തിരുവനന്തപുരം: ഫെബ്രുവരി 12ന് നടത്തിയ സ്റ്റേറ്റ് എലിജിബിലിറ്റി ടെസ്റ്റിന്റെ ഫലം പ്രസിദ്ധീകരിച്ചു. പരീക്ഷാ ഫലം ww w.lbscentre.org, www.lbske rala.com എന്നീ വെബ് സൈറ്റുകളിൽ ലഭ്യമാണ്. 15,854 പേർ പരീക്ഷ എഴുതിയതിൽ 880 പേർ വിജയിച്ചു. ആകെ വിജയശതമാനം 5.55 ആണ്.
പാസായവരുടെ ലിസ്റ്റിൽ ഉൾപ്പെട്ടിട്ടുളളവർ അവരുടെ സെറ്റ് സർട്ടിഫിക്കറ്റുകൾ ലഭിക്കുന്നതിനുളള അപേക്ഷാഫോം എൽബിഎസ് സെന്ററിന്റെ വെബ് സൈറ്റിൽ നിന്നു ഡൗണ്ലോഡ് ചെയ്ത് പൂരിപ്പിച്ച് താഴെപ്പറയുന്ന രേഖകളുടെ (ഗസറ്റഡ് ഓഫീസർ സാക്ഷ്യപ്പെടുത്തിയ) കോപ്പികൾ 40 രൂപയുടെ സ്റ്റാമ്പ് ഒട്ടിച്ച് സ്വന്തം മേൽവിലാസം എഴുതിയ എ 4 വലുപ്പത്തിലുളള ക്ലോത്ത് ലൈൻഡ് കവർ സഹിതം ഡയറക്ടർ, എൽബിഎസ് സെന്റർ ഫോർ സയൻസ് ആൻഡ് ടെക്നോളജി, പാളയം, തിരുവനന്തപുരം 33 എന്ന വിലാസത്തിൽ അയച്ചുതരണം.
എസ്എസ്എൽസി സർട്ടിഫിക്കറ്റിൽ പേര് ഉൾപ്പെടുന്ന പേജ്, ബിരുദാനന്തരബിരുദ സർട്ടിഫിക്കറ്റ് (പ്രൊവിഷണൽ/ഒറിജിനൽ), മാർക്ക് ലിസ്റ്റ്, ബിഎഡ് സർട്ടിഫിക്കറ്റ് (പ്രൊവിഷണൽ/ഒറിജിനൽ), അംഗീകൃത തുല്യത സർട്ടിഫിക്കറ്റുകൾ (കേരളത്തിനു പുറത്തുളള ബിരുദാനന്തര ബിരുദവും ബിഎഡും), പ്രോസ്പെക്ടസിലെ ഖണ്ഡിക 2.2 ൽ പറഞ്ഞിട്ടില്ലാത്ത വിഷയങ്ങളിൽ ബിരുദാനന്തര ബിരുദവും നേടിയവർ തങ്ങളുടെ വിഷയങ്ങളുടെ തുല്യതാ സർട്ടിഫിക്കറ്റ്, എസ്സി/എസ്ടി, ഒബിസി (നോണ് ക്രിമീലെയർ) വിഭാഗത്തിൽ അപേക്ഷ നൽകി വിജയിച്ചവർ അവരുടെ ജാതി/ നോണ് ക്രിമീലെയർ സർട്ടിഫിക്കറ്റ് (നോണ് ക്രിമീലെയർ സർട്ടിഫിക്കറ്റുകൾ 2015 ഡിസംബർ നാല് മുതൽ 2016 ഡിസംബർ 31 വരെയുളള കാലയളവിൽ ലഭിച്ചതായിരിക്കണം), പിഎച്ച്/വിഎച്ച് വിഭാഗത്തിൽ അപേക്ഷ നൽകി വിജയിച്ചവർ അവരുടെ വൈകല്യം തെളിയിക്കുന്ന ബന്ധപ്പെട്ട രേഖകൾ ഹാജരാക്കണം. (മുമ്പ് ഹാജരാക്കിയവർക്ക് ബാധകമല്ല) സർട്ടിഫിക്കറ്റുകൾ ജൂണ് മുതൽ വിതരണം ചെയ്യും. കൂടുതൽ വിവരങ്ങൾക്ക് 0471 2560311, 312,313.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.