പാലാ: ദീപിക ഫ്രണ്ട്സ് ക്ലബ്ബിന്റെ ആഭിമുഖ്യത്തിൽ നാളെ ഉച്ചകഴിഞ്ഞു പാലായിൽ നടത്തുന്ന കർഷക റാലിക്കും മഹാസമ്മേളനത്തിനുമായി പാലാ നഗരം അണിഞ്ഞൊരുങ്ങി. കൊടിതോരണങ്ങളും നിരന്നുകഴിഞ്ഞു. പാലാ സോണിലെ വിവിധ റീജണുകളിലും കർഷകരെ സ്വാഗതംചെയ്ത് ബോർഡുകൾ ഉയർന്നു.
സമ്മേളനത്തിന്റെ അവസാനവട്ട ഒരുക്കങ്ങൾ വിലയിരുത്താനായി ഡിഎഫ് സി പാലാ സോണ് ഡയറക്ടർ ഫാ.സ്കറിയ വേകത്താനത്തിന്റെ അധ്യക്ഷതയിൽ പാലാ ഷാലോം പാസ്റ്ററൽ സെന്ററിൽ വിവിധ കമ്മിറ്റികൾ ചേർന്നു. വനിതകളടക്കം അഞ്ഞൂറിലധികം വോളണ്ടിയർമാരാണു സമ്മേളനത്തിനെത്തുന്നവരെ സഹായിക്കാനും നിയന്ത്രിക്കാനുമായുള്ളത്. യോഗത്തിൽ പങ്കെടുത്ത പോലീസ്, റവന്യൂ ഉദ്യോഗസ്ഥർ ഇവർക്ക് നിർദേശങ്ങൾ നൽകിയിട്ടുണ്ട്.
സുഗമമായ നടത്തിപ്പിനു വിപുലമായ ക്രമീകരണങ്ങൾ
കോട്ടയം: പാലാ ളാലം പഴയ പള്ളിയങ്കണത്തിൽ നാളെ ഉച്ചകഴിഞ്ഞ് രണ്ടിനു തുടങ്ങുന്ന റാലി കുരിശുപള്ളി ജംഗ്ഷൻ വഴി സെന്റ് തോമസ് ഹയർ സെക്കൻഡറി സ്കൂളിലെ സമ്മേളന നഗരിയിലേക്കു നീങ്ങും. തുടർന്ന് പൊതുസമ്മേളനം.
വാഹനറാലികൾ: ചേർപ്പുങ്കൽ, ഭരണങ്ങാനം, കുറവിലങ്ങാട്, തൊടുപുഴ, പൊൻകുന്നം, രാമപുരം ഭാഗങ്ങളിൽനിന്നുമാണ് വാഹനങ്ങൾ കർഷകറാലിക്ക് എത്തിച്ചേരേണ്ടത്. ചേർപ്പുങ്കൽ, കുറവിലങ്ങാട്, ഭരണങ്ങാനം എന്നിവിടങ്ങളിൽനിന്നു ഛായാചിത്ര വാഹനറാലികളും ഉണ്ടായിരിക്കും.
ചേർപ്പുങ്കൽ : ചേർപ്പുങ്കലിലെ സ്വീകരണ കൗണ്ടറിൽ എത്തിച്ചേരുന്ന ചങ്ങനാശേരി, കോട്ടയം സോണുകളിലേയും ചേർപ്പുങ്കൽ റീജണിലെ വിവിധ യൂണിറ്റുകളിലെയും വാഹനങ്ങൾ ചേർപ്പുങ്കൽ പള്ളിയിൽ ഒത്തുചേർന്ന് 12.30ന് വിശുദ്ധ ചാവറ പിതാവിന്റെ ഛായാചിത്രവുമായി വാഹനറാലി തുടങ്ങും. പാലാ കൊട്ടാരമറ്റം ജംഗ്ഷൻ - ആർവി ജംഗ്ഷൻ - ബൈപ്പാസ് റോഡു വഴി ളാലം പഴയ പള്ളിയങ്കണത്തിൽ എത്തിച്ചേരും. ളാലം പുത്തൻപള്ളിയുടെ മുൻവശത്തു ബൈപാസ് റോഡിൽ ആളെ ഇറക്കണം.
