Sun, 22 November 2026
Facebook X Instagram Youtube
Deepika
Deepika
E-Paper
ad

ADVERTISEMENT

Filter By Tag : Aliens

കണ്ടത് പറക്കുംതളികയോ; അതിൽ അന്യഗ്രഹജീവികളുണ്ടായിരുന്നോ? യുഎസിന്‍റെ ഞെട്ടിക്കുന്ന റിപ്പോർട്ട് !

അന്യഗ്രഹജീവികളെക്കുറിച്ചും പറക്കുംതളികകളെക്കുറിച്ചും നിരവധി നിഗൂഢസംഭവങ്ങൾ ലോകത്തിന്‍റെ പല കോണുകളിൽനിന്നും റിപ്പോർട്ട് ചെയ്തിട്ടുണ്ട്. പലതും ദൃശ്യങ്ങൾ സഹിതമാണു പുറത്തുവന്നിട്ടുള്ളത്. യുഎസിന്‍റെ അതീവ സുരക്ഷമേഖലയായ 'ഏരിയ 51' ഇത്തരത്തിലുള്ള കഥകളുടെ കേന്ദ്രമാണ്. തകർന്നുവീണ പേടകങ്ങളും (യുഎഫ്ഒ), അന്യഗ്രഹജീവികളുടെ ശരീരങ്ങളും ഇവിടെ സൂക്ഷിച്ചിട്ടുണ്ടെന്നും അവയെക്കുറിച്ചു പഠനങ്ങൾ നടക്കുന്നുണ്ടെന്നുമാണു ലോകമെങ്ങും പ്രചരിക്കുന്ന കഥകൾ.

ഇപ്പോൾ, യുഎസ് പ്രതിരോധവകുപ്പ് പു​റ​ത്തു​വി​ട്ട ഏ​റ്റ​വും പു​തി​യ യു​എ​ഫ്​ഒ രേ​ഖ​ക​ളി​ൽ ഞെ​ട്ടി​ക്കു​ന്ന വെ​ളി​പ്പെ​ടു​ത്ത​ലു​ക​ളാണുള്ളത്. 2026-ന്‍റെ തുടക്കത്തിൽ രാജ്യത്തിന്‍റെ സു​ര​ക്ഷാമേ​ഖ​ല​യ്ക്കു മു​ക​ളി​ലൂ​ടെ അ​മി​ത വേ​ഗ​ത​യി​ൽ പറക്കുന്ന നിഗൂഢവസ്തുവിനെ കണ്ടെന്നാണു വെളിപ്പെടുത്തൽ. കറുത്ത ത്രികോണാകൃതിയിലുള്ള വസ്തുവിനെ രാജ്യത്തിന്‍റെ പടിഞ്ഞാറൻ മേഖലയിൽ കണ്ടതായി മുതിർന്ന രണ്ടു സൈനിക നിരീക്ഷകരാണ് അവകാശപ്പെട്ടത്. പ്രമുഖ യുഎസ് മാധ്യമമാണ് ഉദ്യോഗസ്ഥരെ ഉദ്ധരിച്ച് ഇക്കാര്യം റിപ്പോർട്ട് ചെയ്തത്.

International

അ​ന്യ​ഗ്ര​ഹ​ജീ​വി​ക​ളെ ഏ​രി​യ 51ൽ ​ഒ​ളി​പ്പി​ച്ചി​ട്ടി​ല്ലെന്ന് ഒ​ബാ​മ, എന്താണ് യുഎസിന്‍റെ ഏ​രി​യ 51?

വാഷിം​ഗ്ട​ൺ ഡി​സി: അ​ന്യ​ഗ്ര​ഹ​ജീ​വി​ക​ളു​ടെ സാ​ന്നി​ധ്യം സം​ബ​ന്ധി​ച്ച ച​ർ​ച്ച​ക​ൾ​ക്കു വീ​ണ്ടും വ​ഴി​തു​റ​ന്ന് മു​ൻ അ​മേ​രി​ക്ക​ൻ പ്ര​സി​ഡ​ന്‍റ് ബറാ​ക് ഒ​ബാ​മ. അ​ന്യ​ഗ്ര​ഹ​ജീ​വി​ക​ൾ യാ​ഥാ​ർ​ഥ്യ​മാ​ണെ​ന്നു പ​റ​ഞ്ഞ ഒ​ബാ​മ, എ​ന്നാ​ൽ അ​വ​യെ അ​മേ​രി​ക്ക​ൻ സൈ​നി​ക താ​വ​ള​ങ്ങ​ളി​ൽ ഒ​ളി​പ്പി​ച്ചി​രി​ക്കു​ക​യാ​ണെ​ന്ന ഗൂ​ഢാ​ലോ​ച​ന സി​ദ്ധാ​ന്ത​ങ്ങ​ൾ ത​ള്ളി​ക്ക​ള​ഞ്ഞു. യൂട്യൂബർ ബ്രിയാൻ ടൈലർ കോവനുമായി നടത്തിയ അ​ഭി​മു​ഖ​ത്തി​ലാ​ണ് ഒ​ബാ​മ ഇക്കാര്യങ്ങൾ പറഞ്ഞത്.

