Home   | Editorial   | Latest News   | Local News   | Kerala   | National   | International   | Business   | Sports   | Obituary   | NRI News   | Big Screen   | Health
| Back To Cinema |


എന്തുകൊണ്ട് മാറി നിന്നു?
പാത്രാവിഷ്കാര മിക വുകൊണ്ടു നമ്മുടെ മനസിൽ ഇടംനേടിയ ചലച്ചിത്ര താരങ്ങൾ ഒരുപിടിയുണ്ട്. കാമറയ്ക്കു മുന്നിൽ അവർ ക്കുണ്ടാകുന്ന ഇടവേള ഒരു പക്ഷേ സിനിമ ലോകത്തുള്ളവരേക്കാൾ പെട്ടെന്നോർക്കുന്നതും പ്രേക്ഷകരായിരിക്കും. കുറച്ചു നാളുകളായി ഓരോ മലയാളിയുടേയും ചോദ്യവും അതായിരുന്നു. എവിടെയാണ് ഹരിശ്രീ അശോകൻ..? സിനിമയിൽനിന്നും മാറി നിൽക്കാൻ ആ കലാകാരനെന്തു സംഭവിച്ചു? ഇപ്പോൾ ചോദ്യങ്ങൾക്കെല്ലാം മറുപടി പറയുകയാണ് ഹരിശ്രീ അശോകൻ. ഒപ്പം ഇടവേളയ്ക്കു വിരാമമിട്ടുകൊണ്ടു സിനിമയിലേക്കു വീണ്ടും സജീവമാവുന്നു. പിന്നിട്ട പാതയിൽ കോമഡിയിലൂടെ പ്രേക്ഷക മനസ് കീഴടക്കിയ ഈ കലാകാരൻ തിരിച്ചെത്തുന്നത് ഒരുപിടി കാന്പുള്ള വേഷപ്പകർച്ചയുമായാണ്. ആ വാക്കുകളിൽ ഇപ്പോഴും ആത്മവിശ്വാസമുണ്ട്... ശുഭ പ്രതീക്ഷയുണ്ട്...

ഇടക്കാലത്തു സിനിമകളിൽ സംഭവിച്ച ഇടവേളയ്ക്കു കാരണമെന്തായിരുന്നു?

എന്‍റെ മകളുടെ കല്യാണവും വീടുപണിയുമായി ബന്ധപ്പെട്ടാണ് രണ്ടു വർഷത്തോളം സിനിമയിൽ നിന്നും മാറി നിന്നത്. മകളുടെ കല്യാണത്തിനുള്ള മുഴുവൻ കാര്യങ്ങളും ഒരു സിനിമയുടെ തിരക്കഥ പോലെ ഞാനും എന്‍റെ കുടുംബവും ഒന്നിച്ചാണ് ചെയ്തത്. വീടു പണി തീരാനും രണ്ടു വർഷത്തോളം സമയമെടുത്തു. ആ സമയങ്ങളിൽ ഞാൻ സിനിമ ചെയ്തിരുന്നെങ്കിൽ വൻ നഷ്ടം സംഭവിക്കാമായിരുന്നു. സിനിമ ചെയ്യാത്തതുകൊണ്ടു ലാഭം മാത്രമാണുണ്ടായതും. കാരണം അങ്ങനുള്ള സിനിമകളാണ് അന്ന് എന്നെ തേടി വന്നതും. പിന്നെ വീടുപണ്ക്കായി ഒപ്പം നിന്നതുകൊണ്ട് ഒരു കുറവുകളുമില്ലാത്ത ഒരു വീട് പണിയാൻ സാധിച്ചെന്നാണ് എനിക്കു തോന്നുന്നത്.

മാറി നിന്ന സമയത്തു തേടി വന്ന കഥാപാത്രങ്ങൾ എങ്ങനെയുള്ളവയായിരുന്നു?