ചേർപ്പുങ്കൽ ഭാഗത്തുനിന്നു റാലിക്കു വരുന്ന വലിയ വാഹനങ്ങൾ ളാലം പുത്തൻപള്ളിയുടെ മുൻവശം ബൈപാസ് റോഡിൽ ആളെയിറക്കി കടപ്പാട്ടൂർ - ബൈപ്പാസ് പാസ്റ്ററൽ ഇൻസ്റ്റിറ്റ്യൂട്ട് റോഡുകളിൽ പാർക്കുചെയ്യണം.
ചേർപ്പുങ്കലിൽ നിന്നുവരുന്ന ചെറിയ വാഹനങ്ങൾ ളാലം പുത്തൻപള്ളിയുടെ മുൻവശത്ത് ആളെയിറക്കി ളാലം പുത്തൻപള്ളി, കാർമൽ റെസിഡൻഷൽ സ്കൂൾ, സെന്റ് തോമസ് കോളജ്,അൽഫോൻസ കോളജ് മൈതാനങ്ങളിൽ പാർക്കുചെയ്യണം.
ഭരണങ്ങാനം, തൊടുപുഴ
കാഞ്ഞിരപ്പള്ളി സോണിലെയും തീക്കോയി, പൂഞ്ഞാർ, കൂട്ടിക്കൽ, അരുവിത്തുറ, ഭരണങ്ങാനം റീജണിലെയും വാഹനങ്ങൾ ഭരണങ്ങാനം പള്ളിയങ്കണത്തിൽ സംഗമിച്ച് 12.45ന് വാഹന റാലി ആരംഭിക്കണം. റാലി കിഴതടിയൂർ ജംഗ്ഷൻ - ബൈപാസ് റോഡ് വഴി ളാലം പഴയപള്ളിയങ്കണത്തിൽ എത്തിച്ചേരണം. തൊടുപുഴ ഭാഗത്തുനിന്നുള്ള വാഹനങ്ങളും കിഴതടിയൂർ ബൈപാസിലെത്തി ഈ റാലിയോടു ചേരണം. ഇവിടെനിന്നു വാഹനങ്ങളിൽ എത്തുന്ന ആളുകളെ കിഴതടിയൂർ ബൈപാസ് റോഡിൽ ഇറക്കണം. തൊടുപുഴ സ്വീകരണ കൗണ്ടറിൽലേക്കു കോതമംഗലം, ഇടുക്കി സോണുകൾ സംഗമിച്ച് ഭരണങ്ങാനം വാഹനറാലിയോടു ചേരണം.
ഭരണങ്ങാനം ഭാഗത്തുനിന്നുവരുന്ന വലിയ വാഹനങ്ങൾ കിഴതടിയൂർ ബൈപാസ് റൂട്ടിൽ ആളെയിറക്കി സിവിൽസ്റ്റേഷൻ റോഡുവഴി പുഴക്കര-കിഴക്കേക്കര-പൊരുന്നോലിൽ മൈതാനത്തിൽ പാർക്കുചെയ്യണം.
തൊടുപുഴ, മുണ്ടാങ്കൽ ഭാഗത്തുനിന്നുവരുന്ന വലിയ വാഹനങ്ങൾ കിഴതടിയൂർ ബൈപാസിൽ ആളെയിറക്കി മുണ്ടുപാലത്തുള്ള മാർക്കറ്റിംഗ് സൊസൈറ്റിയുടെ മൈതാനത്ത് പാർക്കു ചെയ്യണം.
ഭരണങ്ങാനം ഭാഗത്തുനിന്നുള്ള ചെറിയ വാഹനങ്ങൾ ബൈപാസ് റോഡിൽ ആളെയിറക്കി ബൈപാസ് യു ടേണ് എടുത്ത് സെന്റ് വിൻസെന്റ് ഇംഗ്ലീഷ് മീഡിയം സ്കൂൾ ഗൗണ്ടിൽ പാർക്കുചെയ്യണം.
