Home   | Editorial   | Latest News   | Local News   | Kerala   | National   | International   | Business   | Sports   | Obituary   | NRI News   | Big Screen   | Health
| Back To Cinema |


തിരിച്ചടികളെ നേരിട്ട് വീണ്ടും മീര വാസുദേവ്
തന്മാത്ര എന്ന സിനിമയും അതിലെ മീരാ വാസുദേവ് എന്ന നടിയേയും മലയാളികൾ മറക്കുമെന്നു തോന്നുന്നില്ല. അത്രയ്ക്കും ഇംപാക്ട് സൃഷ്ടിച്ച ഈ സിനിമയിലൂടെ മികവുറ്റ അഭിനേത്രിയെന്ന പേരുനേടിയെടുക്കാൻ മീരാവാസുദേവിനു കഴിഞ്ഞു. പക്ഷേ തന്മാത്രയ്ക്ക് ശേഷം അതുപോലൊരു തിളങ്ങുന്ന കഥാപാത്രം മീരയ്ക്ക് ലഭിച്ചില്ല. ഒട്ടേറെ പ്രതിബന്ധങ്ങളേയും തിരിച്ചടികളേയും നേരിട്ടാണ് ഈ മുംബൈക്കാരി കരിയറിലും ജീവിതത്തിലും പിടിച്ചു നിന്നത്. ഇന്നിപ്പോൾ ഉറച്ച തീരുമാനങ്ങളുമായാണ് മീര എത്തുന്നത്. മലയാളത്തെ ഏറെ സ്നേഹിക്കുന്ന, കേരളത്തിൽ താമസമാക്കാൻ കൊതിക്കുന്ന, മലയാളത്തിൽ സിനിമ സംവിധാനം ചെയ്യാൻ ആഗ്രഹിക്കുന്ന മീരാ വാസുദേവ് തന്റെ അനുഭവങ്ങൾ പങ്കുവയ്ക്കുയാണ്. നവാഗതനായ ടോണി ചിറ്റേട്ടുകളം സംവിധാനം ചെയ്യുന്ന ചക്കരമാവിൻ കൊമ്പത്ത് എന്ന ചിത്രത്തിലൂടെയാണ് മീരയുടെ തിരിച്ചുവരവ്. ആറു വർഷത്തിനുശേഷമുള്ള തിരിച്ചുവരവിൽ മീര ഏറെ ആത്മവിശ്വാസത്തിലാണ്.

നീണ്ട ഇടവേളക്കുശേഷമാണല്ലോ വീണ്ടും സിനിമയിലേക്ക്?