അന്നു വന്ന കഥാപാത്രങ്ങളൊക്കെ മുന്പ് ഞാൻ ചെയ്തതിന്‍റെ ആവർത്തനങ്ങൾ മത്രമായിരുന്നു. ഒരു അഭിനേതാവ് എന്ന നിലയിൽ ഒരു കഴന്പില്ലാത്തവയായിരുന്നു തള്ളിക്കളഞ്ഞവയൊക്കെ. സിനിമയിലുള്ള എന്‍റെ സുഹൃത്തുക്കളൊക്കെ എന്‍റെ തീരുമാനമാണ് ശരി എന്നു പറഞ്ഞു. ഒരു പക്ഷെ അത്തരം സിനിമകൾ ചെയ്തിരുന്നെങ്കിൽ ഇൻഡസ്ട്രിയിൽ നിന്നു തന്നെ ഒൗട്ട് ആകുമായിരുന്നു. ഇപ്പോൾ ചെയ്യുന്നതും ഇനി ചെയ്യാൻ പോകുന്ന കഥാപാത്രങ്ങളുമൊക്കെ നമുക്ക് സംതൃപ്തി നൽകുന്നവയാണ്.

സിനിമയിൽ എപ്പോഴും സജീവമായി നിൽക്കാനുള്ള പരിശ്രമമാണ് പലരും കാട്ടുന്നത്. അപ്പോൾ ധൈര്യത്തോടെ മാറി നിന്നത്?

ചില സമയത്ത് സജീവമായാലും മറ്റു ചിലപ്പോൾ മാറി നിൽക്കുന്നതാണു നല്ലത്. നമ്മുടെ മനസിലുള്ളതാണ് കല. സിനിമയിൽ നിന്നു മറി നിന്നപ്പോഴും ഉള്ളിൽ അതുണ്ട്. എന്‍റെ വീട്ടിലും തമാശയാണ് ഉള്ളത്. ന്ധജീവിതത്തിൽ എന്തു ദുഃഖമുണ്ടായാലും അതിൽ തമാശ കണ്ടെത്താനാണ് ഞാൻ ശ്രമിക്കുന്നത്’. ഈ ഡയലോഗ് ഞാൻ പഞ്ചാബിഹൗസിൽ പറഞ്ഞതാണ്. അപ്പോൾ നമ്മുടെ വേദനയൊക്കെ മറക്കും. സിനിമയിലൂടെയും ഷോകളിലൂടെയും മറ്റും പലരുടേയും ദുഃഖം കുറച്ചു നേരത്തേക്കെങ്കിലും മറക്കാൻ കാരണമായിട്ടുണ്ട്. അതൊരു പുണ്യമാണ്. സിനിമയ്ക്കു പുറത്തു നിൽക്കുന്പോഴും എന്‍റെ മനസിൽ തമാശയുണ്ട്. അതിനെ മാറ്റുരച്ചിരിക്കുകയായിരുന്നു ഞാൻ. പിന്നെ എത്ര നാളു മാറി നിന്നെന്നു പറഞ്ഞാലും നമ്മൾ ചെയതുവെച്ച കുറച്ചു കഥാപാത്രങ്ങളുണ്ട്. അതു മതി മലയാളികൾ എന്നെ ഓർക്കാൻ. കാരണം ചാനലിലും മറ്റും ഈ സിനിമകൾ തുടർച്ചയായി കണ്ടുകൊണ്ടിരിക്കുകയാണ്. ഞാൻ സിനിമയിൽ വന്നപ്പോഴുള്ള ഒരു വലിയ സൗഹൃദം എനിക്കൊപ്പം എന്നുമുണ്ട്. അതുകൊണ്ടാണ് സിനിമയിൽ നിന്നു മാറി നിന്നപ്പോഴും എനിക്കു ഒട്ടും പേടിയില്ലാത്തത്. കാരണം അവരൊക്കെ ഇപ്പോഴും സിനിമയിൽ സജീവമാണ്. എനിക്കവരോട് പറയാം. അതിനമപ്പുറം ഈ ലോകത്ത് ആരെല്ലാം ഉപേക്ഷിച്ചാലും എന്‍റെയുള്ളിൽ കലയുണ്ട്. അതാണ് എന്നുമെന്‍റെ ധൈര്യം.

