കൊടും ക്രിമിനലുകളെ മോചിപ്പിക്കാനുള്ള സർക്കാർ നീക്കം തടയണമെന്നു ഹർജി : Deepika.com Kerala News |

Click here for detailed news of all items

കൊടും ക്രിമിനലുകളെ മോചിപ്പിക്കാനുള്ള സർക്കാർ നീക്കം തടയണമെന്നു ഹർജി

Friday, March 24, 2017 2:00 PM IST

കൊച്ചി : കൊടുംക്രിമിനലുകളായ തടവുകാർക്ക് ശിക്ഷാ ഇളവു നൽകി മോചിപ്പിക്കാനുള്ള സർക്കാരിന്‍റെ നീക്കം തടയണമെന്നാവശ്യപ്പെട്ട് ഹൈക്കോടതിയിൽ പൊതുതാത്പര്യ ഹർജി സമർപ്പിച്ചു. തൃശൂരിലെ പൊതുപ്രവർത്തകനായ പി.ഡി. ജോസഫ് ആണ് ഹർജി നല്കിയത്. ശിക്ഷാ ഇളവു നൽകി വിട്ടയയ്ക്കാനായി സർക്കാർ തയാറാക്കിയ ലിസ്റ്റ് ഹാജരാക്കാൻ ചീഫ് സെക്രട്ടറിയോടു നിർദേശിക്കണമെന്നും ഹർജിക്കാരൻ ആവശ്യപ്പെട്ടിട്ടുണ്ട്.

കൊലപാതകക്കേസുകളിലും പീഡനക്കേസുകളിലും പ്രതികളായവരെ വിട്ടയയ്ക്കാനാണ് നീക്കമെന്നും ഇത്തരക്കാർ ജയിലിൽനിന്നു പുറത്തിറങ്ങിയാൽ പൊതുസമൂഹത്തിനു വൻ ഭീഷണിയാകുമെന്നും ഹർജിയിൽ ചൂണ്ടിക്കാട്ടുന്നു. ഹൈക്കോടതി ഇന്ന് ഹർജി പരിഗണിച്ചേക്കും. രാഷ്‌ട്രീയ കൊലക്കേസുകളിലെ പ്രതികളും പട്ടികയിലുണ്ട്. പൗരന്‍റെ ജീവനും സ്വത്തിനും ഭീഷണിയാകുന്ന തരത്തിൽ കേരളത്തിൽ രാഷ്‌ട്രീയ അക്രമങ്ങൾ പെരുകുന്നത് കണക്കിലെടുക്കാതെയാണ് പോലീസും ജയിൽ വകുപ്പും പട്ടിക തയാറാക്കിയത്. ഇത്തരം പ്രതികളെ വിട്ടയയ്ക്കാതിരിക്കാൻ ഹൈക്കോടതി ഇടപെടണമെന്ന് ഹർജിയിൽ ആവശ്യപ്പെടുന്നു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.