ഏ​രി​യ 51

നെ​വാ​ഡ​യി​ലെ അ​തീ​വ ര​ഹ​സ്യ​സ്വ​ഭാ​വ​മു​ള്ള അ​മേ​രി​ക്ക​ൻ വ്യോ​മ​സേ​നാ താ​വ​ള​മാ​യ ഏ​രി​യ 51-ൽ ​അ​ന്യ​ഗ്ര​ഹ​ജീ​വി​ക​ളെ പാ​ർ​പ്പി​ച്ചി​ട്ടു​ണ്ടെ​ന്ന അഭ്യൂഹങ്ങൾ ദ​ശ​ക​ങ്ങ​ളാ​യി നി​ല​നി​ൽ​ക്കു​ന്നു​ണ്ട്. എ​ന്നാ​ൽ താ​ൻ അ​വ​രെ ക​ണ്ടി​ട്ടി​ല്ലെ​ന്നും അ​ത്ത​ര​ത്തി​ൽ ഒ​രി​ട​ത്തും അ​വ​രെ ഒ​ളി​പ്പി​ച്ചി​ട്ടി​ല്ലെ​ന്നും ഒ​ബാ​മ തുറന്നുപറഞ്ഞു. അ​വി​ടെ ഭൂ​ഗ​ർ​ഭ സൗ​ക​ര്യ​ങ്ങ​ൾ ഒ​ന്നു​മി​ല്ല. അ​മേ​രി​ക്ക​ൻ പ്ര​സി​ഡ​ന്‍റി​ൽനി​ന്ന് പോ​ലും മ​റ​ച്ചു​വയ്ക്കുന്ന വ​ലി​യൊ​രു ഗൂ​ഢാ​ലോ​ച​ന ന​ട​ക്കു​ന്നു​ണ്ടെ​ങ്കി​ൽ മാ​ത്ര​മേ അ​ത്ത​ര​മൊ​രു സാ​ധ്യ​ത​യു​ള്ളൂ... ഒ​ബാ​മ ത​മാ​ശ​രൂ​പേ​ണ പ​റ​ഞ്ഞു.

പ​രീ​ക്ഷ​ണ​ങ്ങ​ളുടെ ഇടം

വി​പു​ല​മാ​യ സൈ​നി​ക വി​മാ​ന പ​രീ​ക്ഷ​ണ​ങ്ങ​ൾ ന​ട​ക്കു​ന്ന ഇ​ട​മാ​ണ് ഏ​രി​യ 51 എ​ന്ന് 2013-ലാ​ണ് അ​മേ​രി​ക്ക​ൻ സ​ർ​ക്കാ​ർ ഔ​ദ്യോ​ഗി​ക​മാ​യി സ​മ്മ​തി​ച്ച​ത്. അ​ജ്ഞാ​ത ആ​കാ​ശ പ്ര​തി​ഭാ​സ​ങ്ങ​ളെക്കു​റി​ച്ച് പ​ഠി​ക്കാ​ൻ പെ​ന്‍റ​ഗ​ൺ പ്ര​ത്യേ​ക വി​ഭാ​ഗം രൂ​പീ​ക​രി​ക്കു​ക​യും യു​എ​സ് കോ​ൺ​ഗ്ര​സ് പു​തി​യ നി​യ​മ​ങ്ങ​ൾ പാ​സാ​ക്കു​ക​യും ചെ​യ്ത സാ​ഹ​ച​ര്യ​ത്തി​ലാ​ണ് ഒ​ബാ​മ​യു​ടെ പ്ര​തി​ക​ര​ണം ശ്ര​ദ്ധേ​യ​മാ​കു​ന്ന​ത്.
അ​ന്യ​ഗ്ര​ഹ​ജീ​വ​ൻ ക​ണ്ടെ​ത്താ​നു​ള്ള ശാ​സ്ത്ര​ലോ​ക​ത്തി​ന്‍റെ അന്വേഷണങ്ങളിൽ നി​ർ​ണായ​ക​ സൂ​ച​ന​ക​ൾ ല​ഭി​ച്ചുതു​ട​ങ്ങി​യി​ട്ടു​ണ്ട്. 1999-ൽ ​ആ​രം​ഭി​ച്ച SETI@Home എ​ന്ന പ​ദ്ധ​തി​യി​ലൂ​ടെ 21 വ​ർ​ഷ​ത്തി​നി​ടെ 1,200 കോ​ടി​യി​ല​ധി​കം സി​ഗ്ന​ലു​ക​ളാ​ണ് സ​ന്ന​ദ്ധ പ്ര​വ​ർ​ത്ത​ക​ർ തി​രി​ച്ച​റി​ഞ്ഞ​ത്. പ്യൂ​ർ​ട്ടോ റി​ക്കോ​യി​ലെ അ​രെ​സി​ബോ ഒ​ബ്സ​ർ​വേ​റ്റ​റി​യി​ൽ നി​ന്നു​ള്ള റേ​ഡി​യോ സി​ഗ്ന​ലു​ക​ളാ​ണ് ഇ​വ​ർ വി​ശ​ക​ല​നം ചെ​യ്ത​ത്.

