പാ​ട്ടി​ലേ​ക്കു പെ​യ്ത മ​ഴ
മ​ഴ​ക്കാ​ല​മെ​ത്തി​യി​ട്ടും അ​ക്കൊ​ല്ലം ബോം​ബെ​യി​ൽ മ​ഴ കു​റ​വാ​യി​രു​ന്നു. ഇ​ട​യ്ക്കി​ടെ ചാ​റി​യും ഒ​ളി​ച്ചും പി​ണ​ങ്ങി​നി​ന്ന മ​ഴ പി​ന്നെ​യൊ​രു വ​ര​വു​വ​ന്നു. ഏ​താ​ണ്ട് ര​ണ്ടു​ദി​വ​സം തോ​രാ​തെ പെ​യ്തു.

ബ​സു ചാ​റ്റ​ർ​ജി അ​ന്നൊ​രു സി​നി​മ​യെ​ടു​ക്കു​ക​യാ​ണ്. നാ​യി​കാ​നാ​യ​കന്മാ​രാ​യ അ​മി​താ​ഭ് ബ​ച്ച​നും മൗ​ഷ്മി ചാ​റ്റ​ർ​ജി​യും മ​ഹാ​ന​ഗ​ര​ത്തി​ന്‍റെ പാ​ത​ക​ളി​ലൂ​ടെ​യും ഓ​ര​ങ്ങ​ളി​ലൂ​ടെ​യും പ്ര​ണ​യ​പ്പെ​യ്ത്ത് ആ​സ്വ​ദി​ച്ച് ഒ​ഴു​കു​ന്ന​താ​ണ് കാ​മ​റ​യി​ലാ​ക്കേ​ണ്ട​ത്. അ​മി​താ​ഭും മൗ​ഷ്മി​യും അ​ന്നു താ​ര​ങ്ങ​ളാ​യി​ട്ടി​ല്ല. അ​തു​കൊ​ണ്ടു​ത​ന്നെ യ​ഥാ​ർ​ഥ മ​ഴ​യി​ൽ ബോംബെയു​ടെ വി​വി​ധ കേ​ന്ദ്ര​ങ്ങ​ളി​ൽ​നി​ന്ന് ബ​സു ചാ​റ്റ​ർ​ജി മ​നോ​ഹ​ര​മാ​യി ദൃ​ശ്യ​ങ്ങ​ൾ ഫി​ലി​മി​ലാ​ക്കി. മ​നോ​ഹ​ര​മാ​യൊ​രു പാ​ട്ടാ​യി​രു​ന്നു പ​ശ്ചാ​ത്ത​ല​ത്തി​ൽ- രിം ​ജിം ഗി​രേ സാ​വ​ൻ (മ​ൻ​സി​ൽ, 1979).

സാ​ധാ​ര​ണ ഗാ​ന​ചി​ത്രീ​ക​ര​ണ​വേ​ള​യി​ൽ പ​ശ്ചാ​ത്ത​ല​ത്തി​ൽ ആ ​പാ​ട്ടു പ്ലേ ​ചെ​യ്യു​ന്ന​തു പ​തി​വാ​ണ്. സെ​റ്റു​ക​ളി​ലോ നി​യ​ന്ത്രി​ത ലൊ​ക്കേ​ഷ​നു​ക​ളി​ലോ ആ​ണെ​ങ്കി​ൽ മാ​ത്രം. എ​ന്നാ​ൽ ഇ​തു​പോ​ലൊ​രു വ​ൻ​ന​ഗ​ര​ത്തി​ൽ, മ​ഴ​യി​ൽ ഷൂ​ട്ടു ചെ​യ്യു​ന്പോ​ൾ അ​തു മി​ക്ക​വാ​റും അ​സാ​ധ്യം. അ​ഭി​നേ​താ​ക്ക​ളു​ടെ മ​നോ​ധ​ർ​മ​മ​നു​സ​രി​ച്ചു ചെ​യ്യാ​ൻ വി​ടു​ക​യാ​യി​രു​ന്നു സം​വി​ധാ​യ​ക​ൻ. അ​തേ​ക്കു​റി​ച്ച് നാ​യി​ക മൗ​ഷ്മി ചാ​റ്റ​ർ​ജി പി​ന്നീ​ട് ഇ​ങ്ങ​നെ ഓ​ർ​മി​ച്ചി​ട്ടു​ണ്ട്: ""ഷൂ​ട്ടിം​ഗി​നു മു​ന്പ് പാ​ട്ട് ഒ​ട്ടേ​റെ​ത്ത​വ​ണ കേ​ട്ടി​രു​ന്നു. പി​ന്നെ ഞ​ങ്ങ​ളോ​ടു പോ​കാ​ൻ പ​റ​ഞ്ഞി​ട​ത്തൊ​ക്കെ പോ​യി, പ്രൊ​ഡ​ക്്ഷ​ൻ ടീം ​അ​തെ​ല്ലാം കാ​മ​റ​യി​ലാ​ക്കി. അ​മി​താ​ഭ് അ​ന്ന് പു​തു​മു​ഖ​മാ​ണ്. ഞാ​നും ഏ​താ​നും സി​നി​മ​ക​ൾ മാ​ത്ര​മേ ചെ​യ്തി​രു​ന്നു​ള്ളൂ. ഷൂ​ട്ടിം​ഗ് ആ​ണെ​ന്നു ആ​ളു​ക​ൾ തി​രി​ച്ച​റി​യു​ന്പോ​ഴേ​ക്കും ഞ​ങ്ങ​ൾ അ​വി​ടെ​നി​ന്നു കാ​റി​ൽ​ക്ക​യ​റി പോ​യി​രി​ക്കും. ആ ​പാ​ട്ടി​ന്‍റെ ചി​ത്രീ​ക​ര​ണ​വേ​ള​യി​ലാ​ണ് ഞാ​ൻ ശ​രി​ക്കും ബോം​ബെ​യു​ടെ പ്ര​ധാ​ന കാ​ഴ്ച​ക​ൾ ക​ണ്ട​ത്''.

