മാഞ്ചസ്റ്റര്: ഇംഗ്ലീഷ് എഫ്എ കപ്പ് ഫുട്ബോള് ക്വാര്ട്ടര് ഫൈനലില് 4-0നു ലിവര്പൂള് എഫ്സിയെ തകര്ത്ത് മാഞ്ചസ്റ്റര് സിറ്റി എഫ്സി സെമിയില്.
ഹോം ഗ്രൗണ്ടായ എത്തിഹാദ് സ്റ്റേഡിയത്തില് അരങ്ങേറിയ മത്സരത്തില് സൂപ്പര് താരം എര്ലിംഗ് ഹാലണ്ടിന്റെ ഹാട്രിക്കിലൂടെ 60 മിനിറ്റിനുള്ളില്ത്തന്നെ മാഞ്ചസ്റ്റര് സിറ്റി എഫ്സി 4-0ന്റെ ലീഡ് നേടി.
39 (പെനാല്റ്റി), 45+2, 57 മിനിറ്റുകളിലായിരുന്നു ഹാലണ്ടിന്റെ ഗോളുകള്. അന്റോയിന് സെമെന്യൊ (50) ഒരു ഗോള് സ്വന്തമാക്കി.
നോർവീജിയൻ താരമായ എർലിംഗ് ഹാലണ്ട് ഈ സീസണില് രാജ്യത്തിനും ക്ലബ്ബിനുമായി 52 മത്സരങ്ങളില്നിന്ന് 49 ഗോള് സ്കോര് ചെയ്തു.