ഇറാക്കിൽ കാണാതായ ഇന്ത്യക്കാർ ജയിലിലായിരിക്കാമെന്നു സുഷമ സ്വരാജ് : Deepika.com National News |

Click here for detailed news of all items

ഇറാക്കിൽ കാണാതായ ഇന്ത്യക്കാർ ജയിലിലായിരിക്കാമെന്നു സുഷമ സ്വരാജ്

Sunday, July 16, 2017 11:30 AM IST

ന്യൂഡൽഹി: ഇറാക്കില്‍നിന്ന് കാണാതായ ഇന്ത്യക്കാര്‍ ബാദുഷ് ജയിലിലായിരിക്കാമെന്ന് വിദേശകാര്യ മന്ത്രി സുഷമാ സ്വരാജ്. 2014 ല്‍ കാണാതായ 39 ഇന്ത്യക്കാരുടെ ബന്ധുക്കളുമായി നടത്തിയ കൂടിക്കാഴ്ചയിലാണ് സുഷമ സ്വരാജ് ഇക്കാര്യ വ്യക്തമാക്കിയത്. മൊസൂള്‍ നഗരം ഇസ്‌ലാമിക് സ്റ്റേറ്റ് ഭീകരരിൽനിന്നു മോചിപ്പിച്ചതായി ഇറാക്ക് പ്രധാനമന്ത്രി പ്രഖ്യാപിച്ചതിനെത്തുടർന്ന് വിദേശകാര്യ സഹമന്ത്രി വി. കെ. സിംഗ് ഇറാക്ക് സന്ദർശിച്ചിരുന്നു. ഈ സന്ദർശനത്തിൽ ലഭിച്ച വിവരത്തിന്‍റെ അടിസ്ഥാനത്തിലാണ് കാണാതായവർ ജയിലിലുണ്ടാവുമെന്ന് വ്യക്തമായതെന്ന് സുഷമ സ്വരാജ് പറഞ്ഞു.

ബാദുഷ് ഗ്രാമം ഇപ്പോഴും ഐഎസിന്‍റെ നിയന്ത്രണത്തിൽത്തന്നെയാണ്. തട്ടിക്കൊണ്ടുപോയ ഇന്ത്യക്കാരെ ആദ്യം ഒരു ആശുപത്രിയുടെ നിര്‍മാണത്തിന് ഉപയോഗിച്ചുവെങ്കിലും പിന്നീട് അവരെ ഫാം ഹൗസിലേക്കും ഒടുവില്‍ ബാദുഷ് ജയിലിലേക്കും മാറ്റുകയായിരുന്നുവെന്നാണ് ലഭ്യമായിരിക്കുന്ന വിവരം. ഇറാക്ക് സന്ദർശനം പൂർത്തിയാക്കി മന്ത്രി വി.കെ. സിംഗ് മടങ്ങിയെത്തിയതിനു പിന്നാലെയാണ് കാണാതായവരുടെ കുടുംബങ്ങളുമായി സുഷമസ്വരാജ് ഡൽഹിയിൽ കൂടിക്കാഴ്ച നടത്തിയത്. കേന്ദ്രമന്ത്രിമാരായ എം. ജെ. അക്ബര്‍, ജനറല്‍ വി. കെ സിംഗ് എന്നിവരും യോഗത്തിൽ പങ്കെടുത്തു.

ഏതാനും നാളുകൾക്കു മുന്പാണു മൊസൂൾ നഗരം ഐഎസിൽനിന്നു ഇറാക്ക് സൈന്യം മോചിപ്പിക്കുന്നത്. ബാദുഷിൽ ഇപ്പോഴും ഐഎസും സൈന്യവും തമ്മിൽ പോരാട്ടം നടന്നുകൊണ്ടിരിക്കുകയാണ്. പോരാട്ടം അവസാനിച്ച ശേഷം മാത്രമേ കാണാതായവരെക്കുറിച്ചു കൂടുതല്‍ വിവരങ്ങള്‍ ലഭിക്കുകയുള്ളുവെന്നാണു സുഷമ അറിയിച്ചത്.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.