പീഡനം: പ്രതിയെ റിമാൻഡ് ചെയ്തു : Deepika.com Kerala News |

Click here for detailed news of all items

പീഡനം: പ്രതിയെ റിമാൻഡ് ചെയ്തു

Tuesday, February 28, 2017 3:25 PM IST

കൊട്ടിയൂർ/കൂത്തുപറമ്പ്: പ്രായപൂർത്തിയാകാത്ത പെൺകുട്ടിയെ പീഡിപ്പിച്ച കേസിൽ ഫാ. റോബിനെ റിമാൻഡ് ചെയ്തു.ഈ മാസം 14 വരെ റിമാൻഡ് ചെയ്ത പ്രതിയെ പിന്നീട് കണ്ണൂർ സ്പെഷൽ സബ് ജയിലിലേക്കു കൊണ്ടുപോയി.

തിങ്കളാഴ്ചയാണ് തൃശൂരിനടുത്തു വച്ച് ഫാ. റോബിനെ പോലീസ് പിടികൂടിയത്. പ്രതിയെ ഇന്നലെ ഉച്ചയ്ക്ക് പന്ത്രണ്ടോടെ നീണ്ടുനോക്കിയിലെത്തിച്ചു തെളിവെടുത്തു.
ഇരിട്ടി ഡിവൈഎസ്പി പ്രജീഷ് തോട്ടത്തിലിന്‍റെ നേതൃത്വത്തിലാണ് തെളിവെടുപ്പിനായി കൊണ്ടുവന്നത്. പേരാവൂർ സിഐ സുനിൽകുമാർ, കേളകം എസ്ഐ ടി.വി.പ്രജീഷ്, പേരാവൂർ എസ്ഐ പി.കെ.ദാസ്,പേരാവൂർ സർക്കിൾ ഓഫീസിലെ എസ്ഐ കെ.എ.ജോൺ തുടങ്ങിയവരുടെ നേതൃത്വത്തിൽ പോലീസ് കാവലിലായിരുന്നു തെളിവെടുപ്പ്.

പോക്സോ കേസായതിനാൽ അടുത്ത റിമാൻഡ് തീയതി തലശേരി എഡിസി( ഒന്ന് ) കോടതിയിലാണ് ഹാജരാക്കുക. ഡിവൈഎഫ്ഐയുടെയും എബിവിപിയുടെയും നേതൃത്വത്തിൽ നീണ്ടുനോക്കി ടൗണിൽ പ്രതിഷേധ പ്രകടനം നടത്തിയിരുന്നു. കൊ‌ട്ടിയൂരിൽ പ്രകടനക്കാർ പ്രതി മാനേജരായിരുന്ന സ്കൂളിനു നേരെ കല്ലേറു നടത്തി. ഫാ. റോബിനെതിരായ ആരോപണങ്ങളെക്കുറിച്ച് അന്വേഷണം നടത്തണമെന്നു പി.കെ. ശ്രീമതി എംപി കണ്ണൂരിൽ ആവശ്യപ്പെട്ടു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.