അ​രെ​സി​ബോ ടെ​ലി​സ്കോ​പ്പ് 2020ൽ ​ത​ക​ർ​ന്ന​തി​നെ​ത്തു​ട​ർ​ന്നു പ​ദ്ധ​തി അ​വ​സാ​നി​ച്ചെ​ങ്കി​ലും, ശേ​ഖ​രി​ച്ച വി​വര​ങ്ങ​ളി​ൽനി​ന്ന്, സംശയാസ്പദമായ 100 സി​ഗ്ന​ലു​ക​ൾ ഗ​വേ​ഷ​ക​ർ തിരിച്ചറിഞ്ഞിട്ടുണ്ട്. ഇ​വ നി​ല​വി​ൽ ചൈ​ന​യു​ടെ ഫാ​സ്റ്റ് റേ​ഡി​യോ ടെ​ലി​സ്കോ​പ്പ് ഉ​പ​യോ​ഗി​ച്ച് വീ​ണ്ടും പ​രി​ശോ​ധിക്കുകയാണ്. ഇ​വ​ അ​ന്യ​ഗ്ര​ഹജീ​വ​ന്‍റെ കൃ​ത്യ​മാ​യ തെ​ളി​വാ​ണോ എ​ന്നു ക​ണ്ടെ​ത്താ​നു​ള്ള വിശദമായ ഗവേഷണത്തിലാണ് ശാ​സ്ത്ര​ലോ​കം.

 അന്യഗ്രഹജീവികളും ഗൂഢാലോചനകളും

യുഎസിലെ നെവാഡ മരുഭൂമിയിൽ സ്ഥിതി ചെയ്യുന്ന അതീവ രഹസ്യസ്വഭാവമുള്ള സൈനിക താവളമാണ് ഏരിയ 51. ഒരുകാലത്ത് അമേരിക്ക കേന്ദ്രത്തിന്‍റെ നിലനിൽപ്പ് പോലും അംഗീകരിച്ചിരുന്നില്ല. ഇതെല്ലാമാണ് ഏരിയ 51-നെ ചുറ്റിപ്പറ്റി അന്യഗ്രഹജീവികളെയും പറക്കും തളികകളെയും കുറിച്ചുള്ള കഥകൾ പ്രചരിക്കാൻ കാരണമായതും. എന്നാൽ, അമേരിക്കൻ വ്യോമസേനയുടെയും സിഐഎയുടെയും നേതൃത്വത്തിൽ ആയുധങ്ങളും വിമാനങ്ങളും വികസിപ്പിക്കുന്ന ഇടമാണിത്. ശത്രുരാജ്യങ്ങളുടെ റഡാറുകളിൽ പെടാത്ത സ്റ്റെൽത്ത് സാങ്കേതികവിദ്യയുള്ള വിമാനങ്ങൾ ഉൾപ്പെടെയുള്ള ഈ കേന്ദ്രത്തിലാണ് പരീക്ഷിക്കുന്നത്.

