Home   | Editorial   | Leader Page Article   | Local News   | Kerala   | National   | International   | Business   | Sports   | Obituary   | NRI News   | Big Screen   | Health
Back to Home
നദികളുടെ ഹൃദയതാളമറിയുന്നവർ
നിത്യവും മധുരഗീതം പൊഴിച്ചുകൊണ്ട് സ്വച്ഛന്ദം ഒഴുകിക്കൊണ്ടിരിക്കുന്ന നദികൾ ലോകത്തെമ്പാടുമുണ്ട്. എല്ലാ സാംസ്കാരികത്തനിമയുടെയും അടിവേരുകൾ ചെന്നെത്തുന്നത് നദീതടങ്ങളിലാണ്. ഭാരതത്തിനും ഒരു സിന്ധുനദീതട സംസ്കാരമുണ്ട്. അതിനാലാണ് ലോകത്തെ പല പ്രമുഖ നഗരങ്ങളും ഒരു ചരിത്രാവശിഷ്ടം പോലെ നദികളുടെ തീരത്ത് സ്‌ഥിതിചെയ്യുന്നത്. ചിലപ്പോൾ പുഴകൾക്ക് മനുഷ്യന്റെ സ്വഭാവമാണ്. ഒരു നാണംകുണുങ്ങി പെണ്ണായി ലജ്‌ജിച്ച് തലതാഴ്ത്തിക്കൊണ്ടൊഴുകും. ചുവന്നു കലങ്ങിയ കണ്ണുകളുമായി പുഴയെ ഇളക്കി മറിക്കും.

രൗദ്രഭാവങ്ങളണിഞ്ഞ് കുളിക്കുന്നവനെ മുക്കിക്കൊല്ലും. ക്ഷണനേരംകൊണ്ട് ശാന്തമായി മാറോടണച്ചു സ്നേഹചുംബനങ്ങളാൽ തലോടും. നമ്മുടെ വലിയ നദിയായ പെരിയാർ പ്രകൃതിയെ പുണർന്ന് പ്രണയപരവശയായി ഒഴുകുന്നത് ഞാൻ പലപ്പോഴും കണ്ടിട്ടുണ്ട്. മലയാളിക്ക് അഭിമാനിക്കാൻ പശ്ചിമഘട്ടത്തിൽനിന്ന് ഒഴുകിയെത്തുന്ന നാൽപ്പത്തിനാല് നദികൾ നമുക്കുണ്ട്. അതിൽ പലതും മനുഷ്യന്റെ തൊണ്ട വരണ്ടുണങ്ങിയതുപോലെ രോഗികളാകുന്നു. ഇന്ത്യയിലെ പാവങ്ങളെപ്പോലെ നമ്മുടെ നദികൾ മാറത്തടിച്ച് നിലവിളിച്ചൊഴുകുന്നതെന്താണ്?

പർവ്വതശിഖരങ്ങളിൽനിന്ന് പൊട്ടിച്ചിതറി പെരിയാറിലെത്തുന്ന തെളിനീരിനെക്കുറിച്ച് എത്രയെത്ര കാവ്യങ്ങൾ, ചിത്രങ്ങളാണ് പുറത്തു വന്നിട്ടുള്ളത്. യൂറോപ്പിലെ ഏറ്റവും വലിയ നദിയായ റഷ്യയിലെ വോൾഗ, ലോകത്തെ ചെറിയൊരു സുന്ദരനഗരമായ വിയന്ന ഡാന്യൂബ് നദിയുടെ തീരത്താണ് സ്‌ഥിതിചെയ്യുന്നത്. പത്ത് യൂറോപ്യൻ രാജ്യങ്ങളിലൂടെ പലവിധ പേരുകളാൽ ഈ നദിയൊഴുകുന്നു.
