കൊച്ചി: ഗൂഗിള്‍ പേയുടെ വ്യാജ സ്‌ക്രീന്‍ ഷോട്ട് കാണിച്ച് പണം തട്ടിയ യുവാവ് അറസ്റ്റില്‍. പെരുമ്പാവൂര്‍ സ്വദേശി ആസിഫ് കെ. ഹസന്‍ ആണ് മൂവാറ്റുപുഴ എസ്എച്ച്ഒയുടെ നേതൃത്വത്തിലുള്ള അന്വേഷണസംഘം അറസ്റ്റ് ചെയ്തത്.

ബുധനാഴ്ച മൂവാറ്റുപുഴയിലെ എടിഎമ്മില്‍ പണം നിക്ഷേപിക്കാനായി എത്തിയ ആളില്‍ നിന്നാണ് വ്യാജ സ്‌ക്രീന്‍ ഷോട്ട് കാണിച്ച് 10,000 രൂപ തട്ടിയെടുത്തത്. പണം നിക്ഷേപിക്കാന്‍ വരുന്നവരോട് തനിക്ക് എടിഎമ്മില്‍ നിന്നും പണം എടുക്കാന്‍ സാധിക്കുന്നില്ലെന്ന് പറയുകയാണ് പ്രതി ചെയ്തിരുന്നത്.

തുടര്‍ന്ന് പണം ഗൂഗിള്‍ പേ വഴി ട്രാന്‍സ്ഫര്‍ ചെയ്ത് തരാമെന്ന് പറഞ്ഞ് വ്യാജ സ്‌ക്രീന്‍ ഷോട്ട് കാണിച്ച് തട്ടിപ്പ് നടത്തുകയുമാണ് പ്രതി ചെയ്തിരുന്നത്. സമാന രീതിയില്‍ തട്ടിപ്പിന് മുമ്പ് ജയിലിലായിരുന്ന പ്രതി വേറെയും തട്ടിപ്പ് നടത്തിയിട്ടുണ്ടോ എന്ന കാര്യം പൊലിസ് അന്വേഷിച്ചു വരികയാണ്.

Tags : Fraud GooglePay Arrested Accused Deepika DeepikaNewspaper BreakingNews NewsUpdate Headlines CurrentAffairs GlobalNews DailyNews InDepth NewsFlash