കോമഡിയുടെ സങ്കൽപം മാറി വരികയാണ് സിനിമയിൽ. പുതിയ കാലത്തിലെ കോമഡി ട്രാക്കിനെ എങ്ങനെ കാണുന്നു?

അത് എല്ലാ കാലഘട്ടത്തിലും മാറ്റം സംഭവിക്കുന്നതാണ്. അന്നും ഇന്നും ഒരു മാറ്റവുമില്ലാതെ തോന്നിയിട്ടുള്ളത് ജഗതി ശ്രീകുമാറിൽ മാത്രമാണ്. കോമഡിക്ക് ഒരു നൊന്പരമുണ്ടാകണം. കഥയിൽ വെറുതെ യുള്ള തമാശയല്ലാതെ വേദനയോടൊപ്പമുള്ള തമാശകളാണ് പ്രേക്ഷകർ എന്നും ഓർത്തിരിക്കാറുള്ളത്. അതിന്‍റെ വലിയ ഉദാഹരണമാണ് ചാർളി ചാപ്ലിൻ. അദ്ദേഹത്തിന്‍റെ എല്ലാ തമാശയ്ക്കു പിന്നിലും ഒരു വേദന ഉണ്ടായിരുന്നു. അത്തരം തമാശകളുടെ അഭാവം ഇന്നത്തെ സിനിമയിൽ സംഭവിച്ചിട്ടുണ്ടാകാം.

കോമഡിക്കായി കൊണ്ടു വരുന്ന ദ്വയാർത്ഥ പ്രയോഗം ശ്രദ്ധിക്കാറുണ്ടോ?

ഇടക്കാലത്ത് അതുണ്ടായിരുന്നെങ്കിലും ഇപ്പോൾ അതു മലയാള സിനിമയിൽ തീരെ കുറഞ്ഞിരിക്കുന്നു. ഞങ്ങളുടെ സിനിമകളിലും സ്റ്റേജ് ഷോകളിലും സത്യസന്ധത പുലർത്താൻ എപ്പോഴും ശ്രമിക്കാറുണ്ടായിരുന്നു എന്നും. ചാനൽ ഷോകൾ സിനിമകളിലെ കോമഡിയെ കടമെടുത്ത് തുടങ്ങിയതാണ്. എന്നാൽ ഇപ്ോൾ കുടുംബമായിട്ടിരുന്ന് കാണാൻ പറ്റാത്ത വിധം വൾഗറായി മാറിയിരിക്കുന്നു അവ. അശ്ലീലവും തെറിയുമാണ് അതിൽ കൂടുതലയാട്ടുള്ളത്. അവിടെയൊരു സെൻസറിംഗ് ഇല്ലെന്നതാണ് ഇതിനു പ്രധാന കാരണം.

ഇടവേളയ്ക്കു ശേഷം തിരിച്ചെത്തിയപ്പോൾ സീരിയസ് കഥാപാത്രങ്ങൾ തേടി വരുന്നുണ്ടല്ലോ?