ഫ്രാൻസിലെ വൻ നദിയായ ലോയിർ, പാരീസ് നഗരത്തിലൂടെയൊഴുകുന്ന ശാന്തസുന്ദരിയായ സെൻ, ജർമനിയിലെ റിഹിൻ, ഇറ്റലിയിലെ വൻ നദിയായ റിബർ ഇവ ഒഴുകുന്നത് ഹർഷപുളകത്തോടെ ഞാൻ നോക്കിനിന്നിട്ടുണ്ട്. ഇവരെല്ലാം സ്വന്തം കുഞ്ഞിനെ സംരക്ഷിക്കുന്നതുപോലെയാണ് നദികളെ സംരക്ഷിക്കുന്നത്. ഈ ജലധാരയിലൂടെയെല്ലാം വിനോദസഞ്ചാരികൾ കുട്ടികളുമൊത്ത് തുറസായ ബോട്ടുകളിൽ നവോന്മേഷത്തോടെ യാത്ര ചെയ്യുന്നു. ഈ പുഴകളിലൊന്നും അഴുക്കുപുരണ്ട മാലിന്യങ്ങളോ, രാസമാലിന്യങ്ങളോ ഒഴുകുന്നില്ല. മത്സ്യങ്ങൾ ചത്തുപൊങ്ങുന്നില്ല, ആരും രോഗികളാകുന്നില്ല. നീർച്ചാലുകളും തോടുകളും കിണറുകളും വരണ്ടുണങ്ങുന്നില്ല. അഴിമതിയുടെ ആനച്ചന്തമുള്ള കാമദേവന്മാരാൽ മണൽവാരൽ നടക്കുന്നില്ല. ടൂറിസത്തിന്റെ പേരിലും പല പേരുകളിലും പാവങ്ങളുടെ വിയർപ്പിന്റെ പങ്ക് ചെലവാക്കി സഞ്ചരിക്കുമ്പോൾ നമ്മെ ഭരിച്ച നേതാക്കന്മാർ ബ്രിട്ടനിൽ പലവട്ടം വന്നിട്ടും മാലിന്യങ്ങൾ എങ്ങനെ നിർമാർജനം ചെയ്യണം, നദികളെങ്ങനെ സംരക്ഷിക്കണം എന്നൊക്കെ പഠിക്കാതെ പോയത് എന്താണ്?

ഇംഗ്ലണ്ടിലെ ഏറ്റവും വലുതും വശ്യസൗന്ദര്യം നിറഞ്ഞതുമായ നദിയാണ് തെംസ്. ബ്രിട്ടനിലെ ഏറ്റവും വലിയ നദി സെവനാണ്. താമരയ്ക്ക് സൂര്യനെന്നപോലെ ലണ്ടൻ നഗരത്തിൽ തെംസ് നദി ഒരു പുണ്യമാണ്, സൗന്ദര്യ റാണിയാണ്. അതിൽ കുളിച്ചാൽ ശുദ്ധിവരുമെന്നുള്ള അന്ധവിശ്വാസങ്ങളൊന്നും അവർക്കില്ല. അപകടകാരികളായ ചൂഴികളില്ലാത്ത തെംസിനെ മൂന്നായി തിരിച്ചിരിക്കുന്നു. തെംസ് വാലി, തെംസ് ഗേറ്റ്വേ, തെംസ് എസ്റ്റുയറി. ഇതിൽ തെംസ് വാലി ഓക്സ് ഫഡിലും വെസ്റ്റ് ലണ്ടനിലുമായി