ന്യൂഡല്‍ഹി: കുട്ടികളുടെ ഇന്‍റര്‍നെറ്റ് ഉപയോഗം തടയാനാകില്ലെന്ന് സുപ്രീം കോടതി. ഇന്‍റര്‍നെറ്റ് ലഭ്യത കുട്ടകളുള്‍പ്പെടുള്ളവരുടെ മൗലികാവകാശമാണെന്നും പ്രായഭേദമന്യേ ഇന്‍റര്‍നെറ്റ് ലഭ്യമാക്കണമെന്നും സുപ്രീംകോടതി വ്യക്തമാക്കി.

പ്രായം മുന്‍നിര്‍ത്തി ഇന്‍റര്‍നെറ്റ് ലഭ്യമാക്കാതിരിക്കാനാവില്ല. ദോഷകരമായ ഉള്ളടക്കമാണ് നിയന്ത്രിക്കേണ്ടത്, നിയന്ത്രിക്കേണ്ടത് ഇന്‍റര്‍നെറ്റ് അല്ലെന്നും കോടതി പറഞ്ഞു. പ്രായപരിധി പരിശോധിക്കുന്നതിന് വ്യക്തിഗത വിവരങ്ങള്‍ ശേഖരിക്കാനാവില്ലെന്നും അത് സ്വകാര്യതാ ലംഘനമാകുമെന്നും വിധിയിലുണ്ട്.

2024 ലെ കേന്ദ്രസര്‍ക്കാര്‍ മാര്‍ഗനിര്‍ദേശങ്ങള്‍ ചോദ്യം ചെയ്ത് നടത്തിയ ഹര്‍ജിയിലാണ് ജസ്റ്റീസുമാരായ ജെ.ബി. പര്‍ദി വാല, കെ. വിനോദ് ചന്ദ്രന്‍ എന്നിവരുടെ സുപ്രധാന വിധിന്യായം. നിയമം മൂലം ഇന്‍റര്‍നെറ്റ് നിരോധിച്ചാലും കുട്ടികള്‍ നിയമം മൂലം സുരക്ഷിതമല്ലാത്ത മറ്റ് പ്ലാറ്റ്‌ഫോമുകളിലേക്ക് മാറും. ഇത് കൂടുതല്‍ അപകടകരമായ സാഹചര്യമുണ്ടാക്കും.

ഇന്‍റര്‍നെറ്റ് ഉപയോഗിച്ചതിന് മാതാപിതാക്കള്‍ ശിക്ഷിക്കുമെന്ന ഭയം കാരണം ഓണ്‍ലൈന്‍ ചൂഷണങ്ങള്‍ക്ക് ഇരയാകാനുള്ള സാധ്യതയുമുണ്ട്. ഇത് പോക്‌സോ കേസിന്‍റെ ലക്ഷ്യത്തെ തന്നെ ബാധിക്കുമെന്ന് സുപ്രീകോടതി ചൂണ്ടിക്കാട്ടി.

Tags : Internet FundamentalRight Children SupremeCourt Deepika DeepikaNewspaper BreakingNews NewsUpdate Headlines CurrentAffairs GlobalNews DailyNews InDepth NewsFlash