Deepika.com | Largest Malayalam Internet Read

പൂക്കളെയും പുഴകളെയും പുൽനാമ്പുകളെയും പ്രണയിച്ച് അസീസി പട്ടണത്തിന്‍റെ മുഖമായി മാറിയ വിശുദ്ധ ഫ്രാൻസിസിന്‍റെ മരണത്തിന്‍റെ എണ്ണൂറാം വാർഷികത്തോടനുബന്ധിച്ച് തിരുസഭ ഈ വർഷം ഫ്രാൻസിസ്കൻ വർഷമായി ആചരിക്കുകയാണ്. അതോടൊപ്പം അസീസി പട്ടണത്തിന് അഭിമാനമായ മറ്റൊരു വാർഷികംകൂടി ഈ വർഷം ആചരിക്കപ്പെടുന്നുണ്ട്. 1986 ഒക്‌ടോബർ 27ന് ചരിത്രത്തിൽ ആദ്യമായി വിവിധ മതങ്ങളിൽ വിശ്വസിക്കുന്നവർ അസീസിയിൽ ഒന്നുചേർന്ന് ലോകസമാധാനത്തിനായി പ്രാർഥിച്ചതിന്‍റെ നാല്പതാം വാർഷികം കൂടിയാണ് ഈ വർഷം.

വത്തിക്കാന്‍റെ മൂന്നു വ്യത്യസ്ത കാര്യാലയങ്ങൾ ഒന്നുചേർന്ന് ജൂൺ 22ന് പുറത്തിറക്കിയ പ്രത്യാശയുടെ യാത്ര എന്ന രേഖ അസീസിയിലെ സമ്മേളനത്തിന്‍റെ പ്രാധാന്യം വ്യക്തമാക്കുന്നുണ്ട്. വ്യക്തവും ശക്തവുമായ രീതിയിൽ മതങ്ങൾ ഭിന്നതയുടെ കാരണങ്ങളല്ലെന്നും മറിച്ച്, പരസ്പര ബഹുമാനത്തിലൂടെയും സാഹോദര്യപൂർണമായ സഹകരണത്തിലൂടെയും നിലനിൽക്കുന്ന സമാധാനത്തിന്‍റെ ദൂതരാണെന്നും അസീസിയിലെ സമ്മേളനം നമ്മെ ഓർമിപ്പിക്കുന്നു (Journey of Hope, 19).

മതപരമായ സമവായമല്ല അസീസിയുടെ ലക്ഷ്യം

അസീസിയിലേക്ക് ജോൺ പോൾ പാപ്പായുടെ ക്ഷണം സ്വീകരിച്ച് വിവിധ മതങ്ങളിൽ നിന്നുള്ളവർ എത്തിയിരുന്നു. യഹൂദർ, മുസ്‌ലിംകൾ, ബുദ്ധമതക്കാർ, ഹിന്ദുക്കൾ, ജൈനമതക്കാർ, സൊരോവാഷ്‌ട്രർ, ആഫ്രിക്കയിലെയും അമേരിക്കയിലെയും പരമ്പരാഗത മതങ്ങളുടെ പ്രതിനിധികൾ എന്നിങ്ങനെ 13 മതങ്ങളെ പ്രതിനിധീകരിച്ച് 47 നേതാക്കളാണ് അസീസിയിൽ എത്തിയത്. വിവിധ മതങ്ങൾ ഒന്നുചേരുമ്പോൾ സ്വാഭാവികമായും ഉയരാവുന്ന ഒരു ചോദ്യമാണ് ഏത് ദൈവത്തോടാണ് അവർ പ്രാർഥിച്ചിട്ടുണ്ടാവുക എന്നത്. വ്യത്യസ്ത മതവിശ്വാസങ്ങൾക്കിടയിൽ സമവായം സൃഷ്ടിച്ച് ഒരേ പ്രാർഥന ഏറ്റുചൊല്ലുകയായിരുന്നില്ല അസീസിയിലെ സമ്മേളനത്തിന്‍റെ ലക്ഷ്യം. ‘പ്രാർഥിക്കാനായി ഒരുമിക്കുക’ എന്നതായിരുന്നു അസീസിയുടെ ലക്ഷ്യം. വിവിധ സ്ഥലങ്ങളിൽ ഓരോരുത്തരും താന്താങ്ങളുടെ പാരമ്പര്യത്തോടു വിശ്വസ്തത പാലിച്ച്, തങ്ങളുടേതായ ആചാരങ്ങളിലൂടെ ലോകത്തിൽ സമാധാനം പുലരുന്നതിനായി അവർ പ്രാർഥിച്ചു. “ഒന്നിച്ചു പ്രാർഥിക്കുക; അതായത്, ഒരു പൊതുപ്രാർഥന നടത്തുക എന്നത് സാധ്യമല്ല; എന്നാൽ, മറ്റുള്ളവർ പ്രാർഥിക്കുമ്പോൾ അവിടെ സന്നിഹിതനായിരിക്കാൻ സാധിക്കും” എന്നതായിരുന്നു ജോൺ പോൾ രണ്ടാമൻ പാപ്പായുടെ അടിസ്ഥാന ആശയം.