ഒഴുകുന്നു. ഈ നദിയുടെ പേരിൽ ധാരാളം സ്‌ഥാപനങ്ങളുണ്ട്. അതിൽ ചിലതാണ് തെംസ് വാലി യൂണിവേഴ്സിറ്റി, തെംസ് വാട്ടർ, സൗത്ത് തെംസ് കോളജ് എന്നിവ. ഇതിനൊക്കെ അവരെ പ്രേരിപ്പിക്കുന്നത് ഒരു നദിയുടെ മഹത്വം അവർ തിരിച്ചറിയുന്നു എന്നതാണ്. ബ്രിട്ടീഷ് സാമ്രാജ്യം പോലെ തന്നെ ജനസാമ്രാജ്യത്തെ അവർ ആദരിക്കുന്നു. ദരിദ്രരാജ്യങ്ങളെക്കാൾ അവർ സമ്പന്നരായത് അല്ലെങ്കിൽ അവരെ സമ്പന്നരാക്കിയത് ഈ നദികളും കടലുമാണെന്നവർക്കറിയാം. അതിന്റെ കാരണം കാലാതീതമായ അറിവാണ്. അറിവുള്ള മനുഷ്യരെന്നും ആരോഗ്യമുള്ള മനസിനുടമകളാണ്. അതവർ കരസ്‌ഥമാക്കിയത് വായനയിലൂടെയാണ്. അല്ലാതെ അഭിനവ സിനിമകൾ കണ്ടല്ല. അത് ബുദ്ധിജീവികളെഴുതിയ അക്ഷരങ്ങളെന്നവർ തിരിച്ചറിയുന്നു. ജലം മനുഷ്യരെ ആശ്രയിക്കുന്നില്ല. മനുഷ്യനാണ് ജലത്തെ ആശ്രയിച്ച് ജീവിക്കുന്നത്.

എന്നിട്ടും ജീവനും ശുദ്ധിയും നല്കിയ, ജീവൻ നല്കുന്ന ശക്‌തിയെ ഭൗതിക പുരോഗതിക്കായി ശ്വാസം മുട്ടിച്ചു കൊല്ലുന്നു. ഒരു പുഴയുടെ സംസ്കാരവും ഹൃദയത്തുടിപ്പും ഉള്ളതുകൊണ്ടാണ് തെംസ് നദി മന്ദഹാസ പ്രഭ ചൊരിഞ്ഞുകൊണ്ട് ഒഴുകുന്നത്. തെംസ് നദിയിലെ ബോട്ടു സവാരി ഒരു വിനോദം മാത്രമല്ല കൗതുക കാഴ്ചകൾ കൂടിയാണ്. ചരിത്രപ്രസിദ്ധങ്ങളായ ബ്രിട്ടീഷ് പാർലമെന്റ്, ചരിത്ര മന്ദിരങ്ങൾ, ദേവാലയങ്ങൾ, ആർട്ടു ഗാലറികൾ, മ്യൂസിയങ്ങൾ, ഉദ്യാനങ്ങൾ, ചരിത്ര സുഗന്ധിയായ ശില്പങ്ങൾ, ലണ്ടൻ ഐ, യൂണിവേഴ്സിറ്റികൾ ഇതിന്റെയെല്ലാം തീരങ്ങളിലൂടെയാണ് തെംസ് ഒഴുകുന്നത്. ചില ഭാഗങ്ങളിൽ വെളുത്ത അരയന്നങ്ങൾ മന്ദം മന്ദം സഞ്ചരിക്കുന്നതും കാണാം.