ആറുവർഷത്തെ ഗ്യാപ്പിനുശേഷമാണ് അഭിനയരംഗത്ത് എത്തുന്നത്. കുടുംബത്തിൽ ശ്രദ്ധിക്കുകയായിരുന്നു ഇതുവരെ. എനിക്കൊരു മകനുണ്ട്, രണ്ടര വയസായി. കുഞ്ഞ് കുറച്ചു വളർന്നതിനുശേഷം കരിയറിൽ ശ്രദ്ധിച്ചാൽ മതി എന്നു തീരുമാനിച്ചതിനാലാണ് സിനിമയിൽനിന്നു മാറി നിന്നത്. ഇപ്പോൾ എന്റെ അച്ഛനും അമ്മയും കുഞ്ഞിനെ നോക്കിക്കൊള്ളും. എനിക്കു കുറച്ചുകൂടി സ്വാതന്ത്ര്യമായി. സിനിമ എന്റെ എക്കാലത്തേയും വലിയ പാഷനാണ്. അഭിനയം എനിക്ക് ലഹരിയാണ്. അഭിനയിക്കുന്തോറും കൂടുതൽ കൂടുതൽ അഭിനയിക്കാനുള്ള ആഗ്രഹം. വളരെ വ്യത്യസ്തമായ ഒരു ഗെറ്റപ്പിലാണ് എന്റെ തിരിച്ചു വരവ്. ഈ പടത്തിൽ ഒരു ഡോക്ടർ കഥാപാത്രമാണെനിക്ക്. കുറച്ച് നെഗറ്റീവായ കാര്കടർ. മകനെ വേണ്ടവിധം നോക്കാൻ സമയം കണ്ടെത്താത്ത ‘അഗ്രസീവ് കരിയർ ഓറിയന്റഡ് വുമൺ’ ആണ് ഈ ചിത്രത്തിലെ ഡോക്ടർ കാരക്ടർ. വളരെ സാമൂഹിക പ്രധാന്യമുള്ളൊരു കഥാപാത്രമാണിത്. എന്റെ ജീവിതമെടുത്താൽ രണ്ടര വയസുള്ള മകനെ വിട്ടു നിന്നാണ് അഭിനയിക്കാൻ എത്തിയിരിക്കുന്നത്. രാവിലെയും വൈകിട്ടും ഇടവേളകളിലുമെല്ലാം അവനുമായി വാട്ട്സ് ആപ് വീഡിയോ കോൾ നടത്തും. അങ്ങനെ എല്ലാം ബാലൻസ് ചെയ്തേ നമുക്ക് കരിയർ കൊണ്ടുപോകാനൊക്കൂ. ഈ സിനിമ പറയുന്നതും അത്തരമൊരു സന്ദേശമാണ്. രണ്ടാം വരവിൽ ഞാൻ ഏറെ സന്തുഷ്ടയാണ്. സംവിധായകൻ ടോണിയുമായി രണ്ടു വർഷം മുമ്പേ പരിചയമുണ്ട്. സെറ്റിലുള്ള എല്ലാവരുമായും നല്ല ബന്ധമാണുള്ളത്. എല്ലാവരും ഒരു കുടുംബത്തിലെന്നപോലെയാണ് പെരുമാറുന്നത്. ആഡ് ഫിലിംമേക്കർ സ്ലീബാ വർഗീസാണ് എന്റെ മാനേജർ. ഞങ്ങളുടെ ഏറ്റവും അടുത്ത കുടുംബ സുഹൃത്തു കൂടിയാണ് സ്ലീബ. അദ്ദേഹവുമായി ചർച്ച ചെയ്താണ് ഞാൻ സിനിമകൾ തെരഞ്ഞെടുക്കുന്നതും. ഈ പടത്തെക്കുറിച്ച് ഞങ്ങൾക്കെല്ലാം വലിയ പ്രതീക്ഷയാണുള്ളത്.

മീര അവസാനം മലയാളത്തിൽ അഭിനയിച്ചത് 916 എന്ന സിനിമയിലായിരുന്നല്ലോ... അതുമായി ബന്ധപ്പെട്ട് ചില വിവാദങ്ങളും വന്നല്ലോ?

വളരെ നെഗറ്റീവായ ഒരു എക്സ്പീരിയൻസായിരുന്നു ആ സിനിമയുടെ സെറ്റിലുണ്ടായത്. വളരെ മോശം ട്രീറ്റ്മെന്റ്. സംവിധായകനും ആ പടത്തിന്റെ ക്രൂവും എന്നെ ചതിച്ചു. പണത്തിന്റെ കാര്യത്തിലും ഡേറ്റിന്റെ കാര്യത്തിലുമെല്ലാം അവർ എന്നെ പറ്റിച്ചു. 15 ദിവസം ഡേറ്റ് വാങ്ങിയിട്ട് മൂന്നു ദിവസം കൊണ്ട് ഷൂട്ടിംഗ് തീർത്ത് പ്രതിഫലവും തരാതെ അവർ എന്നെ വിട്ടു. നല്ലൊരു പാഠം അതിൽ നിന്നു പഠിച്ചു. എന്റെ കരിയറിലെ ഏറ്റവും മോശം എക്സ്പീരിയൻസായിരുന്നു അത്. ചതിയിലൂടെ നമുക്ക് ഒന്നും നേടാനാവില്ലന്ന് അവർ മനസിലാക്കട്ടെ. എന്റെ കരിയറിനേയും പ്രശസ്തിയേയും അവർ ദുരുപയോഗം ചെയ്യുകയായിരുന്നു.

മലയാളത്തിലൂടെയാണല്ലോ രണ്ടാം വരവും?

