Sports
ലിസ്ബൺ: ദാരിദ്ര്യത്തിന്റെ കയ്പുനീർ നിറഞ്ഞ ബാല്യത്തിൽ നിന്ന് ലോകഫുട്ബോളിന്റെ നെറുകയിലെത്തിയ ക്രിസ്റ്റ്യാനോ റൊണാൾഡോ ഒരു പോരാളിയായിരുന്നു. റിക്കാർഡുകൾ ഓരോന്നായി സ്വന്തം പേരിലാക്കിയ പോർച്ചുഗീസ് ഇതിഹാസത്തിന്റെ ജീവിതം അതിജീവനത്തിന്റെയും കഠിനാധ്വാനത്തിന്റെയും പോരാട്ടവീര്യത്തിന്റെയും മഹാകാവ്യമാണ്. 1985 ഫെബ്രുവരി അഞ്ചിന് പോർച്ചുഗലിലെ മദീര ദ്വീപിലെ ഫഞ്ചാലിലായിരുന്നു റൊണാൾഡോയുടെ ജനനം.
ചെറുപ്പം മുതലെ ഫുട്ബോളിൽ താത്പര്യമുണ്ടായിരുന്നെങ്കിലും ഒരു ബോൾ വാങ്ങാൻ പോലും വീട്ടിൽ പണമുണ്ടായിരുന്നില്ല. അതോടെ തുണികൾ ചുരുട്ടിയുണ്ടാക്കിയ പന്തുകൊണ്ടായിരുന്നു റൊണാൾഡോയുടെ ഫുട്ബോൾ അഭ്യാസം. ഫുട്ബോളിനോടുള്ള അടങ്ങാത്ത അഭിനിവേശമാണ് പിന്നീട് അദ്ദേഹത്തെ ലോകത്തിന്റെ നെറുകയിലെത്തിച്ചത്. പിതാവ് ജോലി ചെയ്തിരുന്ന അൻഡോറീഞ്ഞ ക്ലബിലൂടെയാണ് ഫുട്ബോൾ യാത്രയ്ക്ക് തുടക്കമായത്.
പിന്നീട് സ്പോർട്ടിംഗ് ലിസ്ബണിലെത്തിയതോടെ താരത്തിന്റെ കരിയറിന് പുതിയ വഴിത്തിരിവിലെത്തി. മാഞ്ചസ്റ്റർ യുണൈറ്റഡിലൂടെ യൂറോപ്യൻ ഫുട്ബോളിൽ വരവറിയിച്ച റൊണാൾഡോ, റയൽ മാഡ്രിഡിലും യുവന്റസിലും അൽ നസ്റിലുമെല്ലാം തന്റെ പ്രതിഭയുടെ മാറ്റ് തെളിയിച്ചു. പ്രത്യേകിച്ച് റയൽ മാഡ്രിഡിനായി നടത്തിയ ഗോൾവേട്ട പ്രകടനങ്ങൾ ഫുട്ബോൾ ചരിത്രത്തിലെ തന്നെ അവിസ്മരണീയ അധ്യായങ്ങളായി.
അസാമാന്യ വേഗതയും കൃത്യതയാർന്ന ഫിനിഷിങ്ങും ആകാശത്തോളം ഉയരുന്ന ഹെഡർ മികവും താരത്തെ സമകാലിക ഫുട്ബോളിലെ ഏറ്റവും മികച്ച ഗോൾവേട്ടക്കാരിലൊരാളാക്കി. അഞ്ച് ബാലൺ ഡി ഓർ പുരസ്കാരങ്ങൾ, അഞ്ച് യുവേഫ ചാമ്പ്യൻസ് ലീഗ് കിരീടങ്ങൾ, പോർച്ചുഗലിനായി യൂറോ കപ്പ് കിരീടം എന്നിവയാണ് കരിയറിലെ പ്രധാന നേട്ടങ്ങൾ. അന്താരാഷ്ട്ര ഫുട്ബോളിലെ റിക്കാർഡ് ഗോൾവേട്ടക്കാരനായ റൊണാൾഡോ, ചാമ്പ്യൻസ് ലീഗ് ചരിത്രത്തിലും ഗോൾ റിക്കോർഡുകളുടെ രാജാവാണ്.
പ്രായം തളർത്താത്ത കായികക്ഷമതയും അവസാന വിസിൽ വരെ പോരാടാനുള്ള മനോഭാവവും താരത്തെ വ്യത്യസ്തനാക്കുന്നു. മൈതാനത്തെ മികവിനൊപ്പം മാനുഷികമായ നിലപാടുകളിലൂടെയും റൊണാൾഡോ ശ്രദ്ധേയനാണ്. പതിവായി രക്തദാനം നടത്തുന്ന വ്യക്തിയായതിനാൽ ശരീരത്തിൽ ടാറ്റൂകൾ പതിപ്പിക്കുന്നതിൽനിന്ന് അദ്ദേഹം വിട്ടുനിൽക്കുന്നു. ടാറ്റൂ ചെയ്താൽ നിശ്ചിത കാലയളവിൽ രക്തദാനം ഒഴിവാക്കേണ്ടിവരുമെന്നതാണ് ഇതിന് പിന്നിലെ കാരണം.
Sports
ലിസ്ബൺ: ഇതിഹാസതാരം ക്രിസ്റ്റ്യാനോ റൊണാൾഡോ അന്താരാഷ്ട്ര ഫുട്ബോളിൽ നിന്ന് വിരമിക്കൽ പ്രഖ്യാപിച്ചു. പോർച്ചുഗൽ ദേശീയ ടീമിനായി രണ്ട് പതിറ്റാണ്ടിലേറെ നീണ്ട ഐതിഹാസികമായ കരിയറിനാണ് ഇതോടെ വിരാമമായത്. തന്റെ സോഷ്യൽ മീഡിയ അക്കൗണ്ടുകളിലൂടെ പങ്കുവെച്ച വീഡിയോ സന്ദേശത്തിലാണ് 41-കാരനായ താരം ഈ ഔദ്യോഗിക പ്രഖ്യാപനം നടത്തിയത്.
പോർച്ചുഗൽ ദേശീയ ടീമിന്റെ ക്യാപ്റ്റനും എക്കാലത്തെയും മികച്ച ഗോൾവേട്ടക്കാരനുമാണ് താരം. പോർച്ചുഗൽ കോച്ച് ജോർജ് ജെസസുമായി സമീപകാലത്തുണ്ടായ ചില അഭിപ്രായവ്യത്യാസങ്ങളെത്തുടർന്ന് താരം ടീം ക്യാമ്പ് വിട്ടിരുന്നതായും റിപ്പോർട്ടുകളുണ്ടായിരുന്നു. 2003ൽ പോർച്ചുഗലിനായി അരങ്ങേറ്റം കുറിച്ച റൊണാൾഡോ 23-വർഷം നീണ്ട കരിയറിനൊടുവിലാണ് കളിമൊഴിയുന്നത്.
അന്താരാഷ്ട്ര ഫുട്ബോൾ ചരിത്രത്തിൽ ഏറ്റവും കൂടുതൽ മത്സരങ്ങൾ കളിച്ച പുരുഷ താരമെന്ന റിക്കാർഡും (234 മത്സരങ്ങൾ) ഏറ്റവും കൂടുതൽ ഗോളുകൾ നേടിയ താരമെന്ന റിക്കോർഡും (146 ഗോളുകൾ) റൊണാൾഡോയുടെ പേരിലാണ്. പോർച്ചുഗലിനെ 2016ൽ യൂറോ കപ്പ് കിരീടത്തിലേക്കും 2019ൽ യുഇഎഫ്എ നേഷൻസ് ലീഗ് കിരീടത്തിലേക്കും നയിച്ചത് ക്രിസ്റ്റ്യാനോയുടെ ക്യാപ്റ്റൻസിയിലായിരുന്നു.