ശ്രീനിവാസൻ ചേട്ടനെ നായകനാക്കി ശ്രീകൃഷ്ണൻ സംവിധാനം ചെയ്യുന്ന പവിയേട്ടന്‍റെ മധുരച്ചൂരൽ എന്ന ചിത്രത്തിൽ വളരെ സീരിയസായ ഒരു കഥാപാത്രമാണ് ചെയ്യുന്നത്. ശ്രീനിയേട്ടന്‍റെ കൂട്ടുകാരനായി കൃഷിയൊക്കെ ചെയ്യുന്ന കുറച്ച് സെന്‍റിമെൻസിലൂടൊക്കെ പോകുന്ന ഒരു ബലമുള്ള കഥാപാത്രമാണത്. പിന്നെ ഹണി ബി 2 വിൽ രണ്ടു സീനിൽ എത്തുന്ന ഒരു കഥാപാത്രമാണ്. എന്നാൽ അത് ഒരു ഗംഭീര വേഷമാണ്. സൗബിൻ സംവിധാനം ചെയ്യുന്ന പറവയാണ് അടുത്തത്. അതിൽ ഒരു മുസ്ലീം അച്ഛൻ കഥാപാത്രമാണ്. മൂന്നു കാലഘട്ടത്തിലൂടെയാണ് അതു സഞ്ചരിക്കുന്നത്. പിന്നെ റാഫിയുടെ ഫഹദ് ഫാസിൽ ചിത്രം റോൾ മോഡൽസാണ് ചെയ്യുന്നത്. പ്രേക്ഷകർ കാത്തിരിക്കുന്ന എന്‍റെ ഒരു കഥാപാത്രമായിരിക്കും റോൾ മോഡൽസിലേത്. അതു പ്രേക്ഷകർക്കു നൂറു ശതമാനം ഇഷ്ടപ്പെടുമെന്നുറപ്പാണ്.

സൗഹൃദത്തിന്‍റെ ബലം സിനിമയിൽ എന്നും ഒപ്പമുണ്ടായിരുന്നല്ലോ?

അത് സിനിമയിലും പുറത്തും എന്നും എനിക്കൊപ്പമുള്ളതാണ്. ദിലീപും ഞാനും ഒന്നിച്ച സിനിമകളിൽ കൂടുതലും വലിയ വിജയം നേടിയവയാണ്. ഇനിയുമത്തരമൊരു ചിത്രമാണ് ഞങ്ങളുടേതായി എല്ലാവരും പ്രതീക്ഷിക്കുന്നത്. ദിലീപ് നിർബന്ധമായി പറഞ്ഞു ചില സിനിമയിലേക്കു എന്നെ വിളിച്ചിട്ടുണ്ട്. പറക്കും തളിക ചെയ്ത സമയത്ത് എനിക്കു വേണ്ടി കാത്തിരുന്നിട്ടുണ്ട്. പറക്കും തളിക ചെയ്യുന്പോൾ ഞാൻ നാറാണത്തു തന്പുരാൻ എന്ന ചിത്രത്തിനായി ഡേറ്റുകൊടുത്തിരിക്കുകയാണ്. സുന്ദരൻ എന്ന കഥാപാത്രം ഞാൻ തന്നെ ചെയ്യണമെന്നത് ദിലീപിന്‍റെ നിർബന്ധമായിരുന്നു. അതൊരു സ്നേഹമാണ്, ഒരു വിശ്വാസമാണ്. അത്തരം ഒരു തിരക്കഥയ്ക്കായി കാത്തിരിക്കുകയാണ് ഞങ്ങൾ രണ്ടുപേരും. ഇതിനിടയിൽ ഞങ്ങൾ തമ്മിൽ പ്രശ്നമുണ്ടായിട്ടാണ് സിനിമ ചെയ്യാത്തതെന്നുവരെ വാർത്ത പരന്നിരുന്നു.

കഥാപാത്രമായിട്ടുള്ള തയ്യാറെടുപ്പ് എങ്ങനെയാണ്?

