കൊച്ചി: കടവന്ത്രയില്‍ കാലില്‍ തുപ്പിയത് ചോദ്യം ചെയ്ത യുവാവിനെ ആക്രമിച്ചത് ലഹരിസംഘമെന്ന് സൂചന. പ്രതികളുടെ ഫോണില്‍ ലഹരി വില്‍പനയുടെ വിവരങ്ങള്‍ കണ്ടെത്തിയതോടെ പൊലിസ് അന്വേഷണം ഊര്‍ജിതമാക്കി.

ഒക്ടോബര്‍ 11ന് രാത്രി പത്തോടെയായിരുന്നു സംഭവം. കടവന്ത്രയിലുള്ള മെട്രോ സ്റ്റേഷന് സമീപത്തെ ചായക്കടയില്‍ വച്ച് അജയ് ടോം ഫിലിപ്പിന് മര്‍ദനമേറ്റത്. ഇയാളുടെ കാലില്‍ തുപ്പിയത് ചോദ്യം ചെയ്തതിനെ തുടര്‍ന്നായിരുന്നു മര്‍ദനമേറ്റത്. ഒക്ടോബര്‍ 14ന് ആണ് സൗത്ത് പൊലിസില്‍ യുവാവ് പരാതി നല്‍കിയത്.

സംഘര്‍ഷത്തിനിടെ പ്രതികളായ ഒരാളുടെ ഫോണ്‍ സ്ഥലത്ത് നഷ്ടമായിരുന്നു. ഈ ഫോണ്‍ കണ്ടെടുത്ത ചായക്കട ഉടമ പൊലിസില്‍ ഏല്‍പ്പിക്കുകയായിരുന്നു. ഫോണില്‍ ലഹരി ഇടപാടിന്‍റെ വിവരങ്ങളും ഉണ്ടായിരുന്നു. ഇത് സംബന്ധിച്ചുള്ള പരിശോധനകള്‍ ആരംഭിച്ചിട്ടുണ്ട്

Tags : Beaten Suspected Drug Deepika DeepikaNewspaper BreakingNews NewsUpdate Headlines CurrentAffairs GlobalNews DailyNews InDepth NewsFlash