കൂടാതെ ആറ് വ്യത്യസ്ത ഫിഫ ലോകകപ്പുകളിൽ ഗോൾ നേടുന്ന ഏക കളിക്കാരൻ എന്ന ചരിത്ര നേട്ടവും സിആർ7 സ്വന്തമാക്കിയിട്ടുണ്ട്. അന്താരാഷ്ട്ര കരിയർ അവസാനിപ്പിച്ചെങ്കിലും താരം തന്റെ ക്ലബ് ഫുട്ബോൾ കരിയർ തുടരും.
Sports
ലിസ്ബൺ: ക്രിസ്റ്റ്യാനോ റൊണാൾഡോയുടെ മകൻ ക്രിസ്റ്റ്യാനോ റൊണാൾഡോ ജൂനിയർ പോർച്ചുഗൽ അണ്ടർ 17 ഫുട്ബോൾ ടീമിൽ. യൂറോപ്യൻ ചാമ്പ്യൻഷിപ്പ് യോഗ്യതാ മത്സരങ്ങൾക്കുള്ള പോർച്ചുഗൽ ടീമിലാണ് താരം ഇടംപിടിച്ചത്. ആദ്യമായാണ് ക്രിസ്റ്റ്യാനോ ജൂനിയറിന് അണ്ടർ 17 ടീമിലേക്ക് വിളിയെത്തുന്നത്. നവംബറിൽ നടക്കുന്ന യൂറോപ്യൻ ചാമ്പ്യൻഷിപ്പ് യോഗ്യതാ മത്സരങ്ങൾക്കുള്ള 23 അംഗ സ്ക്വാഡിലാണ് കൗമാരതാരത്തെ ഉൾപ്പെടുത്തിയിരിക്കുന്നത്.
11ന് അൻഡോറയ്ക്കെതിരെയാണ് പോർച്ചുഗലിന്റെ ആദ്യ മത്സരം. 14ന് ബൾഗേറിയയെയും 17ന് സെർബിയയെയും നേരിടും. ഗ്രൂപ്പിൽ ആദ്യ രണ്ട് സ്ഥാനങ്ങളിലെത്തുന്ന ടീമുകൾക്ക് അടുത്ത ഘട്ടത്തിലേക്ക് കടക്കാൻ കഴിയും. നേരത്തെ പോർച്ചുഗലിന്റെ അണ്ടർ 15, അണ്ടർ 16 ടീമുകൾക്കായി ക്രിസ്റ്റ്യാനോ ജൂനിയർ കളിച്ചിട്ടുണ്ട്. ക്ലബ് തലത്തിൽ നിലവിൽ സൗദി ക്ലബ്ബായ അൽ നസറിന്റെ യൂത്ത് ടീമിനൊപ്പമാണ് താരം.
ലോകത്തെ പ്രമുഖ ഫുട്ബോൾ അക്കാദമികളിലും ഇതിനോടകം താരം പരിശീലനം നേടിയിട്ടുണ്ട്. പിതാവ് ക്രിസ്റ്റ്യാനോ റൊണാൾഡോ കളിച്ച മാഞ്ചസ്റ്റർ യുണൈറ്റഡ്, റയൽ മാഡ്രിഡ്, യുവന്റസ് എന്നീ ക്ലബുകളുടെ അക്കാദമികളിലും ജൂനിയർ പന്തുതട്ടിയിട്ടുണ്ട്.
Sports
ലിസ്ബണ്: രാജ്യാന്തര ഫുട്ബോളില് ഏറ്റവും കൂടുതല് ഗോള് (146), ഏറ്റവും കൂടുതല് മത്സരം (234) തുടങ്ങിയ റിക്കാര്ഡുകളുള്ള ഇതിഹാസ താരം ക്രിസ്റ്റ്യാനൊ റൊണാള്ഡോയ്ക്കു പോര്ച്ചുഗല് ദേശീയ ടീമിലേക്ക് എപ്പോള്വേണമെങ്കിലും മടങ്ങിവരാമെന്നു കോച്ച് ഹൊര്ഹെ ജെസ്യൂസ്.
ഈ മാസം രണ്ടിനു നടന്ന ഡെന്മാര്ക്കിനെതിരായ നേഷന്സ് ലീഗ് പോരാട്ടത്തിനു മുമ്പ് അസംതൃപ്തനായ റൊണാള്ഡോ ടീം ക്യാമ്പ് വിട്ടിരുന്നു. നോര്വെയ്ക്കെതിരായ മത്സരത്തില് പൂര്ണമായി പകരക്കാരുടെ ബെഞ്ചില് ഇരുന്നതിനുശേഷമായിരുന്നു തുടര്ന്നുള്ള മത്സരത്തിനു മുമ്പ് റൊണാള്ഡോ ക്യാമ്പ് വിട്ടത്.
“ദേശീയ ടീമിലേക്കു മടങ്ങിവരാന് റൊണാള്ഡോയ്ക്കു താത്പര്യമുണ്ടെങ്കില് ആരും തടയില്ല. അടുത്ത ടീം തെരഞ്ഞെടുപ്പിനു മുമ്പ് അതിനെക്കുറിച്ചു സംസാരിക്കാന് തയാറാണ്. എന്നാല്, ക്രിസ് (ക്രിസ്റ്റ്യാനൊ റൊണാള്ഡോ) ആണ് തീരുമാനം പറയേണ്ടതെന്നുമാത്രം.
ദേശീയ ടീമിനൊപ്പമുള്ള യാത്ര എങ്ങനെ അവസാനിപ്പിക്കണമെന്നു നിശ്ചയിക്കേണ്ടത് അദ്ദേഹമാണ്. കളിച്ചാലും കളിച്ചില്ലെങ്കിലും താങ്കളെ എനിക്കു വേണമെന്നാണ് റൊണാള്ഡോയോട് ഞാന് പറഞ്ഞിട്ടുള്ളത്. ഇപ്പോഴും അതുതന്നെ ഞാന് ആവര്ത്തിക്കുന്നു’’- നോര്വെയ്ക്ക് എതിരായ 2-1നു ജയത്തിനുശേഷം ഹൊര്ഹെ ജെസ്യൂസ് പറഞ്ഞു.
Sports
കോപ്പെന്ഹേഗന് (ഡെന്മാര്ക്ക്): സൂപ്പര് ഫുട്ബോളര് ക്രിസ്റ്റ്യാനൊ റൊണാള്ഡോ പോര്ച്ചുഗല് ക്യാമ്പില്നിന്നു പിണങ്ങിപ്പിരിഞ്ഞു.
യുവേഫ നേഷന്സ് ലീഗ് ഗ്രൂപ്പ് ഡിയില് ഡെന്മാര്ക്കിനെതിരേ ഈ കഴിഞ്ഞ രാത്രിയില് നടന്ന മത്സരത്തിനു മുമ്പായാണ് റൊണാള്ഡോ പോര്ച്ചുഗല് ടീം ക്യാമ്പില്നിന്നു പുറത്തുപോയത്. ഡെന്മാര്ക്കിനെതിരായ മത്സരത്തില് സൈഡ് ബെഞ്ചില് ഇരിക്കേണ്ടിവരുമെന്ന സൂചന മുഖ്യപരിശീലകന് ഹൊര്ഹെ ജെസ്യൂസ് നല്കിയതിനു പിന്നാലെയായിരുന്നു സിആര്7 പിണങ്ങിപ്പിരിഞ്ഞതെന്നതാണ് വാസ്തവം.