മുണ്ടാങ്കൽ - തൊടുപുഴ ഭാഗത്തുനിന്നള്ള ചെറിയ വാഹനങ്ങൾ കിഴതടിയൂർ ബൈപാസ് റൂട്ടിൽ ആളെയിറക്കി കിഴതടിയൂർ പള്ളിഗ്രൗണ്ടിലും തൊടുപുഴ റൂട്ടിലും പാർക്കുചെയ്യണം.
കുറവിലങ്ങാട്
തലശേരി, മാനന്തവാടി, താമരശേരി, പാലക്കാട്, തൃശൂർ, ഇരിങ്ങാലക്കുട, എറണാകുളം സോണുകളിലെയും കോതനല്ലൂർ, കടുത്തുരുത്തി, മുട്ടിചിറ, കുറവിലങ്ങാട് റീജണുകളിലെയും വാഹനങ്ങൾ കുറവിലങ്ങാട് പള്ളിയങ്കണത്തിൽ സംഗമിച്ചു വാഹനറാലി 12.45നു ആരംഭിക്കും. കുറവിലങ്ങാട് - പാലാ റൂട്ടിലെ ആർവി ജംഗ്ഷനിലെത്തി ബൈപാസ് വഴി ളാലം പഴയപള്ളിയങ്കണത്തിൽ എത്തിച്ചേരണം. കുറവിലങ്ങാട് ഭാഗത്തുനിന്നുവരുന്ന വാഹനങ്ങൾ ളാലം പുത്തൻപള്ളിയുടെ മുൻവശത്ത് ബൈപാസ് റോഡിൽ ആളുകളെ ഇറക്കണം.
കുറവിലങ്ങാട് ഭാഗത്തുനിന്നുവരുന്ന വലിയ വാഹനങ്ങൾ ളാലം പുത്തൻപള്ളിയുടെ മുൻവശത്ത് ബൈപാസ് റോഡിൽ ആളെയിറക്കി നിർമാണത്തിലിരിക്കുന്ന ജംഗ്ഷൻ-അരുണാപുരം-ബൈപാസ് റോഡിലും ളാലം പുത്തൻപള്ളി ആർവി ജംഗ്ഷൻ റോഡിലും ഒരു വശത്തും പാർക്കുചെയ്യണം. കുറവിലങ്ങാട് ഭാഗത്തുനിന്നുവരുന്ന ചെറിയ വാഹനങ്ങൾ ളാലം പുത്തൻപള്ളിയുടെ മുൻവശത്ത് ആളെയിറക്കി ളാലം പുത്തൻപള്ളി മൈതാനം, കാർമൽ റസിഡൻഷ്യൽ സ്കൂൾ മൈതാനം, സെന്റ് തോമസ് കോളജ്, അൽഫോൻസാ കോളജ് ഗ്രൗണ്ടിൽ പാർക്കുചെയ്യേണ്ടതാണ്.
പൊൻകുന്നം
പൊൻകുന്നം ഭാഗത്തുനിന്നുവരുന്ന വാഹനങ്ങൾ പാലാ വലിയപാലത്തിങ്കൽ ആളുകളെയിറക്കി കുരിശുപള്ളി ജംഗ്ഷൻവഴി ളാലം പഴയപള്ളിയിൽ 1.45നു എത്തണം.
പൊൻകുന്നം ഭാഗത്തുനിന്നുവരുന്ന വലുതും ചെറുതുമായ വാഹനങ്ങൾ പാലാ വലിയപാലത്തിങ്കൽ ആളെയിറക്കി കത്തീഡ്രലിലെ പാർക്കിംഗ് മൈതാനത്ത് പാർക്കുചെയ്യണം.
