ദോഹ: ഖത്തറിലെ മൈന്റ് ട്യൂണ് വേവ്സ് കുടുംബ സംഗമം കാലിക്കറ്റ് യുണിവേഴ്സിറ്റി വൈസ് ചാൻസിലർ ഡോ. കെ. മുഹമ്മദ് ബഷീറിന്റെ സാന്നിധ്യം കൊണ്ട് ശ്രദ്ധേയമായി. വിഭാഗീയതയും ക്ഷോഭവും ക്രോധവും നിരാശയും ഭയവും ഏറെ പ്രചരിപ്പിക്കപ്പെടുന്ന കാലിക ബോധത്തിൽ സമൂഹത്തിന്റെ മൊത്തം ന·യും സൗഹൃദവും സമാധാനവും ലക്ഷ്യവും, ആശയവും ആദർശവുമാക്കി പ്രവർത്തിക്കുന്ന മൈൻഡ് ട്യൂണ് എക്കോ വേവ്സും വ്യക്തികളുടെ പൊതു സംഭാഷണ ആശയവിനിമയവും, നേതൃത്വ കഴിവുകളും മെച്ചപ്പെടുത്തുന്നതിന് വേണ്ടി പ്രവർത്തിക്കുന്ന മൈൻഡ് ട്യൂണ് വേവ്സ് ടോസ്റ്റ് മാസ്റ്റേഴ്സ് ക്ലബിന്റെയും സംയുക്താഭിമുഖ്യത്തിലാണ് പരിപാടി സംഘടിപ്പിച്ചത്.
വിദ്യാഭ്യാസം ഒരു തുടർ പ്രകിയയാണെന്നും ജീവിത കാലം മുഴുവൻ വിദ്യ അഭ്യസിക്കുവാനും പ്രചരിപ്പിക്കാനും പരിശ്രമിക്കുന്നത് ഏറെ പുണ്യമുള്ള പ്രവർത്തിയാണെന്നും പരിപാടി ഉദ്ഘാടനം ചെയ്ത കാലിക്കറ്റ് യുണിവേഴ്സിറ്റി വൈസ് ചാൻസിലർ ഡോ. കെ. മുഹമ്മദ് ബഷീർ അഭിപ്രായപ്പെട്ടു. അമേരിക്കയിലെ കിംഗ്്സ് യൂണിവേഴ്സിറ്റിയിൽ നിന്നും ഡി.ലിറ്റ് നേടിയ വേവ്സ് ചെയർമാൻ ഡോ. അമാനുല്ല വടക്കാങ്ങര, ഗിന്നസ് വേൾഡ് റെക്കോർഡ് ബുക്കിൽ ഇടംപിടിച്ച നിമിഷ അറഫാത്, ആർട്ടിസ്റ്റ് ബഷീർ ന·ണ്ട തുടങ്ങിയവരെ ചടങ്ങിൽ ആദരിച്ചു.
ബഷീർ ഹസ്സൻ (ഇന്ത്യൻ എംബസി), വേവ്സ് വൈസ് ചെയർമാൻ ബഷീർ വടകര, മൈൻഡ് ട്യൂണ് വേവ്സ് ടോസ്റ്റ് മാസ്റ്റേഴ്സ് ക്ലബ് ഫൗണ്ടർ പ്രസിഡന്റ് വി.സി മഷ്ഹുദ്, മംവാഖ് ജനറൽ സെക്രട്ടറി ഷൗക്കത്ത്, സൗദിയ ഗ്രൂപ്പ് എം.ഡി മുസ്തഫ, ജാഫർ മുർചാണ്ടി, അറഫാത്, ഷമീർ, മുനീറ, ഫാസില എന്നിവർ ചടങ്ങിൽ സംസാരിച്ചു. മൈൻഡ് ട്യൂണ് വേവ്സ് ടോസ്റ്റ് മാസ്റ്റേഴ്സിന്റെ ഉപഹാരം ഡി.ടി.എം. രാജേഷ് വിസി, വൈസ് ചാൻസലർക്ക് കൈമാറി.
അടുത്ത മാസം നംവബർ 3, 4 തീയതികളിൽ ദോഹയിൽ നടക്കുന്ന ഡോ. സി.എ റസാഖിന്റെ മൈൻഡ് ട്യൂണ്, ബിസിനസ് ട്യൂണ് വർക് ഷോപ്പുകളിലേക്കുള്ള രജിസ്ട്രേഷനു വേണ്ടിയും, മാസത്തിൽ രണ്ട് തവണ നടക്കുന്ന മൈൻഡ് ട്യൂണ് വേവ്സ് ടോസ്റ്റ്മാസ്റ്റേഴ്സ് ക്ലബിന്റെ മീറ്റിംഗിൽ പങ്കെടുക്കാനും താൽ്പര്യമുള്ളവർ 77958381, 70753496, 50002633 എന്നീ നന്പറുകളിൽ ബന്ധപ്പെടാവുന്നതാണ്.