എല്ലാവരെയും ഉൾക്കൊള്ളുന്ന പുതിയ മതം രൂപപ്പെടുത്തുകയായിരുന്നില്ല; മറിച്ച്, ലോകരാഷ്‌ട്രങ്ങൾക്കിടയിലും വ്യക്തികൾക്കിടയിലും സമാധാനം പുലരുകയെന്നതായിരുന്നു അവരുടെ ആഗ്രഹം. അസീസിയിലെ സർവമതപ്രാർഥനയുടെ സ്മരണകളിൽ ഏറ്റവും വിമർശനവിധേയമായിട്ടുള്ളത് പ്രസ്തുത സമ്മേളനം സിൻക്രെറ്റിസമാണ് എന്ന ചിന്തയുടെ അടിസ്ഥാനത്തിലാണ്. മതനേതാക്കൾ തോളോടുതോൾ ചേർന്നു നിൽക്കുന്ന ചിത്രങ്ങൾ കാണുമ്പോൾ പലർക്കും അത്തരത്തിലുള്ള ചിന്തകൾ ഉയരുക സ്വാഭാവികവുമാണ്. ‘ഒരുമിച്ചു പ്രാർഥിക്കുക’ (praying together) എന്നതും ‘പ്രാർഥിക്കാനായി ഒരുമിക്കുക’ ‘being together to pray’ എന്നതും രണ്ടാണെന്ന തിരിച്ചറിവിലേക്ക് അവർ എത്തിയിട്ടില്ല എന്നതാണ് വാസ്തവം.

സമ്മേളനത്തിന്‍റെ തുടക്കത്തിൽ എല്ലാവരെയും ക്ഷണിച്ചുകൊണ്ട് പാപ്പാ പറഞ്ഞു: “ഇത്രയധികം മതനേതാക്കൾ പ്രാർഥനയ്ക്കായി ഒത്തുചേർന്നു എന്നത്, സമാധാനത്തിന് മറ്റൊരു മാനമുണ്ടെന്നും രാഷ്‌ട്രീയ ചർച്ചകളോ വിട്ടുവീഴ്ചകളോ സാമ്പത്തിക ഇടപാടുകളോ അല്ലാതെ സമാധാനം പ്രചരിപ്പിക്കാൻ മറ്റൊരു വഴിയുണ്ടെന്നും തിരിച്ചറിയാൻ ആധുനികലോകത്തിന് ഒരു പ്രചോദനമാണ്. മതപരമായ വൈവിധ്യങ്ങൾക്കിടയിലും, നമ്മുടെ കഴിവുകളുടെ പരിധിക്കപ്പുറമുള്ള പരമശക്തിയുമായുള്ള ഒരു ബന്ധത്തെയാണ് ഈ പ്രാർഥന പ്രകടമാക്കുന്നത്.” മതാന്തരസംവാദം സഭ തുടരുന്നതിന്‍റെ പ്രധാനപ്പെട്ട ലക്ഷ്യങ്ങളിലൊന്ന് ലോകസമാധാനത്തിനായുള്ള പ്രതിബദ്ധതയാണ്. യഥാർഥ സമാധാനം രാഷ്‌ട്രീയപരമായി നേടിയെടുക്കാവുന്ന ഒരു ഉടമ്പടിയല്ല, ആത്മീയമായി കരഗതമാകേണ്ട അനുഭവമാണ്.

