പീഡനം: സിപിഎം നേതാവ് റിമാൻഡിൽ : Deepika.com Kerala News |

Click here for detailed news of all items

പീഡനം: സിപിഎം നേതാവ് റിമാൻഡിൽ

Tuesday, February 21, 2017 3:15 PM IST

കൊച്ചി: മൂന്നാം ക്ലാസ് വിദ്യാർഥിനിയെ പീഡിപ്പിച്ച കേസിലെ പ്രതി സിപിഎം മുൻ ബ്രാഞ്ച് സെക്രട്ടറി വല്ലാർപാടം പനന്പുകാട് പുന്നക്കാട്ടിൽ ഷഗി (43)നെ എറണാകുളം സബ്ജയിലേക്ക് റിമാൻഡ് ചെയ്തു. സെൻട്രൽ സ്റ്റേഷനിൽ സിഐ അനന്തലാലിനു മുന്പിൽ തിങ്കളാഴ്ച രാത്രി വൈകിയായിരുന്നു കീഴടങ്ങൽ. രാത്രി തന്നെ ജനറൽ ആശുപത്രിയിൽ എത്തിച്ച് വൈദ്യപരിശോധന നടത്തി. കേസിൽ മുൻകൂർ ജാമ്യാപേക്ഷക്കായി ഷഗി ഹൈക്കോടതിയെ സമീപിച്ചിരുന്നു. കോടതി അപേക്ഷ തള്ളിയതിന് പിന്നാലെയാണ് ഇയാൾ കീഴടങ്ങിയത്. വിദ്യാർഥിനിയെ സ്കൂളിലും വീടിനു സമീപത്തും വച്ചാണ് ഇയാൾ ഉപദ്രവിച്ചത്.

സ്കൂൾ അധികൃതർ ചൈൽഡ് ലൈൻ മുഖേനയാണ് പോലീസിൽ പരാതി നല്കിയത്.
സംഭവം പുറത്തറിഞ്ഞ ശേഷം ഒളിവിൽ പോയ പ്രതിയുടെ സ്കൂട്ടർ സൗത്ത് റെയിൽവേ സ്റ്റേഷൻ കോന്പൗണ്ടിൽ പ്രതിയുടെ ബന്ധു താമസിച്ചുവരുന്ന ക്വാർട്ടേഴ്സിൽ നിന്ന് പോലീസ് കസ്റ്റഡിയിൽ എടുത്തിരുന്നു.
സംഭവം ഡിവൈഎസ്പി അന്വേഷിക്കണമെന്ന് മനുഷ്യാവകാശ കമ്മീഷൻ ആക്ടിംഗ് ചെയർമാൻ പി. മോഹനദാസ് എറണാകുളം ജില്ലാ പോലീസ് മേധാവിക്ക് നിർദേശം നൽകി. പ്രതിയെ ശിക്ഷയിൽ നിന്ന് രക്ഷപ്പെടാൻ അനുവദിക്കരുതെന്നും ഡിവൈഎസ്പി റാങ്കിൽ കുറയാത്ത ഉദ്യോഗസ്ഥൻ സംഭവം അന്വേഷിക്കണമെന്നുമാണ് കമ്മീഷന്‍റെ ഉത്തരവ്. കാക്കനാട് കളക്ടറേറ്റ് കോണ്‍ഫറൻസ് ഹാളിൽ നടക്കുന്ന സിറ്റിംഗിൽ കേസ് പരിഗണിക്കും. മാധ്യമവാർത്തയുടെ അടിസ്ഥാനത്തിൽ സ്വമേധയാ രജിസ്റ്റർ ചെയ്ത കേസിലാണ് നടപടി.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.