റൊണാള്ഡോയുടെ വാക്ക്
സോഷ്യന് മീഡിയയിലൂടെയാണ് ദേശീയ ടീം ക്യാമ്പ് വിടുന്ന വിവരം റൊണാള്ഡോ അറിയിച്ചത്. “ദേശീയ ടീമിന്റെ പ്രസ് കോണ്ഫറന്സ് സമാപിച്ചുകഴിഞ്ഞ്, പോര്ച്ചുഗീസ് ഫുട്ബോള് ഫെഡറേഷന് പ്രസിഡന്റുമായി ചര്ച്ച നടത്തിയശേഷമാണ് ദേശീയ ടീം ക്യാമ്പ് വിടാനുള്ള തീരുമാനം കൈക്കൊണ്ടത്'’- റൊണാള്ഡോ സോഷ്യല് മീഡിയയില് കുറിച്ചു. വൈകാതെ ടീം ക്യാമ്പ് വിടാനുള്ള കാരണം വ്യക്തമാക്കുമെന്നും ഇപ്പോള് ടീമിനും കളിക്കാര്ക്കും വിജയാശംസ നേരാനുള്ള സമയമാണെന്നും റൊണാള്ഡോ കുറിച്ചു.
സൈഡാക്കി
നേഷന്സ് ലീഗില് നോര്വെയ്ക്കെതിരായ കഴിഞ്ഞ മത്സരത്തില് ക്രിസ്റ്റ്യാനൊ റൊണാള്ഡോ പൂര്ണമായി സൈഡ് ബെഞ്ചിലായിരുന്നു. 18 വര്ഷത്തിനുശേഷമാണ് ക്രിസ്റ്റ്യാനൊ റൊണാള്ഡോ പൂര്ണമായി സൈഡ് ബെഞ്ചില് ഇരുന്നത്.
യൂറോ 2008 ഗ്രൂപ്പ് ഘട്ടത്തില് സ്വിറ്റ്സര്ലന്ഡിന് എതിരേയായിരുന്നു റൊണാള്ഡോ പകരക്കാരുടെ ബെഞ്ചില് മുമ്പ് ഇരുന്നതെന്നതും ചരിത്രം. ഇരുപതുകാരനായ ജാവൊ നെവെസിനെപ്പോലെ അല്ല റൊണാള്ഡോ എന്നും അദ്ദേഹത്തിന്റെ പ്രായവും ഫിറ്റ്നസും പരിഗണിക്കേണ്ടിയിരിക്കുന്നു എന്നും ഹൊര്ഹെ ജീസസ് നോര്വെയ്ക്കെതിരായ 2-1നു ജയത്തിനുശേഷം പ്രതികരിച്ചിരുന്നു.
സൗദി പ്രൊ ലീഗ് ക്ലബ്ബായ അല് നസര് എഫ്സിയുടെ താരമാണ് ക്രിസ്റ്റ്യാനൊ റൊണാള്ഡോ. ക്ലബ്ബിന്റെ മുന് പരിശീലകനാണ് ഹൊര്ഹെ ജെസ്യൂസ്. ടീമില്നിന്നുള്ള തഴയല് റൊണാള്ഡോയ്ക്കുള്ള വിരമിക്കല് സൂചനയായും വിലയിരുത്തപ്പെടുന്നു.
Sports
ഓസ്ലോ: യുവേഫ നേഷന്സ് ലീഗ് ഫുട്ബോളില് നോര്വെയ്ക്ക് എതിരായ മത്സരത്തില് പോര്ച്ചുഗല് സൂപ്പര് താരം ക്രിസ്റ്റ്യാനൊ റൊണാള്ഡോയെ കോച്ച് ഹൊല്ഹെ ജീസസ് സൈഡാക്കി.
മത്സരത്തില് പൂര്ണമായി റൊണാള്ഡോ സൈഡ് ബെഞ്ചില് ഇരുന്നു. 18 വര്ഷത്തിനുശേഷമാണ് ക്രിസ്റ്റ്യാനൊ റൊണാള്ഡോ പൂര്ണമായി സൈഡ് ബെഞ്ചില് ഇരിക്കുന്നത്.
ഇരുപതുകാരനായ ജാവൊ നെവെസിനെപ്പോലെ അല്ല റൊണാള്ഡോ എന്നും അദ്ദേഹത്തിന്റെ പ്രായം പരിഗണിക്കേണ്ടിയിരിക്കുന്നു എന്നും ഹൊര്ഹെ ജീസസ് മത്സരശേഷം പ്രതികരിച്ചു. പോര്ച്ചുഗല് 2-1നു നോര്വെയെ മറികടന്നു.
Sports
ബുവേനോസ് ഐറിസ്: കാല്പ്പന്ത് കളത്തിലെ സൂപ്പര് താരങ്ങളായ പോര്ച്ചുഗലിന്റെ ക്രിസ്റ്റ്യാനൊ റൊണാള്ഡോയും അര്ജന്റീനയുടെ ലയണല് മെസിയും ഒന്നിച്ചു കളത്തിലെത്തുമെന്നു സൂചന. 2023 ജനുവരിയിലാണ് ഇരുവരും അവസാനമായി ഒന്നിച്ചു കളത്തിലെത്തിയത്.
മെസി ഫ്രഞ്ച് ക്ലബ്ബായ പാരീസ് സെന്റ് ജെര്മെയ്നുവേണ്ടിയും റൊണാള്ഡോ റിയാദ് ഓള് സ്റ്റാര് ഇലവനുവേണ്ടിയും അന്നു കളത്തിലെത്തി. റൊണാള്ഡോ രണ്ടു തവണ വല ചലിപ്പിച്ചു. മെസി ഒരു തവണയും. മത്സരത്തില് പിഎസ്ജി 5-4ന്റെ ജയം സ്വന്തമാക്കി. മൂന്നു വര്ഷത്തിനുശേഷം രണ്ടു സൂപ്പര് താരങ്ങളും വീണ്ടും ഒന്നിച്ചു കളത്തിലെത്തുമെന്നുള്ള വാര്ത്തയാണ് ഇപ്പോള് ഫുട്ബോള് ലോകത്തെ ആവേശത്തിലാക്കിയിരിക്കുന്നത്.
പിന്നില് കാര്ലോസ് ടെവസ്
ഈ വര്ഷം ഡിസംബറില് മെസിയും റൊണാള്ഡോയും ഒന്നിച്ചു കളത്തിലെത്തുന്ന സൗഹൃദമത്സരം നടക്കുമെന്നാണ് വിവരം. അര്ജന്റൈന് മുന്താരം കാര്ലോസ് ടെവസ് ബൊക്ക ജൂണിയേഴ്സ് ക്ലബ്ബില്നിന്നും ഫുട്ബോളില്നിന്നും വിരമിക്കുന്നതുമായി ബന്ധപ്പെട്ടുള്ള യാത്രയയപ്പു മത്സരത്തിലായിരിക്കും മെസിയും റൊണാള്ഡോയും ഒന്നിക്കുക.