പാ​ട്ടി​ലേ​ക്കു വീ​ണ്ടും വ​രാം. ബ​സു ചാ​റ്റ​ർ​ജി​യു​ടെ മ​ൻ​സി​ൽ എ​ന്ന ചി​ത്ര​ത്തി​ലെ ഏ​റ്റ​വും ശ്ര​ദ്ധി​ക്ക​പ്പെ​ട്ട പാ​ട്ടാ​ണ് രിം ​ജിം ഗി​രേ സാ​വ​ൻ. യോ​ഗേ​ഷി​ന്‍റെ വ​രി​ക​ളി​ലും ആ​ർ.​ഡി. ബ​ർ​മ​ന്‍റെ സം​ഗീ​ത​ത്തി​ലും കാ​ല​വ​ർ​ഷ​ത്തി​ന്‍റെ ശ​ക്തി​യും സൗ​ന്ദ​ര്യ​വും നി​റ​ഞ്ഞി​രു​ന്നു. മ​ഴ​യു​ടെ ത​ണു​പ്പും പ്ര​ണ​യ​പ്പ​നി​യു​ടെ ചൂ​ടും അ​തി​ൽ വീ​ശി​യ​ടി​ച്ചു. യോ​ഗേ​ഷും ആ​ർ.​ഡി. ബ​ർ​മ​നും മി​ക​ച്ച കൂ​ട്ടു​കെ​ട്ടാ​ണെ​ന്ന് പാ​ട്ടു തെ​ളി​യി​ച്ചു. (എ​ഴു​പ​തു​ക​ളു​ടെ അ​വ​സാ​നം മി​ക​ച്ച പാ​ട്ടു​ക​ളു​ണ്ടാ​ക്കി​യ അ​വ​ർ​ക്കു​ പ​ക്ഷേ പെ​ട്ടെ​ന്നൊ​രു​നാ​ൾ പി​ണ​ങ്ങി​പ്പി​രി​യേ​ണ്ടി​വ​ന്നി​ട്ടു​ണ്ട്. ഒ​രു സി​നി​മ​യു​ടെ ച​ർ​ച്ച​യ്ക്കാ​യി പ​ഞ്ച​മി​ന്‍റെ പാ​ട്ടു​മു​റി​യി​ലേ​ക്ക് ക​യ​റി​ച്ചെ​ന്ന യോ​ഗേ​ഷി​നെ​ക്കു​റി​ച്ച് അ​ദ്ദേ​ഹ​ത്തി​ന്‍റെ അ​സി​സ്റ്റ​ന്‍റ് സ​പ​ൻ ച​ക്ര​വ​ർ​ത്തി ബം​ഗാ​ളി​യി​ൽ മോ​ശ​മാ​യ​തെ​ന്തോ പ​റ​ഞ്ഞു. യോ​ഗേ​ഷി​നു ബം​ഗാ​ളി മ​ന​സി​ലാ​കു​മെ​ന്ന് സ​പ​ൻ അ​റി​ഞ്ഞി​രു​ന്നി​ല്ല. യോ​ഗേ​ഷ് പ​ഞ്ച​മി​നോ​ട് ഇ​ത്ര​യും പ​റ​ഞ്ഞ് ഇ​റ​ങ്ങി​പ്പോ​യി- എ​നി​ക്കു ബം​ഗാ​ളി അ​റി​യാം. നി​ങ്ങ​ളു​ടെ സി​നി​മ​ചെ​യ്യാ​ൻ എ​നി​ക്കു ക​ഴി​യി​ല്ല. പ​ക​രം ബ​ക്ഷി സാ​ഹി​ബി​നെ വി​ളി​ച്ചു​കൊ​ള്ളു​ക. ഇ​ത്ര​യും നാ​ള​ത്തെ അ​വ​സ​ര​ങ്ങ​ൾ​ക്കു ന​ന്ദി. പി​ന്നീ​ട് ഏ​റെ നാ​ളു​ക​ൾ​ക്കു​ശേ​ഷ​മാ​ണ് തെ​റ്റി​ദ്ധാ​ര​ണ​ക​ൾ പ​റ​ഞ്ഞു​തീ​ർ​ത്ത് ഇ​രു​വ​രും ഒ​രു​മി​ച്ചു പ്ര​വ​ർ​ത്തി​ച്ച​ത്).

