ലീഗ് നേതാവിനു നേരേ വധശ്രമം : Deepika.com Kerala News |

Click here for detailed news of all items

ലീഗ് നേതാവിനു നേരേ വധശ്രമം

Monday, February 20, 2017 3:58 PM IST

തളിപ്പറമ്പ്: മുസ് ലിം യൂത്ത് ലീഗ് മുന്‍ പഞ്ചായത്ത് കമ്മിറ്റി പ്രസിഡന്‍റിനു നേരേ വധശ്രമം. ഇന്നലെ പുലര്‍ച്ചെ ഒന്നേകാലോടെ പട്ടുവം കടവിലാണു സംഭവം. വിളയാങ്കോട് ഹോട്ടല്‍ നടത്തുന്ന പട്ടുവം കടവിലെ കെ.പി. അനസിനാണ് (27) മര്‍ദ്ദനമേറ്റത്. ഇദ്ദേഹത്തെ തളിപ്പറമ്പ് ലൂര്‍ദ്ദ് ആശുപത്രിയില്‍ പ്രവേശിപ്പിച്ചു. കാലിനും കൈകള്‍ക്കും തോളെല്ലിനുമാണു പരിക്ക്.

എസ്ഡിപിഐ പ്രവര്‍ത്തകരായ നാലംഗസംഘമാണ് അക്രമം നടത്തിയതെന്നു മുസ്‌ലിം ലീഗ് ആരോപിച്ചു. വിളയാങ്കോട്ടെ ഹോട്ടല്‍ പൂട്ടി അനസും സഹോദരനും വെവ്വേറെ ബൈക്കുകളില്‍ വീട്ടിലേക്കു മടങ്ങുകയായിരുന്നു. മുന്നിലായിരുന്ന അനസിനെ തടഞ്ഞു നിര്‍ത്തി കമ്പിപ്പാര, ഇരുമ്പുവടി, ഇടിക്കട്ട എന്നിവ ഉപയോഗിച്ച് അടിക്കുകയായിരുന്നുവെന്നു പോലീസിനു നല്‍കിയ പരാതിയില്‍ പറയുന്നു. എസ്ഡിപിഐ പ്രവര്‍ത്തകരായ കെ.പി. ഷംഷീർ, കെ.പി. ഷമ്മാസ്, സി.കെ. താഹ, കെ.കെ. മുഹ്സിന്‍ എന്നിവരാണു മര്‍ദ്ദിച്ചതെന്നു പരാതിയില്‍ പറയുന്നു. പിന്നാലെ വരികയായിരുന്ന അനസിന്‍റെ ജ്യേഷ്ഠന്‍റെ ബൈക്കിന്‍റെ ലൈറ്റ് കണ്ടതോടെ അക്രമികള്‍ ഓടി രക്ഷപ്പെടുകയായിരുന്നു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.