ഫിലാഡല്ഫിയ: ഫിഫ ലോകകപ്പ് ഫുട്ബോള് ഗ്രൂപ്പ് സിയില് ബ്രസീലിന്റെ അവസാന മത്സരത്തില് സൂപ്പര് താരം നെയ്മര് ജൂണിയര് കളത്തിലെത്തുമെന്ന് മുഖ്യപരിശീലകന് കാര്ലോ ആഞ്ചെലോട്ടി.
ഗ്രൂപ്പിലെ രണ്ടാം മത്സരത്തില് 3-0നു ഹെയ്തിയെ തോല്പ്പിച്ചശേഷം നടത്തിയ പ്രതികരണത്തിലാണ് നെയ്മര് അടുത്ത മത്സരത്തില് കളിക്കുമെന്ന് ആഞ്ചെലോട്ടി പറഞ്ഞത്.
ഇന്ത്യന് സമയം 25നു പുലര്ച്ചെ 3.30ന് സ്കോട്ലന്ഡിന് എതിരേയാണ് ഗ്രൂപ്പില് ബ്രസീലിന്റെ അവസാന മത്സരം. നിലവില് രണ്ടു മത്സരങ്ങളില്നിന്ന് നാല് പോയിന്റുമായി ബ്രസീല് ഒന്നാം സ്ഥാനത്തെത്തി. ഇത്രയും പോയിന്റുള്ള മൊറോക്കോയെ ഗോള് വ്യത്യാസത്തില് പിന്തള്ളിയാണ് കാനറികള് തലപ്പത്തുള്ളത്. ഒരു ജയവും ഒരു തോല്വിയുമായി സ്കോട്ലന്ഡിന് മൂന്നു പോയിന്റുണ്ട്.
നെയ്മര് ടീമിനൊപ്പം പരിശീലനം പുനരാരംഭിച്ചിരുന്നു. 34കാരനായ നെയ്മര് കാലിന്റെ പരിക്കിനെത്തുടര്ന്ന് പൂര്ണമായി കളത്തില് സജീവമായിട്ടില്ല. 2023 ഒക്ടോബറിനുശേഷം ബ്രസീല് ജഴ്സിയിയില് നെയ്മര് കളിച്ചിട്ടില്ലെന്നതും ശ്രദ്ധേയം.
129 രാജ്യാന്തര മത്സരങ്ങളില്നിന്ന് 79 ഗോള് നേടിയ നെയ്മര്, ബ്രസീലിന്റെ എക്കാലത്തെയും ടോപ് സ്കോററാണ്.
Tags : Neymar play FIFA World Cup Football brazil