തിരുവനന്തപുരം: പ്രഫഷണൽ ബിരുദ കോഴ്സുകളുടെ അലോട്ട്മെന്‍റ് പ്രക്രിയയിൽ ഉൾപ്പെടുന്ന കോളജുകളെ സർക്കാർ കോളജുകൾ , സർക്കാർ നിയന്ത്രിത സ്വാശ്രയ കോളേജുകൾ, സ്വകാര്യ സ്വാശ്രയ കോളജുകൾ എന്നീ രീതിയിലും അവയിലെ വിവിധതരം സീറ്റുകൾ സർക്കാർ സീറ്റ് , മാനേജ്മെന്‍റ് സീറ്റ് തുടങ്ങിയ രീതിയിലും തരംതിരിച്ചിരിക്കുന്നു.
വിവിധ കോഴ്സുകളുടെ ഫീസ് ഘടന ചുവടെ:
വാർഷിക ഫീസ് ഘടന എൻജിനിയറിംഗ്
സർക്കാർ/എയ്ഡഡ് എൻജിനിയറിംഗ് കോളജുകൾ - 8225 രൂപ.
സർക്കാർ, കേരള സർവകലാശാലയുടെ നിയന്ത്രണത്തിലുള്ള സ്വാശ്രയ കോളജ് - ഗവ സീറ്റ് - 35,000, മാനേജ്മെന്‍റ് - 65,000
കോഴിക്കോട് സർവകലാശാലയുടെ നിയന്ത്രണത്തിലുള്ള സ്വാശ്രയ കോളജ് - മുഴുവൻ ഗവണ്‍മെന്‍റ് സീറ്റ് ഫീസ് - 35,000 രൂപ.
സെന്‍റർ ഫോർ പ്രൊഫഷണൽ ആൻഡ് അഡ്വാൻസ്ഡ് സ്റ്റഡീസിന്‍റെ കീഴിലുള്ള സ്വാശ്രയ കോളജ് - 95 ശതമാനം ഗവണ്‍മെന്‍റ് സീറ്റ്. ഫീസ് - 35,000 രൂപ.
എസ്‌സിടി കോളജ് ഓഫ് എൻജിനിയറിംഗ്, തിരുവനന്തപുരം - 50 ശതമാനം ഗവ. സീറ്റിൽ 35,000 രൂപ, 35 ശതമാനം മാനേജ്മെന്‍റ് സീറ്റിൽ 65,000 രൂപ.
അഗ്രികൾച്ചറൽ യൂണിവേഴ്സിറ്റിക്കു കീഴിലുള്ള കോളജ് - ബി.ടെക് അഗ്രി. എൻജിനിയറിംഗ് - 7,500 രൂപ. ഫുഡ് എൻജിനിയറിംഗ് ടെക്നോളജി 36,250 രൂപ.
വെറ്ററിനറി യൂണിവേഴ്സിറ്റിക്കു കീഴിലുള്ള കോളജുകളിൽ - 3410 രൂപ.
ഫിഷറീസ് ആൻഡ് ഓഷ്യൻ സ്റ്റഡീസ് യൂണിവേഴ്സിറ്റിക്കു കീഴിലുള്ള കോളജുകളിൽ 33,000 രൂപ.
കേരളാ സെൽഫ് ഫിനാൻസിംഗ് എൻജിനിയറിംഗ് കോളജ് മാനേജ്മെന്‍റ് അസോസിയേഷനു കീഴിലുള്ള സ്വകാര്യ സ്വാശ്രയ കോളജുകളിൽ 50 ശതമാനം സർക്കാർ സീറ്റ് - 25 ശതമാനം താഴ്ന വരുമാനക്കാർക്ക് ഫീസ് 50,000 രൂപ.
25 ശതമാനം മറ്റുള്ളവർക്ക് 50,000 രൂപയും 25,000 രൂപ വരെ സ്പെഷ്യൽഫീസ്.
നേവൽ ആർകിടെക്ചർ ആൻഡ് ഷിപ്പ് ബിൽഡിംഗ് കോഴ്സിന് 25 ശതമാനം താഴ്ന വരുമാനക്കാർക്ക് ഫീസ് 85,000 രൂപ. 25 ശതമാനം മറ്റുള്ളവർക്ക് 85,000 രൂപയും 50,000 രൂപ വരെ സ്പെഷൽഫീസ്.
കാത്തലിക് മാനേജ്മെന്‍റ് കോളജുകളിൽ 50 ശതമാനം സർക്കാർ സീറ്റിൽ 75,000 രൂപയും ഒരുലക്ഷം രൂപ തിരികെ നൽകുന്ന പലിശരഹിത നിക്ഷേപവും.
ആർകിടെക്ചർ
സർക്കാർ / എയ്ഡഡ് കോളജുകളിൽ 8,225 രൂപയും സ്വകാര്യ സ്വാശ്രയ കോളജുകളിൽ 25 ശതമാനം താഴ്ന വരുമാനക്കാർക്ക് ഫീസ് 55,000 രൂപ. 25 ശതമാനം മറ്റുള്ളവർക്ക് 55,000 രൂപയും 25,000 രൂപ വരെ സ്പെഷ്യൽഫീസ്.
സർക്കാർ ഫാർമസി കോളജ് - 15,000 രൂപ.
എംബിബിഎസ്
സർക്കാർ മെഡിക്കൽ കോളജ് - 25,000 രൂപ.
സ്വാശ്രയ മെഡിക്കൽ കോളജുകളിൽ 85 ശതമാനം സർക്കാർ സീറ്റിൽ 5,32,00 രൂപ മുതൽ 6,53, 860 രൂപ വരെ നൽകണം. ഇതിൽ എൻആർഐ സീറ്റിൽ ഇരുപത് ലക്ഷം രൂപയാണ് ഫീസ്.
ബിഡിഎസ്
സർക്കാർ ഡന്‍റൽ കോളജുകളിൽ 23,000 രൂപ.
സ്വകാര്യ സ്വാശ്രയ ഡന്‍റ്ൽ കോളജുകളിൽ 3,04,500 രൂപ. പരിയാരം ഡന്‍റൽ കോളജിൽ 2,50,000 രൂപ. എൻആർഐ സീറ്റിൽ ആറ് ലക്ഷം രൂപ.
ആയുർവേദം
സർക്കാർ/എയ്ഡഡ് ആയുർവേദ കോളജുകളിൽ 12,000 രൂപ.
അനുബന്ധ കോഴ്സുകൾ
ബിഎസ്‌സി ഫോറസ്ട്രി - 7,500 രൂപ.
വെറ്ററിനറി ആൻഡ് ആനിമൽ സയൻസ് - 19,800 രൂപ.
ഫിഷറീസ് സയൻസ് - 6,050 രൂപ.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.