ചങ്ങനാശേരി: ഓണ്ലൈന് ക്ലാസുകളില് പഠിച്ചാണ് ജോഹാന് ജോബ് നീറ്റ് പരീക്ഷയില് അഖിലേന്ത്യാ തലത്തിൽ 69-ാം റാങ്ക് നേടിയത്. ബംഗളൂരു സ്വദേശിയായ ജോഹാന് ജോബ് മൂന്നുവര്ഷമായി പാലാ ബ്രില്യന്റ് സ്റ്റഡി സെന്ററിലാണ് പരിശീലനം നേടിയത്.
ബംഗളൂരു പ്രസിഡന്സി സ്കൂളാണ് പ്ലസ് ടൂവരെ പഠനം നടത്തിയത്. ക്ലാസുകളെല്ലാം ഓണ്ലൈനിലൂടെയാണ് അറ്റൻഡ് ചെയ്തത്. പരീക്ഷകള് ബംഗളൂരിലെ ഓഫ്ലൈന് സെന്ററിലെത്തി എഴുതുകയായിരുന്നു. സിബിഎസ്ഇ പ്ലസ്ടു പരീക്ഷയില് 98.4 ശതമാനം മാര്ക്ക് വാങ്ങി സ്കൂള് ടോപ്പറായാണ് വിജയം നേടിയത്.
ബംഗളൂരു വിപ്രോയില് സെയില്സ് മാനേജരായ ചങ്ങനാശേരി വാഴപ്പള്ളി മതുമൂല തോട്ടാശേരി ജോബ് കെ. ജോസ്-ആന് നീതു ദമ്പതിമാരുടെ മകനാണ് ജോഹാന് ജോബ്. ബംഗളൂരു പ്രസിഡന്സി സ്കൂള് അധ്യാപികയാണ് ആന് നീതു. ഏകസഹോദരന് റയാന് ഇതേ സ്കൂളിലെ എട്ടാംക്ലാസ് വിദ്യാര്ഥിയാണ്.
E-paper LOGIN
LOGIN
