ഇടിവളകൊണ്ട് മുഖത്തിടിച്ചു; മെഡിക്കൽ കോളജിൽ ജീവനക്കാരിക്ക് രോഗിയുടെ മർദനം
Tuesday, April 30, 2024 3:45 PM IST
തിരുവനന്തപുരം: തലസ്ഥാനത്ത് മെഡിക്കൽ കോളജിൽ ജീവനക്കാരിക്ക് രോഗിയുടെ മർദനം. എംആർഐ സ്കാനിംഗ് വിഭാഗത്തിലെ ജീവനക്കാരി ജയകുമാരിക്കാണ് (57) മർദനമേറ്റത്.
അക്രമം നടത്തിയ പൂവാർ സ്വദേശി അനിലിനെ പോലീസ് കസ്റ്റഡിയിലെടുത്തു. സ്കാനിംഗിനു തീയതി നൽകിയില്ലെന്ന പേരിൽ വാക്കുതർക്കമുണ്ടായതിനു പിന്നാലെ അനിൽ ജീവനക്കാരിയെ ആക്രമിക്കുകയായിരുന്നു.
ഇടിവള കൊണ്ട് ഇടിയേറ്റ് മുഖത്തെ എല്ലുകൾ പൊട്ടിയ ജയകുമാരിയെ അത്യാഹിത വിഭാഗത്തിൽ പ്രവേശിപ്പിച്ചു.