സംവിധായകൻ കഥ പറയുന്പോൾ തന്നെ ആ കഥാപാത്രം നമ്മുടെയുള്ളിൽ വന്നു പോവുകയാണ്. അതിനായി വലിയൊരു തയ്യാറെടുപ്പ് വേണ്ടി വന്നിട്ടില്ല. പക്ഷെ പഞ്ചാബിഹൗസ് ചെയ്യുന്പോൾ അതിന്‍റെ എഴുത്തിന്‍റെ സമയം മുതൽ മറ്റു ചിത്രങ്ങൾക്കൊന്നും പോകാതെ അത്ര ഇൻവോ ൾവ്ഡായാണ് ചെയ്തത്. ഒരു സിനിമയുടെ കഥയും അതിന്‍റെ തിരക്കഥയും വായിക്കുന്പോൾ നമുക്കറിയാം അതു ഹിറ്റാകുമോ എന്നത്. പഞ്ചാബിഹൗസിന്‍റെ രണ്ടാം ഭാഗം ചെയ്യണമെന്നു റാഫിമെക്കാർട്ടിൻ കുറേനാളു മുന്പെന്നോടു പറഞ്ഞതായിരുന്നു. പക്ഷെ അതേ കഥയിൽ മറ്റൊരു ഹിന്ദിപടം അടുത്തകാലത്ത് ഇറങ്ങി. എങ്കിലും പുതിയൊരു കഥയിൽ പഞ്ചാബിഹൗസ് രണ്ടാം ഭാഗം ഇറങ്ങണമെന്നാണ് ഞാൻ ആഗ്രഹിക്കുന്നത്. അതുപോലെ സിഐഡി മൂസയും രണ്ടാം ഭാഗമിറങ്ങാൻ സാധ്യതയുള്ളതാണ്.

സിനിമയക്കൊപ്പം തന്നെ ഒരു കുടുംബ നാഥനുമാണ്?

വീടിന്‍റെ പേര് പഞ്ചാബി ഹൗസ് എന്നാണ്. മകൾ കല്യാണം കഴിഞ്ഞ് ഭർത്താവിനൊപ്പം ഖത്തറിലാണ്. മകൻ ബിസിനസ് ചെയ്യുന്നുണ്ട്. ഒപ്പം അവൻ നേരത്തെ രണ്ടു സിനിമകളിൽ അഭിനയിച്ചിരുന്നു. ഇപ്പോൾ സൗബിന്‍റെ പറവയിൽ ഒരു മുഴുനീള കഥാപാത്രം ചെയ്യുന്നുണ്ട്. വീടു വെച്ചു താമസം തുടങ്ങിക്കഴിഞ്ഞപ്പോൾ ഞാനും ഭാര്യയും മാത്രമായി വീട്ടിൽ.

എവർ ഗ്രീൻ കഥാപാത്രം രമണൻ സമൂഹ മാധ്യമങ്ങളിൽ സൂപ്പർസ്റ്റാറാണ്?

നമ്മൾ ഇപ്പോൾ സ്ക്രീനിൽ ഇല്ലെങ്കിലും ഫുൾ നിറഞ്ഞു നിൽക്കുകയായിരുന്നു ട്രോളിലൂടെ. സിനിമ ഇറങ്ങി ഇത്ര നാളു കഴിഞ്ഞിട്ടും മലയാളികൾ രമണനെ ഓർത്തിരിക്കുന്നത് ഏറെ സന്തോഷമാണ് നൽകുന്നത്. മുംബൈയിൽ നിന്നും ഒരാൾ എന്നെ വിളിച്ചിരുന്നു. അപ്പോഴാണ് ഞാൻ അറിയുന്നത് രമണൻ ഫാൻസ് തുടങ്ങിയിട്ടുണ്ടെന്ന്. പഞ്ചാബി ഹൗസിലെ ആ കഥാപാത്രത്തിന്‍റെ രൂപവും വേഷവും മുടി കെട്ടി വെച്ചേക്കുന്നതുമൊക്കെ കൗതു കമുള്ളതാണ്. അതായിരിക്കാം രമണൻ ഇത്ര പോപ്പുലറാകാൻ കാരണം.

ഇപ്പോൾ പൂർത്തിയാക്കിയ ചിത്രം?