നാല്പ്പത്തിരണ്ടുകാരനായ കാര്ലോസ് ടെവസ് കഴിഞ്ഞ മൂന്നു വര്ഷമായി പ്രഫഷണല് ഫുട്ബോള് രംഗത്ത് ഇല്ല. എന്നാല്, ബൊക്ക ജൂണിയേഴ്സിന്റെ ഹോം ഗ്രൗണ്ടില് ഒരു യാത്രയയപ്പ് മത്സരത്തിനൊരുങ്ങുകയാണ് അദ്ദേഹം. ഈ മത്സരത്തിലേക്കാണ് മെസിയെയും റൊണാള്ഡോയെയും എത്തിക്കാനുള്ള നീക്കം ടെവസ് നടത്തുന്നത്.
ചര്ച്ചകള് സജീവം
ഏകദേശം 60 മുന്നിര കളിക്കാര് പങ്കെടുക്കുന്ന താരസമ്പന്നമായ മത്സരത്തിനായാണ് കാര്ലോസ് ടെവസ് നീക്കം നടത്തുന്നത്. ഇതു സംബന്ധിച്ച് ടെവസ് ബൊക്ക ജൂണിയേഴ്സ് ക്ലബ്ബുമായി ചര്ച്ച നടത്തിയതായാണ് സൂചന. അര്ജന്റീനയ്ക്കായി 76 മത്സരങ്ങള് കളിച്ചിട്ടുള്ള കാര്ലോസ് ടെവസ്, മാഞ്ചസ്റ്റര് യുണൈറ്റഡ്, യുവന്റസ് ക്ലബ്ബുകള്ക്കായും ബൂട്ടണിഞ്ഞു. 2018-2021ല് ബൊക്ക ജൂണിയേഴ്സിനായാണ് അവസാനം കളിച്ചത്.
“അവരെ (മെസി & റൊണാള്ഡോ) ഒന്നിച്ചു കൊണ്ടുവരും”- കാര്ലോസ് ടെവസ് ഒരു സ്ട്രീമിംഗ് ചാനലിനു നല്കിയ അഭിമുഖത്തില് വ്യക്തമാക്കി. റൊണാള്ഡോയെ നേരില്കണ്ട് അദ്ദേഹത്തെ അര്ജന്റീനയില് എത്തിക്കുമെന്നും ടെവസ് ശുഭാപ്തിവിശ്വാസം പ്രകടിപ്പിച്ചു. മെസിക്കൊപ്പം അര്ജന്റൈന് ടീമിലും റൊണാള്ഡോയ്ക്കൊപ്പം മാഞ്ചസ്റ്റര് യുണൈറ്റഡിലും ടെവസ് കളിച്ചിട്ടുണ്ട്.
രാജ്യാന്തര ഫുട്ബോളില്നിന്നു വിരമിക്കല് പ്രഖ്യാപിച്ച മുപ്പത്തൊമ്പതുകാരനായ മെസി, നിലവില് അമേരിക്കന് മേജര് ലീഗ് സോക്കര് ക്ലബ്ബായ ഇന്റര് മയാമിക്കുവേണ്ടിയാണ് കളിക്കുന്നത്. നാല്പ്പത്തൊന്നുകാരനായ റൊണാള്ഡോ, നിലവില് സൗദി പ്രൊ ലീഗ് ക്ലബ്ബായ അല് നസര് എഫ്സിയിലാണ്.
Kerala
കോഴിക്കോട്: ഫുട്ബോള് ഇതിഹാസം ക്രിസ്റ്റ്യാനോ റൊണാള്ഡോയുടെ സഹോദരി എല്മ എവെയ്റോ കേരളത്തില്. സിആര്7 ബ്രാന്ഡ് ഡയറക്ടറായ എല്മ ബോബി ചെമ്മണ്ണൂര് ഇന്റര്നാഷണല് ജ്വല്ലേഴ്സ് ഷോറൂമിലെ സ്പാര്ക്കിള് ഡയമണ്ട് ഫെസ്റ്റ് ഉദ്ഘാടനത്തിനായാണ് എത്തിയത്.
പുലര്ച്ചെയോടെ കോഴിക്കോട് വിമാനത്താവളത്തിലെത്തിയ എല്മ എവെയ്റോയെ ബോബി ചെമ്മണ്ണൂര് ഇന്റര്നാഷണല് ജ്വല്ലേഴ്സിന്റെ പ്രതിനിധികള് ചേര്ന്ന് സ്വീകരിച്ചു. ഇതിനു പിന്നാലെ മുഖ്യമന്ത്രി വി.ഡി. സതീശനെയും എൽമ സന്ദർശിച്ചു.
വി.ഡി.സതീശനുമൊത്തുള്ള ചിത്രങ്ങളും വിഡിയോകളും എൽമ തന്റെ ഔദ്യോഗിക ഇൻസ്റ്റഗ്രാം പേജിൽ പോസ്റ്റ് ചെയ്തിട്ടുണ്ട്. ഇതാദ്യമായാണ് കേരളം സന്ദര്ശിക്കുന്നതെന്നും മൂന്നു ദിവസം കേരളത്തിൽ ഉണ്ടാകുമെന്നും എല്മ പറഞ്ഞു.
മുഖ്യമന്ത്രിയും വിഡിയോ പങ്കുവച്ചിട്ടുണ്ട്. ‘കേരളത്തിലെത്തിയ ക്രിസ്റ്റ്യാനോ റൊണാൾഡോയുടെ സഹോദരി എൽമ എവെയ്റോയെ നേരിൽ കണ്ടു. വളരെ ഹൃദ്യമായി സംസാരിച്ച ആ കൂടിക്കാഴ്ചയിൽ, മലയാളി മനസുകളിൽ റൊണാൾഡോയോടുള്ള അടങ്ങാത്ത സ്നേഹവും ആരാധനയും അവരുമായി പങ്കുവച്ചു. കേരളത്തിലെ ഫുട്ബോൾ പ്രേമികളുടെ ഈ വലിയ സ്നേഹസന്ദേശം എൽമ തീർച്ചയായും ക്രിസ്റ്റ്യാനോയിൽ എത്തിക്കുമെന്ന് ഉറപ്പുനൽകി.’ – വി.ഡി.സതീശന് കുറിച്ചു.
Sports
റിയാദ്: സൂപ്പർ താരം ക്രിസ്റ്റ്യാനോ റൊണാൾഡോയുടെ ഗോളിൽ അൽ താവൂനെ തകർത്ത് അൽ നസ്ർ. ഒന്നിനെതിരേ രണ്ട് ഗോളുകൾക്കായിരുന്നു അൽ നസറിന്റെ ജയം. മുഹമ്മദ് അൽ ഹുറൈജിലൂടെ 11-ാം മിനിറ്റിൽ അൽ താവൂൻ ആണ് ആദ്യം മുന്നിലെത്തിയത്.
ആദ്യ പകുതിയുടെ ഇഞ്ചുറി ടൈമിൽ സാമു കോസ്റ്റ അൽ നസ്റിനെ ഒപ്പമെത്തിച്ചു. 50-ാം മിനിറ്റിൽ റൊണാൾഡോ വിജയ ഗോൾ നേടി. താരത്തിന്റെ കരിയറിലെ 978-ാം ഗോൾ കൂടിയായിരുന്നു ഇത്. 1000 ഗോളിലേക്ക് ഇനി 22 ഗോളുകൾ മാത്രമാണ് ബാക്കിയുള്ളത്.