അതെ മലയാളത്തിൽ അഭിനയിക്കാനും സംവിധാനം ചെയ്യാനും എനിക്ക് പദ്ധതിയുണ്ട്. മറ്റു ഭാഷകളേക്കാൾ മലയാളത്തിൽ നിൽക്കാനാണ് എനിക്കു താൽപര്യം. സംവിധാനത്തിലേക്കു തിരിയണമെന്നും എനിക്കുണ്ട്. അങ്ങനെയെങ്കിൽ മലയാളത്തിലായിരിക്കും ആദ്യം ചെയ്യുക. ഇപ്പോൾ ഒരു മറാത്തി സിനിമയുടെ തിരക്കഥ ഞാനെഴുതി. സംവിധായകനൊപ്പം അസോസിയേറ്റായി പ്രവർത്തിക്കുകയും ചെയ്തു. അതൊരു നല്ല എക്സ്പീരിയൻസായിരുന്നു. എന്തായാലും മലയാളത്തിൽ തുടരാനാണ് ഇനി താൽപര്യം. ആറു വർഷം മാറി നിന്നിട്ടും എവിടെ മലയാളികളെ കണ്ടാലും അവരെന്നെ തിരിച്ചറിയുകയും തന്മാത്രയെക്കുറിച്ച് സംസാരിക്കുകയും ചെയ്യും. മലയാളികളിൽ നിന്നു ലഭിച്ച ആ സ്നേഹം മൂലമാണ് 916 ൽ നിന്ന് എനിക്കു ലഭിച്ച മോശം അനുഭവങ്ങൾ മറക്കാനും വീണ്ടും ഇങ്ങോട്ടു വരാനും എനിക്കു തോന്നിയത്. കേരളം എനിക്ക് ജന്മനാട് പോലെയാണ്. ഇവിടെ ഒരു വീടുവാങ്ങാനും താമസിക്കാനും എനിക്ക് പലപ്പോഴും തോന്നാറുണ്ട്.

മീരാവാസുദേവ്... മലയാളിയാണോ തമിഴാണോ അതോ മുംബൈക്കാരിയോ... പലർക്കും സംശയമുണ്ട്?

ഞങ്ങൾ തമിഴ് ബ്രാഹ്മണമാരാണ്. എന്നാൽ ജനിച്ചതും വളർന്നതുമെല്ലാം മുംബൈയിലാണ്. അച്ഛനും അമ്മയും അവിടെ ഉദ്യോഗസ്‌ഥരായിരുന്നു. റിട്ടയർ ചെയ്തു. ഇപ്പോൾ ഞാൻ ഷൂട്ടിംഗിനു വരുമ്പോൾ കുഞ്ഞിനെ നോക്കുന്നത് അവരാണ്. എന്റെ ബന്ധുക്കളെല്ലാം മുംബൈയിലാണ്.

കരിയറിന്റെ തുടക്കം എങ്ങനെയായിരുന്നു?

എന്റെ നിശ്ചയദാർഡ്യം ഒന്നുകൊണ്ടു മാത്രമാണ് ഈ രംഗത്ത് പിടിച്ചു നിൽക്കാനായത്. അഞ്ഞൂറോളം പരസ്യ ചിത്രങ്ങളുടെ സ്ക്രീൻ ടെസ്റ്റിനു പോയിട്ടുണ്ട്. എവിടെ ചെന്നാലും ഓരോ കാരണങ്ങൾ പറഞ്ഞ് അവർ ഒഴിവാക്കും. പക്ഷേ ഞാൻ ശ്രമം ഉപേക്ഷിച്ചില്ല. എന്റെയുള്ളിലെ ഫയർ എനിക്കു തിരിച്ചറിനാകുമായിരുന്നു. എനിക്ക് എന്തെങ്കിലുമൊക്കെ ചെയ്യാ സാധിക്കുമെന്ന് നല്ല ഉറപ്പുണ്ടായിരുന്നു. പലപ്പോഴും ഈ തിരിച്ചടികളാണ് എന്നെ ശക്‌തയാക്കിയത്. ഇന്ന് ഞാൻ ഇമോഷണലി, മെന്റലി എല്ലാം വളരെ സ്ട്രോംഗ് ആണ്. മോഡലിംഗിൽ ഞാൻ പതുക്കെ ക്ലിക്കായി. അവാർഡുകൾ ലഭിച്ചു. അങ്ങനെയാണ് സിനിമയിലേക്കു വഴിതുറന്നത്. പാർവതി ബാലഗോപാലൻ എന്ന മലയാളി ചെയ്ത ഹിന്ദി ചിത്രം. 2003ൽ റിലീസായ ചിത്രത്തിന്റെ പേര് റൂൾസ് പ്യാർ കാ ഫോർമുല. കോമഡിയും റൊമാൻസുമെല്ലാം ചേർന്ന ചിത്രം വിജയിക്കുകയും ചെയ്തു. അതിനുശേഷമാണ് സമുദ്രക്കനി സംവിധാനം ചെയ്ത ഉന്നേ ശരണമടന്തേൻ എന്ന തമിഴ് ചിത്രം ചെയ്തത്. ആ ചിത്രത്തിലെ അഭിനയത്തിന് മികച്ച നടിക്കുള്ള തമിഴ്നാട് സംസ്‌ഥാന അവാർഡ് ലഭിച്ചു. അതിനുശേഷമാണ് ബ്ലസിസാർ തന്മാത്രയിലേക്കു വിളിക്കുന്നത്. ബോളിവുഡിലാണ് തുടങ്ങിയതെങ്കിലും തമിഴിൽ നിന്നും മലയാളത്തിൽ നിന്നും ഓഫറുകൾ വന്നതോടെ ദക്ഷിണേന്ത്യയിലേക്കു കൂടുതൽ ശ്രദ്ധ കേന്ദ്രീകരിച്ചു.