ചക്കരമാവിൻ കൊന്പത്താണ് ഇപ്പോൾ കഴിഞ്ഞത്. ഈ സിനിമയിൽ രണ്ടു കുട്ടികളാണുള്ളത്. അതിൽ മാസ്റ്റർ ഗൗരവിന്‍റെ അച്ഛനായിട്ടാണ് ഞാൻ അഭിനയിക്കുന്നത്. അഞ്ജലിയാണ് ഭാര്യ. പ്രകൃതിയെ സ്നേഹിക്കുക, ജലം അമൂല്യമാണെന്നു തിരിച്ചറിയുക തുടങ്ങിയ സന്ദേശവും ചിത്രം പറയുന്നുണ്ട്. ചിത്രത്തിൽ എന്‍റെ കഥാപാത്രത്തിന്‍റെ പേര് ദാസനെന്നാണ്. എല്ലാത്തരം ജോലിയും ചെയ്യും. ഭാര്യയേയും കുട്ടിയേയും സ്നേഹിക്കുന്ന ഒരു കഥാപാത്രമാണ്. കോമഡിയും കഥാപാത്രത്തിനൊപ്പം സഞ്ചരിക്കുന്നുണ്ട്. കുടുംബ പ്രേക്ഷകർക്ക് ഇഷ്ടമാകുന്ന ഒരു ചിത്രമയിരിക്കും ചക്കരമാവിൻ കൊന്പത്ത്.