ചാരവിമാനം

ശീതയുദ്ധകാലത്ത് റഷ്യയെ നിരീക്ഷിക്കാൻ ഉപയോഗിച്ചിരുന്ന യു-2 ചാരവിമാനം, എസ്ആർ-71 ബ്ലാക്ക്ബേർഡ്, എഫ്-117 നൈറ്റ്ഹോക്ക് തുടങ്ങിയവ ഇവിടെയാണ് പരീക്ഷണ പറക്കൽ നടത്തിയത്.
ഇവിടെ പറക്കും തളികകൾ (യുഎഫ്ഒ- അൺ ഐഡന്‍റിഫൈയ്ഡ് ഫ്ളൈയിംഗ് ഒബ്ജക്ട്) സൂക്ഷിച്ചിട്ടുണ്ടെന്നും അവിടെ അന്യഗ്രഹജീവികളെ കുറിച്ച് പഠനം നടക്കുന്നുണ്ടെന്നും പലരും വിശ്വസിക്കുന്നു. 1947-ൽ ന്യൂ മെക്സിക്കോയിൽ തകർന്നുവീണത് അന്യഗ്രഹ പേടകമാണെന്നും അത് ഏരിയ 51-ലേക്ക് മാറ്റിയെന്നുമാണ് പ്രധാന പ്രചാരണം. അതേസമയം, പരീക്ഷണാർഥം പറത്തിയിരുന്ന വിചിത്ര രൂപത്തിലുള്ള ചാരവിമാനങ്ങൾ ദൂരെയൊരിടത്ത് നിന്ന് കണ്ടവരാണ് ഇവ പറക്കും തളികകളാണെന്ന തെറ്റിദ്ധാരണ പരത്തിയതെന്ന് പിന്നീടു വ്യക്തമാക്കി.

ഏരിയ 51 മേഖല സാധാരണക്കാർക്കു പൂർണമായും നിരോധിത മേഖലയാണ്. കേന്ദ്രത്തിനു ചുറ്റും സെൻസറുകൾ, കാമറകൾ, സായുധരായ കാവൽക്കാർ എന്നിവരുണ്ട്. ഈ പ്രദേശത്തിനു മുകളിലൂടെ വിമാനങ്ങൾക്കു പറക്കാനും അനുമതിയില്ല.

Special News

ഈ പ്രപഞ്ചത്തിൽ മനുഷ്യൻ തനിച്ചല്ല! ആ 100 സിഗ്നലുകൾ അന്യഗ്രഹ ജീവികളുടേതോ?

കലി​ഫോ​ര്‍​ണി​യ: ന​​ക്ഷ​ത്ര​ നി​ബി​ഡ​മാ​യ ആ​കാ​ശ​ത്തേ​ക്ക് നോ​ക്കു​മ്പോ​ള്‍ എ​ന്നെ​ങ്കി​ലും ​ചി​ന്തി​ച്ചി​ട്ടു​ണ്ടോ, ഈ ​പ്ര​പ​ഞ്ച​ത്തി​ല്‍ മനുഷ്യൻ ‌ത​നി​ച്ചാ​ണോ എ​ന്ന്? ഈ ​ചോ​ദ്യ​ത്തി​നു​ള്ള ഉ​ത്ത​രം തേ​ടി മ​നു​ഷ്യകുലം ന​ട​ത്തി​യ ഏ​റ്റ​വും വ​ലി​യ ജ​ന​കീ​യ പ​രീ​ക്ഷ​ണ​മാ​യി​രു​ന്നു SETI@Home. നീ​ണ്ട 21 വ​ര്‍​ഷ​ത്തെ നി​രീ​ക്ഷ​ണ​ങ്ങ​ള്‍​ക്കും ഡാ​റ്റാ വി​ശ​ക​ല​ന​ങ്ങ​ള്‍​ക്കും ശേ​ഷം, അ​ന്യ​ഗ്ര​ഹ​ജീ​വി​ക​ളു​ടെ തെ​ളി​വു​ക​ള്‍​ക്കാ​യി ശേ​ഖ​രി​ച്ച 1200 കോ​ടി സി​ഗ്‌​ന​ലു​ക​ളെ വി​ശ​ക​ല​നം ചെ​യ്തു നി​ര്‍​ണാ​യ​ക ഘ​ട്ട​ത്തി​ല്‍ എ​ത്തി​യി​രി​ക്കു​ക​യാ​ണ് ഗ​വേ​ഷ​ക​ര്‍.

എ​ന്താ​ണ് SETI@home?