തന്മാത്രയിലേക്കുള്ള വരവ്... വളരെ ഹെവിയായ ഒരു റോൾ. മോഹൻലാലിന്റെ നായികയായി?

പ്രീതി മിക്സിയുടെ പരസ്യത്തിൽ എന്നെ കണ്ടാണ് ബ്ലസിസാർ വിളിച്ചത്. കഥ കേട്ടു. മോഹൻലാലിനെപ്പോലൊരു ലെജൻഡാണ് നായകൻ എന്നു കൂടി പറഞ്ഞപ്പോൾ വലിയ ത്രില്ലിലായിരുന്നു. കഥയ്ക്ക് വളരെ ആവശ്യമായ ചില കിടപ്പറ രംഗങ്ങൾ ചിത്രത്തിലുണ്ടാവുമെന്ന് ബ്ലസിസാർ ആദ്യം തന്നെ പറഞ്ഞിരുന്നു. വിവാദങ്ങളുണ്ടാവാൻ സാധ്യതയുണ്ടെന്നു തോന്നിയിരുന്നു. പക്ഷേ ആ വെല്ലുവിളി ഞാൻ ഏറ്റെടുത്തു. മോഹൻലാൽ സാറിന്റെ ഒരു പടത്തിൽ അത്തരം രംഗങ്ങൾ എത്ര കലാപരമായി ചിത്രീകരിക്കുമെന്ന് എനിക്കറിയാമായിരുന്നു. എനിക്ക് വളരെ കംഫർട്ടബളായ രീതിയിലാണ് ബ്ലസിസാർ അതു ചിത്രീകരിച്ചത്. സംവിധായകനും കാമറമാനും അടക്കം വളരെ കുറച്ചുപേർ മാത്രമേ ചിത്രീകരണ സമയത്ത് റൂമിലുണ്ടായിരുന്നുള്ളൂ. അതു ഞാൻ വച്ച നിർദേശമായിരുന്നു. ആ സീൻ കണ്ട് ആരും മോശം പറഞ്ഞില്ല. ആ സീനായിരുന്നു ചിത്രത്തിന്റെ ടേണിംഗ് പോയിന്റ്. തന്മാത്ര ചെയ്യുമ്പോൾ 23 വയസായിരുന്നു എനിക്ക്. 38 വയസുകാരിയുടെ ലുക്ക് ആയിരുന്നു വേണ്ടിയിരുന്നത്. ഒരു സാധാരണ വീട്ടമ്മയുടെ ഇമേജിലേയ്ക്ക് എന്നെ മാറ്റിയെടുത്തു.

തന്മാത്രയ്ക്കു ശേഷം കുറെ മലയാളസിനിമകൾ ചെയ്തെങ്കിലും ആദ്യ ചിത്രത്തിന്റെ തിളക്കം ലഭിച്ചില്ലല്ലോ?

എനിക്ക് മലയാളം പുതിയ ഇൻഡസ്ട്രിയായിരുന്നു. ആ സമയത്ത് കരിയർ മാനേജ് ചെയ്യാൻ ആരുമില്ലായിരുന്നു. നല്ലൊരു ഗൈഡൻസ് ലഭിച്ചില്ല. അതുകൊണ്ടു തന്നെ പല സിനിമകളും ശ്രദ്ധിക്കപ്പെടാതെ പോയി. അതുകൊണ്ടാണ് സ്ലീബാസാറിനെ ഇപ്പോൾ മാനേജരായി വച്ചിരിക്കുന്നത്. അദ്ദേഹത്തിന്റെ സഹായത്തോടെയാണ് ഇപ്പോൾ സിനിമകൾ സെലക്ട് ചെയ്യുന്നത്.