Sports
റിയാദ്: 2026-27 സീസണ് ഫുട്ബോളിനു ഗോളാഘോഷത്തോടെ തുടക്കം കുറിച്ച് പോര്ച്ചുഗല് ഇതിഹാസം ക്രിസ്റ്റ്യാനൊ റൊണാള്ഡോ. ഇതോടെ ഗോള് നേട്ടത്തിന്റെ സില്വര്ജൂബിലിയും സിആര്7 ആഘോഷിച്ചു.
സൗദി പ്രൊ ലീഗില് അല് നസര് എഫ്സിക്കുവേണ്ടി 83-ാം മിനിറ്റിലായിരുന്നു റൊണാള്ഡോയുടെ ഗോള്. മത്സരത്തില് അല് നസര് എഫ്സി 4-0ന് അല് റിയാദ് എഫ്സിയെ കീഴടക്കി.
ഈ ഗോളോടെ പ്രഫഷണല് ഫുട്ബോള് കരിയറില് 977 ഗോള് സിആര്7 തികച്ചു. 1000 ഗോള് നേടുന്ന ആദ്യതാരമെന്ന ചരിത്രനേട്ടത്തിലേക്ക് ക്രിസ്റ്റ്യാനൊ റൊണാള്ഡോയ്ക്ക് ഇനിയുള്ളത് വെറും 23 എണ്ണത്തിന്റെ അകലം മാത്രം.
പകരക്കാരുടെ ബെഞ്ചില്നിന്നായിരുന്നു റൊണാള്ഡോ കളത്തില് എത്തിയത്. 61-ാം മിനിറ്റില് മൈതാനത്ത് എത്തിയ റൊണാള്ഡോ, എയ്മന് യഹ്യയുടെ അസിസ്റ്റിലായിരുന്നു വല കുലുക്കിയത്.
25-ാം ഗോള് സീസണ്
തുടര്ച്ചയായി 25-ാം സീസണിലും റൊണാള്ഡോ ഗോള് സ്വന്തമാക്കി എന്നതാണ് മറ്റൊരു റിക്കാര്ഡ്. തുടര്ച്ചയായി 24 സീസണില് ഗോള് നേടിയ സ്വീഡിഷ് താരം സ്ലാട്ടന് ഇബ്രാഹിമോവിച്ചിന്റെ (1999-2023) റിക്കാര്ഡ് നാല്പ്പത്തിയൊന്നുകാരനായ ക്രിസ്റ്റ്യാനൊ റൊണാള്ഡോ മറികടന്നു.
ഈ സീസണോടെ ഫുട്ബോളില്നിന്ന് വിരമിക്കുമെന്ന് റൊണാള്ഡോ കഴിഞ്ഞയാഴ്ച പ്രഖ്യാപിച്ചിരുന്നു. 2002-03 സീസണില് സ്പോര്ട്ടിംഗ് സിപിക്കു വേണ്ടിയാരംഭിച്ച ഗോള്നേട്ട സീസണിന് 2026-27ല് അവസാനം കുറിക്കപ്പെടുമെന്നു ചുരുക്കം. 2026-27 സീസണ് സൗദി പ്രൊ ലീഗില് അല് നസര് എഫ്സിയുടെ ആദ്യമത്സരത്തില് റൊണാള്ഡോ കളത്തില് എത്തിയില്ല.
Sports
ലിസ്ബൺ: പോർച്ചുഗൽ ഇതിഹാസ ഫുട്ബോളർ ക്രിസ്റ്റ്യാനൊ റൊണാൾഡോ വിരമിക്കൽ തീരുമാനം പ്രഖ്യാപിച്ചു.
ഈ വർഷത്തോടെ സജീവ ഫുട്ബോളിൽനിന്നു വിരമിക്കുമെന്നു നാൽപ്പത്തിയൊന്നുകാരനായ സിആർ7 അറിയിച്ചു. എന്റെ കരിയറിലെ അവസാന വർഷമായിരിക്കും ഇതെന്നാണ് റൊണാൾഡോ ഒരു അഭിമുഖത്തിൽ വ്യക്തമാക്കിയത്.
നിലവിൽ സൗദി പ്രൊലീഗിൽ കളിക്കുന്ന താരത്തിന്റെ കരാർ കാലാവധി 2027 ജൂൺ വരെയാണ്. ഇന്നലെ പ്രസിദ്ധീകരിച്ച വോഗ് മാഗസിനിലാണ് വിരമിക്കലിനെക്കുറിച്ച് റൊണാൾഡോ സൂചിപ്പിച്ചത്.
ഒന്നോ-രണ്ടോ വർഷമേ കളിക്കളത്തിൽ ഉണ്ടാകൂ എന്നു കഴിഞ്ഞ നവംബറിൽ പറഞ്ഞിരുന്നു. 2026 ലോകകപ്പിനുശേഷം ഇതിയൊരു ലോക പോരാട്ടത്തിനില്ലെന്നും സിആർ7 അറിയിച്ചു. കൂടുതൽ സഞ്ചരിക്കാനും കൂടുതൽ സമയം സ്വയം ചെലവിടാനുമായി ഫുട്ബോൾ അവസാനിപ്പിക്കേണ്ടിയിരിക്കുന്നു എന്ന് അഭിമുഖത്തിൽ റൊണാൾഡോ പറയുന്നു.
പ്രഫഷണൽ ഫുട്ബോളിൽ 1000 ഗോൾ തികയ്ക്കുന്ന ആദ്യ കളിക്കാരൻ എന്ന റിക്കാർഡിലേക്ക് 24 എണ്ണത്തിന്റെ അകലം മാത്രമാണ് സിആർ7നുള്ളത്; നിലവിൽ 976 ഗോൾ.
Sports
ലിസ്ബണ്: ആരാധകര് കാത്തിരുന്ന താരവിവാഹം കഴിഞ്ഞു. പോര്ച്ചുഗല് ഇതിഹാസ ഫുട്ബോളര് ക്രിസ്റ്റ്യാനൊ റൊണാള്ഡോയും പങ്കാളി ജോര്ജിന റോഡ്രിഗസും വിവാഹിതരായി.
റൊണാള്ഡോയുടെ അഞ്ച് മക്കളും അടുത്ത ബന്ധുക്കളും സുഹൃത്തുക്കളും മാത്രമാണ് ചടങ്ങില് സംബന്ധിച്ചത്. പോര്ച്ചുഗലിലെ തീരദേശ റിസോർട്ട് ടൗണായ കാസ്കായ്സിലായിരുന്നു വിവാഹം.
വിവാഹിതരായെ വിവരം സോഷ്യല് മീഡിയയില് വെഡ്ഡിംഗ് റിംഗ് അണിഞ്ഞ കൈകളുടെ ചിത്രത്തോടൊപ്പം റൊണാള്ഡോയും ജോര്ജിനയും സോഷ്യല് മീഡിയയില് പങ്കുവച്ചു. താരത്തിന്റെ അടുത്ത സുഹൃത്തും മാധ്യമപ്രവര്ത്തകനുമായ പിയേഴ്സ് മോര്ഗന് ഇരുവരുടെയും ചിത്രം ഷെയര് ചെയ്തു.
നാല്പ്പത്തിയൊന്നുകാരനായ റൊണാള്ഡോയും മുപ്പത്തിരണ്ടുകാരിയായ ജോര്ജിന റോഡ്രിഗസും 2016 മുതല് പ്രണയത്തിലാണ്. ഇവര്ക്കു മൂന്നു മക്കളുമുണ്ട്. ക്രിസ്റ്റ്യാനൊ റൊണാള്ഡോ സ്പാനിഷ് ക്ലബ്ബായ റയല് മാഡ്രിഡില് ആയിരിക്കുമ്പോഴാണ് ഇരുവരും കണ്ടുമുട്ടിയതും പ്രണയത്തിലായതും.
