വൈപ്പിന്‍: ജോലി സ്ഥലത്തെ നിരോധിത മേഖലയില്‍ ചട്ടം ലംഘിച്ച് മൊബൈല്‍ ഫോണ്‍ ഉപയോഗിക്കുന്നതായി സേഫ്റ്റി ഓഫീസറെ അറിയിച്ച ട്രെയിലര്‍ ഡ്രൈവറെ സഹപ്രവര്‍ത്തകന്‍ മര്‍ദിച്ചതായി പരാതി. കൊച്ചി വല്ലാര്‍പാടം കണ്ടെയ്‌നര്‍ ടെര്‍മിനലിലെ ഐടിവി എന്ന കമ്പനിയിലെ ട്രെയിലര്‍ ഡ്രൈവര്‍ അയ്യമ്പിള്ളി മനപ്പിള്ളി കുറുപ്പം കടവില്‍ കെ. ആര്‍. രജീഷിനാണ് മര്‍ദനമേറ്റത്.

കഴിഞ്ഞ ദിവസം ഡ്യൂട്ടിക്കായി ടെര്‍മിനലിനകത്തുള്ള ഷട്ടില്‍ ബസില്‍ വച്ചായിരുന്നു സംഭവം. ഡിപി വേള്‍ഡ് സേഫ്റ്റി ഓഫീസര്‍ വിളിച്ചു ചേര്‍ത്ത യോഗത്തിലാണ് കമ്പനിയിലുള്ള പല ഡ്രൈവര്‍മാരും നിരോധിത മേഖലയില്‍ മൊബൈല്‍ ഫോണ്‍ ഉപയോഗിക്കുന്നതായി വിവരം നല്‍കിയത്.

തുടര്‍ന്ന് സേഫ്റ്റി ഓഫീസര്‍ നടത്തിയ പരിശോധനയില്‍ ചട്ടം ലംഘിച്ച് മൊബൈല്‍ ഉപയോഗിക്കുന്ന ഒരാളെ പിടികൂടിയിരുന്നു. ഇയാളാണ് രജീഷിനെ മര്‍ദിച്ചത്. സംഭവത്തെ തുടര്‍ന്ന് മുളവുകാട് പൊലിസില്‍ നല്‍കിയ പരാതിയില്‍ സഹപ്രവര്‍ത്തകനായ നായരമ്പലം സ്വദേശി സജിത്തിനെതിരെ കേസ് എടുത്തിട്ടുണ്ട്.

Tags : MobilePhone Restricted Colleague Deepika DeepikaNewspaper BreakingNews NewsUpdate Headlines CurrentAffairs GlobalNews DailyNews InDepth NewsFlash