രാമപുരം
രാമപുരം ഭാഗത്തുനിന്നുള്ള വാഹനങ്ങൾ (ഇലഞ്ഞി, രാമപുരം ഫൊറോനകൾ) പടവൻസ് സൂപ്പർ മാർക്കറ്റ് റോഡിൽ ആളുകളെയിറക്കണം. സൂപ്പർമാർക്കറ്റിന്റെ പിൻവശത്തുകൂടി സെന്റ് മേരീസ് സ്കൂളിലേക്കുള്ള വഴിയിലൂടെ ളാലം പഴയപള്ളി അങ്കണത്തിൽ എത്തുന്നു.
രാമപുരം ഭാഗത്തുനിന്നു വരുന്ന വലിയ വാഹനങ്ങൾ പടവൻസ് സൂപ്പർമാർക്കറ്റിന്റെ മുന്പിൽ ആളെയിറക്കി തൊടുപുഴ റോഡിലും പാലാ മാർക്കറ്റിംഗ് സൊസൈറ്റി മൈതാനത്തും പാർക്കു ചെയ്യണം
രാമപുരം ഭാഗത്തുനിന്നു വരുന്ന ചെറിയ വാഹനങ്ങൾ പടവൻസ് സൂപ്പർമാർക്കറ്റിന്റെ മുന്പിൽ ആളെയിറക്കി മാർക്കറ്റു ഭാഗത്ത് പാർക്കിംഗിലും മുണ്ടുപാലം മാർക്കറ്റിംഗ് സൊസൈറ്റി മൈതാനത്തും പാർക്കുചെയ്യണം.
ജാഥ ആരംഭിക്കുന്ന മൈതാനങ്ങൾ
സെന്റ് മേരീസ് എച്ച്എസ്എസ് മൈതാനം - പാലാ സോണിലെ വിവിധ റീജണിൽനിന്നുള്ള ആളുകൾ ഇവിടെ അതാതു റീജിയന്റെ ബാനറിനു പിന്നിൽ അണിനിരക്കണം. ളാലം പഴയപള്ളി അങ്കണം - ഇതര സോണുകളിൽനിന്നുള്ള ആളുകൾ അതാതു സോണുകളുടെ ബാനറിനു പിന്നിൽ അണിനിരക്കണം.
റാലിയുടെ ക്രമം
അനൗണ്സ്മെന്റ് വാഹനം, ചെണ്ട, ബാനർ, റാലി നയിക്കുന്ന നേതാക്കന്മാർ, 132 കൊടികൾ, 132 ഇരുചക്രവാഹനങ്ങൾ.ഇതിനു പിന്നിലായി വിവിധ സോണുകൾ: ക്രമം ഇങ്ങനെ തലശേരി, മാനന്തവാടി, താമരശേരി, പാലക്കാട്, തൃശൂർ, ഇരിങ്ങാലക്കുട, എറണാകുളം, കോതമംഗലം, ഇടുക്കി, കാഞ്ഞിരപ്പള്ളി, ചങ്ങനാശേരി, കോട്ടയം.
തുടർന്ന് പാലാ സോണിലെ വിവിധ റീജണുകൾ- മൂലമറ്റം, തുടങ്ങനാട്, കൂട്ടിക്കൽ, കോതനല്ലൂർ, തീക്കോയി, ഇലഞ്ഞി, കടുത്തുരുത്തി, പൂഞ്ഞാർ, മുട്ടുചിറ, കുറവിലങ്ങാട്, അരുവിത്തുറ, രാമപുരം, കടനാട്, പ്രവിത്താനം, ചേർപ്പുങ്കൽ, ഭരണങ്ങാനം, പാലാ കത്തീഡ്രൽ.
ഫോണ് നന്പരുകൾ:
ഫാ.സ്കറിയ വേകത്താനം (ഡിഎഫ്സി കോ-ഓർഡിനേറ്റർ പാലാ സോണ്) 9446121275, ഫാ. ജോസഫ് മേയിക്കൽ (റാലി ചെയർമാൻ) 9496336035 ബിജു മാത്യു കദളിയിൽ (കണ്വീനർ) 9447571750.