11 തദ്ദേശ സ്വയംഭരണ വാർഡുകളിൽ ഫെബ്രുവരി 21ന് ഉപതെരഞ്ഞെടുപ്പ് : Deepika.com Kerala News |

Click here for detailed news of all items

11 തദ്ദേശ സ്വയംഭരണ വാർഡുകളിൽ ഫെബ്രുവരി 21ന് ഉപതെരഞ്ഞെടുപ്പ്

Monday, January 23, 2017 2:47 PM IST

തിരുവനന്തപുരം: പതിനൊന്ന് തദ്ദേശസ്വയം ഭരണ വാർഡുകളിൽ ഫെബ്രുവരി 21ന് ഉപതെരഞ്ഞെടുപ്പ് നടത്താൻ തീരുമാനിച്ചതായി സംസ്ഥാന തെരഞ്ഞെടുപ്പു കമ്മീഷണർ വി. ഭാസ്കരൻ അറിയിച്ചു.

ആറു ജില്ലകളിലെ ഒന്പത് ഗ്രാമപഞ്ചായത്ത് വാർഡുകളിലും തൃശൂർ കോർപറേഷൻ വാർഡിലും പനമരം ബ്ലോക്ക്പഞ്ചായത്ത് വാർഡിലുമാണ് ഉപതെരഞ്ഞെടുപ്പ്. മാതൃകാപെരുമാറ്റച്ചട്ടം 23ന് നിലവിൽ വന്നു. നാമനിർദേശ പത്രിക 27 മുതൽ സ്വീകരിക്കും. പത്രിക സമർപ്പിക്കുന്നതിനുള്ള അവസാന തീയതി ഫെബ്രുവരി മൂന്ന്. സൂക്ഷ്മ പരിശോധന നാലിനും സ്ഥാനാർഥിത്വം പിൻവലിക്കാനുളള അവസാന തീയതി ആറുമാണ്. വോട്ടെടുപ്പ് ഫെബ്രുവരി 21ന് രാവിലെ ഏഴിന് ആരംഭിച്ച് വൈകുന്നേരം അഞ്ചിന് അവസാനിക്കും. 22ന് രാവിലെ‌ വോട്ടെണ്ണും.

ഉപതെരഞ്ഞെടുപ്പു നടക്കുന്ന ജില്ല, തദ്ദേശസ്വയംഭരണ സ്ഥാപനം, വാർഡ് എന്ന ക്രമത്തിൽ. തിരുവനന്തപുരം-പനവൂർ ഗ്രാമപഞ്ചായത്ത്-06 മിന്നിലം, കൊല്ലം- ആര്യങ്കാവ് ഗ്രാമപഞ്ചായത്ത്-10 നെടുന്പാറ, കോട്ടയം- മൂന്നിലവ് ഗ്രാമപഞ്ചായത്ത്-08 മൂന്നിലവ്, വിജയപുരം ഗ്രാമപഞ്ചായത്ത്-04 പെരിങ്ങള്ളൂർ, എറണാകുളം-പാന്പാക്കുട ഗ്രാമപഞ്ചായത്ത്-01 നെയ്ത്തുശാലപ്പടി, തൃശൂർ- തൃശൂർ മുനിസിപ്പൽ കോർപറേഷൻ-23 മിഷൻ ക്വാർട്ടേഴ്സ്, വാടാനപ്പള്ളി ഗ്രാമപഞ്ചായത്ത്-15 വാടാനപ്പള്ളി വെസ്റ്റ്, അളഗപ്പനഗർ ഗ്രാമപഞ്ചായത്ത്-14 തെക്കേക്കര, പുത്തൻചിറ ഗ്രാമപഞ്ചായത്ത്-09 പിണ്ടാണി, മലപ്പുറം- അരീക്കോട് ഗ്രാമപഞ്ചായത്ത്-05 താഴത്തങ്ങാടി, വയനാട്-പനമരം ബ്ലോക്ക്പഞ്ചായത്ത്-02 പാക്കം.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.