സമാധാനത്തിന്‍റെ പുതിയ അധ്യായം

1986ൽ അസീസിയിൽ നടന്ന സമ്മേളനം ഒരു തുടക്കമായിരുന്നു. അതിനുശേഷം പലവട്ടം വിവിധ മതങ്ങളിൽ വിശ്വസിക്കുന്നവർ ഒന്നുചേർന്നിട്ടുണ്ട്. ജോൺ പോൾ രണ്ടാമൻ പാപ്പാ നേതൃത്വം നൽകി 1988ൽ റോമിലും 1994ൽ ബാൽകൻ പ്രദേശത്തും അതേവർഷംതന്നെ റുവാണ്ടയിൽ യുദ്ധം നടക്കുന്ന സമയത്തും 2002ൽ (സെപ്റ്റംബർ 11 ദുരന്തത്തിനുശേഷം) അസീസിയിലും അദ്ദേഹം വീണ്ടും ലോകസമാധാനത്തിനായി വിവിധ മതവിശ്വാസികളെ പ്രാർഥനയ്ക്കായി ക്ഷണിച്ചു. അസീസി സമ്മേളനത്തിന്‍റെ അവസാനം ജോൺ പോൾ രണ്ടാമൻ പറഞ്ഞ വാക്കുകൾ കാലങ്ങൾക്കിപ്പുറവും പ്രസക്തമായി നിലകൊള്ളുന്നു. “ചരിത്രത്തിലാദ്യമായി, വിശുദ്ധ ഫ്രാൻസിസിനായി സമർപ്പിക്കപ്പെട്ട ഈ പുണ്യസ്ഥലത്ത്, ക്രിസ്തീയ സഭകളും സഭാ സമൂഹങ്ങളും ലോകമതങ്ങളും ഒത്തുചേർന്നിരിക്കുന്നു.

നാം കണ്ടതുപോലെ, നമ്മുടെ പ്രാർഥനകളുടെ രൂപവും ഉള്ളടക്കവും തികച്ചും വ്യത്യസ്തമാണ്; അവയെ ഒരു പൊതു മാനദണ്ഡത്തിലേക്ക് ചുരുക്കാൻ കഴിയില്ല. എന്നാൽ, ഈ വൈവിധ്യത്തിനിടയിലും, സമാധാനത്തെക്കുറിച്ചുള്ള ചിന്തയും മതപരമായ പ്രതിബദ്ധതയും തമ്മിലുള്ള ബന്ധത്തെക്കുറിച്ചു പറയുമ്പോൾ, നമ്മെയെല്ലാം ഒന്നിപ്പിക്കുന്ന എന്തോ ഒന്ന് ഉണ്ടെന്ന് നാം തിരിച്ചറിയുന്നു. ഇന്ന് ഓരോ മനുഷ്യന്‍റെയും മനഃസാക്ഷിയെ അഭിമുഖീകരിക്കുന്ന സമാധാനമെന്ന വെല്ലുവിളി, മതപരമായ ഭിന്നതകൾക്കപ്പുറത്തുള്ള ഒന്നാണ്. സമാധാനമെന്ന ഈ യാഥാർഥ്യത്തെക്കുറിച്ച് നമുക്ക് വ്യത്യസ്ത ധാരണകളുണ്ടാകാം; എങ്കിലും, നമ്മുടെ വ്യത്യസ്ത മതവിശ്വാസങ്ങൾ എന്തുതന്നെയായാലും, ഈ യാഥാർഥ്യവും സമാധാനമെന്ന ദാനവും തമ്മിൽ ഒരു ബന്ധമുണ്ടെന്ന കാര്യത്തിൽ നാം എല്ലാവരും യോജിക്കുന്നു. എനിക്ക് ഉറച്ച ബോധ്യമുള്ള ഒരു കാര്യം ഞാൻ വിനയപൂർവം ആവർത്തിക്കട്ടെ: സമാധാനത്തിന് ഈശോ മിശിഹായുടെ നാമമുണ്ട്.”