വർണ വൈവിദ്ധ്യമാർന്ന കാഴ്ചകൾ കണ്ണുകൾക്ക് കുളിർമ നല്കു ന്നുണ്ടെങ്കിലും മലയാളിയായ എനിക്ക് കേരളം പോലെ ഹരിതസുന്ദരമല്ല എന്നാണ് അഭിപ്രായം. നിർഭാഗ്യമെന്ന് പറയട്ടെ ആ ഹരിതസുന്ദരഭൂമിയെ ജാതിമതരാഷ്ട്രീയക്കാർ കളങ്കപ്പെടുത്തിക്കൊണ്ടിരിക്കുന്നു. എന്തിന് പറയണം നദികൾ മാത്രമല്ല ചക്രശ്വാസം വലിക്കുന്നത് മാലിന്യങ്ങൾ പരിസ്‌ഥിതിയെ കാർന്നുതിന്നുകൊണ്ടിരിക്കുന്നു. മലകൾ ഇടിച്ചു നിരത്തി സുന്ദര ഹർമ്യങ്ങളുണ്ടാക്കുന്നു. കാർബൺ പുറത്തേക്ക് തള്ളുന്നതും, കടലിലെ താപനില വർദ്ധിക്കുന്നതും, കാലാവസ്‌ഥ മാറ്റങ്ങളും ആരും ശ്രദ്ധിക്കുന്നില്ല. ഇതിനായുള്ള പഠനഗവേഷണ കേന്ദ്രങ്ങളൊന്നും ഉയരുകയോ വൈകാരികമായി കാണുകയോ ചെയ്യുന്നില്ല. കണ്ണും കാതും അടച്ചിരിക്കുന്ന ഭരണാധിപന്മാരുണ്ടായാൽ നാടിന് നാശമല്ലാതെ മറ്റൊന്നുമുണ്ടാകില്ല. എത്രയെത്ര നദികളാണ് ഇന്ത്യയിലുള്ളത്. എന്നിട്ടും മുപ്പത് കോടിയിലധികം ജനങ്ങൾക്ക് വൈദ്യുതി ലഭിക്കുന്നില്ല. നമ്മുടെ ഭരണാധിപന്മാർ, ഉന്നത ഉദ്യോഗസ്‌ഥർ പാവങ്ങളുടെ പണമെടുത്ത് ഒരു വിനോദസഞ്ചാരിയെപ്പോലെ ലോകം ചുറ്റി സഞ്ചരിക്കുകയാണ്. സ്വന്തം നദികളെപ്പോലും സംരക്ഷിക്കാനറിയാത്തവർ എങ്ങനെയാണ് ഒരു സമൂഹത്തെ സംരക്ഷിക്കുന്നത്?
തെംസ് നദിയിലൂടെ ചെറിയ കപ്പലുകളും സഞ്ചരിക്കാറുണ്ട്. ഉയരം കൂടിയ കെട്ടിടങ്ങളിൽ നിന്ന് താഴേക്കു നോക്കിയാൽ ലണ്ടൻ നഗരം തെംസിന്റെ ശരീരമായി തോന്നും. ഇതിന്റെ മുകളിൽ കുറുകെയായി ധാരാളം ചെറുതും വലുതുമായ പാലങ്ങളുണ്ട്. ഈ നദിയിലൂടെ സഞ്ചരിച്ചാൽ തരംഗമാലകളെ തഴുകിയെത്തുന്ന കുളിർകാറ്റുമാത്രമല്ല, നമ്മൾ സഞ്ചരിക്കുന്നത് സ്വച്ഛജലത്തിലൂടെയെന്ന് തോന്നും. നദിയുടെ ഇരുഭാഗങ്ങൾ ഏറ്റവും ശ്രേഷ്ഠവും സുന്ദരവുമായ വിധത്തിലാണ് കെട്ടിയുയർത്തിയിരിക്കുന്നത്.

