അബുദാബി: വടകര എൻആർഐ ഫോറം അബുദാബിയുടെ 2024 വർഷത്തേക്കുള്ള പുതിയ കമ്മിറ്റിയെ തെരഞ്ഞെടുത്തു. അബ്ദുൽ ബാസിത് കായികണ്ടി പ്രസിഡന്‍റായി തുടരും. എം.എം. രാജേഷാണ് പുതിയ കമ്മിറ്റിയുടെ ജനറൽ സെക്രട്ടറി. സുരേഷ് കുമാർ ട്രഷറർ ആകും.
വടകര പാർലമെന്‍റ് പരിധിയിൽ നിന്നും പ്രവാസ ലോകത്ത് കഴിയുന്നവരുടെ കൂട്ടായ്മയാണ് വടകര എൻആർഐ ഫോറം. കഴിഞ്ഞ 20 വർഷമായി പ്രവർത്തിച്ച് വരുന്ന സംഘടന വിവിധ ജീവ കാരുണ്യ പ്രവർത്തനങ്ങളും പ്രവാസി ക്ഷേമ പ്രവർത്തനങ്ങളും നടത്തി ശ്രദ്ധ പിടിച്ച് പറ്റാൻ സാധിച്ച സംഘടനയാണ്.
വടകര പാർലമെന്‍റ് പരിധിയിയിൽ നിന്നും പ്രവാസികളായവരുടെ ക്ഷേമമാണ് സംഘടനയുടെ പ്രധാന ലക്ഷ്യം. വടകര എംപി മുഖ്യ രക്ഷാധികാരിയും വടകര പാർലമെന്‍റ് പരിധിയിലെ എംഎൽഎമാർ രക്ഷാധികാരികളുമാണ്.
കഴിഞ്ഞ ദിവസം അബുദാബി കേരള സോഷ്യൽ സെന്‍ററിൽ വച്ച് നടന്ന വടകര എൻആർഐ ഫോറം അബുദാബി ചാപ്റ്ററിന്‍റെ വാർഷിക ജനറൽ ബോഡി യോഗത്തിലാണ് പുതിയ കമ്മിറ്റിയെ തെരഞ്ഞെടുത്തത്.
പുതുതായി തെരഞ്ഞെടുക്കപ്പെട്ട കമ്മിറ്റി:
അബ്ദുൽ ബാസിത് (പ്രസിഡന്‍റ്), എം.എം. രാജേഷ്(ജനറൽ സെക്രട്ടറി), സുരേഷ് കുമാർ (ട്രഷറർ), ജയകൃഷ്ണൻ, യാസിർ അറഫാത് (വൈസ് പ്രസിഡന്‍റുമാർ), അഹിൽദാസ്, മുഹമ്മദ് ഷഫീഖ്, ശ്രീജിത്ത് പുനത്തിൽ, ടി.കെ. സന്ദീപ്(സെക്രട്ടറിമാർ), നിനൂപ് (അസിസ്റ്റന്‍റ് ട്രഷറർ),
ഇബ്രാഹിം ബഷീർ, പി.കെ.സിറാജ്, പി.പി. റജീദ്, പി. മുഹമ്മദ് അലി, എ.കെ. ഷാനവാസ്, സുനിൽ കുമാർ മാഹി, എൻ.ആർ. രാജേഷ്, ബിജു കുരിയേരി, അനൂപ് ബാലകൃഷ്ണൻ, ബഷീർ കപ്ലിക്കണ്ടി, അജിത് പ്രകാശ് (എക്സിക്യൂട്ടീവ് അംഗങ്ങൾ), മുഹമ്മദ് സക്കീർ (ഓഡിറ്റർ).
അബ്ദുൽ ബാസിത് അധ്യക്ഷത വഹിച്ച യോഗത്തിൽ ജനറൽ സെക്രട്ടറി സുരേഷ് കുമാർ 2022 2023 വർഷത്തെ പ്രവർത്തന റിപ്പോർട്ട് വായിച്ചു. ട്രഷറർ മുഹമ്മദ് സക്കീർ വരവ്ചെലവ് കണക്കും ഓഡിറ്റർ ജയകൃഷ്ണൻ ഓഡിറ്റ് റിപ്പോർട്ടും യോഗത്തിൽ അവതരിപ്പിച്ചു.
മുതിർന്ന അംഗങ്ങളായ ഇന്ദ്ര തയ്യിൽ, എൻ. കുഞ്ഞമ്മദ്, ഇബ്രാഹിം ബഷീർ, ഫോറം വനിതാ വിഭാഗം ജനറൽ കൺവീനർ പൂർണിമ ജയകൃഷ്ണൻ എന്നിവർ പുതിയ കമ്മിറ്റിക്കു ആസംസകൾ അർപ്പിച്ചുകൊണ്ട് സംസാരിച്ചു.
|