽ സാ​ധ്യ​മാ​യ വെ​ടി​നി​ർ​ത്ത​ൽ എ​ന്ന​താ​യി​രി​ക്കും ച​ർ​ച്ച​ക​ളു​ടെ കേ​ന്ദ്ര​ബി​ന്ദു.

മോ​സ്കോ​യു​മാ​യി സ​മാ​ധാ​ന ക​രാ​റി​ലെ​ത്താ​ൻ വാ​ഷിം​ഗ്ട​ൺ കൈ​വി​ൽ സ​മ്മ​ർ​ദം ചെ​ലു​ത്തി​ക്കൊ​ണ്ടി​രി​ക്കു​ക​യാ​ണ്.​ ഞാ​യ​റാ​ഴ്ച​ത്തെ ച​ർ​ച്ച​ക​ൾ അഞ്ച് മ​ണി​ക്കൂ​റി​ന് ശേ​ഷ​മാ​ണ് അ​വ​സാ​നി​ച്ച​ത്, യുക്രെ​യ്നി​ലെ റ​ഷ്യ​യു​ടെ യു​ദ്ധം അ​വ​സാ​നി​പ്പി​ക്കു​ന്ന​തി​നെ​ക്കു​റി​ച്ച് യുക്രെ​നി​യ​ൻ, യു​എ​സ് ഉ​ദ്യോ​ഗ​സ്ഥ​ർ ത​മ്മി​ൽ ഞാ​യ​റാ​ഴ്ച ബെ​ർ​ലി​നി​ൽ ന​ട​ന്ന ച​ർ​ച്ച​ക​ൾ രാ​ത്രി​യി​ൽ അ​വ​സാ​നി​ച്ചു.

തി​ങ്ക​ളാ​ഴ്ച രാ​വി​ലെ ച​ർ​ച്ച​ക​ൾ പു​ന​രാ​രം​ഭി​ച്ചു. കൂ​ടു​ത​ൽ പ്ര​തീ​ക്ഷ​ക​ളോ​ടെ​യാ​ണ് നേ​താ​ക്ക​ൾ ഒ​ത്തു​കൂ​ടി​യ​ത്. യുക്രെ​യ്നി​ന്‍റെ തെ​ക്ക് ഭാ​ഗ​ത്തു​ള്ള വ​ൻ റ​ഷ്യ​ൻ ആ​ക്ര​മ​ണ​ങ്ങ​ൾ ഒ​രു ദ​ശ​ല​ക്ഷ​ത്തി​ല​ധി​കം വീ​ടു​ക​ൾ​ക്ക് വൈ​ദ്യു​തി ത​ട​സ​പ്പെ​ടു​ത്തി​യ​തി​ന്‍റെ ഒ​രു ദി​വ​സ​ത്തി​ന് ശേ​ഷ​മാ​ണ് ച​ർ​ച്ച​ക​ൾ ന​ട​ക്കു​ന്ന​ത്.

ജർമൻ ചാൻസലർ ഫ്രെഡറിക് മെർസും യോഗങ്ങളിൽ മുഖ്യ പങ്കാളിയായി. ഞായറാഴ്ച രാവിലെ ബെർലിനിൽ എത്തിയ സെലിൻസ്കിയെ മെർസ് ഭരണകൂടം സ്വീകരിച്ചു.