ശുദ്ധമായ നദിയിലെ വെള്ളം പോലെ തന്നെ അതിവിശുദ്ധമായ ആദരവും സ്നേഹത്തിന്റെ കരുതലുമാണ് ജനങ്ങൾ കാട്ടുന്നത്. ഇവിടത്തെ നദികൾക്കുപോലും നീതി ലഭിക്കുന്നുണ്ട്. താജ്മഹലിനെ പ്രണയാർദ്രമായി ആലിംഗനം ചെയ്ത് ഗംഗ ഒഴുകുന്നതുപോലെയാണ് ലണ്ടൻ നഗരത്തെ ആലിംഗനം ചെയ്തു തെംസ് ഒഴുകുന്നത്. ഇന്ത്യൻ നദികളിൽ ഒഴുകി നടക്കുന്ന മനുഷ്യമൃഗശവശരീരങ്ങളോ മറ്റ് മാലിന്യങ്ങളോ ഇവിടുത്തെ നദികളിൽ ഇല്ല എന്നുള്ളതാണ് വാസ്തവം. എല്ലാ നദികൾക്കും ശക്‌തവും ശുദ്ധവുമായ ഒഴുക്കാണുള്ളത്. കേരളത്തിലെ നദികൾ നേരിടുന്ന ഭീഷണികളൊന്നും ഇവിടത്തെ നദികൾക്കില്ല. പൗരബോധമുള്ള ജനങ്ങൾ, സർക്കാരുകൾ ക്രിയാത്മകമായ പുഴകളെ സംരക്ഷിക്കാൻ മുന്നോട്ട് വരാത്തതുകൊണ്ടാണ് നമ്മുടെ പുഴകൾ വീർപ്പുമുട്ടുന്നത്. ദുരാഗ്രഹികൾക്കും വിവേകരഹിതർക്കുമേ സൃഷ്ടിയെ സംഹരിക്കാൻ കഴിയൂ. ഇവരൊക്കെ നദികളുടെ ഹൃദയതാളങ്ങൾ തിരിച്ചറിഞ്ഞ് മഹത്തായ ഒരു സംസ്കാരത്തിന്റെ പ്രതിനിധികളാകുന്നത് എന്നാണ്?

കാരൂർ സോമൻ


അടുക്കളയിലെ ആരോഗ്യം; ചില എണ്ണക്കാര്യങ്ങൾ
ഏതുതരം എണ്ണ ഉപയോഗിച്ചാലും അളവു കുറയ്ക്കുക. പാചകത്തിനു നേരിട്ട് ഉപയോഗിക്കുന്ന എണ്ണയുടെ അളവാണു നാം പലപ്പോഴും എണ്ണ ഉപയോഗത്തിെൻറ പരിധിയിൽ കാണുന്നത്. അതല്ലാതെ മറ്റു ഭക്ഷണങ്ങളിൽക്കൂടിയും ഫാറ്റ്(കൊഴുപ്പ്) ശ
കാ​ല്‍​ക്കീ​ഴി​ല​ല്ല ജീ​വി​തം
വി​മോ​ച​ന​ത്തെ​യും വ്യ​ക്തി​സ്വാ​ത​ന്ത്ര്യ​ത്തെ​യും കു​റി​ച്ച് ത​മി​ഴി​ല്‍​നി​ന്ന് ഉ​യ​ര്‍​ന്നു​വ​ന്ന ഏ​റ്റ​വും മൂ​ര്‍​ച്ചയേ​റി​യ വാ​ക്കാ​ണ് വി​ടു​ത​ലൈ ക​വി​ത​യി​ലും പാ​ട്ടി​ലും അ​തു​ല്യ​നാ​യ ഭാ​ര​തി​
ഓട്ട്സ് കഴിച്ചോളൂ പക്ഷേ....
ഇൻസുലിനു ശേഷം ആഹാരം കഴിക്കണം

ചപ്പാത്തി 2–3 എണ്ണം കഴിക്കാം. വണ്ണം കൂടുതലുളള പ്രമേഹബാധിതർക്ക് ഇഡ്ഡലി രണ്ടെണ്ണവും വണ്ണം കുറവുളള പ്രമേഹബാധിതർക്കു മൂന്നെണ്ണവും കഴിക്കാം. ഇൻസുലിൻ എടുക്കുന്ന രോ
ഉദയഗിരി ചുവന്നു.., ഒരു യുഗമുണരുന്നു...
പ്രതീക്ഷ.., ആകാംക്ഷ..