മ​ൻ​സി​ലി​ൽ ഈ ​പാ​ട്ടി​ന്‍റെ ര​ണ്ടു പ​തി​പ്പു​ക​ൾ ഉ​പ​യോ​ഗി​ച്ചി​ട്ടു​ണ്ട്. കി​ഷോ​ർ കു​മാ​ർ പാ​ടി​യ അ​ർ​ധ​ശാ​സ്ത്രീ​യ ട്രാ​ക്കാ​ണ് കൂ​ടു​ത​ൽ ഹി​റ്റാ​യ​ത്. ഒ​രു വീ​ട്ടി​ൽ ന​ട​ക്കു​ന്ന ച​ട​ങ്ങി​ൽ അ​മി​താ​ഭ് പാ​ടു​ന്ന​താ​യു​ള്ള ആ ​പാ​ട്ട് കി​ഷോ​ർ കു​മാ​റി​ന്‍റെ​യും ഇ​ഷ്ട​ഗാ​ന​ങ്ങ​ളി​ലൊ​ന്നാ​യി​രു​ന്നു. ല​താ മ​ങ്കേ​ഷ്ക​റി​ന്‍റെ ശ​ബ്ദ​ത്തി​ലു​ള്ള പാ​ട്ടാ​ണ് അ​സ​ൽ മ​ഴ​യി​ൽ ചി​ത്രീ​ക​രി​ച്ച​ത്. അ​ല്പം​കൂ​ടി ഉ​യ​ർ​ന്ന ടെ​ംപോയി​ൽ വേ​റെ വ​രി​ക​ളോ​ടെ​യാ​ണ് ഈ ​പ​തി​പ്പ്. ഏ​താ​ണ് കൂ​ടു​ത​ൽ മി​ക​ച്ച​ത് എ​ന്ന ത​ർ​ക്ക​ങ്ങ​ളും തീ​ർ​പ്പു​ക​ളും ആ​രാ​ധ​ക​ർ​ക്കി​ട​യി​ൽ പ​തി​വാ​ണ്. ആ​ലാ​പ​ന​ത്തി​ന്‍റെ കാ​ര്യ​ത്തി​ൽ കി​ഷോ​ർ പാ​ടി​യ​താ​ണ് മി​ക​ച്ച​തെ​ന്ന് പ​റ​യു​ന്പോ​ഴും ചി​ത്രീ​ക​ര​ണം കാ​ണു​ന്പോ​ൾ ല​ത പാ​ടി​യ പ​തി​പ്പി​നോ​ടാ​ണ് കൂ​ടു​ത​ലി​ഷ്ട​മെ​ന്ന് പ​ല​രും സ​മ്മ​തി​ക്കു​ന്നു.

ബോം​ബെയി​ലെ ബ​സ് സ്റ്റാ​ൻ​ഡു​ക​ൾ, പാ​ത​ക​ൾ, ക​ട​ൽ​ത്തീ​ര​ങ്ങ​ൾ... ഇ​ന്ന​ത്തെ മും​ബൈ​യു​മാ​യി താ​ര​ത​മ്യം ചെ​യ്യാ​ൻ പോ​ലും ക​ഴി​യാ​ത്ത കാ​ലം. സൗ​മ്യ​മാ​യ, തി​ര​ക്കു​കു​റ​ഞ്ഞ, റൊ​മാ​ന്‍റി​ക് ആ​യ ബോം​ബെ. അ​ന്ന് മ​ഴ ശ​രീ​ര​ത്തെ ന​ന​യ്ക്കു​ക​യും മ​ന​സി​നെ ത​ണു​പ്പി​ക്കു​ക​യും മാ​ത്ര​മേ ചെ​യ്തി​രു​ന്നു​ള്ളൂ.. ഇ​ന്ന​ത്തെ​പ്പോ​ലെ ന​ഗ​ര​ത്തെ വെ​ള്ള​ത്തി​ൽ താ​ഴ്ത്താ​റി​ല്ല.
വ്യ​ത്യാ​സ​മി​ല്ലാ​ത്ത​ത് പ്ര​ണ​യ​ത്തി​ന്‍റെ ക​ന​ലി​നു​മാ​ത്രം...

ഹരിപ്രസാദ്


Copyright @ 2022 , Rashtra Deepika Ltd.