സിബിസിഐ ലെയ്റ്റി കൗണ്സില് സെക്രട്ടറി അഡ്വ. ഏബ്രഹാം പട്ട്യാനി നിർവഹിക്കുന്നു.
കൊച്ചി: എഫ്സിആര്എയിലെ പുതിയ ചട്ടങ്ങള് സുതാര്യതയും മതനിരപേക്ഷതയും ഉറപ്പാക്കി പ്രവര്ത്തിക്കുന്ന സ്ഥാപനങ്ങള്ക്ക് അനാവശ്യ നിയന്ത്രണങ്ങള് കൊണ്ടുവരുന്ന സാഹചര്യത്തിൽ സിബിസിഐയുടെ ആഹ്വാനപ്രകാരം കേരളത്തിലെ വിവിധ രൂപതകളിൽ സംഘടനകളുടെ നേതൃത്വത്തില് പ്രാർഥനാദിനം ആചരിച്ചു.
ദിനാചരണത്തിന്റെ സംസ്ഥാനതല ഉദ്ഘാടനം കേരള കാത്തലിക് ഫെഡറേഷന്റെ (കെസിഎഫ്) നേതൃത്വത്തില് പാലാരിവട്ടം പിഒസിയില് നടന്നു. സിബിസിഐ ലെയ്റ്റി കൗണ്സില് സെക്രട്ടറി അഡ്വ. ഏബ്രഹാം പട്ട്യാനി ഉദ്ഘാടനം ചെയ്തു.
രാജ്യത്തിന്റെ ഭരണഘടനയ്ക്ക് വിധേയമായി സ്വതന്ത്രമായി പ്രവര്ത്തിക്കുന്നതിനും ആശയപ്രചരണം നടത്തുന്നതിനുള്ള അവകാശം നിഷേധിക്കപ്പെടുന്ന സാഹചര്യം അംഗീകരിക്കാനാകില്ലെന്ന് അദ്ദേഹം പറഞ്ഞു.
കെസിഎഫ് സംസ്ഥാന വൈസ് പ്രസിഡന്റ് ജെയ്മോന് തോട്ടുപുറം അധ്യക്ഷത വഹിച്ചു. കെസിബിസി ഡെപ്യൂട്ടി സെക്രട്ടറി ജനറല് ഫാ. തോമസ് തറയില്, കെഎല്സിഎ സംസ്ഥാന പ്രസിഡന്റ് അഡ്വ. ഷെറി ജെ. തോമസ്, എംസിഎ ഗ്ലോബല് പ്രസിഡന്റ് എസ്.ആര്. ബൈജു, കെസിഎഫ് സംസ്ഥാന ജനറല് സെക്രട്ടറി വി.സി. ജോര്ജ്കുട്ടി, കത്തോലിക്ക കോണ്ഗ്രസ് ഗ്ലോബല് ജനറല് സെക്രട്ടറി പ്രഫ. ജോസ്കുട്ടി ഒഴുകയില്, കെഎല്സിഎ ജനറല് സെക്രട്ടറി ബിജു ജോസി കറുമാഞ്ചേരി, വിവിധ സംഘടനാ നേതാക്കളായ ഡോ. കെ.എം. ഫ്രാന്സിസ്, പി. ധര്മരാജ്, ജെസി അലക്സ്, വി.പി. മത്തായി, ബെന്നി ആന്റണി, ജോണ് ജോസഫ്, വിന്സ് പെരിഞ്ചേരി എന്നിവര് പ്രസംഗിച്ചു.
Tags : Kerala Catholic Federation prayer held