അന്ന് ഗുച്ചി ഷോറൂമിലെ സെയില്സ് ഗേളായിരുന്നു ജോര്ജിന. 2017 മുതലാണ് ഇരുവരും പൊതുയിടങ്ങളില് ഒന്നിച്ചു പ്രത്യക്ഷപ്പെട്ടു തുടങ്ങിയത്. കുടുംബത്തോടുള്ള ആത്മാര്ഥതയും സ്നേഹവുമാണ് ജോര്ജിനയില് തനിക്ക് ഏറ്റവും ഇഷ്ടപ്പെട്ടതെന്ന് റൊണാള്ഡോ വെളിപ്പെടുത്തിയിരുന്നു.
കായികലോകത്ത് ഏറ്റവും കൂടുതല് പ്രതിഫലം കൈപ്പറ്റുന്ന താരമാണ് സിആര്7. ഏകദേശം മൂന്നു ബില്യണ് ഡോളറില് അധികം (28,500 കോടിയില് അധികം) ആസ്തി അദ്ദേഹത്തിനുണ്ട്. പ്രഫഷണല് കരിയറില് 1000 ഗോള് തികയ്ക്കുന്ന ആദ്യതാരമെന്ന റിക്കാര്ഡിലേക്ക് വെറും 24 ഗോളിന്റെ അകലം മാത്രമാണ് സിആര്7നുള്ളത്.
Sports
ലിസ്ബണ്: ഫുട്ബോള് ലോകത്തിലെ ഏറ്റവും ഗ്ലാമര് കല്യാണം നാളെ നടക്കുമെന്നു സൂചന. പോര്ച്ചുഗല് ഇതിഹാസം ക്രിസ്റ്റ്യാനോ റൊണാള്ഡോയും പങ്കാളി ജോര്ജിനയും തമ്മിലുള്ള വിവാഹം നാളെ നടക്കുമെന്നു റിപ്പോര്ട്ട്. വിവാഹിതരാകാന് ഒരുങ്ങുകയാണെന്ന് ഇരുവരും സ്ഥിരീകരിച്ചെങ്കിലും ഔദ്യോഗികമായി തീയതി പ്രഖ്യാപിച്ചിട്ടില്ല.
അര്ജന്റൈന് തലസ്ഥാനമായ ബുവേനോസ് ഐറിസിലാണ് മുപ്പത്തിരണ്ടുകാരിയായ ജോര്ജിനയുടെ ജനനം. അച്ഛന് അര്ജന്റീനക്കാരനും അമ്മ സ്പാനിഷുകാരിയുമായിരുന്നു.
അമ്മയ്ക്കൊപ്പം സ്പെയിനിലെത്തിയ ജോര്ജിന, 2016ല് മാഡ്രിഡിലെ ബുച്ചി ഷോറൂമില് സെയില്സ് ഗേളായി ജോലി ചെയ്യുമ്പോഴാണ് അപ്രതീക്ഷിതമായി റൊണാള്ഡോയെ കണ്ടുമുട്ടിയത്. അന്ന് സ്പാനിഷ് ക്ലബ്ബായ റയല് മാഡ്രിഡിലായിരുന്നു സിആര്7.
ആദ്യകാഴ്ചയില് അനുരാഗബന്ധരായ ഇരുവരും 2017 മുതല് ഒന്നിച്ച് പൊതുഇടങ്ങളില് പ്രത്യക്ഷപ്പെടാന് തുടങ്ങി. 2017ല് ആദ്യ കുഞ്ഞുപിറന്നു. 2022ല് ഇരട്ടക്കുട്ടികള് വരുന്നതായി പ്രഖ്യാപിച്ചു. എന്നാല്, ജനനസമയത്ത് ഇരട്ടകളിലെ ആണ്കുട്ടി മരണമടഞ്ഞു.
കഴിഞ്ഞ വര്ഷം ഇരുവരും ഔദ്യോഗികമായി എന്ഗേജ്മെന്റ് നടത്തി. 10 വര്ഷത്തെ പ്രണയത്തിനും സഹവാസത്തിനും ശേഷം ഇരുവരും വിവാഹത്തിലേക്ക്.
നാല്പ്പത്തൊന്നുകാരനായ റൊണാള്ഡോ പ്രഫഷണല് കരിയറില് 1000 ഗോള് നേടുന്ന ആദ്യതാരമെന്ന നേട്ടത്തിലേക്ക് അടുക്കുകയാണ്. കായിക ലോകത്തില് ഏറ്റവും കൂടുതല് വരുമാനമുള്ള താരമാണ് സിആര്7.
Sports
ലണ്ടന്: പോര്ച്ചുഗല് ഇതിഹാസ ഫുട്ബോളര് ക്രിസ്റ്റ്യാനൊ റൊണാള്ഡോ അഭിനയത്തിലേക്കും തിരിയുന്നതായി റിപ്പോര്ട്ട്.
ബ്രിട്ടീഷ് ഫുട്ബോളിനെ അടിസ്ഥാനമാക്കിയുള്ള ഒരു ടെലിവിഷന് പരമ്പരയില് റൊണാള്ഡോ പ്രത്യക്ഷപ്പെടുമെന്നാണ് വിവരം.
ഈ പരിപാടിയുടെ എക്സിക്യൂട്ടീവ് പ്രൊഡ്യൂസറും സിആര്7 ആണ്. പരമ്പരയില് ഫ്രഞ്ച് മുന് താരം തിയറി ഒൻറിയും പ്രത്യക്ഷപ്പെടുന്നുണ്ട്.
Sports
ന്യൂജഴ്സി: ഫിഫ 2026 ഫുട്ബോൾ ലോകകപ്പ്; ആവേശം, അഭിമാനം, നറുങ്ങിയ ഹൃദയവേദന, ചരിത്രനിമിഷങ്ങൾ സമ്മാനിച്ച് തിരശീല വീണു. തുടർച്ചയായ രണ്ടാം കിരീടമെന്ന സ്വപ്നം സഫലമാക്കാതെ ലയണൽ മെസി മടങ്ങി.
ക്രിസ്റ്റ്യാനോ റൊണാൾഡോ, കിലിയൻ എംബപ്പെ എന്നിവരുടെ നിറകണ്ണുകളോടെയുള്ള മടക്കം കണ്ടു. എർലിൻ ഹാളണ്ടിന്റെ മിന്നും മികവ്, 19കാരൻ ലാമിൻ യമാൽ വരവറിയിച്ച ലോകകപ്പ്. കോബോ വെർദെ എന്ന അരങ്ങേറ്റ ടീമിന്റെ അഭിമാന പോരാട്ടം. സ്പെയിൻ കിരീടം ചൂടി. സീസണിലെ പോരാട്ടം സമ്മാനിച്ച കാഴ്ചകൾ ഏറെയാണ്...