1999ല്‍ ​കലി​ഫോ​ര്‍​ണി​യ സ​ര്‍​വ​ക​ലാ​ശാ​ല​യി​ലെ (ബെ​ര്‍​ക്ക്‌​ലി) ഗ​വേ​ഷ​ക​ര്‍ ആ​രം​ഭി​ച്ച ഈ ​പ​ദ്ധ​തി ലോ​ക​മെ​മ്പാ​ടു​മു​ള്ള സാ​ധാ​ര​ണ​ക്കാ​രാ​യ മ​നു​ഷ്യ​രെ​യാ​ണ് ശാ​സ്ത്ര​ഗ​വേ​ഷ​ണ​ത്തി​ന്‍റെ ഭാ​ഗ​മാ​ക്കി​യ​ത്. പ്യൂ​ര്‍​ട്ടോ റി​ക്കോ​യി​ലെ വി​ഖ്യാ​ത​മാ​യ അ​റെ​സി​ബോ റേ​ഡി​യോ ടെ​ലി​സ്‌​കോ​പ്പ് ശേ​ഖ​രി​ക്കു​ന്ന ഭീ​മ​മാ​യ ഡാ​റ്റ വി​ശ​ക​ല​നം ചെ​യ്യാ​ന്‍ സൂ​പ്പ​ര്‍ ക​മ്പ്യൂ​ട്ട​റു​ക​ള്‍​ക്കു പ​ക​രം ല​ക്ഷ​ക്ക​ണ​ക്കി​ന് ആ​ളു​ക​ളു​ടെ പേ​ഴ്‌​സ​ണ​ല്‍ ക​മ്പ്യൂ​ട്ട​റു​ക​ളെ ഇ​ന്‍റ​ര്‍​നെ​റ്റ് വ​ഴി കോ​ര്‍​ത്തി​ണ​ക്കി. സ​ന്ന​ദ്ധ​സേ​വ​ക​ര്‍ അ​വ​രു​ടെ കംപ്യൂ​ട്ട​റു​ക​ളി​ല്‍ ഒ​രു സോ​ഫ്റ്റ്‌വെയ​ര്‍ ഇ​ന്‍​സ്റ്റാ​ള്‍ ചെ​യ്തു, അ​തു ബ​ഹി​രാ​കാ​ശ​ത്തു​നി​ന്നു​ള്ള ത​രം​ഗ​ങ്ങ​ളെ ത​രം​തി​രി​ച്ചു.

1200 കോ​ടി​യി​ല്‍നി​ന്ന് 100ലേ​ക്ക്

ക​ഴി​ഞ്ഞ ര​ണ്ടു പ​തി​റ്റാ​ണ്ടി​നി​ടെ 1200 കോ​ടി​യി​ല​ധി​കം -സി​ഗ്‌​ന​ലു​ക​ള്‍- ഈ ​പ്രോ​ജ​ക്ടി​ലൂ​ടെ തി​രി​ച്ച​റി​ഞ്ഞു. പ്രോ​ജ​ക്ട് കോ-​ഫൗ​ണ്ട​ര്‍ ഡേ​വി​ഡ് ആ​ന്‍​ഡേ​ഴ്‌​സന്‍റെ അ​ഭി​പ്രാ​യ​ത്തി​ല്‍- ആ​കാ​ശ​ത്തി​ന്‍റെ ഒ​രു പ്ര​ത്യേ​ക കോ​ണി​ല്‍​നി​ന്നും ഒ​രു നി​ശ്ചി​ത ഫ്രീ​ക്വ​ന്‍​സി​യി​ല്‍ പെ​ട്ടെ​ന്നു​ണ്ടാ​യ ഊ​ര്‍​ജ​സ്‌​ഫോ​ട​ന​ങ്ങ​ള്‍- ആ​യി​രു​ന്നു ഇ​വ. നി​ല​വി​ല്‍ ഭീ​മ​മാ​യ ഡാ​റ്റ​യെ അ​രി​ച്ചു​പെ​റു​ക്കി ഏ​റ്റ​വും പ്ര​ധാ​ന​പ്പെ​ട്ട 100 സി​ഗ്‌​ന​ലു​ക​ളി​ലേ​ക്ക് ഗ​വേ​ഷ​ക​ര്‍ എ​ത്തി​യി​ട്ടു​ണ്ട്. ഇ​വ അ​ന്യ​ഗ്ര​ഹ​ജീ​വന്‍റെ അ​ട​യാ​ള​ങ്ങ​ളാ​ണോ എ​ന്നു വീ​ണ്ടും പ​രി​ശോ​ധി​ച്ചു​വ​രി​ക​യാ​ണ്.