ഇനിയുള്ള കരിയർ എങ്ങനെയാണ് പ്ലാൻ ചെയ്യുന്നത്?

മലയാളത്തിൽ പൂർണമായും ശ്രദ്ധിക്കാനാണ് തീരുമാനം. മലയാളത്തിൽ ഒരു സിനിമ സംവിധാനം ചെയ്യാനും പ്ലാനുണ്ട്. ചില സബ്ജക്ടുകളുണ്ട്. ഇപ്പോൾ പറയാൻ കഴിയില്ല. സാങ്കേതികമായും എനിക്ക് അത്യാവശ്യം അറിവുകളുണ്ട്.

സ്വകാര്യ ജീവിതത്തിൽ ഒട്ടേറെ തിരിച്ചടികൾ ഉണ്ടായിട്ടുണ്ടല്ലോ. ആദ്യ വിവാഹം വലിയൊരു ദുരന്തമായി. രണ്ടാമത്തെ വിവാഹവും ഇപ്പോൾ വഴിപിരിഞ്ഞിരിക്കുന്നു. ഒരു സ്ത്രീയെന്ന നിലയിൽ എങ്ങനെ ഇതിനെയെല്ലാം നേരിട്ടു?

ചെറുപ്പത്തിൽ ലൈംഗിക ചൂഷണത്തിനു വിധേയമായ വ്യക്‌തിയാണ് ഞാൻ. ഏഴാം വയസിലൊക്കെ അത്തരം അനുഭവം എനിക്കുണ്ടായിട്ടുണ്ട്. വീട്ടിലെ ജോലിക്കാർ, ട്യൂഷൻ പഠിപ്പിച്ച വളരെ പ്രായമുള്ള മനുഷ്യൻ, പ്ലേ സ്കൂളിലെ ടീച്ചറിന്റെ ഭർത്താവ് ഇങ്ങനെ പലരും ചെറുപ്രായത്തിൽ എന്നെ ചൂഷണം ചെയ്തിട്ടുണ്ട്. ഇതൊന്നും ഞാൻ മാതാപിതാക്കളോടു പറഞ്ഞിരുന്നില്ല. കുട്ടിയായിരുന്നതിനാൽ എങ്ങനെ എക്സ്പ്രസ് ചെയ്യണമെന്ന് എനിക്കറിയില്ലായിരുന്നു. അതുകൊണ്ടാണ് ഞാൻ പറയുന്നത് ലൈംഗിക വിദ്യാഭ്യാസം വളരെ അത്യാവശ്യമാണെന്ന്. അത് മാതാപിതാക്കൾക്കും കുട്ടികൾക്കും വേണം. ഞാനിപ്പോൾ ഡക്കാൺ ക്രോണിക്കിൾ എന്ന പത്രത്തിൽ ഒരു കോളം ചെയ്യുന്നുണ്ട്. അതിൽ ഇതെല്ലാം പരാമർശിച്ചിട്ടുണ്ട്.

