ഫുജൈറ: ഗിഹോണ് തിയോളജിക്കൽ സെമിനാരി ഫുജൈറ അൽ ഹേൽ ഗിഹോണ് ഐപിസി സഭാ ഹാളിൽ മോട്ടിവേഷണൽ സെമിനാർ നടത്തി. പ്രശസ്ത മോട്ടിവേഷണൽ സ്പീക്കറും, കൗണ്‍സിലറുമായ പാസ്റ്റർ ജെഫി ഫിലിപ്പ് മോട്ടിവേഷൻ ഇൻ സ്പിരിച്യുൽ ലൈഫ് എന്ന വിഷയത്തിൽ സംസാരിച്ചു.
ലക്ഷ്യബോധവും, ദൈവാശ്രയവും, സ്ഥിരോത്സാഹവും ആത്മീയ, ഭൗതിക ജീവിത വിജയം കൈവരിക്കുന്നതിന് അത്യന്താപേക്ഷിതമാണെന്ന് അദ്ദേഹം പറഞ്ഞു. സെമിനാറിനു ശേഷം വിദ്യാർഥികൾ, മാതാപിതാക്കൾ എന്നിവരുടെ സംശയങ്ങൾക്ക് മറുപടി നൽകി. ഗിഹോണ് സെമിനാരി അധ്യാപകനായ പ്രൊഫ. സ്റ്റീവ് ജെന്നിംഗ്സും (യുസ്എ) ക്ലാസെടുത്തു.
ഗിഹോണ് തിയോളജിക്കൽ സെമിനാരി ഡയറക്ടർ പാസ്റ്റർ എം.വി സൈമണ്‍ മോഡറേറ്ററായിരുന്നു. ഗിഹോണ് സെമിനാരി ചെയർമാൻ ഷാജി ഐക്കര, പ്രിൻസിപ്പൽ ഷിജു സാമുവേൽ, മീഡിയ കോർഡിനേറ്റർ ഡഗ്ളസ് ജോസഫ് എന്നിവർ പ്രസംഗിച്ചു. ലാൻഡ് വേ ന്യൂസ് ചീഫ് എഡിറ്റർ പാ . സന്തോഷ് പന്തളം , പാസ്റ്റർ ബിനു, പാസ്റ്റർ കെ. എസ് എബ്രഹാം , ജോർജി , പാ. റെജി ജോണ് എന്നിവർ പ്രാത്ഥനക്ക് നേതൃത്വം നൽകി. ഷിജോ, ജിജി പാപ്പച്ചൻ എന്നിവർ ക്വയർ നയിച്ചു. ഫുജൈറ, ദിബ്ബ, മസാഫി, ഖോർഫക്കാൻ എന്നിവിടങ്ങളിൽ നിന്നുള്ള നൂറുകണക്കിന് പേർ സെമിനാറിൽ പങ്കെടുത്തു.
റിപ്പോർട്ട്: ഡഗ്ളസ് ജോസഫ്