ഓരോ പുതുവർഷപ്പുലരിയിലും മനസുകൾക്ക് വെളിച്ചംപകരുന്നത് ഇതു രണ്ടുമാണ്. ആഘോഷങ്ങൾക്കും ആരവങ്ങൾക്കുമപ്പുറം കൺപോളകൾക്കകത്ത് ഒരു പ്രിയമുഖമുണ്ടാകും, ചുണ്ടിൽ ഒരു ചെറുപുഞ്ചിരിയുണ്ടാകും,
അവധിക്കാലം വെള്ളത്തിൽ
ക്രിസ്മസ് അവധിക്കാലത്തെ കുട്ടികളുടെയും മുതിർന്നവരുടെയും ഏറ്റവും വലിയ ആഗ്രഹമാണ് ഒരു വിനോദ യാത്ര. പക്ഷെ എല്ലാം പ്ലാൻ ചെയ്തു വരുമ്പോഴേക്കും അവധി തീർന്നുപോകും. പിന്നെ ഒരു സിനിമയ്ക്കോ വൈകുന്നേരം ഒരുമിച്ച്
ചിത്രകലയിലെ ഉദയപ്രഭാവം
ഈയിടെ തൃശൂരിൽ നടന്ന ലളിതകലാ അക്കാദമി ചിത്രകലാ ക്യാമ്പിൽ ഉദയകുമാർ വരച്ച ചിത്രം ശ്രദ്ധേയമായി. മഹാഭാരതത്തെ സമകാലീനമായി നോക്കിക്കാണുന്ന പ്രമേയങ്ങളുടെ അടിസ്‌ഥാനത്തിൽ നടന്ന നാഷണൽ ക്യാമ്പായിരുന്നു അത്. യുദ്ധ
പുല്ലാങ്കുഴലിലേക്കു തിരികേ...
കഷ്‌ടിച്ചു മൂന്നോ നാലോ ഹിറ്റ് ഗാനങ്ങളുടെ ട്യൂൺ വായിക്കാറായാൽ ഏതാണ്ടെല്ലാ ഉപകരണസംഗീത വിദ്യാർഥികൾക്കും തോന്നും– ‘ആ, എല്ലാം പഠിച്ചുകഴിഞ്ഞു’!! ആ ചെറിയ അഹങ്കാരമേ പുല്ലാങ്കുഴൽ പഠിച്ചുതുടങ്ങിയ രാജേഷ് എന്ന അഞ
സിംഗപ്പൂരിന്റെ ക്രിസ്മസ്; അവർ ആഘോഷം തുടങ്ങി
സാന്താക്ലോസുമാരുടെ നിര! നരസിംഹത്തിന്റെ മുഖം ദേശീയചിഹ്നമായ സിംഗപ്പൂരിന്റെ മുഖം മാറുന്നു. എങ്ങും ക്രിസ്മസ് ആഘോഷങ്ങൾ. ന്യൂഇയർ ജയഭേരികളും. എവിടെ നോക്കിയാലും വർണതോരണങ്ങൾ, ആഘോഷം, തിരുമധുരം, കരോൾഗായകർ ‘ഹാപ്പ
പ്രഭാതം തൂവൽകുടഞ്ഞ പൂമരക്കൊമ്പ്.., പൊന്നുകൊണ്ടൊരു പങ്കായവും
നാല്പത്തിരണ്ടുപേർ (അതോ കൂടുതലോ) പൂമരംകൊണ്ടുണ്ടാക്കിയ കപ്പലും, കപ്പലിലെ കുപ്പായക്കാരിയെ നോക്കാൻ പൊക്കിയ പങ്കായവും പ്രിയഗാനത്തിൽ നിറയുമ്പോൾ ഓർമപുതുക്കേണ്ട രണ്ടു പഴയപാട്ടുകളുണ്ട്. അതിലൊന്നിൽ പ്രഭാതം തൂവൽ
എന്റെ ഗുരുനാഥൻ
ശ്രീ ചിത്തിര തിരുനാൾ ബാലരാമവർമ മഹാരാജാവിനെ (എന്റെ അമ്മയുടെ അമ്മാവൻ) കാണുവാനായി കവടിയാർ കൊട്ടാരത്തിലെത്തുന്ന അവസരത്തിലാണ് ഞാൻ ആദ്യമായി ബാലമുരളീ സാറിനെ കാണുന്നതും അനുപമമായ ആ നാദധാര അനുഭവിച്ചറിയുന
അപരിചിതനായ സ്നേഹിതാ, വരൂ...
