പാരീസ്: പ്രതിഷേധങ്ങള്ക്കിടെ 2026 സീസണ് ഫ്രഞ്ച് ഓപ്പണ് ടെന്നീസിന് ഇന്നു തുടക്കം. പ്രതിഫലം വര്ധിപ്പിക്കാന് ആവശ്യപ്പെട്ടെങ്കിലും നടക്കാത്തതില് പ്രതിഷേധിച്ച്, താരങ്ങള് മീഡിയ ടൈം കുറച്ചിട്ടുണ്ട്.
15 മിനിറ്റ് മാത്രമാണ് മാധ്യമങ്ങള്ക്കു മുന്നില് താരങ്ങള് എത്തിയത്. വനിതാ ലോക ഒന്നാം നമ്പറായ ബെലാറൂസിന്റെ അരീന സബലെങ്ക, പുരുഷ ലോക ഒന്നാം നമ്പര് ഇറ്റലിയുടെ യാനിക് സിന്നര് തുടങ്ങിയവരെല്ലാം ഇക്കാര്യത്തില് ഒറ്റക്കെട്ടാണ്.
15, 22 ആക്കണം
ടൂര്ണമെന്റിന്റെ വരുമാനത്തില്നിന്ന് 22 ശതമാനം പ്രൈസ് മണിയായി നല്കണമെന്നതാണ് താരങ്ങളുടെ ആവശ്യം. എന്നാല്, നിലവില് ഇത് 15 ശതമാനമാണ്.
ഗ്രാന്സ്ലാം ടൂര്ണമെന്റുകളില് ഏകദേശം 15 ശതമാനം മാത്രമേ സമ്മാനത്തുകയായി നല്കുന്നുള്ളൂ. ഇതിനെ സൂചിപ്പിച്ചാണ് 15 മിനിറ്റ് മാത്രം മാധ്യമങ്ങള്ക്കു മുന്നില് എത്താന് താരങ്ങള് തീരുമാനിച്ചത്.
സീസണിലെ ഏക കളിമണ് കോര്ട്ട് ഗ്രാന്സ്ലാമായ ഫ്രഞ്ച് ഓപ്പണില് നിലവിലെ ചാമ്പ്യനായ സ്പെയിനിന്റെ കാര്ലോസ് അല്കരാസ് പങ്കെടുക്കുന്നില്ല. പരിക്കിനെത്തുടര്ന്നാണ് പിന്മാറ്റം. വനിതാ സിംഗിള്സില് അമേരിക്കയുടെ കൊക്കൊ ഗൗഫാണ് നിലവിലെ കിരീടാവകാശി.