തദ്ദേശ സ്ഥാപനങ്ങളുടെ അധികാരം കവരാനുള്ള ശ്രമം അവസാനിപ്പിക്കണം: ബിഷപ് ജോഷ്വാ മാർ ഇഗ്നാത്തിയോസ് : Deepika.com Kerala News |

Click here for detailed news of all items

തദ്ദേശ സ്ഥാപനങ്ങളുടെ അധികാരം കവരാനുള്ള ശ്രമം അവസാനിപ്പിക്കണം: ബിഷപ് ജോഷ്വാ മാർ ഇഗ്നാത്തിയോസ്

Friday, February 17, 2017 4:06 PM IST

തിരുവനന്തപുരം: മദ്യശാലകൾ അനുവദിക്കുന്ന കാര്യത്തിൽ തീരുമാനം എടുക്കാനുള്ള അധികാരം തദ്ദേശ സ്വയംഭര ണ സ്ഥാപനങ്ങളിൽനിന്നും എടുത്തുമാറ്റാനുള്ള നീക്കം അനുവദനീയമല്ലെന്നു മദ്യവിരുദ്ധ ജനകീയ മുന്നണി ചെയർമാൻ ബിഷപ് ഡോ. ജോഷ്വാ മാർ ഇഗ്നാത്തിയോസ് .

സർക്കാരിന്‍റെ ഈ നിലപാട് സമൂഹത്തിന് ഏറെ ദോഷം ചെയ്യും. ആരുടെ എങ്കിലും പ്രേരണയാൽ പഞ്ചായത്തിരാജ് -നഗരപാലികാ നിയമം മാറ്റാൻ ശ്രമിക്കരുത്. പിൻവാതിലിലൂടെ മദ്യലോബിക്ക് സഹായകരമായ രീതിയിൽ പ്രവർത്തിച്ചാൽ ശക്തമായ രീതിയിൽ ഗാന്ധിയൻ സമരമാർഗങ്ങളിലൂടെ പ്രക്ഷോഭം സംഘടിപ്പിക്കുമെന്നും ബിഷപ് പത്രസമ്മേളനത്തിൽ അറിയിച്ചു.

പാതയോര മദ്യശാല നിയന്ത്രണം പൂർണമായും നടപ്പാക്കുക, തദ്ദേശ സ്വയംഭരണ സ്ഥാപനങ്ങളുടെ അധികാരം കവർന്നെടുക്കാനുള്ള നീക്കം അവസാനിപ്പിക്കുക, സർക്കാരിന്‍റെ മദ്യനയം ഉടൻ നടപ്പാക്കുക എന്നീ ആവശ്യങ്ങൾ ഉന്നയിച്ച് ഈ മാസം 21 ന് സെക്രട്ടേറിയറ്റ് മാർച്ചും ധർണയും നടത്തുമെന്നും ബിഷപ് പത്രസമ്മേളനത്തിൽ അറിയിച്ചു. സെക്രട്ടേറിയറ്റ് ധർണ കെപിസിസി പ്രസിഡന്‍റ് വി.എം. സുധീരൻ ഉദ്ഘാടനം ചെയ്യും.
ഫിലിപ്പോസ് മാർ ക്രിസോസ്റ്റം മാർത്തോമാ വലിയ മെത്രാപ്പോലീത്ത, ആർച്ച് ബിഷപ് ഡോ. എം. സൂസപാക്യം, കവയത്രി ബി. സുഗതകുമാരി, ബിഷപ് ജോഷ്വാ മാർ ഇഗ്നാത്തിയോസ്, പാളയം ഇമാം സുഹൈബ് മൗലവി തുടങ്ങിയവർ ധർണയിൽ പങ്കെടുക്കും. പത്രസമ്മേളനത്തിൽ പാളയം ഇമാം സുഹൈബ് മൗലവി, ജോൺസൺ ഇടയാറൻമുള, വി.എസ്. ഹരീന്ദ്രനാഥ്, ഫാ. ടി.ജെ. ആന്‍റണി, എഫ്.എം. ലാസർ എന്നിവർ പങ്കെടുത്തു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.