ചന്ദനപ്പള്ളിയിൽ പെരുന്നാൾ

ചന്ദനപ്പള്ളി: ജോർജിയൻ തീർഥാടന ദേവാലയമായ ചന്ദനപ്പള്ളി സെന്‍റ് ജോര്‍ജ് തീർ‌ഥാടന കത്തോലിക്കാ ദേവാലയ തിരുനാളിനു 26നു കൊടിയേറും. രാവിലെ ദേവാലയ അങ്കണത്തിലും ഉച്ചകഴിഞ്ഞ് സെന്‍റ് ജോർജ്‌ ഷ്രൈനിലും നടക്കും. രാവിലെ 6.45.ന് പ്രഭാത പ്രാർഥന, ഏഴിന് ഡോ. തോമസ് മാർ അന്തോണിയോസ് മെത്രാപ്പോലീത്ത വിശുദ്ധ കുര്‍ബാന അര്‍പ്പിക്കും. തുടര്‍ന്ന് കൊടി ആശീര്‍വദിച്ച് ട്രസ്റ്റിക്ക് കൈമാറും.

പളളി അങ്കണത്തില്‍ സ്ഥാപിച്ചിട്ടുളള സ്വര്‍ണക്കൊടിമരത്തില്‍ പ്രാർഥനയ്ക്കു ശേഷം മെത്രാപ്പോലീത്ത കൊടി ഉയര്‍ത്തും. ഉച്ചകഴിഞ്ഞ് മൂന്നിന് കുടമുക്ക് ചിറയിൽ ശ്യാമിന്‍റെ ഭവനത്തില്‍ നിന്ന് കൊടിമരം ഘോഷയാത്രയായി കൊണ്ടുപോകും. മുത്തുക്കുടകളുടെയും പേപ്പല്‍ ഫ്ളാഗുകളുടെയും വാദ്യമേളങ്ങളുടെയും അകമ്പടിയോടെയാണ് കൊടിമരവും വഹിച്ചുകൊണ്ടുള്ള ഘോഷയാത്ര ജംഗ്ഷനില്‍ തിരിഞ്ഞ് ചന്ദനപ്പളളി പള്ളിയുടെ മുന്പില്‍ എത്തി പ്രാർഥിച്ചശേഷമാണ് സെന്‍റ് ജോർജ്‌ ഷ്രൈനില്‍ എത്തിക്കുന്നത് . പൂക്കളും ഇലകളും ചേര്‍ത്ത് കൊടിമരം കെട്ടി ഒരുക്കി പ്രാർഥനയ്ക്കുശേഷം കോടിയേറ്റ് നടത്തും. ക്രമീകരണങ്ങള്‍ക്ക് വികാരി ഫാ. ബെന്നി നാരകത്തിനാല്‍ ട്രസ്റ്റി ആന്‍റണി ചന്ദനപ്പള്ളി, സെക്രട്ടറി ബാബു കെ. പെരുമല, പബ്ലിസിറ്റി കൺവീനർ ഷിബു കെ. ജോയി കുറ്റിയിൽ, പ്രോഗ്രാം കൺവീനർ ബിനോ ബാബു പെരുമല എന്നിവർ നേതൃത്വം നൽകും.