വിവാഹം കഴിഞ്ഞപ്പോഴാകട്ടെ ശരിക്കും ഗാർഹിക പീഡനം തന്നെയായിരുന്നു.ആദ്യത്തെ വിവാഹം എന്നെ സംബന്ധിച്ച് ഇപ്പോഴും ഒരു പേടി സ്വപ്നമാണ്. ശാരീരകമായും മാനസികമായും ഒട്ടേറെ പീഡനങ്ങൾ ഏറ്റു. പോലീസ് സംരക്ഷണയിലാണ് ഞാൻ അവിടെ നിന്നു രക്ഷപെട്ടത്. 2005ലായിരുന്നു വിവാഹം. 2007–ൽ പിരിഞ്ഞു. ജീവിതത്തിലെ കറുത്ത അധ്യായമായിരുന്നു അത്. കാമറാമാൻ അശോക്കുമാറിന്റെ മകനായിരുന്നു. അയാൾ മദ്യപാനിയും മാനസിക പ്രശ്നങ്ങളുമുള്ളയാളാണെന്നും എനിക്കറിയില്ല. ഒരു സിനിമയുടെ സെറ്റിൽ വച്ച് വിവാഹം കഴിക്കാൻ താൽപര്യപ്പെട്ടു വന്നു. അയാൾ ചെന്നൈയിലും ഞാൻ മുംബൈയിലുമായിരുന്നതിനാൽ അയാളെക്കുറിച്ചുള്ള ഡീറ്റയിൽസൊന്നും അറിയില്ലായിരുന്നു. നാലു വർഷത്തിനുശേഷമാണ് ഞാൻ ജോണിനെ വിവാഹം കഴിച്ചത്. ജോൺ തൃശൂർക്കാരൻ മലയാളിയാണ്. നല്ലയാളാണ്. ഞങ്ങൾ പിരിഞ്ഞെങ്കിലും നല്ല സുഹൃത്തുക്കളാണ്. ഞങ്ങൾക്ക് തമ്മിൽ ശത്രുതയില്ല. കുഞ്ഞിനു വേണ്ടി ഞങ്ങൾ ഒരുമിച്ചാണ്. പിന്നെ എന്തുകൊണ്ടു പിരിഞ്ഞു എന്നു ചോദിച്ചാൽ അതൊക്കെ മീഡിയായിൽ പറഞ്ഞ് വെറുതെ എന്തിന് പ്രശ്നങ്ങളുണ്ടാക്കണം. അതു കുഞ്ഞിനെ ദോഷകരമായി ബാധിക്കും.

ഇനി കരിയറിൽ പൂർണമായും ശ്രദ്ധിച്ച് ജീവിതം മുന്നോട്ടു കൊണ്ടുപോകണം. അതിനു പറ്റിയ ഒരു തുടക്കമാണ് ചക്കരമാവിൻ കൊമ്പത്ത് എന്ന ചിത്രം. വളരെ സെലക്ടീവായി നല്ല സിനിമകൾ ചെയ്യണം. ഒപ്പം വലിയൊരു സ്വപ്നമാണ് മലയാളത്തിൽ പടം സംവിധാനം ചെയ്യണമെന്നത്. അതിനുള്ള തയാറെടുപ്പിലാണ് ഞാൻ.