ഒരൊറ്റ സിനിമയിലെ പാട്ടുകൾ സൂപ്പർഹിറ്റുകളായതോടെ ഒരാഴ്ചയ്ക്കിടയിൽ പത്തൊമ്പതു സിനിമകൾക്ക് ഈണങ്ങളൊരുക്കാൻ കരാറൊപ്പിട്ട സംഗീതസംവിധായകനുണ്ട് ഇന്ത്യൻ സിനിമാ ചരിത്രത്തിൽ. വേറാരുമല്ല, മഹാനായ സലിൽ ചൗധരിതന്നെ!.
വാർധക്യം എന്ന അനുഗ്രഹം
ഇത്രയും വയസായി ഇനി ജീവിച്ചിട്ടെന്തു കിട്ടാൻ എന്ന അശുഭഭചിന്തയ്ക്കു പകരം ഈ വയസുവരെ ജീവിക്കാൻ അവസരം ലഭിച്ചത് വലിയ അനുഗ്രഹമാണ് എന്ന തിരിച്ചറിവ് ഉണ്ടാകുന്നത് മഹാഭാഗ്യം തന്നെ. ആ അനുഗ്രഹചിന്ത മക്കൾ, മരുമക്
നെല്ലിക്കുന്നിന്റെ ക്വയർ മാസ്റ്റർ
പള്ളി ക്വയറിന്റെ മാഹാത്മ്യവുമായി ചുരുക്കം ചിലരേ സിനിമാ വല്ലഭന്മാരായിട്ടുള്ളൂ. അതിൽ പ്രഥമഗണ്യനാണ് ജോൺസൺ മാസ്റ്റർ.
വാ വാ യേശുനാഥാ, വാവാ സ്നേഹതാതാ...
ഒരിക്കലെങ്കിലും മൂളിപ്പാടാത്തവരില്ല. ആ ഗാനത്ത
റൂണ ലൈല എന്ന ആശാലത!
അവൾ വന്നു, പാടി, കീഴടക്കി!!
ഒരു ഇരുപത്തിരണ്ടുകാരിയുടെ പാട്ട് 1974ലെ ബോംബെ നഗരത്തെ അക്ഷരാർഥത്തിൽ കോരിത്തരിപ്പിച്ചതിനെ വേറെ ഏതു വാക്കുകൾകൊണ്ടാണ് വിവരിക്കുക.
ബോംബെ ചൗപട്ടിയിലെ ഭാരതീയ വിദ്യാഭവൻ ഹാൾ.
ഷൈനിംഗ് സ്റ്റാർ ഷൈൻ ബനവൻ
ഒരു തയ്യൽ മെഷീനിൽ നിന്നാരംഭിച്ച പരീക്ഷണത്തിലൂടെ തെക്കേ ഇന്ത്യയെ മുഴുവൻ തന്റെ സാന്നിധ്യം കൊണ്ട് അമ്പരപ്പിക്കുന്ന നിലവാരത്തിലേക്ക് വളർന്നിരിക്കുകയാണ് തളിപ്പറമ്പ് സ്വദേശി ഷൈൻ ബനവന്റെ കാനാട്ട് ക്രിയേഷൻസും
രാമക്കൽ മേട്ടിലേക്കു വാ...ഇവിടത്തെ കാറ്റാണു കാറ്റ്...