ഓർത്തഡോക്സ് പള്ളിയിൽ

ചന്ദനപ്പള്ളി: സെന്‍റ് ജോർജ് ഓർത്തഡോക്സ് വലിയപള്ളിയിലെ ഗീവർഗീസ് സഹദയുടെ ഓർമപ്പെരുന്നാൾ 23ന് ആരംഭിക്കും. 26നു കൊടിയേറി പ്രധാന പെരുന്നാൾ മേയ് ഏഴ്, എട്ട് തീയതികളിലായി ആചരിക്കും. പെരുന്നാൾ ശുശ്രൂഷകൾക്ക് ബസേലിയോസ് മാർത്തോമ്മ മാത്യൂസ് തൃതീയൻ കാതോലിക്കാ ബാവയും മെത്രാപ്പോലീത്തമാരും നേതൃത്വം നൽകും. എല്ലാ ദിവസവും രാവിലെ 6.45 ന് മൂന്നിന്മേൽ കുർബാനയും വൈകുന്നേരം 5.45ന് മധ്യസ്ഥപ്രാർഥനയും സന്ധ്യാനമസ്കാരവും ഉണ്ടാകും.

23 നു രാവിലെ 6.45 ന് കുർബാന. തുടർന്ന് ഗീവർഗീസ് സഹദായുടെ രക്തസാക്ഷിത്വ ദിനാചരണത്തോടനുബന്ധിച്ച് ഇടവകയിലെ മർത്തമറിയം സമാജത്തിന്‍റെ നേതൃത്വത്തിൽ അഖണ്ഡ പ്രാർഥന. വികാരി ഫാ. സുനിൽ ഏബ്രഹാം, സഹ വികാരി ഫാ. ജോബിൻ യോഹന്നാൻ എന്നിവർ നേതൃത്വം നൽകും.
24 ന് 6.45 നു കുർബാനയേ തുടർന്ന് ഒരുക്ക ധ്യാനത്തിന് ഫാ. ഷിബു ടോം തിരുവല്ല നേതൃത്വം നൽകും.

26 ന് ഡോ.യൂഹാനോൻ മാർ തേവോദോറോസ് മെത്രാപ്പോലീത്തയുടെ മുഖ്യ കാർമികത്വത്തിൽ മൂന്നിന്മേൽ കുർബാന. 10 ന് തീർഥാടന വാരാചരണം. ഡെപ്യൂട്ടി സ്പീക്കർ ചിറ്റയം ഗോപകുമാർ സന്ദേശം നൽകും. തുടർന്നു പള്ളി അങ്കണത്തിലെ സ്വർണക്കൊടിമരത്തിലും വിവിധ കുരിശടികളിലും കൊടിയേറ്റ്. മൂന്നിന് കൊടിമര ഘോഷയാത്ര.ആറിനു കൽക്കുരിശിങ്കൽ കൊടിയേറ്റ്.

29 ന് 5.30 ന് കൽക്കുരിശടിയിൽ ഗാനാർച്ചന, സന്ധ്യാനമസ്കാരം, മധ്യസ്ഥ പ്രാർഥന. പെരുന്നാളിനോടുബന്ധിച്ച് വിവിധ ആത്മീയ സമ്മേളനങ്ങൾ, സംഗമങ്ങൾ, കൺവൻഷൻ, കലാപരിപാടികൾ തുടങ്ങിയവ ഉണ്ടാകും. മേയ് എട്ടിനു പ്രധാന പെരുന്നാൾ ദിവസം രാവിലെ കുർബാനയ്ക്ക് ബസേലിയോസ് മാർത്തോമ്മാ മാത്യൂസ് തൃതീയൻ കാതോലിക്കാ ബാവ മുഖ്യകാർമികനാകും. ഓർഡർ ഓഫ് സെന്‍റ് ജോർജ് സമർപ്പണവും ഇതോടനുബന്ധിച്ചുണ്ടാകും.