നോവായി റോണാൾഡോ, എംബാപ്പെ
ആറാം ലോകകപ്പിനിറങ്ങി മികവ് പുലർത്തി ഒടുവിൽ റൗണ്ട് ഓഫ് 16ൽ സ്പെയിനിനോട് എതിരില്ലാത്ത ഒരു ഗോളിന് തോൽവി ഏറ്റുവാങ്ങി പോർച്ചുഗൽ മടങ്ങി. കാൽപ്പന്താവേശം ആവാഹിച്ച ആരാധകർ കണ്ടത് നിറകണ്ണുകളുമായി കളം വിടുന്ന നായകൻ ക്രിസ്റ്റ്യാനോ റൊണാൾഡേയെ മാത്രമായിരുന്നു എന്നതാണ് വാസ്തവം. കിരീടമില്ലാത്ത പോരാളിയുടെ കണ്ണീർ ഒരിക്കൽകൂടി ഗ്രൗണ്ടിൽ വീണു.
എംബാപ്പെ കുതിപ്പ് സ്പെയിനിന് മുന്നിൽ അവസാനിച്ചു. സെമിഫൈനലിൽ ഒരു ഗോൾ പോലും കണ്ടെത്താൻ എംബാപ്പെയുടെ ഫ്രാൻസിനായില്ല. സമ്മർദങ്ങൾക്ക് വഴങ്ങാത്ത ടീം കളി മറന്നു. 10 ഗോളും നാല് അസിസ്റ്റുമായി ഗോൾഡൻ ബൂട്ട് സ്വന്തമാക്കി മടക്കം.
ഹാളണ്ട് ഹാർട്ട് ടച്ച്
ഹാളണ്ടായിരുന്നു ഈ ലോകകപ്പ് തുടക്കത്തിലെ താരം. തുടർച്ചയായ ഇരട്ട ഗോളുകളുമായി ആവേശം വിതറി. നോർവെയുടെ മുന്നേറ്റത്തിൽ സമാനതകളില്ലാത്ത പോരാളി.
യംഗ് യമാൽ
സ്പെയിനിന്റെ 19കാരൻ ലാമിൻ യമാൽ തുടക്കത്തിൽ ആവേശം വിതറിയില്ലെങ്കിലും അവസാന ലാപ്പിൽ പ്രതീക്ഷയുടെ പ്രതീകമായി മാറി. സെമിഫൈനലിലും ഫൈനലിലും സമ്മർദങ്ങൾക്ക് വഴങ്ങാതെ യുവതാരം മികവ് പുലർത്തി. വരും തലമുറയുടെ പോരാളി...
കേപ്പ് വെർദെ, വെറുതേ വന്നതല്ല!
ലോകകപ്പ് ഫുട്ബോളിൽ വെറും നാല് മത്സരം. കോബേ വെർദെ മടങ്ങിയത് ഒരുപറ്റം ആരാധക മനം കവർന്ന്. വെറുതേ ആയിരുന്നില്ല ആ കുഞ്ഞൻ രാജ്യം മൈതാനത്ത് പന്ത് തട്ടാൻ എത്തിയത്. ടൂർണമെന്റിലെ രണ്ട് ഫൈനലിസ്റ്റുകളെയും വിറപ്പിച്ച് തുടക്കം.
അരങ്ങേറ്റ സീസണിലെ അരങ്ങേറ്റ മത്സരത്തിൽ സ്പെയിനിനെ (0-0) സ്കോറിന് തളച്ചു. രണ്ടാം മത്സരത്തിൽ ഉറുഗ്വെയുമായി 2-2 തുല്യത. മൂന്നാം അങ്കം സൗദി അറേബ്യയുമായി. (0-0) സമനില. ആദ്യ സീസണിൽ തന്നെ റൗണ്ട് ഓഫ് 32ൽ കടന്നു. അർജന്റീനയെ വിറപ്പിച്ച് എസ്ട്രാടൈമിലെ ഗോളിൽ പരാജയം ഏറ്റുവാങ്ങി മടക്കം. സ്കോർ (2-3).
ഇവർ കരുത്തർ
40കാരൻ ഗോൾ കീപ്പർ വോസിൻഹ ടീമിലെ മികച്ച കാവൽക്കാരൻ. ആരാധക ഹൃദയം കവർന്നാണ് പ്രായത്തിലെ വലിയവൻ സീസണ് അവസാനിപ്പിച്ചത്. റയാൻ മെൻഡെസ്, നായകനും ടീമിലെ ടോപ് സ്കോററും അറ്റാക്കിംഗ് പ്ലെയറും.
ഡെയ്ലൻ ലിവ്രാമെന്റോ സ്ട്രൈക്കർ. ലോഗൻ കോസ്റ്റ് പ്രതിരോധ പോരാളി. മധ്യനിരയിൽ ജാമിറോ മോന്റെയ്റോ. സീസണിലെ പോരാളികൾ അടുത്ത സീസണിൽ എതിരാളികളെ വീഴ്ത്തുമെന്നുറപ്പ്.
മടങ്ങി വരും
അഞ്ചര ലക്ഷം മാത്രം ജനസംഖ്യ. ദ്വീപ് സമൂഹം. ലോകകപ്പ് വേദിയിൽ പന്ത് തട്ടാൻ സാഹചര്യവും അവസരവും വിരളം. എന്നാൽ ഒന്നും അപ്രാപ്യമല്ലെന്ന് തെളിയിച്ചാണ് അവർ മടങ്ങിയത്. അർജന്റീന, ഫ്രാൻസ്, ബ്രസീൽ, ജർമനി തുടങ്ങി വൻ ആരാധകവൃന്ദമുള്ള ടീമുകൾക്കിടയിൽ വന്പൻ ആരാധക ശ്രദ്ധ നേടി കുഞ്ഞൻ ടീമിന്റെ മടക്കം. അടുത്ത ലോകകപ്പ് വേദിയിൽ കൊടുങ്കാറ്റായി വീശുമെന്ന് ഉറപ്പ്. സപ്പോർട്ടിനായി ആരാധകർ കാത്തിരിക്കും.
Viral
ഫിഫ ലോകകപ്പ് പോരാട്ടത്തിൽ ഉസ്ബെക്കിസ്ഥാനെതിരെ പോർച്ചുഗൽ തകർപ്പൻ വിജയം നേടിയതിന് പിന്നാലെ കോഴിക്കോട്ടെ തെരുവുകളിൽ വൻ ആഘോഷവുമായി ഫുട്ബോൾ ആരാധകർ.
ചൊവ്വാഴ്ച രാത്രി നടന്ന ആവേശകരമായ മത്സരത്തിൽ പോർച്ചുഗൽ എതിരില്ലാത്ത അഞ്ച് ഗോളുകൾക്ക് ഉസ്ബെക്കിസ്ഥാനെ തകർക്കുകയായിരുന്നു. കളി കാണാനായി സംസ്ഥാനത്തിന്റെ വിവിധ ഭാഗങ്ങളിൽ വൻ സജ്ജീകരണങ്ങളാണ് ഒരുക്കിയിരുന്നത്.
പ്രിയ താരം ക്രിസ്റ്റ്യാനോ റൊണാൾഡോ ഇരട്ട ഗോളുകളോടെ ഫോമിലേക്ക് തിരിച്ചെത്തിയതാണ് ആരാധകരെ തെരുവുകളിലേക്ക് ആവേശത്തോടെ ഇറക്കിയത്. വലിയ സ്ക്രീനുകൾക്ക് മുന്നിൽ തടിച്ചുകൂടിയ ആരാധകർ പടക്കം പൊട്ടിച്ചും മുദ്രാവാക്യങ്ങൾ വിളിച്ചുമാണ് ഈ വിജയം ആഘോഷമാക്കിയത്.
