കോട്ടയം: ചങ്ങനാശേരി അതിരൂപതയുടെ സാമൂഹ്യക്ഷേമ വിഭാഗമായ ചങ്ങനാശേരി സോഷ്യൽ സർവീസ് സൊസൈറ്റിയുടെ സുവർണ ജൂബിലിയുടെ ഭാഗമായി കാർഷികമേള നടത്തും. ആകാശവാണി തിരുവനന്തപുരം, ചങ്ങനാശേരി നഗരസഭ, റേഡിയോ മീഡിയാ വില്ലേജ് തുടങ്ങിയവയുടെ സഹകരണത്തോടെ 26 മുതൽ 30 വരെ ചങ്ങനാശേരി പാറേൽ പള്ളി മൈതാനിയിലാണ് കാർഷികമേള (ഫാം ഫെസറ്റ് 2017).
26ന് രാവിലെ ഒൻപതിനു ദേശീയോദ്ഗ്രഥന റാലി ബൈപാസ് ജംഗ്ഷനിൽനിന്ന് ആരംഭിച്ചു ഫാം ഫെസ്റ്റ് നഗറിലേക്കു നടക്കും. റോട്ടറി നിയുക്ത ഗവർണർ ഇ.കെ. ലൂക്ക് ഫ്ളാഗ് ഓഫ് ചെയ്യും. ചാസ് പ്രസിഡന്റ് മോണ്. ജോസഫ് മുണ്ടകത്തിൽ പതകാ ഉയർത്തും. തുടർന്നു കാർഷിക പ്രദർശന പവലിയൻ ഉദ്ഘാടനം ആർച്ച്ബിഷപ് മാർ ജോസഫ് പവ്വത്തിൽ നിർവഹിക്കും. 11.30ന് സെമിനാർ ഉദ്ഘാടനം കെ. സുരേഷ് കുറുപ്പ് എംഎൽഎ നിർവഹിക്കും. ചാരിറ്റി വേൾഡ് ഡയറക്ടർ ഫാ. സെബാസ്റ്റ്യൻ പുന്നശേരി അധ്യക്ഷതവഹിക്കും. ത്രേസ്യാമ്മ ജോസഫ്, ബിനീഷ് സെബാസ്റ്റ്യൻ എന്നിവർ പ്രസംഗിക്കും.
ഉച്ചകഴിഞ്ഞ് 3.30നു കാർഷികമേളയുടെ ഉദ്ഘാടനം ആർച്ച്ബിഷപ് മാർ ജോസഫ് പെരുന്തോട്ടം നിർവഹിക്കും. വികാരി ജനറാൾ മോണ്. ജെയിംസ് പാലയ്ക്കൽ അധ്യക്ഷതവഹിക്കും. മുല്ലക്കര രത്നാകരൻ എംഎൽഎ മുഖ്യപ്രഭാഷണം നടത്തും. കൊടിക്കുന്നിൽ സുരേഷ് എംപി, സി.എഫ്. തോമസ് എംഎൽഎ, ഹരികുമാർ കോയിക്കൽ, കെ.എച്ച്.എം. ഇസ്മായിൽ, ഗിരീഷ് കോനാട്ട്, സെബാസ്റ്റ്യൻ മണമേൽ, ഫാ. ജോർജ് വെട്ടിക്കാട്ടിൽ, ഷെവലിയർ വി.സി. സെബാസ്റ്റ്യൻ, റേഡിയോ മീഡിയാ വില്ലേജ് എക്സിക്യൂട്ടീവ് ഡയറക്ടർ ഫാ. ആന്റണി ഏത്തക്കാട്ട്, കൃഷ്ണകുമാരി രാജശേഖരൻ, ഫാ. ജേക്കബ് വാരിക്കാട്ട്, ഫാ. ജോസഫ് കളരിക്കൽ, ഫാ. അനിൽ കരിപ്പിങ്ങാംപുറം എന്നിവർ പ്രസംഗിക്കും. തുർന്ന് വിവിധ മേഖലകളുടെ കലാപരിപാടികളും, കലാസന്ധ്യയും നടക്കും. കവയിത്രി ഡോ. മ്യൂസ് മേരി ജോർജ്, ജ്യൂവൽ മേരി എന്നിവർ വിശിഷ്ടാതിഥികളായി പങ്കെടുക്കും.