മാരാമൺ സെന്‍റ് ജോസഫ്സ് പള്ളിയിൽ

മാരാമൺ: സെന്‍റ് ജോസഫ്‌സ് റോമന്‍ കത്തോലിക്കാ ദേവാലയത്തിലെ വിശുദ്ധ യൗസേപ്പിതാവിന്‍റെ മധ്യസ്ഥ തിരുനാള്‍ നാളെ മുതല്‍ മേയ് ഒന്നു വരെ നടക്കും. നാളെ കുടുംബദിനം. വൈകുന്നേരം നാലിന് ജപമാല, തിരുസ്വരൂപ സ്വീകരണം. 4.30 ന് പ്രസുദേന്തി വാഴിക്കൽ, കൊടിയേറ്റിന് ഫാ. സ്റ്റീഫന്‍ പുത്തൻപറന്പിൽ കാർമികനാകും. തിരുസ്വരൂപ പ്രതിഷ്ഠ, നൊവേന, ദിവ്യബലി, പ്രസംഗം. ഫാ. ജോസഫ് ചെറുകാക്രാന്‍ചേരിയിൽ മുഖ്യകാർമികനാകും. തുടർന്നുള്ള ദിനങ്ങളിൽ വൈകുന്നേരം അഞ്ചിന് ജപമാല, 5.30ന് നൊവേന, ദിവ്യബലി, പ്രസംഗം ഇവ ഉണ്ടാകും.

23 ന് ഇടവക ദിനത്തില്‍ ഫാ. ബോബി ക്രിസ്റ്റഫർ, 24 ന് പരേത സ്മരണാ ദിനത്തിൽ ഫാ. ജിസ് സ്‌കറിയാ ആനിക്കൽ, 25 ന് സന്യസ്ത ദിനത്തിൽ ഫാ. വര്‍ഗീസ് ഞള്ളിമാക്കൽ, 26ന് മതബോധന ദിനത്തിൽ ഫാ. സ്റ്റീഫന്‍ പുത്തന്‍പറമ്പിൽ, 27 ന് യുവജന ദിനത്തിൽ ഫാ. ഫ്രാന്‍സിസ് പത്രോസ് 28ന് സംഘടനാ ദിനത്തിൽ ഫാ. തെയോഫിന്‍ വെനാര്‍ഡ് തുരുത്തിക്കോണം‌, 29 ന് കുട്ടികളുടെ ദിനത്തിൽ ഫാ. അലക്‌സ് കൊച്ചാട്ട് എന്നിവർ ശുശ്രൂഷകളിൽ കാർമികത്വം വഹിക്കും. 30 ന് തിരുനാള്‍ കമ്മിറ്റി ദിനം. മൂന്നിന് ജപമാല, നൊവേന, 3.30 ന് ആഘോഷമായ തിരുനാള്‍ ബലിക്ക് ഫാ. സെബന്‍ വിന്‍സന്‍റ് കുരിത്തറ, ഫാ. ആല്‍ബിന്‍ ചാള്‍സ് ചെങ്കല്‍ചൂളയിൽ, ഫാ. പോള്‍സണ്‍ വടക്കേക്കര എന്നിവർ കാർമികരാകും. തുടന്ന് ആഘോഷമായ തിരുനാള്‍ പ്രദക്ഷിണം പനച്ചേരിമുക്ക് കുരിശടിയില്‍ ഫാ. പീറ്റര്‍ ഇഞ്ചപ്പാറ മാരാമണ്‍ പ്രസംഗിക്കും.
മേയ് ഒന്നിന് പ്രസുദേന്തി ദിനം രാവിലെ ഒന്പതിന് ജപമാല, 9.30 ന് ആഘോഷമായ തിരുനാള്‍ ദിവ്യബലിക്ക് രൂപത വികാരി ജനറാൾ ഫാ. ഡോ. ജോസ് നവാസ് കാർമികത്വം വഹിക്കും. സമാപന പ്രദക്ഷിണം, ദിവ്യകാരുണ്യ ആശീര്‍വാദം, കൊടിയിറക്ക്, നേര്‍ച്ച സദ്യ. വൈകുന്നേരം ആറിന് സ്റ്റെല്ലാര്‍ ഈവ് 2026 എന്നിവയോടെ തിരുനാള്‍ സമാപിക്കുമെന്ന് വികാരി ഫാ. സ്റ്റീഫന്‍ പുത്തന്‍പറമ്പിൽ, സഹ വികാരി ഫാ. പീറ്റര്‍ ഇഞ്ചപ്പാറ, സെക്രട്ടറി ജോജി ജോണ്‍ തേമൂട്ടുമണ്ണിൽ, ജനറല്‍ കണ്‍വീനര്‍ റെന്‍സിന്‍ കെ. രാജന്‍ എന്നിവര്‍ അറിയിച്ചു.