ലിജിൻ കെ. ഈപ്പൻ

രക്ഷാധികാരി ബിജു മേനോൻ
സൂപ്പർതാര പദവിയുടെ ഘനവും വിഷ്വൽ ഇംപാക്ടിന്‍റെ മാന്ത്രികതയും ചടുലതാളവുമില്ലാതെ
ഗോദ
കുഞ്ഞിരാമായണം എന്ന സൂപ്പർഹിറ്റ് ചിത്രത്തിനുശേഷം ബേസിൽ ജോസഫ് സംവിധാനംചെയ്യുന്ന
താരനിരയിലേക്ക് ദീപക്കും
വിനീത് ശ്രീനിവാസൻ മലയാള സിനിമയിൽ സമ്മാനിച്ച യുവതാരനിര ഏറെയാണ്. അവരിൽ ശ്രദ്ധേയമായ മുഖമായിരുന്നു
ഹേമചന്ദ്രൻ (കാമറ സ്ലോട്ട്)
മലയാള ചലച്ചിത്രമേഖലയ്ക്ക് സുവർണശോഭ പകർന്ന എണ്‍പതുകളിൽ ഒട്ടേറെ ചിത്രങ്ങൾക്ക് ഛായാഗ്രഹണം
ഇടവേളയ്ക്കുശേഷം നമിത
രണ്ടുവർഷത്തോളമാകുന്നു നമിതയെ മലയാളസിനിമയിൽ കണ്ടിട്ട്. ട്രാഫിക്കിലൂടെ എത്തി ഒരുപിടി ഹിറ്റ്
അലമാരയിലെ അതിഥി
ആൻ മരിയ കലിപ്പിലാണ് എന്ന ചിത്രത്തിനു ശേഷം മിഥുൻ മാനുവൽ തോമസ് സംവിധാനം ചെയ്ത അലമാര
ഗ്രേറ്റ് ഫാദറിലൂടെ അഭിലാഷ് ഹുസൈൻ
ഇപ്പോൾ തിയറ്ററുകളിൽ നിറഞ്ഞോടുന്ന മമ്മൂട്ടി ചിത്രം ദി ഗ്രേറ്റ് ഫാദറിലെ എസ്ഐ ശ്രീകുമാറിനെ പെട്ടെന്നാരും മറക്കില്ല.
റാണയുടെ സ്വപ്നങ്ങൾ
ബ്രഹ്മാണ്ഡ ചിത്രം ബാഹുബലി മലയാളികൾക്കു പരിചയപ്പെടുത്തിയ താരമാണ് റാണാ ദഗുപതി.
പോക്കിരി സൈമണ്‍
തമിഴ് സൂപ്പർസ്റ്റാർ വിജയ്യുടെ കടുത്ത ആരാധകനായ യുവാവിന്‍റെ കഥ പറയുന്ന ചിത്രമാണ് പോക്കിരി സൈമണ്‍
പൂനം ബജ്വയുടെ കുപാത്ത രാജ
തമിഴകത്തിനും മലയാളികൾക്കും ഒരുപോലെ പ്രിയതാരമായ പൂനം ബജ്വ നായികയാകുന്ന പുതിയ തമിഴ് ചിത്രമാണ് കുപാത്ത രാജ.
വിഷ്ണു നാരായണ്‍ (കാമറ സ്ലോട്ട്)
മികച്ച ലോകസിനിമകളുടെ ഭൂപടത്തിൽ ഇടംനേടിയ മലയാള സിനിമകൾ നിരവധിയാണ്. ഇത്തരം സിനിമകളുടെ
ശിവപുരത്തെ ദിഗംബരൻ (സൂപ്പർ ക്യാരക്ടർ)
ദിക്കുകളെ അംബരമാക്കുന്നവനാണ് ദിഗംബരൻ. നിത്യ ബ്രഹ്മചാരിയായ അവൻ വിവസ്ത്രനാണ്. കൈലാസ നാഥനായ ശിവനെയും ദിഗംബരനായാണ് അവതരിപ്പിച്ചിട്ടുള്ളത്.
ക്യാപ്റ്റൻ: ജയസൂര്യ പുത്തൻ ഭാവരൂപത്തിൽ
ഇന്ത്യൻ ഫുട്ബോൾ കളിക്കളത്തിൽ സമാനതകളില്ലാത്ത ഇതിഹാസതാരമായ വി.പി. സത്യന്‍റെ ജീവിതം
ത്രസിപ്പിക്കാൻ വീണ്ടും തമന്ന
മുഖ ശ്രീയാലും ആകാര മികവിനാലും സൗത്ത് ഇന്ത്യൻ സിനിമ പ്രേക്ഷകരുടെ ഹരമായി മാറിയ നായികയാണ്
തെന്നിന്ത്യന്‍ സൗന്ദര്യം
ഓ​ല​ഞ്ഞാ​ലി​ക്കു​രു​വി​യാ​യി മ​ല​യാ​ളി മ​ന​സി​ലേ​ക്ക് പ​റ​ന്നെ​ത്തി​യ തെ​ന്നി​ന്ത്യ​ൻ സു​ന്ദ​രി നി​ക്കി ഗ​ൽ​റാ​ണി
പ്രൊഫസർ ഡിങ്കൻ