രാമക്കൽമേട്ടിലെ കാറ്റിന്റെ ഇരമ്പലും മഞ്ഞിന്റെ കുളിരും അവിസ്മരണീയമായ അനുഭവമാണ്. നിറംമങ്ങാതെ നിൽക്കുന്ന ഈ കാഴ്ചകൾക്ക് മഴവില്ലിന്റെ മനോഹാരിതയാണ്. വെൺമേഘങ്ങളെ തൊട്ടുരുമ്മി നിൽക്കുന്ന മലനിരകളും താഴെ നോക്കെ
സുന്ദരഗാനങ്ങളുടെ രാജശില്പി
1988 ഒക്ടോബർ രണ്ടിന് ഇന്ത്യൻ ടെലിവിഷൻ ചരിത്രത്തിലെ ഒരു മഹാസംഭവത്തിനു തുടക്കമായി. ഒരു ശംഖനാദത്തിനു പിൻപറ്റി മഹേന്ദ്ര കപൂർ എന്ന ഗായകന്റെ ശബ്ദത്തിൽ മഹാഭാരത് എന്ന പ്രാരംഭഗാനം മുഴങ്ങിയപ്പോൾ പ്രേക്ഷകർ കോരിത
‘ചിദംബര’സ്മരണ
രസകരമായൊരു ചൊല്ലുണ്ട്– ‘‘കേശാദിപാദം തൊഴുന്നേൻ എന്ന കൃഷ്ണഭക്‌തിഗാനത്തെ വെല്ലുന്ന മറ്റൊരു ഗാനം മലയാളത്തിലുണ്ടെങ്കിൽ അത് ചെത്തി മന്ദാരം തുളസി ആയിരിക്കും., ചെത്തി മന്ദാരം തുളസിയേക്കാൾ ഒരുപടി മുന്നിൽനിൽക്ക
ക്യോം രേ.., ഠീക് ഹേ നാ? ലവ് യുവർ വോയ്സ്?
‘‘നൗഷാദ് സാബ്, നമുക്ക് ഒറ്റത്തവണകൊണ്ടുതന്നെ തീർക്കാൻ ഒന്നു ശ്രമിച്ചുനോക്കിയാലോ’’?
1992ലാണ്. ‘ദക്ഷിണേന്ത്യയുടെ കിഷോർ കുമാർ’ എന്നു വിളിക്കപ്പെട്ടിരുന്ന ഗായകൻ അങ്ങനെ ചോദിച്ചപ്പോൾ വിഖ്യാത സംഗീതസംവിധായക
സന: മുംബൈയിൽ നിന്നൊരു മലയാളി സ്വരം
<ക>‘‘സത്യമായും ഈ പാട്ട് ഇന്നലെ തലയിൽ കയറിക്കൂടിയതാണ്., ഒഴിവാക്കാൻ പറ്റുന്നില്ല. ഉറക്കംപോലും ഇല്ലാതായി. കാരണം വേറൊന്നുമല്ല, എപ്പോഴൊക്കെ ഉറങ്ങാൻ നോക്കിയാലും ഈ പാട്ടു പാടിപ്പോകുന്നു’’!

യുട്യൂബ
‘സംഗീതം ദൈവത്തിന്റെ സമ്മാനം’
കച്ചേരികൾ അവസാനിക്കുന്നിടത്ത് വികാരപരമായ നിമിഷങ്ങളുണ്ട്. ചിലപ്പോൾ നിലയ്ക്കാത്ത കൈയടികളായിരിക്കും. കച്ചേരി കഴിഞ്ഞെന്നു വിശ്വസിക്കാതെ ചിലപ്പോൾ കേൾവിക്കാർ നിശബ്ദരായിക്കും. കലാകാരന്മാരിലുമുണ്ടാകും വിവിധ ര
സൂപ്പർഹീറോസും സൂപ്പർ ഡാഡിയും
ചിത്രകഥകൾ ഇഷ്‌ടമില്ലാത്തതായി ആരാണുള്ളത്? ചെറുപ്പത്തിൽ പലരുടെയും ഹീറോകൾ ഈ ചിത്രകഥകളിലെ കഥാപാത്രങ്ങളായിരിക്കും. ശക്‌തിമാൻ, സൂപ്പർമാർ, സ്പൈഡർമാൻ, ബാറ്റ്മാൻ തുടങ്ങിയ ’മാൻ’മാരെല്ലാം കുട്ടികൾക്ക് പ്രിയപ്പെട
Rashtra Deepika LTD
Copyright @ 2017 , Rashtra Deepika Ltd.