പോസ്റ്റ് മോർട്ടം റിപ്പോർട്ട് മലയാളത്തിലും നൽകാൻ നിർദേശം : Deepika.com Kerala News |

Click here for detailed news of all items

പോസ്റ്റ് മോർട്ടം റിപ്പോർട്ട് മലയാളത്തിലും നൽകാൻ നിർദേശം

Tuesday, January 24, 2017 4:06 PM IST

കൊച്ചി: പോസ്റ്റുമോർട്ടം റിപ്പോർട്ടുകൾ മലയാളത്തിലും നൽകാൻ പോലീസ് നടപടി സ്വീകരിക്കണമെന്ന് ഔദ്യോഗിക ഭാഷ സംബന്ധിച്ച നിയമസഭാ സമിതി നിർദേശിച്ചു. മെഡിക്കൽ, ഫോറൻസിക് പദങ്ങൾക്ക് പകരം മലയാളപദങ്ങളില്ലെങ്കിൽ അവ അതേരീതിയിൽ തന്നെ റിപ്പോർട്ടിൽ എഴുതണം. ഭരണഭാഷ മലയാളമാക്കുന്നതിനുള്ള സർക്കാർ ഉത്തരവുകൾ പാലിക്കണമെന്നും കുറിപ്പ് ഫയലുകളിൽ മലയാളം നിർബന്ധമാക്കണമെന്നും സമിതി ആവശ്യപ്പെട്ടു.

ഔദ്യോഗികഭാഷ മലയാളമാക്കുന്നതിൽ വിവിധ സർക്കാർ വകുപ്പുകൾ ജില്ലാതലത്തിൽ കൈവരിച്ച പുരോഗതി സംബന്ധിച്ച് തെളിവെടുപ്പ് നടത്തുകയായിരുന്നു ഇ.എസ്. ബിജിമോൾ എംഎൽഎയുടെ നേതൃത്വത്തിലുള്ള സമിതി. എംഎൽഎമാരായ കെ. ആൻസലൻ, യു.ആർ. പ്രദീപ്, ഡി.കെ. മുരളി, എൽദോസ് കുന്നപ്പിള്ളി എന്നിവരും പങ്കെടുത്തു.

ഔദ്യോഗിക ഭാഷാ പുരോഗതി വിലയിരുത്തുന്നതിനുള്ള ഓഫീസ് തല സമിതി രൂപീകരിക്കുന്നതിലും യോഗം ചേരുന്നതിലും വിവിധ വകുപ്പുകൾ വീഴ്ച വരുത്തിയതായി എംഎൽഎമാർ ചൂണ്ടിക്കാട്ടി. മലയാളം യൂണികോഡ് ടൈപ്പിംഗിൽ ജീവനക്കാർക്ക് പരിശീലനം നൽകാൻ നടപടി സ്വീകരിക്കണം. കളക്ടറേറ്റിൽ മലയാളം അറിയാത്ത ജീവനക്കാർ ആരുമില്ലെങ്കിലും തെറ്റില്ലാതെയും മികച്ച ശൈലിയിലും ഫയലുകൾ കൈകാര്യം ചെയ്യുന്നതിൽ പോരായ്മയുണ്ടെന്ന് എഡിഎം സി.കെ. പ്രകാശ് സമിതിയെ അറിയിച്ചു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.