ദുബായ്: ദുബായ് സെന്‍റ് തോമ്സ് ഓർത്തഡോക്സ് കത്തീഡ്രലിൽ കഷ്ടാനുഭവ ശുശ്രുഷകൾക്കു ഒരുക്കങ്ങൾ പൂർത്തിയായി.
മാർച്ച് 23 വെള്ളി രാവിലെ ഏഴിന് പ്രഭാത നമസ്കാര , നാൽപ്പതാം വെള്ളിയുടെ വിശുദ്ധ കുർബാന തുടർന്ന് കാതോലിക്ക ദിനാഘോഷ പരിപാടികൾ ഇടവകയിലെ ആത്മീയ സംഘടനകളുടെ സഹകരണത്തോടെ നടക്കും . സഭാ പതാക ഉയർത്തൽ, റാലി, പൊതുസമ്മേളനം, കഥാപ്രസംഗം കനൽ വഴികളിലൂടെ മലങ്കരസഭ എന്നിവയും നടക്കും.
മാർച്ച് 24 ശനി വൈകിട്ട് 6ന് സന്ധ്യ നമസ്കാരത്തോടെ വചനിപ്പ് പെരുന്നാൾ ശുശ്രുഷയും തുടർന്ന് ഓശാന ഞായർ ശുശ്രുഷകൾ തുടങ്ങും. രാത്രി 8ന് ഓശാനപ്പെരുന്നാളിന്‍റെ പ്രദിക്ഷണവും തുടർന്ന് കുരുത്തോല വാഴ്വിന്‍റെ ശുശ്രുഷകളും നടക്കും . അടൂർ കടന്പനാട് ഭദ്രാസനാധിപൻ സഖറിയാസ് മാർ അപ്രേം മെത്രാപോലിത്താ മുഖ്യകാർമികത്വം വഹിക്കും.
മാർച്ച് 25 ഞായർ വൈകിട്ട് 7ന് സന്ധ്യാ നമസ്കാരം, വചന ശുശ്രുഷ എന്നിവക്ക് ശേഷം ’വദേ ദാൽ മിനോ’ ശുശ്രുഷയും നടക്കും.
മാർച്ച് 26, 27 തീയതികളിൽ വൈകിട്ട് ഏഴിന് സന്ധ്യ നമസ്കാരത്തെ തുടർന്ന് ധ്യാന പ്രസംഗം ഉണ്ടായിരിക്കുന്നതാണ്. മാർച്ച് 28 നു ബുധൻ വൈകുന്നേരം 6ന് സന്ധ്യ നമസ്കാരത്തെ തുടർന്ന് പെസഹാ കുർബാന മലങ്കരസഭ പരമാധ്യക്ഷൻ പരിശുദ്ധ ബസേലിയോസ് മാർത്തോമാ പൗലോസ് ദിദിയൻ കാതോലിക്കാ ബാവ മുഖ്യ കാർമികത്വം വഹിക്കും.
മാർച്ച് 29 നു വ്യാഴം വൈകുന്നേരം 7ന് സന്ധ്യ നമസ്കാരത്തെ തുടർന്ന് കാൽ കഴുകൽ ശുശ്രുഷ.
മാർച്ച് 30 നു വെള്ളി രാവിലെ 7 മുതൽ ദുഃഖവെള്ളി നമസ്കാരം, ധ്യാനം, കബറടക്ക ശുശ്രുഷ എന്നിവയെ തുടർന്ന് കഞ്ഞി നേര്ച്ച ഉണ്ടായിരിക്കും.
മാർച്ച് 31 ശനിയാഴ്ച രാവിലെ 10 .30 നു വിശുദ്ധ കുർബാന, വാങ്ങിപോയവർക്കായി ധൂപ പ്രാർത്ഥന.വൈകുന്നേരം 6.30നു സന്ധ്യ നമസ്കാരം, രാത്രി നമസ്കാരം , വി. കുർബാന, പ്രദിക്ഷണം, ഉയർപ്പിന്‍റെ ശുശ്രുഷ എന്നിവ ഉണ്ടായിരിക്കും .
ശുശ്രുഷകൾക്കു അടൂർ കടന്പനാട് ഭദ്രസനാധിപൻ സഖറിയാസ് മാർ അപ്രേം മെത്രാപോലിത്ത മുഖ്യ കാർമികത്വവും ഇടവക വികാരി ഫാ. നൈനാൻ ഫിലിപ്പ്, സഹ വികാരി, ഫാ. സജു തോമസ് എന്നിവർ സഹ കാർമികത്വം വഹിക്കുമെന്ന് ഇടവക ട്രസ്റ്റീ ചെറിയാൻ സി. തോമസ്, സെക്രട്ടറി സാബു വർഗീസ് എന്നിവർ അറിയിച്ചു.
കൂടുതൽ വിവരങ്ങൾക്ക് 04 337 11 22
റിപ്പോർട്ട്: അനിൽ സി. ഇടിക്കുള