28

E Paper

Deepika
E-Paper

Filter By Tag : Prayer

ലോക മതസമ്മേളനത്തിന്‍റെ നാല്പതാം വാർഷികം - അസീസിയുടെ അരൂപിയിൽ

പ്രാർഥനയാൽ സർവവും സാധ്യമാകും: കാതോലിക്കാ ബാവ

സൈക്കിൾ ബ്രാൻഡ് മദർ മേരി പ്രാർഥനാതിരികൾ വിപണിയിൽ

മാർപാപ്പയ്ക്കായി പ്രാർഥിച്ച് ഷിക്കാഗോയിലെ വിശ്വാസി സമൂഹം

സമാധാന പ്രാർഥനയുടെ 40-ാം വാർഷികം: മാർപാപ്പ അസീസി സന്ദർശിക്കും

കൊളോണിൽ 10 ദിവസത്തെ ജപമാല പ്രാർഥന ഒക്‌ടോബർ ഒന്നു മുതൽ

യുവത്വത്തിന്‍റെ ആവേശം നിറഞ്ഞ പ്രാർഥനാസംഗമം

9/11 അനുസ്മരണം: പ്രാർഥനയ്ക്കൊരു ഏഴാമിടം

പ്രാർഥനയും സാമൂഹിക നീതിയും വേർപിരിക്കാനാവാത്തത്: മാർപാപ്പ

കേരള കാത്തലിക് ഫെഡറേഷന്‍ പ്രാർഥനാദിനാചരണം നടത്തി

തിരുനാളാഘോഷം

ലോകസമാധാനത്തിനായി മാര്‍പാപ്പയുടെ നേതൃത്വത്തിൽ പ്രാർഥന

സീറോമലബാര്‍ സഭയില്‍ ഇന്നു പ്രാര്‍ഥനാദിനം

ദേവാലയങ്ങളിൽ തിരുനാൾ

റാംസ്‌ഗേറ്റ് ഡിവൈൻ റിട്രീറ്റ് സെന്‍ററിൽ താമസിച്ചുള്ള

വൈഎംസിഎ പ്രാർഥനാവാരത്തിന് തുടക്കമായി

Latest News

CATEGORIES

FEATURING

IMPORTANT LINKS

FOLLOW US

CATEGORIES

FEATURING

RASHTRA DEEPIKA LTD

Dr. Francis Cleetus

Michael Vettickatt

George Kudilil

28

E Paper

DeepikaE-Paper

NEWS

SECTIONS

FEATURED

PUBLICATIONS

Important Links

Follow

NEWS

SECTIONS

FEATURED

PUBLICATIONS

Important Links

Follow

Filter By Tag : Prayer

ലോക മതസമ്മേളനത്തിന്‍റെ നാല്പതാം വാർഷികം - അസീസിയുടെ അരൂപിയിൽ

പ്രാ​ർ​ഥ​ന​യാ​ൽ സ​ർ​വ​വും സാ​ധ്യ​മാ​കും: കാ​തോ​ലി​ക്കാ ബാ​വ

സൈ​ക്കി​ൾ ബ്രാ​ൻ​ഡ് മ​ദ​ർ മേ​രി പ്രാ​ർ​ഥ​നാ​തി​രി​ക​ൾ വി​പ​ണി​യി​ൽ

