20

മു​ണ്ട​ക്ക​യം: മു​ണ്ട​ക്ക​യം ബൈ​പാ​സി​ൽ ഓ​പ്പ​ൺ ജിം ​ഭാ​ഗ​ത്തെ ഹൈ​മാ​സ്റ്റ് ലൈ​റ്റ് മി​ഴി​യ​ട​ച്ച​തോ​ടെ പ്ര​ദേ​ശം സാ​മൂ​ഹ്യ​വി​രു​ദ്ധ​രു​ടെ പി​ടി​യി​ൽ. വ്യാ​യാ​മ​ത്തി​ലൂ​ടെ പൊ​തു​ജ​ന​ങ്ങ​ളു​ടെ ആ​രോ​ഗ്യം സം​ര​ക്ഷി​ക്കാ​മെ​ന്ന ആ​ശ​യം മു​ൻ​നി​ർ​ത്തി​യാ​ണ് ബൈ​പാ​സ് റോ​ഡി​നു സ​മീ​പം ജി​ല്ലാ പ​ഞ്ചാ​യ​ത്ത് മു​ൻ അം​ഗം പി.​ആ​ർ. അ​നു​പ​മ അ​നു​വ​ദി​ച്ച തു​ക ഉ​പ​യോ​ഗി​ച്ച് ക​ഴി​ഞ്ഞ ഭ​ര​ണ​സ​മി​തി ഓ​പ്പ​ൺ ജിം ​സ്ഥാ​പി​ച്ച​ത്.

കു​ട്ടി​ക​ൾ​ക്കും യു​വാ​ക്ക​ൾ​ക്കും പ്രാ​യ​മാ​യ​വ​ർ​ക്കും ഇ​വി​ടെ വ​ന്നു വ്യാ​യാ​മം ചെ​യ്യു​ന്ന​തി​നു​ള്ള ക്ര​മീ​ക​ര​ണ​മാ​ണ് ഒ​രു​ക്കി​യി​രി​ക്കു​ന്ന​ത്. വൈ​കു​ന്നേ​ര​ങ്ങ​ളി​ലാ​ണ് കൂ​ടു​ത​ലും പേ​ർ വ്യാ​യാ​മ​ത്തി​നാ​യി ഇ​വി​ടം ഉ​പ​യോ​ഗി​ക്കു​ന്ന​ത്. ഇ​ത് ക​ണ​ക്കി​ലെ​ടു​ത്ത് സ​മീ​പം ഹൈ​മാ​സ്റ്റ് ലൈ​റ്റും സ്ഥാ​പി​ച്ചു.

എ​ന്നാ​ൽ, നാ​ളു​ക​ളാ​യി ഹൈ​മാ​സ്റ്റ് ലൈ​റ്റ് പ്ര​വ​ർ​ത്ത​നം നി​ല​ച്ച അ​വ​സ്ഥ​യി​ലാ​ണ്. രാ​ത്രി​യാ​കു​ന്ന​തോ​ടെ പ്ര​ദേ​ശ​മാ​കെ ഇ​രു​ളി​ന്‍റെ പി​ടി​യി​ല​മ​രും. ഇ​തു മു​ത​ലെ​ടു​ത്ത് പ്ര​ദേ​ശ​ത്ത് സാ​മൂ​ഹ്യ​വി​രു​ദ്ധ​ശ​ല്യ​വും വ​ർ​ധി​ക്കു​ക​യാ​ണ്.

രാ​ത്രി​കാ​ല​ങ്ങ​ളി​ൽ ഓ​പ്പ​ൺ ജി​മ്മി​ലും പ​രി​സ​ര​പ്ര​ദേ​ശ​ങ്ങ​ളി​ലും ല​ഹ​രി സം​ഘ​ങ്ങ​ൾ ത​മ്പ​ടി​ക്കു​ന്ന​താ​യും ല​ഹ​രി​ക്ക​ച്ച​വ​ട​ത്തി​നു​ള്ള മേ​ഖ​ല​യാ​യി ഇ​വി​ടം മാ​റ്റി​യ​താ​യും ആ​രോ​പ​ണ​മു​ണ്ട്.

ഓ​രോ ദി​വ​സ​വും നി​ര​വ​ധി ആ​ളു​ക​ളാ​ണ് പ്ര​ഭാ​ത, സാ​യാ​ഹ്ന സ​വാ​രി​ക്കാ​യി ബൈ​പാ​സി​ന്‍റെ ന​ട​പ്പാ​ത ഉ​പ​യോ​ഗി​ക്കു​ന്ന​ത്. റോ​ഡി​ലെ വെ​ളി​ച്ച​ക്കു​റ​വ് ഇ​വ​ർ​ക്കും ബു​ദ്ധി​മു​ട്ട് സൃ​ഷ്ടി​ക്കു​ന്നു​ണ്ട്. രാ​ത്രി​കാ​ല​ങ്ങ​ളി​ൽ സാ​മൂ​ഹ്യ​വി​രു​ദ്ധ​ർ പ്ര​ദേ​ശ​ത്ത് ത​മ്പ​ടി​ക്കു​ന്ന​തോ​ടെ പ​ല​രും ഇ​തു​വ​ഴി ക​ട​ന്നു​പോ​കു​വാ​നും മ​ടി​ക്കു​ക​യാ​ണ്. ഹൈ​മാ​സ്റ്റ് ലൈ​റ്റി​ന്‍റെ ത​ക​രാ​ർ അ​ടി​യ​ന്ത​ര​മാ​യി പ​രി​ഹ​രി​ക്ക​ണ​മെ​ന്നു നാ​ട്ടു​കാ​ർ ആ​വ​ശ്യ​പ്പെ​ട്ടു.