തിരുവനന്തപുരം: സർക്കാർ ആരോഗ്യസ്ഥാപനങ്ങളിലെ ശുചിത്വം, ശുചിത്വപരിപാലനം, അണുബാധാ നിയന്ത്രണം എന്നിവ വിലയിരുത്തി പ്രോത്സാഹിപ്പിക്കാനുള്ള കായകൽപ്പ് പദ്ധതിപ്രകാരമുള്ള അവാർഡുകൾ 27ന് ആരോഗ്യമന്ത്രി കെ.കെ. ഷൈലജ ടീച്ചർ വിതരണം ചെയ്യും. വഴുതക്കാട് ടാഗോർ തിയറ്ററിൽ ഉച്ചയ്ക്ക് ഒരു മണിക്കാണ് ചടങ്ങ്.
കേന്ദ്രസർക്കാരിന്‍റെ ധനസഹായത്തോടെ ആശുപത്രികളിൽ ശുചീകരണ പ്രവർത്തനം, പരിശീലനപരിപാടികൾ, അണുബാധ, നിയന്ത്രണ ഉപാധികൾ, ജീവനക്കാരുടെയും സമൂഹത്തിന്‍റെയും ആരോഗ്യപരിപാലനം തുടങ്ങിയ കർമ പരിപാടികൾ നടപ്പാക്കിവരുന്നുണ്ട്. എല്ലാ ആശുപത്രികളിലും ജില്ലാതല സംസ്ഥാനതല പരിശോധനകൾ നടത്തിയശേഷമാണ് സംസ്ഥാനതല അവാർഡ് നിർണയിച്ചത്.
അവാർഡ് ലഭിച്ച ആശുപത്രികളുടെ പട്ടിക ചുവടെ: (ജില്ല, ആശുപത്രി, അവാർഡുതുക എന്നക്രമത്തിൽ):
ജില്ലാതല ആശുപത്രികൾ : കോഴിക്കോട് -സ്ത്രീകളുടെയും കുട്ടികളുടെയും ആശുപത്രി -50 ലക്ഷം രൂപ, ആലപ്പുഴ - സ്ത്രീകളുടെയും കുട്ടികളുടെയും ആശുപത്രി -20 ലക്ഷം രൂപ, തിരുവനന്തപുരം - സ്ത്രീകളുടെയും കുട്ടികളുടെയും ആശുപത്രി - മൂന്നു ലക്ഷം രൂപ, മലപ്പുറം -ജില്ലാ ആശുപത്രി തിരൂർ - മൂന്നു ലക്ഷം രൂപ , പാലക്കാട് -സ്ത്രീകളുടെയും കുട്ടികളുടെയും ആശുപത്രി -മൂന്നു ലക്ഷം രൂപ, കൊല്ലം -വിക്ടോറിയ ആശുപത്രി -മൂന്നു ലക്ഷം രൂപ
സബ് ജില്ലാതല ആശുപത്രികൾ : തിരുവനന്തപുരം - താലൂക്ക് ഹെഡ് ക്വാർട്ടേഴ്സ് ആശുപത്രി പാറശാല - 15 ലക്ഷം രൂപ, കൊല്ലം - താലൂക്ക് ഹെഡ് ക്വാർട്ടേഴ്സ് ആശുപത്രി പുനലൂർ -10 ലക്ഷം രൂപ, എറണാകുളം - കമ്യൂണിറ്റി ആരോഗ്യ കേന്ദ്രം പണ്ടപ്പിളളി - ഒരു ലക്ഷം രൂപ, തൃശൂർ - താലൂക്ക് ഹെഡ് ക്വാർട്ടേഴ്സ് ആശുപത്രി ചാവക്കാട് -ഒരു ലക്ഷം രൂപ, കോട്ടയം - കമ്യൂണിറ്റി ആരോഗ്യ കേന്ദ്രം കുമരകം -ഒരു ലക്ഷം രൂപ, ഇടുക്കി - കമ്യൂണിറ്റി ആരോഗ്യ കേന്ദ്രം മുട്ടം -ഒരു ലക്ഷം രൂപ , കാസർഗോഡ് - താലൂക്ക് ഹെഡ് ക്വാർട്ടേഴ്സ് ആശുപത്രി നീലേശ്വരം - ഒരു ലക്ഷം രൂപ.
പ്രാഥമിക ആരോഗ്യകേന്ദ്രങ്ങൾ: (അയ്യായിരം രൂപ വീതം) കാസർഗോഡ് -പിഎച്ച്സി ഞരിക്കലക്കാട്, ഇടുക്കി- പിഎച്ച്സി കുടയത്തൂർ, എറണാകുളം - പി.എച്ച്സി എടവനക്കാട്, കണ്ണൂർ - പിഎച്ച്സി ന്യൂ മാഹി, മലപ്പുറം -പിഎച്ച്സി തിരുനാവായ, ആലപ്പുഴ -പിഎച്ച്സി പുറക്കാട്
ജില്ലാതല അവാർഡുകൾ, പ്രാഥമികാരോഗ്യ കേന്ദ്രങ്ങൾ: (രണ്ടു ലക്ഷം രൂപ വീതം) തിരുവനന്തപുരം: പി.എച്ച്സി കളളിക്കാട്, കൊല്ലം - പിഎച്ച്സി, മാങ്കോട് ചിതറ, കോട്ടയം -പിഎച്ച്സി മുത്തോലി, ഇടുക്കി -പിഎച്ച്സി കുടയത്തൂർ, ആലപ്പുഴ - പിഎച്ച്സി പുറക്കാട്, എറണാകുളം പിഎച്ച്സി എടവനക്കാട്, തൃശൂർ -പിഎച്ച്സി മണലൂർ, പാലക്കാട് - പിഎച്ച്സി പെരുവമ്പ്, മലപ്പുറം -പിഎച്ച്സി തിരുനാവായ, കോഴിക്കോട് -പിഎച്ച്സി മൂടാടി, കണ്ണൂർ -പിഎച്ച്സി ന്യൂ മാഹി, വയനാട് - പിഎച്ച്സി ബേഗൂർ, കാസർഗോഡ് -പിഎച്ച്സി ഞരിക്കലക്കാട്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.