മാ​ർ​പാ​പ്പ​യ്ക്കാ​യി പ്രാ​ർ​ഥി​ച്ച് ഷി​ക്കാ​ഗോ​യി​ലെ വി​ശ്വാ​സി സ​മൂ​ഹം

സമാധാന പ്രാർഥനയുടെ 40-ാം വാർഷികം: മാർപാപ്പ അസീസി സന്ദർശിക്കും

കൊ​ളോ​ണി​ൽ 10 ദി​വ​സ​ത്തെ ജ​പ​മാ​ല പ്രാ​ർ​ഥ​ന ഒ​ക്‌​ടോ​ബ​ർ ഒ​ന്നു മു​ത​ൽ

യു​വ​ത്വ​ത്തി​ന്‍റെ ആ​വേ​ശം നി​റ​ഞ്ഞ പ്രാ​ർ​ഥ​നാ​സം​ഗ​മം

9/11 അ​നു​സ്മ​ര​ണം: പ്രാ​ർ​ഥ​നയ്ക്കൊരു ഏഴാമിടം

പ്രാർഥനയും സാമൂഹിക നീതിയും വേർപിരിക്കാനാവാത്തത്: മാർപാപ്പ

കേ​​ര​​ള കാ​​ത്ത​​ലി​​ക് ഫെ​​ഡ​​റേ​​ഷ​​ന്‍ പ്രാ​​ർ​​ഥ​​നാദി​​നാ​​ച​​ര​​ണം ന​​ട​​ത്തി

തി​രു​നാ​ളാ​ഘോ​ഷം

ലോകസമാധാനത്തിനായി മാര്‍പാപ്പയുടെ നേതൃത്വത്തിൽ പ്രാർഥന

സീറോമലബാര്‍ സഭയില്‍ ഇന്നു പ്രാര്‍ഥനാദിനം

ദേ​വാ​ല​യ​ങ്ങ​ളി​ൽ തി​രു​നാ​ൾ

റാം​സ്‌​ഗേ​റ്റ് ഡി​വൈ​ൻ റി​ട്രീ​റ്റ് സെ​ന്‍റ​റി​ൽ താ​മ​സി​ച്ചു​ള്ള

വൈ​എം​സി​എ പ്രാ​ർ​ഥ​നാവാ​ര​ത്തി​ന് തു​ട​ക്ക​മാ​യി

LOAD MORE

Latest News

CATEGORIES

FEATURING

IMPORTANT LINKS

FOLLOW US

📰 Subscribe to E-Paper

CATEGORIES

FEATURING

RASHTRA DEEPIKA LTD

Dr. Francis Cleetus

Michael Vettickatt

George Kudilil

Deepika
E-Paper

പ്രാർഥനയാൽ സർവവും സാധ്യമാകും: കാതോലിക്കാ ബാവ

സൈക്കിൾ ബ്രാൻഡ് മദർ മേരി പ്രാർഥനാതിരികൾ വിപണിയിൽ

മാർപാപ്പയ്ക്കായി പ്രാർഥിച്ച് ഷിക്കാഗോയിലെ വിശ്വാസി സമൂഹം

കൊളോണിൽ 10 ദിവസത്തെ ജപമാല പ്രാർഥന ഒക്‌ടോബർ ഒന്നു മുതൽ

യുവത്വത്തിന്‍റെ ആവേശം നിറഞ്ഞ പ്രാർഥനാസംഗമം

9/11 അനുസ്മരണം: പ്രാർഥനയ്ക്കൊരു ഏഴാമിടം

കേരള കാത്തലിക് ഫെഡറേഷന്‍ പ്രാർഥനാദിനാചരണം നടത്തി

തിരുനാളാഘോഷം

ദേവാലയങ്ങളിൽ തിരുനാൾ

റാംസ്‌ഗേറ്റ് ഡിവൈൻ റിട്രീറ്റ് സെന്‍ററിൽ താമസിച്ചുള്ള

വൈഎംസിഎ പ്രാർഥനാവാരത്തിന് തുടക്കമായി