പോർച്ചുഗൽ പതാകകളേന്തിയും റൊണാൾഡോയുടെ ജേഴ്സിയണിഞ്ഞും ആരാധകർ നടത്തിയ ബൈക്ക് റാലികളുടെ ദൃശ്യങ്ങൾ ഇപ്പോൾ സമൂഹമാധ്യമങ്ങളിൽ വൻതോതിൽ പ്രചരിക്കുന്നുണ്ട്.
ആദ്യ മത്സരത്തിൽ ഡെമോക്രാറ്റിക് റിപ്പബ്ലിക് ഓഫ് കോംഗോയോട് പോർച്ചുഗൽ അപ്രതീക്ഷിത സമനില വഴങ്ങിയതിന് പിന്നാലെ റൊണാൾഡോയ്ക്കെതിരെ വലിയ രീതിയിലുള്ള വിമർശനങ്ങൾ ഉയർന്നിരുന്നു.
അർജന്റീനയുടെ ആദ്യ മത്സരത്തിൽ ലയണൽ മെസി ഹാട്രിക് നേടിയതോടെ റൊണാൾഡോയ്ക്ക് മേലുള്ള സമ്മർദ്ദം ഇരട്ടിച്ചിരുന്നു. എന്നാൽ ഉസ്ബെക്കിസ്ഥാനെതിരെയുള്ള മത്സരത്തിലൂടെ വിമർശകരുടെ വായടപ്പിക്കുന്ന പ്രകടനമാണ് താരം പുറത്തെടുത്തത്.
ഈ മത്സരത്തിലെ രണ്ട് ഗോളുകളോടെ ആറ് വ്യത്യസ്ത ഫിഫ ലോകകപ്പുകളിൽ ഗോൾ നേടുന്ന ചരിത്രത്തിലെ ആദ്യ ഫുട്ബോൾ താരം എന്ന റെക്കോർഡും റൊണാൾഡോ സ്വന്തം പേരിൽ കുറിച്ചു. ക്രിക്കറ്റിനേക്കാൾ ഫുട്ബോളിനെ നെഞ്ചിലേറ്റുന്ന കേരളത്തിൽ ഈ ഉജ്ജ്വല തിരിച്ചുവരവ് ആരാധകർ വലിയൊരു ഉത്സവമായാണ് കൊണ്ടാടുന്നത്.
സോഷ്യൽ മീഡിയയിലും റൊണാൾഡോയുടെ ഈ വേട്ടയെയും കേരളത്തിലെ ആരാധകരുടെ ആവേശത്തെയും പ്രകീർത്തിച്ചുകൊണ്ടുള്ള പോസ്റ്റുകൾ നിറഞ്ഞുകഴിഞ്ഞു. വരും മത്സരങ്ങളിലും തങ്ങളുടെ പ്രിയ താരം ഇതേ ഫോം തുടരുമെന്ന പ്രതീക്ഷയിലാണ് മലയാളി ഫുട്ബോൾ പ്രേമികൾ.
Viral
ഉസ്ബെക്കിസ്ഥാനെതിരെയുള്ള ആവേശപ്പോരാട്ടത്തിൽ പോർച്ചുഗീസ് ഇതിഹാസം ക്രിസ്റ്റ്യാനോ റൊണാൾഡോ വലകുലുക്കിയപ്പോൾ സ്റ്റേഡിയം ഒന്നടങ്കം ആവേശക്കടലായി മാറി. എന്നാൽ അതിനെയെല്ലാം വെല്ലുന്ന വൈകാരിക നിമിഷങ്ങൾക്കാണ് ഗാലറി സാക്ഷ്യം വഹിച്ചത്.
തന്റെ ഫുട്ബോൾ ആരാധനാപാത്രത്തിന്റെ കളി നേരിട്ട് കാണാനെത്തിയ പ്രശസ്ത യൂട്യൂബ് താരം 'ഐഷോസ്പീഡ്' റൊണാൾഡോയുടെ ഗോൾ നേട്ടത്തിന് പിന്നാലെ സന്തോഷം സഹിക്കാനാവാതെ പൊട്ടിക്കരയുകയായിരുന്നു.
റൊണാൾഡോയോടുള്ള സ്പീഡിന്റെ കടുത്ത ആരാധനയും ആത്മാർഥതയും വെളിവാക്കുന്ന ഈ ദൃശ്യങ്ങൾ സോഷ്യൽ മീഡിയയിൽ നിമിഷനേരം കൊണ്ടാണ് തരംഗമായി മാറിയത്.
പോർച്ചുഗൽ-ഉസ്ബെക്കിസ്ഥാൻ പോരാട്ടം നേരിട്ട് കാണാൻ ഗാലറിയിലെത്തിയ സ്പീഡ്, സൂപ്പർ താരം പന്ത് വലയിലെത്തിച്ച നിമിഷം ആവേശത്തോടെ ആർത്തുവിളിക്കുകയും തൊട്ടടുത്ത നിമിഷം മുഖം പൊത്തി വിതുമ്പുകയുമായിരുന്നു.
ചുറ്റുമുള്ള കാണികൾ വിജയം ആഘോഷിക്കുമ്പോഴും വികാരഭരിതനായി ഇരിക്കുന്ന താരത്തിന്റെ വീഡിയോ കണ്ട് ലോകമെമ്പാടുമുള്ള ഫുട്ബോൾ പ്രേമികൾ അദ്ദേഹത്തിന്റെ യഥാർഥ സ്നേഹത്തെ പ്രശംസിക്കുകയാണ്.
തന്റെ ലൈവ് സ്ട്രീമുകളിലൂടെയും പൊതുവേദികളിലും റൊണാൾഡോയോടുള്ള ആരാധന പരസ്യമായി പ്രകടിപ്പിച്ച് ശ്രദ്ധേയനായ വ്യക്തിയാണ് സ്പീഡ്.
മുൻപ് പലതവണ അദ്ദേഹം റൊണാൾഡോയെ നേരിട്ട് കാണുകയും, തന്റെ ജീവിതത്തിൽ ഈ പോർച്ചുഗീസ് ക്യാപ്റ്റൻ ചെലുത്തിയ സ്വാധീനത്തെക്കുറിച്ച് തുറന്നുപറയുകയും ചെയ്തിട്ടുണ്ട്.
മറുഭാഗത്ത്, ഈ മത്സരത്തിലെ തകർപ്പൻ ഇരട്ട ഗോളുകളോടെ ക്രിസ്റ്റ്യാനോ റൊണാൾഡോ ഫുട്ബോൾ ചരിത്രത്തിൽ പുതിയൊരു അധ്യായം കൂടി എഴുതിച്ചേർത്തു.
നാൽപ്പത്തിയൊന്നാം വയസിൽ വലകുലുക്കിയ റൊണാൾഡോ, ഫിഫ ലോകകപ്പ് ചരിത്രത്തിൽ ഗോൾ നേടുന്ന ഏറ്റവും പ്രായം കൂടിയ കളിക്കാരൻ എന്ന പദവി സ്വന്തം പേരിലാക്കി.
ഇതോടൊപ്പം, തുടർച്ചയായി ആറ് വ്യത്യസ്ത ലോകകപ്പ് പതിപ്പുകളിൽ ഗോൾ നേടുന്ന ലോകത്തിലെ ആദ്യത്തെ താരം എന്ന സമാനതകളില്ലാത്ത റെക്കോർഡും ഈ സൂപ്പർ താരം സ്വന്തമാക്കിയിരിക്കുകയാണ്.