–ബിജോ ജോ തോമസ്

അടിച്ചുപൊളിക്കാം... അങ്കമാലിക്കാർക്കൊപ്പം
ഒരു ദേശത്തിന്‍റെ കഥ പറയുക എന്നതു സാഹിത്യത്തിലും സിനിമയിലും ദുഷ്കരമായ കാര്യമാണ്.
എന്തുകൊണ്ട് മാറി നിന്നു?
പാത്രാവിഷ്കാര മിക വുകൊണ്ടു നമ്മുടെ മനസിൽ ഇടംനേടിയ ചലച്ചിത്ര താരങ്ങൾ ഒരുപിടിയുണ്ട്.
അലമാര
അവർ പ്രണയിച്ചു വിവാഹം കഴിച്ചവരാണ്. വിവാഹത്തിനുശേഷം വരന്‍റെ വീട്ടിൽ എത്തിയ അലമാര മൂലം അവരുടെ
ഗിരീഷ് ഗംഗാധരൻ
തിരക്കഥയ്ക്കുവേണ്ടി പശ്ചാത്തലമൊരുക്കുന്ന രീതി മാത്രമല്ല ഇന്നു സിനിമയിലുള്ളത്. മറിച്ച് ആരെയും ആകർഷിക്കുന്
മികവിന്‍റെ അഞ്ജലി ടച്ച്
ഉത്തരവാദിത്വം അഭിനയിക്കുക എന്നതാണ്. അത് ഒരു സീനാണെങ്കിലും നൂറു സീനാണെങ്കിലും ചെയ്യണം.
അഡ്വഞ്ചർ ഓഫ് ഓമനക്കുട്ടൻ
ആസിഫലി, ഭാവന എന്നിവർ കേന്ദ്രകഥാപാത്രങ്ങളാകുന്ന പുതിയ ചിത്രമാണ് അഡ്വഞ്ചർ ഓഫ് ഓമനക്കുട്ടൻ.
നാണംകെട്ട് മലയാള സിനിമ
മലയാളസിനിമാരംഗം ഇപ്പോൾ എല്ലാ അർത്ഥത്തിലും പ്രതിരോധ വലയത്തിലാണ്. സിനിമയുടെ ചരിത്രത്തിൽ
കേരള ഡോട്ട് കോം
കേരളത്തിന്‍റെ ദൃശ്യഭംഗിയും സാംസ്കാരിക തനിമയും കേരള ഡോട്ട് കോം എന്ന ചിത്രത്തിലൂടെ പ്രേക്ഷകർക്കുമുന്നിലെത്തിക്കുകയാണ്
അങ്കമാലി ഡയറീസ്
ഫ്രൈഡേ ഫിലിംസും പ്രശസ്ത സംവിധായകൻ ലിജോ ജോസ് പല്ലിശേരിയും ചേർന്നവതരിപ്പിക്കുന്ന ചിത്രമാണ് അങ്കമാലി ഡയറീസ്.
കിഷോറിനെ നിങ്ങൾ അറിയും
വർഷങ്ങളായി പരിചിതമായ മുഖമാണ് കിഷോറിന്റേത്. അതു സിനിമയിലൂടെയും പരമ്പരകളിലൂടെയുമല്ല
കാമറ സ്ലോട്ട്– സി.കെ. മുരളീധരൻ
പ്രാദേശിക ഭാഷാ സിനിമകളിൽ എത്രമാത്രം അംഗീകാരങ്ങൾ നേടിയാലും മിക്കവാറും എല്ലാവരും മനസിൽ കൊണ്ടുനടക്കുന്ന
ചക്കരമാവിൻ കൊമ്പത്ത്
‘പുഴയിൽ നിന്നും മണൽ വാരരുത്, അതു പുഴയെ വേദനിപ്പിക്കുന്നു’ ആലി മമ്മുക്കയുടെ ലോകത്തിനോടുള്ള ഉപദേശമാണിത്
ക്ലാസിക് ഹൊറർ എസ്ര
ഭയത്തിന്റെ നെരിപ്പോടിൽ ഭീതിയുടെ നിഴലനക്കവുമായി, അവൻ, എസ്ര..! എ.ഡി 1941–ൽ നിന്നും ഇരുപത്തിയൊന്നാം
തിരിച്ചടികളെ നേരിട്ട് വീണ്ടും മീര വാസുദേവ്
തന്മാത്ര എന്ന സിനിമയും അതിലെ മീരാ വാസുദേവ് എന്ന നടിയേയും മലയാളികൾ മറക്കുമെന്നു തോന്നുന്നില്ല.
വീരം
ചതിയൻ ചന്തുവിന്‍റെ കഥ പറഞ്ഞ് ജയരാജിന്‍റെ വീരം എത്തി. ജയരാജ് സംവിധാനം ചെയ്യുന്ന
സച്ചിയുടെ സിനിമായാത്രകൾ....
ഹൈക്കോടതിയി ലെ പേരെടുത്ത അഭിഭാഷകനായിരുന്നപ്പോഴും സച്ചിയുടെ മനസു നിറയെ സിനിമയായിരുന്നു.
നന്മ പകരുന്ന സുവിശേഷങ്ങൾ...
പാഠങ്ങൾ പകർന്നാണ് ഓരോ സുവിശേഷങ്ങളും നമുക്കു മുന്നിലെത്തുന്നത്. ജീവിതവും പ്രതീക്ഷയും അതിജീവനവും
കാപ്പുചിനോ