27നു രാവിലെ 10.30ന് ആരോഗ്യസെമിനാർ തിരുവഞ്ചൂർ രാധാകൃഷ്ണൻ എംഎൽഎ ഉദ്ഘാടനം ചെയ്യും. ഫാ. തോമസ് മംഗലം അധ്യക്ഷതവഹിക്കും. സജി തോമസ്, സന്തോഷ് അറയ്ക്കൽ എന്നിവർ പ്രസംഗിക്കും.
ഉച്ചകഴിഞ്ഞ് 2.30നു ചങ്ങനാശേരി, തുരുത്തി മേഖലകളുടെ നേതൃത്വത്തിൽ സുവർണ കാഹളം റാലി അരമനപ്പടിയിൽനിന്നു ഫാം ഫെസ്റ്റ് നഗറിലേക്കു നടക്കും. ഡിവൈഎസ്പി വി. അജിത്ത് ഉദ്ഘാടനംചെയ്യും. ഉച്ചകഴിഞ്ഞ് 3.30ന് സുവർണ സംഗമം മന്ത്രി മാത്യു ടി. തോമസ് ഉദ്ഘാടനംചെയ്യും. ഫാ. കുര്യൻ പുത്തൻപുര അധ്യക്ഷത വഹിക്കും. ജില്ലാ പഞ്ചായത്ത് പ്രസിഡന്റ് ജോഷി ഫിലിപ്പ് മുഖ്യപ്രഭാഷണം നടത്തും. ഫാ. ജോസഫ് കളരിക്കൽ, സെബാസ്റ്റ്യൻ മണമേൽ, ഫാ. ഗ്രിഗറി ഓണംകുളം, ബാബു വള്ളപ്പുര, സൈബി അക്കര എന്നിവർ പ്രസംഗിക്കും. മികച്ച സാമൂഹിക പ്രവർത്തകരെ ചടങ്ങിൽ ആദരിക്കും തുടർന്ന് കലാപരിപാടികളും.
28നു രാവിലെ 10.30ന് സെമിനാർ ഉദ്ഘാടനം ഡോ. കെ.സി. ജോസഫ് നിർവഹിക്കും. കോട്ടയം നഗരസഭ ചെയർപേഴ്സൻ ഡോ.പി.ആർ. സോനാ അധ്യക്ഷതവഹിക്കും, സാജൻ ഫ്രാൻസിസ്, സിബി പാറയ്ക്കൽ എന്നിവർ പ്രസംഗിക്കും. ബെർക്കുമാൻസ് ഇൻസ്റ്റിറ്റ്യൂട്ട് ഓഫ് മാനേജ്മെന്റ് സ്റ്റഡീസ് ആൻഡ് ഡിസ്ട്രിക്ട് ഇൻഡസ്ട്രീസ് സെന്ററിന്റെ നേതൃത്വത്തിൽ ’വരുമാനത്തിന്റെ വേറിട്ടകാഴ്ചകൾ’ എന്ന വിഷയത്തിൽ ഡോ. സ്റ്റീഫൻ മാത്യൂസ് സെമിനാർ നയിക്കും. ഉച്ചകഴിഞ്ഞ് 2.30നു കാർഷിക പ്രശ്നോത്തരി ഉദ്ഘാടനം വികാരി ജനറാൾ മോണ്. മാണി പുതിയിടം നിർവഹിക്കും. ക്വിസ് മത്സരം ഡോ. ടി. ശിവകുമാർ നയിക്കും. ഫാ. ടോമി പടിഞ്ഞാറേവീട്ടിൽ സമ്മാനദാനം നിർവഹിക്കും, വൈകുന്നേരം അഞ്ചിന് വാവാ സുരേഷ് ഷോയും ചെത്തിപ്പുഴ സെന്റ് തോമസ് നഴ്സിംഗ് കോളജിന്റെ നേതൃത്വത്തിൽ കലാസന്ധ്യയും നടക്കും. കൃഷ്ണ പ്രസാദ് വിശിഷ്ടാതിഥിതിയായിരിക്കും.