ഒരു സൂപ്പർസ്റ്റാർ പ്രധാന കഥാപാത്രമാകുന്ന ആദ്യത്തെ ത്രിഡി മലയാള ചിത്രം തിരുവനന്തപുരത്ത് ആരംഭിച്ചു
ഏതു വേഷവും ചെയ്യും: ഇനിയ
ബിജുമേനോന്‍റെ സ്വർണക്കടുവയാണ് ഇനിയയെ മലയാളത്തിൽ ശ്രദ്ധേയയാക്കിയത്. അതിനു മുന്പ് ലാൽ
ആകാശമിഠായി
പ്രശസ്ത തമിഴ്നടൻ സമുദ്രക്കനി സംവിധാനംചെയ്യുന്ന ചിത്രമാണ് ആകാശമിഠായി.
നാടകം, സിനിമ, ജീവിതം
സന്തോഷ് കീഴാറ്റൂർ എന്ന പേരിനേക്കാൾ സിനിമകളിലെ കഥാപാത്രങ്ങളിലൂടെയാണ് ഈ കലാകാരൻ മലയാളികളുടെ
അന്നും ഇന്നും സെറീന
എണ്‍പതുകളിലെ കാൽപനികതയായിരുന്നു സറീനവഹാബ്. മദനോൽസവവും ചാമരവും പാളങ്ങളുമെല്ലാം
ആമി
മലയാള സിനിമയിൽ ആദ്യമായി ഒരു എഴുത്തുകാരിയുടെ കഥ പറയുന്ന ചിത്രമൊരുങ്ങുന്നു. ആമി എന്ന ഈ ചിത്രം സംവിധാനം ചെയ്യുന്നത് കമൽ ആണ്.
ഹരി നായർ (കാമറ സ്ലോട്ട്)
ഷാജി എൻ. കരുണിന്‍റെ പിറവി എന്ന ചിത്രത്തിൽ കാമറാ സഹായിയായി പ്രവർത്തിച്ച് സിനിമയിലെത്തിയ ഹരി നായർ
സഖാവ്
നടനും സംവിധായകനുമായ സിദ്ധാർഥ് ശിവ തിരക്കഥ രചിച്ച് സംവിധാനംചെയ്ത സഖാവ് തീയേറ്ററുകളിലെത്തി.
റോഷൻ ആനന്ദത്തിലാണ്.....
പ്രതിഭയുള്ള നിരവധി യുവതാരങ്ങൾ മലയാള സിനിമയുടെ സമസ്ത മേഖലകളിലേക്കെത്തുകയാണിപ്പോൾ
ഹൃദയത്തിലേക്കൊരു ടേക്ക് ഓഫ്
സംഭവകഥയുടെ ആത്മാവിൽ ഭാവനയുടെ ചാരുതയെ ഇഴചേർത്താണ് ടേക്ക് ഓഫ് എത്തിയിരിക്കുന്നത്.
കെയർഫുൾ
വി.കെ. പ്രകാശ് സംവിധാനംചെയ്യുന്ന കെയർഫുൾ എന്ന ചിത്രത്തിലൂടെ ജോമോൾ വീണ്ടും സിനിമയിലേക്കു കടന്നുവരുന്നു
നിഖില വിമൽ സ്റ്റൈലിഷാകുന്നു
ദിലീപ് നായകനായ ലൗവ് 24ഃ7 എന്ന ചിത്രത്തിലൂടെ മലയാളികൾക്കു പരിചിതയായ നായികയാണ് നിഖില വിമൽ.
രവി വർമൻ (കാമറ സ്ലോട്ട്)
മലയാളത്തിൽ തുടങ്ങി തമിഴിലും ഹിന്ദിയിലുമായി സിനിമയുടെ ദൃശ്യഭാഷയ്ക്ക് പുത്തൻ വ്യാഖ്യാനങ്ങൾ
ഒരു സിനിമാക്കാരൻ
വിനീത് ശ്രീനിവാസൻ, രജീഷ വിജയൻ എന്നിവരെ കേന്ദ്ര കഥാപാത്രങ്ങളാക്കി ലിയോ തദേവൂസ്
വിപ്ലവം കൊടികയറുന്ന ഒരു മെക്സിക്കൻ അപാരത
കോളജ് രാഷ്ട്രീ യത്തിന്‍റെ ചുവടുപിടിച്ചെത്തി തിയറ്ററുകളെ ആവേശക്കൊടുമുടിയിലെത്തിക്കുകയാണ്
Deepika Daily dpathram
Rashtra Deepika
Cinema
Sthreedhanam
Sunday Deepika
Business Deepika
Karshakan
Kuttikalude Deepika
Childrens Digest
Chocolate
Career Deepika
Youth Special
[email protected]
4Wheel
Samskarikam
Rashtra Deepika LTD
Copyright @ 2017 , Rashtra Deepika Ltd.