അനീഷ് ജി. നായർ, അൻവർ റഷീദ്, നടാഷ, അനീറ്റ എന്നിവരെ കേന്ദ്ര കഥാപാത്രങ്ങളാക്കി നവാഗതനായ നൗഷാദ് സംവിധാനംചെയ്യുന്ന ചിത്രമാണ് കാപ്പുചിനോ.
ഹലോ ദുബായ്ക്കാരൻ
പത്തു വയസുള്ളപ്പോൾതന്നെ മനസിൽ കടന്നുകൂടിയ ഒരു മോഹമാണ് ദുബായിയിൽ പോകണമെന്ന്.
ഷെഹ്നാദ് ജലാൽ
യഥാർഥ വസ്തുവിന്റെ നൈർമല്യം നഷ്ടപ്പെടാതെ അകൃത്രിമമായി വേണം അതിന്റെ പ്രതിച്ഛായ സൃഷ്ടിക്കേണ്ടതെന്ന ബോധ്യമാണ് ഷെഹ്നാദ് ജലാൽ എന്ന യുവ ഛായാഗ്രാഹകനെ
പവിയേട്ടന്‍റെ മധുരച്ചൂരൽ
ചന്ദനപ്പാറ മലയോര ഗ്രാമത്തിലെ പവിത്രൻ മാഷും ആനി ടീച്ചറും ദമ്പതിമാരാണ്. വ്യത്യസ്ത മതവിശ്വാസികളായിരുന്ന
ലെസ് മിസറബിൾസ്
വ്യത്യസ്തമായ ആഖ്യാനത്തിനൊപ്പം സംസ്കാരവും ചരിത്രവും ഇടകലരുന്ന കഥാതന്തുവും പാത്രാവിഷ്കരണത്തിലെ വൈഭവവും ഒത്തുചേരുന്ന ഇംഗ്ലീഷ് ചിത്രമാണ് ലെസ് മിസറബിൾസ്.
ഡിയർ ആലിയ ഭട്ട്
നിഷ്കളങ്ക മുഖവും നാട്യമികവിന്റെ പാരമ്പര്യവുമായാണ് ആലിയ ഭട്ട് ബോളിവുഡിൽ തന്റെ മേൽവിലാസം കുറിക്കുന്നത്. അപ്പോഴും ഒരുപാടു സിനിമകൾ എന്നതിനുമപ്പുറം കഥാപാത്രങ്ങളുടെ
ലക്ഷ്യം
ജിത്തു ജോസഫ് എന്ന സംവിധായകൻ മികച്ച ഒരു തിരക്കഥാകൃത്തുകൂടിയാണ്. തന്റെ ചിത്രങ്ങളിൽ ഒരെണ്ണമൊഴിച്ചുള്ള
കെയർഫുൾ
ഒരു തികഞ്ഞ മർഡർ മിസ്റ്റററിയുമായി വി.കെ. പ്രകാശ് കടന്നുവരുന്നു. ചിത്രം കെയർഫുൾ. ഒരു ഇൻവെസ്റ്റിഗേഷൻ
ചില കോമഡി ചിന്തകൾ....
ബ്ലാക്ക് ആൻഡ് വൈറ്റ് തിരശീലയിൽ എസ്.പി. പിള്ളയും ഭാസിയും ബഹദൂറുമൊക്കെയൊരുക്കിയ
ബാഹുബലി –2
തിയറ്ററുകളിൽ വിജയ ചരിത്രം സൃഷ്ടിക്കാൻ ബാഹുബലി 2 ഏപ്രിൽ 28–ന് തിയറ്ററുകളിലെത്തുന്നു. 2015–ൽ മെഗാ വിജയം നേടിയ ചിത്രത്തിന്റെ രണ്ടാം ഭാഗത്തിനായുള്ള
രക്ഷാധികാരി ബൈജു ഒപ്പ്
ബൈജു എന്നു പറഞ്ഞാൽ ഏതു ബൈജു എന്നു ചോദിച്ചേക്കാം. പക്ഷേ, രക്ഷാധികാരി ബൈജു എന്നാണ് പറയുന്നതെങ്കിൽ ഒരു സംശയവുമില്ല. സുപരിചിതനാണ്. കുമ്പളം ഗ്രാമത്തിൽ
അച്ചായൻസ്
കൊച്ചിയിലെ അതിപുരാതനമായ തോട്ടത്തിൽ തറവാട്ടിൽ ഇപ്പോൾ പ്രധാനിയാണ് ടോണി വാവച്ചൻ. വർക്കി വാവച്ചന്റെയും ഏലിയാമ്മ വാവച്ചന്റെയും മകനായ ടോണിയുടെ ഇപ്പോഴത്തെ
റോൾ മോഡൽസ്
റാഫി തിരക്കഥ രചിച്ചു സംവിധാനംചെയ്യുന്ന റോൾ മോഡൽസിന്റെ ചിത്രീകരണം ഗോവയിൽ പുരോഗമിക്കുന്നു.
Deepika Daily dpathram
Rashtra Deepika
Cinema
Sthreedhanam
Sunday Deepika
Business Deepika
Karshakan
Kuttikalude Deepika
Childrens Digest
Chocolate
Career Deepika
Youth Special
[email protected]
4Wheel
Samskarikam
Rashtra Deepika LTD
Copyright @ 2017 , Rashtra Deepika Ltd.