29ന് ഉച്ചകഴിഞ്ഞ് 2.30ന് സെമിനാറിന്റെ ഉദ്ഘാടനം ഡോ. എൻ. ജയരാജ് എംഎൽഎ. നിർവഹിക്കും. കുട്ടനാട് വികസന സമിതി ഡയറക്ടർ ഫാ. തോമസ് പീലിയാനിക്കൽ അധ്യക്ഷതവഹിക്കും. ’ജലവും മണ്ണും ജീവന്റെ നിലനിൽപ്പിന്’ എന്ന വിഷയത്തെ ആസ്പദമാക്കി ഡോ. ജെ.ജി. റേ വിഷയാവതരണം നടത്തും. തുടർന്ന് വഞ്ചിപ്പാട്ട് മത്സരവും കലാസന്ധ്യയും നടക്കും. ആകാശവാണി, വയലും വീടും അവതാരകൻ മുരളീധരൻ തഴക്കര സമ്മാനദാനം നിർവഹിക്കും. വിശിഷ്ടാതിഥിയായി ഡോ. വിശ്വനാഥൻ നായർ പങ്കെടുക്കും.
സമാപനദിനമായ 30ന് രാവിലെ ഒൻപതിന് ഗാന്ധി സ്മൃതി ഭജൻ. 10.30ന് നടക്കുന്ന സെമിനാറിന്റെ ഉദ്ഘാടനം പി.സി. ജോർജ് എംഎൽഎ നിർവഹിക്കും. ഫാ. മൈക്കിൾ വെട്ടിക്കാട്ട് അധ്യക്ഷതവഹിക്കും. സുമാ ഷൈൻ, മാഗി മരീനാ എന്നിവർ പ്രസംഗിക്കും. ജൈവകൃഷിയുടെ അനന്തസാധ്യതകൾ എന്ന വിഷയത്തിൽ ഡോ. ഹരിദാസ് സെമിനാർ നയിക്കും.
12.30ന് ആശാകിരണം വോളണ്ടിയേഴ്സ് സംഗമവും ബാഡ്ജ് വിതരണവും കെഎസ്എസ്എഫ് ഡയറക്ടർ ഫാ. ജോർജ് വെട്ടിക്കാട്ടിലും ചികിത്സാസഹായ വിതരണം മുനിസിപ്പൽ കൗണ്സിലർ എൽസമ്മ ജോബും നിർവഹിക്കും. തുടർന്ന് നാടൻ കലാപരിപാടികൾ നടക്കും. വൈകുന്നേരം നാലിനു നടക്കുന്ന സമാപന സമ്മേളനം ഉമ്മൻ ചാണ്ടി എംഎൽഎ നിർവഹിക്കും. ചാസ് പ്രസിഡന്റ് മോണ്. ജോസഫ് മുണ്ടകത്തിൽ അധ്യക്ഷതവഹിക്കും. ആകാശവാണി സ്റ്റേഷൻ ഡയറക്ടർ ആർ.സി ഗോപാൽ മുഖ്യപ്രഭാഷണം നടത്തും. അന്നമ്മ ജോസഫ്, പോളി തോമസ്, ഫാ. ജോസഫ് കളരിക്കൽ, ഫാ.ജേക്കബ് കുഴിപ്പള്ളി എന്നിവർ പ്രസംഗിക്കും. സർക്കാർ സർക്കാരിതര ഏജൻസികളുടെ നൂറിൽപ്പരം സ്റ്റാളുകൾ, കാർഷിക വിളപ്രദർശനം, ശില്പ ശാലകൾ, മത്സരങ്ങൾ, നാടൻ ഭക്ഷണശാലകൾ എന്നിവയും ഫാം ഫെസ്റ്റ് നഗറിൽ ക്രമീകരിച്ചിട്ടുണ്ട്.
പത്രസമ്മേളനത്തിൽ ചാസ് ഡയറക്ടർ ഫാ. ജോസഫ് കളരിക്കൽ, അസിസ്റ്റന്റ് ഡയറക്ടർമാരായ ഫാ. അനിൽ കരിപ്പിങ്ങാംപുറം. ഫാ. ജേക്കബ് കുഴിപ്പള്ളിൽ, സൈബി അക്കര, ബാബു വള്ളപ്പുര, ജോസുകുട്ടി കുട്ടംപേരൂർ, ടോമി കണയംപ്ലാക്കൽ, ജോസ് പുതുപ്പള്ളി എന്നിവർ പങ്കെടുത്തു.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.