ദമാം: മലയാളികളുടെ ഹൃദയത്തിൽ തൊട്ട മധുരതരമായ മലയാള സിനിമ ഗാനങ്ങൾ ഉൾപ്പെടുത്തി നവയുഗം സാംസ്‌കാരിക വേദിയുടെ കേന്ദ്ര കലാവേദി കമ്മിറ്റി അവതരിപ്പിച്ച സംഗീത സന്ധ്യ "ഓൾഡ് ഈസ് ഗോൾഡ് രണ്ടാം സീസൺ' ദമാമിലെ മലയാളി പ്രവാസികൾക്ക് മറക്കാനാകാത്ത അനുഭവമായി.
ദമാം ബദർ ഹാളിൽ നടന്ന ഓൾഡ് ഈസ് ഗോൾഡിൽ മുപ്പതോളം പ്രവാസി കലാകാരമാർ ഗാനങ്ങൾ അവതരിപ്പിച്ചു. മലയാള സിനിമാഗാനങ്ങളിലെ ക്ലാസിക്കും മെലഡിയും ഗസലും അടിപൊളി പാട്ടുകളും എല്ലാം അവതരിപ്പിക്കപ്പെട്ട ഗാനസന്ധ്യ ആസ്വാദകർക്കു നല്ലൊരു അനുഭവമായിരുന്നു.
സുറുമി നസീം അവതാരകയായ പരിപാടിക്ക് നവയുഗം ജനറൽ സെക്രട്ടറി വാഹിദ് കാര്യറ, കേന്ദ്ര നേതാക്കളായ സാജൻ, മഞ്ജു മണിക്കുട്ടൻ, ഉണ്ണി മാധവൻ, ഷിബു കുമാർ, ഗോപകുമാർ, ദാസൻ രാഘവൻ, ബിജു വർക്കി, നിസാം കൊല്ലം, സഹീർഷ കൊല്ലം, മണിക്കുട്ടൻ, പ്രിജി കൊല്ലം, ലത്തീഫ് മൈനാഗപ്പള്ളി, സജീഷ് പട്ടാഴി, സന്തോഷ്‌ ചങ്ങോലി എന്നിവർ ആശംസകൾ നേർന്നു.
നവയുഗം കേന്ദ്ര കലാവേദി സെക്രട്ടറി ബിനു കുഞ്ഞ്, പ്രസിഡന്‍റ് റിയാസ് മുഹമ്മദ്‌, സഹഭാരവാഹികളായ സാജി അച്യുതൻ, സംഗീതാ സന്തോഷ്‌, നവയുഗം കേന്ദ്ര നേതാക്കളായ ശരണ്യ ഷിബു, ഇബ്രാഹീം, മഞ്ജു അശോക്, അമീന, രഞ്ജിത, സന്തോഷ്‌, രവി ആന്ത്രോട് എന്നിവർ പരിപാടിക്ക് നേതൃത്വം നൽകി.
|