വെ​ല്ലു​വി​ളി​ക​ള്‍

അ​ന്യ​ഗ്ര​ഹ ജീ​വി​ക​ള്‍ അ​യ​യ്ക്കു​ന്ന സ​ന്ദേ​ശ​ങ്ങ​ളെ ഭൂ​മി​യി​ലെ റേ​ഡി​യോ ത​രം​ഗ​ങ്ങ​ളി​ൽനി​ന്നും ശ​ബ്ദ​കോ​ലാ​ഹ​ല​ങ്ങ​ളി​ല്‍​നി​ന്നും വേ​ര്‍​തി​രി​ച്ചെ​ടു​ക്കു​ക എ​ന്ന​ത് അ​ങ്ങേ​യ​റ്റം പ്ര​യാ​സ​ക​ര​മാ​യ ജോ​ലി​യാ​ണ്. ന​മ്മ​ള്‍ ഉ​പ​യോ​ഗി​ക്കു​ന്ന മൊ​ബൈ​ല്‍ ഫോ​ണു​ക​ള്‍ മു​ത​ല്‍ സാ​റ്റ​ലൈ​റ്റു​ക​ള്‍ വ​രെ ബ​ഹി​രാ​കാ​ശ സി​ഗ്‌​ന​ലു​ക​ളെ വ​ഴി​തെ​റ്റി​ക്കാം. ആ​ര്‍​ട്ടി​ഫി​ഷ​ല്‍ ഇ​ന്‍റ​ലി​ജ​ന്‍​സ് സ​ഹാ​യ​മു​ണ്ടെ​ങ്കി​ലും ഓ​രോ സി​ഗ്‌​ന​ലും കൃ​ത്യ​മാ​യി പ​രി​ശോ​ധി​ക്കാ​ന്‍ മ​നു​ഷ്യ​ന്‍റെ ഇ​ട​പെ​ട​ല്‍ അ​ത്യാ​വ​ശ്യ​മാ​ണ്. ഞ​ങ്ങ​ള്‍ പ്ര​തീ​ക്ഷി​ച്ച പോ​ലെ​യ​ല്ല കാ​ര്യ​ങ്ങ​ള്‍ ന​ട​ന്ന​ത്. എ​ന്നാ​ല്‍, ഭാ​വി​യി​ലെ ഗ​വേ​ഷ​ണ​ങ്ങ​ള്‍​ക്ക് ഒ​രു പു​തി​യ ദി​ശാ​ബോ​ധം ന​ല്‍​കാ​ന്‍ ഈ ​പ്രോ​ജ​ക്ടി​നു സാ​ധി​ച്ചു...- ഗ​വേ​ഷ​ക​ര്‍ പ​റ​ഞ്ഞു.

ഭാ​വി​യി​ലേ​ക്കു​ള്ള വാ​തി​ല്‍

ന​മ്മ​ള്‍ ഒ​രു​പ​ക്ഷേ അ​ന്യ​ഗ്ര​ഹ ജീ​വി​ക​ളെ ക​ണ്ടെ​ത്തി​യെ​ന്നു വ​രി​ല്ല, പ​ക്ഷേ, ബ​ഹി​രാ​കാ​ശ​ത്തെ നി​ശ​ബ്ദ​ത​യി​ല്‍​നി​ന്ന് എ​പ്പോ​ഴെ​ങ്കി​ലും ഒ​രു സ​ന്ദേ​ശം വ​ന്നാ​ല്‍ അ​തു തി​രി​ച്ച​റി​യാ​നു​ള്ള സാ​ങ്കേ​തി​ക വി​ദ്യ ന​മ്മ​ള്‍ വി​ക​സി​പ്പി​ച്ചു ക​ഴി​ഞ്ഞു. ഈ ​മ​ഹാ​പ്ര​പ​ഞ്ച​ത്തി​ല്‍ ന​മ്മ​ള്‍ ഒ​റ്റ​യ്ക്ക​ല്ല എ​ന്ന വി​ശ്വാ​സ​ത്തിനു ശാ​സ്ത്രീ​യ​മാ​യ അ​ടി​ത്ത​റ ന​ല്‍​കാ​ന്‍ ഗ​വേ​ഷ​ണ​ത്തി​നു ക​ഴി​ഞ്ഞെ​ന്നും ശാ​സ്ത്ര​ലോ​കം പ​റ​യു​ന്നു.

Latest News

Corehub Up