വടയാർ: പാലത്തിലെ നടപ്പാതയിൽ പുല്ലും പടർപ്പും തഴച്ചുവളർന്നതിനെ തുടർന്ന് കാൽനട യാത്ര ഭീതിജനകമായി. തലയോലപ്പറമ്പ്- എറണാകുളം റോഡിലെ വടയാർ പാലത്തിലാണ് ഈ അപകടസ്ഥിതി.
പാലത്തിന്റെ ഇരുവശങ്ങളിലും സമീപ റോഡിലും പുല്ല് ഉയരത്തിൽ വളർന്നതോടെ സൈക്കിളിലെത്തുന്ന വിദ്യാർഥികളടക്കമുള്ള യാത്രക്കാർ റോഡിലൂടെ ചീറിപ്പായുന്ന വാഹനങ്ങൾക്കടിയിൽപ്പെടാത്തത് ഭാഗ്യംകൊണ്ടു മാത്രമാണ്. ഈ പാലത്തിന്റെ കിഴക്കു ഭാഗത്തെ പാലവുമായി ചേരുന്ന സമീപനപാതയിലെ ഇടതുവശത്ത് വാഹനയാത്രികരുടെ കാഴ്ച മറയ്ക്കുന്ന വിധത്തിലാണ് പുല്ലും കുറ്റിച്ചെടികളും വളർന്നുനിൽക്കുന്നത്.
കാൽനടയാത്രികരുടെ സുരക്ഷ ഉറപ്പാക്കുന്നതിന് പാലത്തിനിരുവശവും സമീപനപാതയിലും വളർന്ന പുല്ലും കുറ്റിച്ചെടികളും നീക്കണമെന്നാണ് നാട്ടുകാരുടെ ആവശ്യം.
Deepika
E-paper LOGIN
LOGIN